cherrychuen's Profile

今日黎到呢間cafe為朋友慶祝生日🎂我同朋友都覺得超滿足超開心，可以再encore同介紹朋友仔黎一去到就見到今次餐廳係做緊Cloud應援，雖然本身唔係佢fans亦冇話特別喜唔喜歡，但見到都會覺得開心嘅，餐廳可以同fans合作都幾好丫！而且重點係餐廳食物質素good good，又冇限時趕你走，服務態度亦非常好喺星期六嘅下午3:00，仍然備有lunch同tea set選擇，份量足、價錢非常合理，比起出面好多cafe真心覺得其實叫抵食！手機落單，menu都好清晰，而且特別要求都有好多option比你揀，真係好貼心！芒果乳酪沙冰、牛油果乳酪沙冰($48一杯)我地揀左少甜，淡淡的好fresh，d toppings都好match ，新鮮即刻食脆卜卜再加啖沙冰好正！而且好大杯好襟飲！明太子雞翼全日早餐 ($148)套餐+$30有一份芝士薯條特別要一讚以下食物，而且個餐仲配埋半條焦糖香蕉，真係一個好豐富嘅全日早餐明太子雞翼：真係滿分！我同朋友都大叫好好食！入面釀滿明太子，雞翼新鮮熱辣辣，出面d餐廳你叫2隻都唔平，呢度竟然全日早餐入面有，仲要冇比出面一般全日早餐貴沙律：不馬虎！配有幾片風乾香腸，非常有誠意！窩夫：內有黑糖麻糬餡，真係超驚喜超好味！芝士薯條就麻麻，芝士太乾，薯條都黏埋一堆，不推介+$30去加呢個小食菠菜煙三文魚意大利飯 ($98)正常好味道，價錢合理意大利雲吞 ($78)有4大隻圓形嘅意大利雲吞，內有菠菜忌廉芝士，餡料份量剛好！我覺得好好味不過朋友就話有少少鹹，我就覺得剛剛好。金栗天使牛角窩夫 ($82)賣相係麻麻，d栗子蓉比較散，我朋友話個雪糕球好大又唔會溶得太快好好，個底其實有件牛角窩夫喺度嘅，面頭有少少練奶，栗子蓉冇出面食嘅咁膩，相信係因為冇添加忌廉同糖，係純栗子蓉，足料又健康，所有野一齊食整體味道係唔錯！最值得一讚嘅係服務非常好！由於慶祝朋友生日，所以想喺碟上面寫happy birthday比個驚喜朋友，openrice book位時已備註，但好多時d餐廳都冇為意會漏，呢度都好在手機落單時每次都有得寫備註，我落甜品時有備註要寫咩字句，佢地冇漏到！拎到黎仲點埋蠟燭，我同朋友都好開心好surprise大家特別要留意嘅係呢個服務要收取$20，本身我係唔知嘅，到埋單時職員先同我講，佢話因為頭先怕會破壞左個驚喜所以冇同到我講，但我覺得佢做得啱！$20都合理價，而佢又真係做到個效果！抵比！因為真係試過出面有餐廳當住我地成枱人問要加額外收費有冇問題….驚喜冇了，負責攪驚喜果個朋友都嬲了…所以真心覺得呢度太貼心、服務好好！都因為咁，所以我決定要寫呢個千字文食評推介比大家餐廳環境舒服，職員唔煩、有禮貌、仲好細心，而且不設限時。我地好好彩，比左一個最靚佈置嘅位我地，而且自成一角好似間房仔咁，不過職員就話會比較熱，咁啱入面有一枱人走左，佢就問我地會唔會想坐呢張會涼d，真係好貼心不過最終我地冇轉位，溫度都可接受，重點係個位環境太靚另外，餐廳不時攪明星應援，今期係Cloud，咁啱老公都幾鍾意佢，應援物全部都好靚，忍唔住每樣拎一張，老公收到都好開心…Read More

🔥不設限時但入座後45分鐘(上菜後30分鐘都冇)就叫你埋單明催你走🔥難得今日準時收工，夜少少喺附近做treatment，雖然一個人食，但都想食餐靚靚地又好味嘅晚餐relax吓，之前同朋友食完飯行過見到呢間餐廳裝修咁靚而又係我最鍾意嘅台式菜，都好期待下次黎試，咁啱今日順路又見佢大把位，於是就入去試吓啦！可惜發生極不愉快簡直係忿怒嘅經歷‼️6:13pm - 入座6:16pm - 完成落單6:22pm - 飲品黎到6:32pm -1. 主菜拌麵黎到，打緊咭拍緊片嘅時候，突然放樽牙籤埋黎，攪到條片要NG，問題係野食剛到就比牙籤？一般餐廳都係見客就食完先拎黎2. 因為覺得食物好靚想post IG story，正當我撳緊電話嘅時候，突然有職員走埋黎好快咁一手收晒我枱上用過嘅紙巾同飲管袋，仲想收埋我用緊果張自己帶黎嘅濕紙，當時我好狼狽即刻話「唔係呀，我要㗎」，佢仲話「唔係呀，我比一陣比過張你呀」，問題係咁你收人野之前係咪應該講一聲？同埋我張濕紙巾係摺到好整齊放喺度，你地餐廳邊有濕紙巾供應？6:58pm -拎張單黎放喺枱叫你埋單，當時我真係好㷫🔥唔想埋單住，但算！飲多兩啖埋左先，之後再慢慢飲埋佢，點知埋完單就即收我杯野飲！我又叫住話「吓！我未飲完㗎喎」，跟住真忍唔住叫返職員埋黎問佢係咪有限時，但佢答「arr…冇嘅，唔好意思」，入座時又冇講有限時，問實你又話冇限時，但就不停做小動作打擾客人好好享用晚餐，仲要45分鐘都冇就趕人還枱，真係人生第一次遇到咁垃圾嘅餐廳！呢度係一間裝修好靚cafe咁樣嘅餐廳，又唔係茶餐廳/澳牛，但竟然就係cafe價錢同cafe上菜速度，澳牛催人還枱嘅服務態度！野食係唔錯，麻婆豆腐軟殼蟹拌麵其實幾好味！軟殼蟹好有蟹味仲炸得好鬆脆，可惜服務態度不知所謂！仲要唔係一個員工問題，而係至少兩個都係咁！原本仲諗住下次帶老公黎食因為佢鍾意食軟殼蟹，最後咁樣迫個客走真係冇可能接受！上菜起計只食左30分鐘都冇…乜我去左快餐店咩？？出面係人多等位但唔代表可以咁樣，一係你設限時！但我相信冇餐廳會設45分鐘用餐時間囉！！四季春芝士奶蓋茶 $42麻婆豆腐軟殼蟹拌麵 $1086:13pm入座，6:30到齊野食，6:58pm叫你埋單，澳牛2.0餐廳…Read More

1️⃣食物方面🥩🍤🍝🥗🍰🍨雖然是半自助晚餐，但自助bar嘅食物款式都非常足夠，而且質素高好好味有海鮮、魚生刺身、壽司、日式冷盤、沙律、芝士、麵包、湯、炸物小食、甜品、雪糕、糖果、水果等等，各類食品款式都幾多！餐廳間中仲會搖鈴鈴推出限量食品，手快有手慢冇，真係充滿驚喜其中最驚喜係凍鮑魚！好鮮好爽其次係卡邦尼闊條麵勁多芝士好香濃好creamy用料十足！掛住食冇影到相都好可惜冇影晒所有出面嘅食物比大家睇，因為我食到尾真係太滿意所以覺得要出去影相寫返個食評，但好多食物都剩返少少好似唔太好睇就冇影到主菜我地分別叫左肉眼牛扒同黑豚肉，份量都好足夠，而且煎得剛剛好，厚切黑豚肉肉質爽爽，入口好香，而伴菜都花左心思，個炸球我以為係薯蛋，點知原來係飯糰，味道都唔錯！另外，想重點講吓特別喜歡嘅食物，d蜆好大隻同都幾鮮味，熟食類嘅沙律試左幾款都好好味！最期待嘅甜品都冇令我失望，款式大概有15款左右，我試左10款左右全部好好味雪糕係Movenpick，都有成6款口味㗎！2️⃣環境方面🪑🥂今次我地係坐bar枱，感覺比較清靜同拎野食都好方便，無論餐廳食用區同洗手間一切都感覺衛生。3️⃣服務方面🤵🏻‍♀️🤵🏻‍♂️所有職員都非常有禮貌，清理枱上用完嘅碟具都幾快手，不過就因為忙執枱同上主菜所以佢地都好忙，如有需要搵職員，有時可能要比多少少耐性等佢地見到我地揮手🙋🏻雖然佢地好忙，但要求佢地幫我地影相都非常樂意，仲好有心機幫我地影多幾張添！另外，如果佢地發現有客人冇戴口罩出左去拎食物，都會好緊張第一時間走埋去提醒返，唔會話打份工心態hea住去講聲就算，都感受到佢地係好有heart另外，我諗有幾枱都應該係入左會同生日黎食，見到餐廳安排左特別送上點著左蠟燭嘅蛋糕比佢地，仲同佢地講生日快樂，真係好窩心總括黎講真係食得好開心好滿足！網上訂位有8折，折後大約$412，噤嘅質素我真心覺得好滿意同好抵食，以後想食buffet都會黎返呢度…Read More

平時間中都有去吓西九龍中心，雖然都算幾多野食，但又冇話覺得有咩特色又好好食嘅，因為喺網上見到編介紹好吸引，第一次見有可愛bearbear雪糕，仲要噤抵食，所以今日特登同朋友黎試吓開心吓支持一下小店啦！嘩果然係好開心好興奮，老闆好nice，由揀雪糕筒款式、雪糕味道同bearbear雪糕味道，對我地都好有耐性，而且我見佢都好用心去整，仲有又忍得到我同朋友兩個喺度自high發神經，係噤喺度話好得意好靚唔捨得食，真係救命，老闆見我地噤興奮所以問要唔要幫我地影返張相添基本上由你影相、食緊到食完，都仲興奮緊可能社會令人壓力大啦！而且小店嘅人情味、雪糕嘅外觀同創意仲有抵食度，真係令人放鬆同開心嘅！食物質量係形容為物超所值，唔可以話去到外國進口名牌子雪糕噤好味，但絕對係有正常雪糕噤好味，而且雪糕都keep到好耐都未溶，有足夠時間比你影夠相打咭，食落雪糕質感都好好，唔係雪芭噤冰，佢係由細食到大嘅正常雪糕質感，噤嘅價錢比到噤嘅質素宜家香港真係買少見少！真心覺得值得支持一下呢間小店，下次會去試埋個焦糖蜜瓜*雪糕筒+單球雪糕(普通雪糕球，有幾款味道選擇)+裝飾(糖膠小花花)=$25，雪糕另有幾款味道需另加$2，加一球(熊熊雪糕)另加$1…Read More

屋村中來來去去都係茶餐廳，確實有點悶，突然開左一間文青cafe，感覺增添左活力同生氣，有All day breakfast又有咖啡嘆，真係好正！環境仲好舒服添！😌之前已經黎過好多次，都係食早餐多，質素唔錯而且價錢合理，cafe黎講其實算平！今次就黎試一試afternoon tea，焦糖香蕉脆脆配朱古力醬，即叫即整，賣相好靚好豐富噤，食落口感真係好豐富，軟綿綿嘅香蕉配上脆脆嘅焦糖，又伴有少少cream，帶有好香嘅雲呢拿味，又有少少水果粒酸酸地又平衡返個甜，雖然材料聽落係好普通，整法又好似好簡單，但整完出黎確實帶到個味道嘅層次同豐富嘅口感，真係唔錯！食完個人好開心😝雖然覺得份量較少，因為太好味所以好快食晒😂但其實係同價錢成正比，三四十蚊而且有噤嘅質素，真係非常唔錯！😋小店比人感覺好有heart，都好關心食客對食物嘅感受同評價，真係好欣賞佢地，黎緊會繼續支持，約朋友黎食吓野傾吓偈會係一個唔錯嘅地方☺️…Read More

之前幾之入黎長洲都已經好想試，見到裝修好有特式，不過次次都太多人所以冇食到，今日星期六黃昏時間終於有位喇！原來因爲就快收舖，阻住人收工😂我地點左本灣魷魚同魚仔濃湯，先講本灣魷魚，真係極具特色，魷魚上面灑左d檸檬皮，食之前吱d檸檬汁落去，再點一點沙律醬，真係好fresh又食到魷魚嘅鮮味，而且質地好軟身好好食！唔係出面食開果d硬身，佢仲伴有酸瓜同提子，好開胃！😋而魚仔湯味道就剛剛好，有陣陣魚嘅鮮味，而且唔太咸，天氣涼涼飲杯熱湯真係好舒服！😌另外，我發覺佢地好重視客人覺得佢地嘅食物點，走果時會問吓你好唔好食，而且當我見到野食黎到嘅時候好興奮，我發覺老闆娘望住左我仲好開心噤笑，好有滿足感噤，走果時老闆同我地傾左幾句仲請我地飲左杯酒，老闆娘又同我地分享佢地每日點新鮮製作食物，其間仲有好多街坊行過同佢地打招呼傾幾句，感覺充滿人情味，仲有佢地好支持環保，餐具方面會有限制，佢地話為環保出一分力，噤大家先有靚海鮮食，下次再黎長洲都一定會再黎食過！😁…Read More