Sweet Ciwi's Profile

從來未食過咁差嘅鐵板牛，亦都從來都試過食一餐咁唔愉快嘅晚餐叫左塊4成熟嘅西冷牛扒，睇個樣正正常常，但真係完全大伏:(首先塊鐵板可以完全唔熱🥲勉強只能夠話係暖，然後塊西冷牛扒出到黎都只係暖嘅狀態，感覺係求其煎左兩下就出左黎，雖然我係叫左4成熟，但我相信不至於係切唔開嘅狀態，難以擺入口食。講真，比呢個價錢食啲咁嘅質量嘅野，真係完全係比錢買難受😩就算係food court都好，人哋質量都唔會係咁嘅水準。由於當晚都比較晏過去食晚飯，所以都廢是去更換。…Read More

之前幫襯過2次，覺得食物真係唔錯所以帶朋友黎試試。今次book左4位，有2個朋友比我早到，朋友打黎問我知唔知只係食個半鐘，我當然係唔知道，訂座時職員亦無提及過。係我未到餐廳前我打去餐廳同一位男職員講，我訂座時冇人同我講話食個半鐘。換黎既答案係”唔會架wo，我地不嬲都係食個半鐘”，於是我話”我之前黎過你餐廳食都冇話要交枱，加上你地電話都冇提過要交枱。”男職員:”唔會架wo，我地係電話會講明食個半鐘架wo”然後我堅持話冇，男職員好不願意話”咁由佢啦，我地21:30都清場架啦”****已經令我非常不滿，之後發生既事，令我唔會再幫襯呢間餐廳****到左餐廳後，有個肥妹女職員上前同我講得個半鐘頭食，我話比佢知有位男職員已應承左我唔需要交枱，跟住見到佢同一位男職員係旁邊討論我地。正當我其中一個朋友行左出去想order野食既時候，肥妹女職員又走過黎。。。。肥妹女職員面冇笑容同要串串貢同我地講”咁本menu我收起先，不過如果你地想再睇我都唔介意再拎返比你地睇既，同埋我地21:30都會清場架啦””呢句說話即時辣著左我同我班朋友，我地立即起身唔食。呢d咁既職員，好似我地比錢入去消費仲要睇你面色。如果我係老闆，有d咁既員工真係對公司一大損害，就算餐廳食物再好食都假既，咁既服務同員工質素，唔需要幫襯。…Read More