EmilyChan9540's Profile

和朋友約好了行DONKI, 然後順道在W&M Café 吃晚飯。那天剛好戶外有位置, 天氣亦不太熱, 就和朋友坐外面了。這兒的景色很不錯, 頗有情調。我們二人都不是大食的人, 亦不想吃得太飽, 這次只點了WM 雙層安格斯煙肉芝士漢堡, 和白酒蒜香澳洲藍青口。漢堡的煙肉香味濃郁, 加上剛端出來的漢堡包皮熱辣辣, 吃下口的感覺非常好; 加上煙肉頗大塊, 吃下的每口都充滿住煙肉的味道, 好味。唯一難處是要和朋友分享時, 難以切得好看吧。還有加錢轉套餐的、龍蝦湯, 廚師沙律, 吉列炸蠔也頗有水準。對於檸檬茶控的本人來說, 它的茶底也非常的好喝! 值得一讚!至於白酒蒜香澳洲藍青口也不俗, 份量非常足夠, 可以邊吃邊聊, 在這美麗的夜景下, 也真是非常愉快!…Read More

今日去試左一間新開既日本餐廳。首先吸引既係地點非常之咁方便，係荃灣多層停車場隔離，唔洗周圍搵停車場，泊完車經平台就到餐廳，適合駕車人士。而唔揸車既其實佢就係荃灣地鐵站對面，地點非常之就腳。先講餐廳環境：餐廳好寬敞，每張枱都有一定距離，唔會有好壓迫感。另外仲有卡位，私隱度都足夠。整體感覺都坐得舒適。今次一行4大2小，叫左5個餐，每一個set既份量都好足，夠曬食呀！第一個要讚既係哩個豬排定食，一睇個豬排咁鬼厚既，但你完全諗唔到點解可以煮得咁鬆軟，仲keep到好juicy。 重點係佢明明係炸物，但你冇一種好油膩既感覺。哩一個定食絕對值得encore。另一個大推嘅係炸蠔，外面既炸粉拿捏得恰到好處，唔會食到成口粉，而裡面既炸蠔仲好鮮味。重點係食完以上炸物都唔會食到成口油。最後要推介既係燒牛排定食，佢會比一個爐仔你自己煎。由於有小朋友，一開始就煎左兩塊全熟既比d細佬食先，之後大人就自己鍾意幾成熟就自己動手煎。我覺得哩個方式都幾適合share食物既家庭，想食牛而同行有小朋友都唔洗犧牲自己要食全熟🤣牛排都鮮嫩多汁，定食仲配埋茶碗蒸蛋同味噌湯，夠曬飽呀！最後叫埋個甜品，較為可惜係雪糕得兩款口味，抹茶同豆乳。我試左抹茶係我鍾意既口味，茶味濃但唔苦澀。鍾意抹茶既人仔應該會鍾意。整體黎講由餐廳環境同食物質素都非常滿意，而價錢合理，無奈唔記得影餐牌。餐廳岩岩開張，有個唔知係經理定老闆既人，留意到佢周圍了解客人有冇意見，食物岩唔岩食，感覺係真心想聽意見，哩點確抵讚。而員工都好友善，小朋友整跌左野都細心幫佢執返同換過新既，對帶小朋友一齊食飯既家長一間友善既餐廳好重要。…Read More

Go Dutch Cafe (旺角)今日好難得搵到間食物質素非常好既CAFE，去CAFE通常都係追求坐得舒服同埋可以慢慢HEA，食品通常都係其次既考慮。不過今次哩間CAFE好有驚喜，完全做到WHY NOT BOTH呀👏🏻👏🏻首先環境好闊落，每張枱都有足夠距離，傾計都好有PRIVACY。CAFE內面仲有一個小偏龐，岩曬一班人自成一角，玩得盡慶。今次同朋友叫左兩樣食品：　Go Dutch 摩天輪小食拼盤（任選５款)芝士豚肉釀雞翼-原隻無骨，釀得入味，豚肉配芝士嗰個口感，估唔到會咁夾！❣️花枝丸-非常有口感，好彈牙！❣️吉列炸蝦巨大金黃色炸蝦，好脆口！❣️日式雞串雞肉好結實，好有咬口！❣️炸蠔賣點：每一隻都好大隻，蠔味突出！金沙大蝦咸蛋意粉 醬汁濃烈，咸蛋味非常出，意粉軟度適中，配合大大隻的巨蝦，私心推介！薄荷碎碎朱古力 店員推介碎碎朱古力系列，果然冇介紹錯！飲每一啖朱古力都好有口感，好有層次感！玫瑰花茶 女人飲玫瑰花茶功效多多，所以就叫咗一壺試吓，上枱前看到已經嚇親，茶壺大得驚人，份量非常充足，可供多人飲用，仲可以無限地加水！玫瑰花味濃郁，朋友飲完都讚好！📍旺角登打士街43H號登打士廣場10樓…Read More

今日去咗登打士街呢間樓上Cafe，好有驚喜🫶🏻cafe在裝飾上花盡心思，成間店佈置得好靚！仲有好多figure岩曬打卡。最緊要每張枱嘅距離都好闊，空間感十足，可以坐得舒舒服服，又唔怕受人影響❣️值得一提既係店員服務親切有禮💕仲有海量board game遊戲。Cafe內還有免費Wi-Fi和手機充電器提供👍🏻絕對係一班朋友聚會嘅好地方。今次兩個人叫咗兩個dinner set，dinner set包括一款主食和一杯飲品，特飲要另加錢❤️自家製芝士肉醬千層麵 千層麵份量非常多！另外賣相超靚！入面放咗好多芝士😍做到澎湃嘅拉絲效果，色香味俱全❤️黑松露軟殼蟹意大利飯 散發着濃烈的黑松露香味，大大隻嘅金黃色軟殼蟹勁脆口！意大利飯好juicy🤤仲有好多蘑菇添❤️𝐅𝐞𝐛𝐫𝐮𝐚𝐫𝐲〚特飲〛店員推介既飲品，藍柑桔和乳酸沙冰，無諗過兩樣野咁夾，絕對係夢幻組合🤭消暑和打卡一流，賣相勁靚❤️繽紛樂草莓鮮奶 最鍾意就係食繽紛樂😋香甜嘅草莓加上香滑鮮奶，令到成杯飲品昇華❤️…Read More

和兒子拍拖, 逛逛街, 順道一起晚飯。這天又吃他最愛的日本料理。起初看見店面, 連它的名字也不看不清 (用心看才知道是古今二, 哈哈)。餐牌也讓我們頗有驚喜, 都是些名字非常有趣的特色卷物。我們點了店員推薦的火山, 還有海鮮味噌湯和龍卷風沙律, 味道出乎意料的好 (因為我總想特色菜都是好看不好吃)。先說火山, 是帶子、青瓜、牛油果和蟹柳的卷物, 蟹柳味道非常好, 鮮味十足, 味道也很豐富, 再加上吃前的點火儀式, 眼球已經飽足一頓了。旁桌的小朋友看到也哇的一聲。個人絕對推薦這道菜。兒子猛說這些卷物很正!另外我也特別喜歡這鍋海鮮味噌湯, 足足有四至五碗。材料十足, 鮮甜可口, 我認為也很搭配火山, 因為不會搶了它的味。沙律也不錯, 但以前菜來說實在太多了, 我想足夠三至四人吃了! 經過的朋友都值得來試試!…Read More

燒肉及火鍋真的是冬天佳餚! 牛太很值得推薦, 除了食物有水準、價值合理外, 還因為餐廳的座位寬敞, 坐得舒服，與鄰座有一定距離，而餐廳亦提供bb椅，非常方便帶小朋友的我。以往在尖沙咀的一些燒肉店, 座位逼夾得毫不舒服, 桌面也放滿了食物, 感覺只想盡快燒完離去。這一晚點了豪華燒肉套餐, 餐廳採用自助點單的模式，可謂非常方便。而牛肉的選擇頗多, 每個部位都嚐了一遍, 尤其欣賞一口牛肋肉, 一口鬆軟香甜的肋肉, 一口白飯, 就這樣飛快的完成一大碗白飯! 大家別擔心帶小朋友去燒肉沒有東西適合小朋友的胃口，牛油栗米、金菇、甜蕃薯等等，都是小朋友的至愛。這天他們終於乖乖地自己把飯吃下去, 真的太感動了!最後來一個燒甜點 – 燒香蕉 (還有朱古力醬)、燒棉花糖和鯛魚燒, 簡直是大滿足! 怎樣離開前, 店員告知還有movenpick的雪糕, 簡直是喜出望外! 店員的態度也很親切友善，為這頓晚餐增添不少色彩。…Read More

難得放下兩位寶貝, 就和老公去尖沙咀拍拖, 順道來一趟「日本之旅」。難怪這兒叫一遊, 真的有遊日本之感。環境昏暗得帶點格調, 加上日式庭園, 亦有和式的餐室, 仿如當年到鹿兒島的流水餐廳。個人想推薦幾道菜式。首先是炸蠔, 蠔味足夠, 也頗新鮮, 基本上炸蠔應該要有的, 都有了。喜歡蠔的朋友可以一試。老公點了卡邦尼意粉, 我也嚐了一點, 感覺還不錯, 味道很濃郁, 意粉也很有口感。另外還有柚子豚肉石頭湯, 味道不會太濃郁, 亦有少許柚子的回甘、清新味道, 配料都是自己很喜歡的, 包括豆腐、娃娃菜, 很好喝。而玉子燒就係小朋友的至愛，蛋味濃郁，小朋友差少少連碟都想食埋😂。最後不得不提一遊沙津, 本身都沙律興趣不大, 但聽過店員的推介後, 即管嚐嚐。基本上沙律菜也是新鮮, 醬也不錯, 但值得推薦的卻是它加了些類似麻薯和珍珠的東西, 有點咬口之餘, 也豐富了整個沙律。…Read More

探訪朋友後, 便和她到這間新開的西餐廳吃晚飯。這間餐廳菜式選擇足夠, 味道不錯, 也頗有格調, 很適合和朋友聊天, 享受相處時光! 由於時間尚早, 未算得上很餓, 就一起叫了卡邦尼意粉和炸雞件。卡邦尼意粉是職員的推薦, 吃過真的和街外一般吃到的有點分別, 似乎味道更濃郁, 口感更豐富。卡邦尼汁一向很易吃膩, 或者常常要吃很多飲料, 但這間餐廳的卡邦尼則相對沒有這樣的問題。個人特別欣賞它的意粉, 口感較硬、有咬口, 彈牙, 很有水準! (但可能喜歡軟一點的朋友不太喜歡)炸雞也出乎意料的有水準, 外脆內軟, 肉汁保留得很好。配以簡單的蜜糖芥末醬, 已經很好吃。果然less is more是有點道理的!最後不得不推薦的是這餐廳的招牌檸檬茶冰沙。對於喜歡維他檸檬茶的朋友 (就如我), 一定不能錯過! 除份量非常充足外, 味道是非常一流。它也沒有一般手搖店的沙冰那麼甜, 所以會令你不知不覺的喝下一口又一口。這晚天氣漸冷, 但如果是熱天的時候, 來一杯檸檬茶冰沙, 滋味一定更無窮! 整體來說這餐廳不錯, 絕對能令你和朋友享受得到一個寧靜、簡單的一頓飯。…Read More

熊小館主打親子設計。走進店內盡見非常可愛的小熊, 小朋友都忍不住走去撫摸, 甚至主動要求和牠們合照。餐廳食物種類不少, 大都是西餐。今天點了幾款食物, 其中一些頗有水準, 值得和大家推薦一下。 或許有點意外, 但我首先推介的是餐前的蘑菇湯, 濃郁的忌廉, 混和了淡淡的蘑菇蓉 (利申: 本人很怕草青味很重的蘑菇味), 配上蒜蓉多士麵包, 是很好的餐前小吃。兩位孩子都難得地把湯喝個清光呢!另一樣推介的是安格斯牛扒, 煎的時間剛好, 上盤時仍然有少許冒煙, 這令我有點驚訝, 沒有想過這些親子餐廳也這麼有水準。肉質、肉味也合格有餘, 以這價錢絕對算得上抵吃! 我們還點了海鹽炸薯條、卡邦尼意粉, 這些都不俗。但熊小館令我喜出望外的, 卻是飲品的外觀, 顏色鮮艷奪目, 令大人小朋友都很想喝! 大家有機會絕對可以來嚐一嚐!…Read More

今日生日，有人請食Fine dine絕對係開心嘅! 位於尖沙咀嘅哩間餐廳, 一入去比我想像中更有格調, 雖然裝潢唔算好豪華, 但絕對令客人舒服, first impression都唔錯。侍應小姐服務好好, 雖然帶住口罩, 但都感覺到佢份親切同笑容! 真係要講聲多謝, 令到今餐晚飯好滿足! 講番食物先! 哩晚叫咗兩個8 Course Caviar, 先嚟嘅自家製麵包、自作製牛油已經好好味。牛油有風乾蕃茄, 仲要放係一個好有特色嘅「骰盅」! 開胃菜特別要介紹下龍蝦果凍卷, 配有藏紅花、青檸、魚子醬, 好開胃。第一次食藏紅花, 有啲山楂感覺, 唔錯! 仲有一道龍蝦湯亦好有特色, 湯上有椰汁泡沫, 聞起上嚟都好香。不過個人略嫌太濃郁。但侍應妹妹真係好細心, 好主動問我地要唔要再配啲麵包。果然搭埋麵包食, 就唔錯啦!油封三文魚亦唔錯, 魚肉仲保持好嫩滑, 加上白蘆筍好鮮甜, 好好味! 話雖如此, 我嘅眼球都係被甜品 – 「雲朵中的甜品」& 「一口甜點」吸引住! 無記錯, 「雲朵中的甜品」係熱情果慕絲蛋糕, 味道非常清新, 好吸引; 而一口甜點其實係好好味嘅朱古力, 但上菜方式係以乾冰冒熱咁上, 已經先聲奪人, 啲客人都哇哇聲。其實明明我已經食到好飽….但果然甜品係兩個胃! 今晚太高興啦! 其實疫情對於食肆打擊已經好大, 而fine dining 嘅餐廳更加難以生存。 有質素、有heart嘅餐廳, 值得有興趣嘅朋友多多支持!…Read More

突然想打邊爐，就搜尋下屋企附近有咩打邊爐既地方，係OpenRice見到哩間邊爐放題見佢評價唔錯，價錢都okay, 就二話不說黎試下。一黎到感覺已經十分良好，因為門口侍應哥哥都好有禮貌，介紹好曬有咩食同點樣點餐。仲有我帶埋小朋友佢都安排左個方便既位比我，出街食野唔止享受食物，享受服務到緊要，哩一點值得讚呀！另外要讚既係上菜速度呀，快又準呀！食放題成日怕漏單，哩個情況完全冇發生，唔洗點完又點，十分好！哩度d野食都好新鮮，我地叫左蜆同埋蝦你都唔會話覺得佢係擺左好耐，唔敢食既。d蜆都係鮮甜同大隻既！另外想讚既係d壽司，通常去食火鍋放題d壽司都唔係幾掂，哩一間就唔同，係very okay既👍 最後甜品仲有好多選擇，估唔到仲有芋圓，我地叫左芋圓、布甸、同埋宇治雪糕🍦。為今晚突如其來既邊邊放題劃上完美既句號。…Read More

高質大圍西餐廳搬咗嚟大圍咁耐，第一次去M3食嘢！有驚喜！Order左澳洲M6和牛2人set + 兩隻法國生蠔 😋😋😋生蠔 - 非常新鮮！完全估唔到喺大圍食多啲咁高質素嘅生蠔！Caesar Salad - 分量唔算好大，但係擺設得好精緻😊仲有個小花作陪襯，完全係一間好有誠意嘅餐廳。溫泉蛋啱啱好，配合埋沙律菜一齊食，正！松露蘑菇湯 - 覺得麻麻哋～ 唔係好夠味，唔係好覺得有松露味鵝肝芝士薄餅 - 特別欣賞個提子黑醋汁+鵝肝，好夾！一流😋😋😋牛扒 - 我哋order左五成熟，睇到都算唔錯！熟到啱啱好～ 雖然未至於入口即溶，但係呢個size + 呢個價錢，完全值回票價👍🏼👍🏼👍🏼如果個set有埋甜品就好啦🤣🤣🤣…Read More

荃灣廣場開了一間新的東南亞餐廳，名字很有趣，這天就和朋友來嚐一嚐。我們點了炒金邊粉、大蝦冬陰功、蒜蓉牛油雞鎚。金邊粉的賣相非常美麗，雞蛋煎成的金黃色的鳥巢，包着香噴噴的金邊粉，甜甜酸酸的，非常醒胃。還有大蝦冬陰功也不錯，除了材料豐富之外，我們很喜歡它的辣度。比起一般泰式餐廳的冬陰功，我感覺它的椰香味特別濃郁，喜歡椰汁的朋友要試一試。最後不得不推介的是這道越式蒜蓉牛油雞鎚，除了賣相美觀之外，味道真的很好。店員上碟的時候，已聞到那種牛油的香氣，烤得剛好，外脆內嫩，值得一讚！飲品的選擇連台灣飲品也有，可謂驚喜萬分。我點了一杯碳燒黑糖珍珠鮮奶，質素很高，絕對不會輸給專門的台式飲品店。總括而言，圍威喂食物選擇多，質素也不錯，而最重要是貼心的服務態度，絕對值得再來支持！…Read More

平日送假，帶埋小朋友去食下午茶。我就諗住帶佢哋試吓啲西式啲嘅下午茶。所以揀咗euro go go。叫咗兩個tea set - 香蕉熱香餅 & 牛角包。熱香餅唔算好鬆軟，已經係感覺麻麻，但叫做有一啲朱古力醬同香蕉幫手，都勉強接受到；但牛角包真係麻麻哋，嚟到嘅時候又唔算好熱，食落又真係唔夠香又唔夠鬆軟，仲要兩個下午茶餐加埋都唔平，食完又唔夠飽，真係超乎我想像。早知聽我個仔話，去食麥記好過啦。😓…Read More

一家人去D2 place 玩，順道睇睇有咩好食。搵緊餐廳嘅時候，就已經俾佢啲餐廳座位吸引左，雖然最後冇被安排坐嗰啲船着枱，但今次嘅用餐經驗都係非常好嘅。我哋點左唔少點心，最出色嘅呢要數佢嘅摩天輪點心，有好多卡通嘅包點，例如係烏龜形狀嘅菠蘿紅豆包，老虎樣嘅奶皇包等等。佢哋唔單止賣相可愛，仲係新鮮出路，非常之好味！另外我哋亦都叫咗一個石鍋炒飯，拎上嚟嘅時候仲係冒着煙，我哋一家唔使10分鐘就食哂啦！所有野食都好出色，我哋一定會再幫襯！仲有最後消費夠，仲送兩個金幣可以玩下餐廳入面嘅小遊戲，都幾得意😎。…Read More