monmon1008's Profile

千両係咁多間連鎖日本餐廳我最愛，但平時晚市都幾貴🫣所以平日經過都會去食個下午茶😆認真抵食全部都係高級壽司，魚生新鮮，仲要係吞拿魚海膽呢類平時單叫都$50起既壽司，誠意滿滿🤩壽司飯保持水準，呢個時間靜靜地食返個滿足既下午茶，呢個價錢壽司質素真係抵食到暈🤤我次次都會加個海膽軍艦🤭食完真係好滿足😬$300買個開心好值得食飽飽又努力搵錢啦，大推🥳同埋千両既staff我覺得都比其他連鎖壽司既staff有禮貌🥳…Read More

啱啱做完手術又唔可以食生冷嘢，咁啱經過拉麵來，有個限時海膽三文魚子拉麵。又可以滿足我食海膽嘅慾望。，一貫水準食完唔會口渴，賣相又好，食完啱啱好又唔會滯，佢呢個海膽拼三文魚子拉麵，出奇地又好夾。原來三樣野結合咁出色，相信你廚師自己都試過無數次先推出，不過而家唔知仲有限定王😛呢間真心推介，仲有檸檬水任斟，店主熱情有禮，環境舒適，可能呢個價錢而家呢個市道真係未必會咁多人食，平日下晝去得我一枱，希望大家多啲去啦，唔好令佢消失…Read More

每次去到大圍都一定會食呢一間茶餐廳，每次都係叫孖寶，孖寶即鋪頭招牌孖寶。椒鹽豬扒飯同生煎鹹肉餅飯。椒鹽豬扒入味，每次嚟嗰個味都一樣，而且嗰個汁入味，飯都食晒😛生煎肉餅飯熟到啱啱好唔會太嚡，而且肉質新鮮。簡簡單單已經好好味，可以真係唔使大魚大肉或者好貴呢啲人仔嘅餐廳係好值得保留。無餐但叫野飲有半價，每次嚟都覺得物超所值。睇到其他食評話服務態度好差，其實啲侍應都好有禮貌，喺埋單個叔叔比較Cool😆但幾十蚊又咁好味既飯唔好咁高要求啦…Read More

九龍城既咖啡店，差不多食左九成。呢間今日去左幾間想去既鋪頭已經執左。行到身水身汗就試下呢間啦，環境舒適，食物味道驚喜，賣相吸引😋係九龍城既滄海遺珠。避風塘蟹意粉，中西合璧既菜式，估唔到避風塘可以咁夾意粉🍝份量適中😙紅蝦意大利飯，一到台賣相驚艷😜食落好多香草加上芫荽苗和紅蝦，三文魚子。顛覆咗我對意大利飯嘅感覺。咖啡拉花用心。之後先發覺呢間咖啡店又好靚嘅拉花😎之後叫店員俾啲餐牌我哋諗住記低食埋呢跟住店員就介紹我哋食芝士開心果蛋糕🍰。再一次驚灧我嘅味蕾😏誠意推介呢間隱世咖啡店☕️…Read More

港式點心車茶樓買少見少，偶爾放假去回憶下童年，好多食評都話服務態度好差，但我每一次都會有個叔叔幫我搵位，如果唔係佢幫手真係唔識搵，好多失傳已久嘅港式點心，蒸芒果布甸，叉燒菠蘿包，芋頭酥，豬潤燒賣，豬肚燒賣，老實講點心水平只是一般，但呢度就係食回憶，人情味，好耐之前喺度食過千層酥，而家好似冇咗了。希望大家支持呢啲舊式嘅酒樓，唔好等到佢執笠或者去到博物館先見到，申請呢啲香港獨有嘅文化，同埋特色。快啲去搵你嘅童年回憶。…Read More

有水準酸菜魚，九龍城隱世酸菜魚，我選鹹水淡水魚，叫其他配料可以擺埋一齊落去煮，各樣食材新鮮，可選大中小辣，味道出色之餘不會口渴，用心酸菜魚小店，另有涼拌小菜小食，但我每次都叫酸菜魚已經10分滿足，值得支持，留意營業時間，唔好摸門釘，另外老闆員工態度良好，樓有有房可以一大班朋友聚會，另外可選海鮮刺身。喺我心目中嘅香港酸菜魚第一名。快啲同朋友一齊去試試，價錢合理。鍾意食大辣嘅朋友都可以試試。九龍城打鼓嶺道…Read More

呢間荃灣日日都排長龍，咁多年都無食過，今日有啲時間就排下，排左十分鐘，要寫定紙仔阿姐即時執齊比你，你都欣賞姐姐細心會將你點嘅順序排列，咁就分到咩味啦，食左開心果味同榛子味，兩個都好好味，皮薄餡多，又唔會勁甜正🤣仲有芝麻花生同豆沙腰果，但果幾個味道冇試過，所以唔知好唔好味😂但總括嚟講唔鍾意排隊既我，我都覺得係值得排嘅，下次試埋旁邊嘅餃子蘿蔔糕，個邊都要排係條龍短D,聽屋企人講佢開左起碼廿年、咁多年都係咁好生意，鍾意佢咁好生意都冇加價，都係平民價錢值得支持小店😉…Read More

突然紅日最後一日想食Osmakase,因為無book位，見呢間新開comments 唔錯就膽粗粗試試，訂位後餐廳會Whatapp 確定訂位，要每位$500 Deposit ,為左食材新鮮同謝絕飛機友,咁我一心去食又唔怕比，到達餐廳就會退返了,環境舒適，餐廳服務良好 ，食材新鮮，$880位+10%per people ,價錢親民，😎雖然香港人主理，但食得出每道菜件壽司都有用心制作，師傅仲會問食唔食得飽 ，食埋個甜品岩岩好最尾重有甜品蕃茄，顛覆我嘅思想，蕃茄配埋啫喱，酸酸甜甜🥰滿足既一餐，下次會黎試埋Dinner…Read More

佛跳牆驚喜，實在太吸引，食到一平先記得影相🥳🥳由於成日去食其他野無影低相，腐皮卷，蝦多士，送酒一流☺️另外新出個鱔燒到岩岩好。食落似鰻魚口感，但又有膳既鮮味🥰🥰…Read More