liushomeming's Profile

間中都會約埋朋友, 同事晚飯聚會, 自從新冠肺炎疫情, 實施了限聚令, 又要限制社交距離, 大家都盡量留在家中, 出外晚飯也少了, 至最近限制令放寬, 相約一起出來晚飯聚舊.這店自九十年代已經營, 至今發展到人氣旺, 烹調小菜也保持水準, 值得約大夥兒來個晚飯.裡面兩個舖位打通, 裝修雖然陳舊, 但重點在於小菜燉湯都深受食客歡迎, 經歷這次已達半年的疫情, 仍可繼續營運, 不無道理.幾味小菜其中的豉汁蒸鱔, 骨髓燴三鮮, 雞腳燉螺頭湯, 好耐沒品嘗, 仍然有以前幫襯露天大排檔,有鑊氣, 又夠熱又好味, 喜歡廣東菜的, 都會到這間作為考慮之列.食小菜邊飲啤酒, 天時暑熱真係一樂也, 唯要考究價錢未夠實惠.…Read More

深水埗有好多食店, 普遍都是比較其他區便宜, 但未必是平嘢冇好. 其中一間抵食又好食麵店就是這間.晚飯時間與友人入到去, 大熱天時冷氣涼快, 左右兩邊放枱櫈, 通道闊落, 坐底隨即點一個雲吞撈麵, 一個牛腩湯河, 腐乳通菜, 魚皮...等, 冇耐就逐一送上, 撈麵底稍嫌乾身, 但雲吞好大粒, 午腩未夠淋但湯河夠滑, 油菜夠味, 魚皮脆口, 整體有水準, 勝在價錢經濟.…Read More

在界限街, 掂行掂過, 都可以隨時走甩這小店的存在, 在對面馬路反而看到清楚“小蓉麵家”, 入內環境份外舒適, 很多人鍾意坐卡座, 但隔鄰圓枱坐四位還是闊落.看看餐牌, 價錢比較實惠, 一碗雙拚麵都是35元, 出面其他餐廳係唔止呢個價錢, 再叫碟油菜和豆漿, 都係加17元. 而且雲吞麵味道好, 雲吞夠大粒.這裡裝潢頗有中國傳統特色, 水墨畫窗花更添一份色彩.…Read More

在這個新冠疫情蔓延時, 飲食業備受影响, 社交距離, 限聚令界線下, 就像打梗淘汰賽, 仍可維持良好食品和服務水準, 已可當作贏了一半！今晚在此餐廳享用的豬扒湯河, 以冬蔭公為湯底, 味道濃郁, 份量十足, 另外的腐乳通菜鹹淡適中, 炒菜配料多選擇, 還有馬拉盞, 蒜蓉...等, 特飲亦各具特色, 整體實在值得一再品嚐.…Read More

位於北帝街和馬頭圍道街角的茶餐廳，兩邊玻璃窗都望到馬路景，份外感覺開揚，印象中早在一年前在此餐廳食過晚飯，味道還可以算得上，今次前來食個早餐，又看看水準如何。在餐牌看到的早餐種類，雖不算種類繁多，但都容易選擇，價錢亦都公道，叫咗沙爹牛肉一丁，轉一丁麵須加$5元，配炒蛋和油多，熱咖啡提提神，這個沙爹牛肉一丁，味道不錯，沙茶牛肉香軟不靭，麵底份量足，夠飽肚，待應服務態度殷切，內裡環境多卡座，坐得舒適之餘，走廊通道亦暢通無阻，整體環境乾淨企理。…Read More

好耐沒到這間素菜館，之前只為了買份小菜和店舖出名的薑茶菊花和雲石芝士蛋糕外賣，今次行經這間食店，又正值是下午茶時間，往店內坐底抖下，叫咗羅漢上素湯麵，飲品揀咗桑椹醋，其實佢哋還有檸檬醋和其他醋類飲品，食品送上，那個桑椹醋不太酸，味道還像蘋果汁，飲落開胃怡神，而這個湯麵的材料豐富，絲瓜，菇類，紅蘿蔔片，如果有菜就更加好，湯底清淡，麵質軟綿，若然加配少許鹽味道更好，這是個人口味，口味各人不同，內部環境環境姡靜，坐得舒適自在。…Read More

適逢今天是驚蟄，鵝頸橋底人流眾多，都預咗要排長龍等，事前走去霎東街附近找間食店醫肚餓為先，入到這間合和荳品店，見到其他顧客 食糯米雞食到津津入味，我仍都想試試，即叫一份糯米雞，再加杯桂圓豆漿，等了片刻，隨即送上熱騰騰的糯米雞， 打開塊荷葉都好燙手，食落味道不錯，糯米咬落有口感，材料亦豐富，只是這杯桂圓豆漿未夠熱，好在杯底有大大粒龍眼肉，要批評的就是餐具不足，只有叉沒有匙沒有筷子在枱頭，要叫到待應姐姐才送上，整體來講，此店應是做外賣多於堂食。…Read More

午飯時間，胃口麻麻，只想食粥不想吃飯，行了幾個街口，終於找到這間粥品店，無論舖面和店內環境都是普通的舊式粥店，燈光用光管加上白色磁磚，環境其實好光猛，但更加容易看到陳舊的感覺，叫咗皮蛋瘦肉粥，蘿蔔糕，蘿蔔糕非常鬆軟亦大份量， 皮蛋瘦肉粥粥底多火喉，材料亦都充足， 其實食粥都可以好飽肚，這店貼在牆上的餐牌有多款選擇，雙拚粥單拚粥各款都多樣化，難得有提供魚雲和鮑片做配料，價錢亦都是四十元左右，論價錢雖然比三年前貴了十元，但只要味道可保持水準，美味粥品仍是好選擇，尤其是冬天時節，食碗熱粥全身暖晒。…Read More

本來朋友們的聚腳地都在太子的牛車水餐廳，不過早在數年前，此店的租約期滿不續租而告終，及後在西九龍中心仍有這間牛車水餐廳，內部裝修與之前的截然不同，這間是沒有電視收看，但仍然有多張卡座選坐，亦不失為一間舒適的三五知己聚腳地。入內時間是下午茶時段，餐牌上有許多選擇，炒粉麵飯都有提供，甚至連只有午飯晚餐才有的鐵板牛扒都照樣提供，我看過餐牌，就叫份鐵板牛柳，配薯菜和蒜蓉汁，味道與一般餐廳的扒餐沒分別，算得上美味可以，但畢竟牛柳的肉質比較厚實，要用多點牙力，其實整體算是OK嘅。…Read More

早上起來，趕時間上班，在這裡可以坐得比較舒適，叫個雪菜肉絲麵，配火腿煎蛋，上班時間待應姐姐都加快速度送上早餐，食落味道與舊陣時的一式一樣，這裡的環境雖然已經歷過歲月的洗鍊， 無論枱櫈，牆上的一磚一瓦已變得陳舊，但好有兒時入茶記的感覺，麵底的質感軟滑易入口，有飽肚感，雖然是非常普通的一餐，但食過都會感到一份滿足，再加上待應姐姐的殷勤款待，倍感窩心，精神奕奕上班去，飲過杯熱咖啡更加醒神，這份早餐只是三十元，又好味又抵食，茶記小店更加要加碼支持，繼續經營保持住。…Read More

位於興華街與元州街交界， 一間越式湯河粉店， 與親友一齊共聚享用晚餐， 揀咗一張卡位， 坐落感到舒適， 周遭環境人流不太多， 晚飯時間大多數人集中晒喺附近嘅茶記， 份外感到寧靜舒適， 看餐牌有好多選擇， 有金邊粉還有越式飯類選擇， 叫咗火車頭湯河粉和生熟牛肉湯河粉， 餐飲包括荔枝玉露和大菜冰， 侍應服務態度良好， 點了菜不到十分鐘， 送上大大碗份量十足的金邊粉湯河， 火車頭湯河湯底美味， 配料爽口， 有牛柏葉，牛丸，生熟牛肉剛剛好， 只是飲品略為太甜， 整體水準不錯， 價錢公道， 平均每人消費60元。…Read More

這間樓上店， 上到去出𨋢就到， 坐在遠處的窗口位， 牆壁上裝上藍色霓虹燈字牌， 觀感上好似去了酒吧但其實不是， 這間店專營魚湯麵， 坐底不久，待應遞上一小杯魚湯試味， 感覺清甜沒有味精，看過餐牌，叫了黑松露海蝦炒蛋濃魚湯麵和 Twins 魚之脆卷濃魚湯麵，加個小食咖哩三角伴薯蓉， 餐飲是柚子茶，當待應送上湯麵，每份還包括三小碟，有車厘茄，柚子雲耳和海苔薯蓉，三小碟令人有開胃感，我品嘗的黑松露海蝦炒蛋魚麵，湯底只是剛好份量，麵質咬落竟然有爽脆感，炒蛋是分開上，口感軟滑，加上黑松露的炒蛋顏色偏移，還是不錯的，柚子茶味道與茶記出品差不多。店內環境幽靜，更適合與朋友閒聊。…Read More

這間餐廳，在近兩年來，路途行經都走入去幫襯，雖然次數不多，但印象中，服務水準在這兩年間，真的進步了，食品都仍然保持著好味道，起碼會開胃口食晒成碟，每次食飯都會食晒，不想浪費食物，除非真係太難食，味道有偏差就冇得好講！今次，看到餐牌，好多選擇，最終揀了四寶飯，包括火腿，雞肉腸，剪蛋，餐肉，味道好，新鮮熱辣，配照燒汁，但嫌配汁不夠份量，白飯夠熱夠軟熟，亦有香飯味，整體而言是有水準，印象中，食物水準亦在進步中，座位闊落，兩旁各有掛牆電視，音量適中，聽得清楚，增加了環境內的氣氛，四方枱四座位，啱約幾位朋友，小家庭漫談，兩座對坐卡位啱晒情侶，夫妻檔啦。…Read More

午飯時間，好想食拉麵，首次到這間日式拉麵店，叫咗個蔥燒牛肉拉麵，白色魚湯湯底，有水準，牛肉有咬口，半個溏心蛋，五十元有找價錢包一杯熱香綠茶，飲品只有綠茶，汽水，並沒提供奶茶咖啡，店內座位不多，又未至於坐得焗促，幾張方枱，近窗口有長枱，可一邊食邊望街景，另一張長枱就放在另一邊，對住廚房，整體環境坐得舒適，伙計的服務尚可，因座位不多，礙於舖面面積細，人流多好難避免要在門外排隊等位，食品水準至上，人流多有道理。…Read More

今日約人去深水埗， 行經此大排檔有點肚餓，因為只食了早餐， 在檔口徘徊了一陣， 有位女士走過來， 相信應該是大排檔的檔主， 嗰時已差唔多下午五點， 佢同我講五點收舖， 我本想離開之際， 檔主問我係咪要食嘢， 仲話會整埋我嗰份先至收工， 咁有誠意我就即刻叫咗碗餐蛋麵， 碗麵係即叫即整， 煎蛋新鮮煎起， 並不是煎起咗擺咗好耐嗰種， 麵底係普遍用嘅大光麵， 三塊餐肉加一件煎蛋， 已經算係落足料， 佢哋一邊執拾檔灘， 讓我食完先至收工， 經營大排檔有此服務水準， 其實都好難得。…Read More