布比豬's Profile

4個人叫左個大既海鮮拼盤，一上枱大家都好驚喜，有龍蝦，麵包蟹，長腳蟹，螺啦蝦啦車厘蜆，唔知有無數漏，傾開計原來個廚之前係銅鑼灣le marron主廚架，唔怪得個seafood mountain咁似曾相識啦，好正好新鮮好甜，d蝦仲係西貢入貨包新鮮，呢個必食。佢有手工啤賣仲可以byob都係30蚊，西貢市區呢點已經好吸引。我叫左個青瓜荔枝mocktail, 俾我食晒d青瓜肉，佢係中碎左d青瓜，食落卜卜脆唔停口。再來叫左法國手工菜油浸鴨，用鴨油浸足幾日再煎，皮夠脆肉質估唔到咁鬆化唔油膩喎。仲叫左牛扒啦，五成熟好juicy好味。甜品最愛apple crumble,好香牛油味唔太甜，仲有creme brulee，個焦糖面用匙一敲落去果下好清脆，仲見到粒粒雲呢嗱籽真材實料。朋友叫左個香蕉卷，我唔食香蕉唔知咩味，不過朋友就清左碟。食物質素高食材新鮮，服務抵讚細心，不停換碟，食甜品果陣仲俾杯凍水你，會再去幫襯。…Read More

之前睇台灣飲食節目而來幫襯,流心奶黃牛角包好掂,最好趁熱食!燒春雞好juicy好好味,不過個牛柳就麻麻地.今次再來係想食返燒春雞同試下其他野,叫左個fish and chips,見人叫大大份,由於2個side dish都有沙拉同薯條,咁我問可唔可以轉左春雞個薯條做多沙拉,佢又得喎抵讚,太多薯條2條友食唔晒嘛.上次試左桃茶ok不過覺得淡,食fish & chips唔襯桃茶,叫左個啤酒佢地話係香港製造既手工啤酒$38抵飲,就一於試下,好香日本柚子味仲有麥芽香甜味,好好飲呀!呢個出面好似唔見有,好值得試下.佢地有2款下次可以試埋另一隻話會濃d.…Read More

一行十一人由東涌行山入大澳,之前係食飯網睇過見呢間食小菜好似唔錯就決定試下,一入大澳已經見到佢招牌,見燒鵝要45分鐘前預訂就順便訂埋位.七點左右去到地方好大,點菜都係照飯網人食嘜我食嘜,再叫哥仔推介,哥仔好細心介紹每款菜仲見我地人多某d送就加多半份岩岩夠食,服務抵讚,我地叫左八樣送好夠食,埋單位位$110仲送埋好清潤既雪梨雪耳糖水,個個都話好抵…Read More