cwc8289's Profile

今晚即興同老公，奶奶係屋企附近食冬至飯,連一向嘴刁嘅奶奶都非常滿意，環境舒服又乾淨。老闆娘同店員好有禮貌，絕對有下次⋯ 推介👍🏻砵仔雞蛋焗魚腸⋯老公大讚👍🏻🤤🤤原條麒麟海斑… 幾啱怕魚骨但想食魚嘅人金銀蛋上湯浸娃娃菜👍🏻⋯上湯浸菜清甜好好味👍🏻🤤炸子雞⋯ 皮脆入味掂呀👍🏻👍🏻🤤欖菜肉碎炒飯👍🏻👍🏻 推介黑馬卡鮑魚竹絲雞燉湯⋯ 黑馬卡湯有淡淡椰子清香加埋鮑魚真係好鬼好飲，非常推介😍😍🤤薑汁芝麻湯圓⋯掛住食唔記得影相.薑汁超正配埋芝麻湯圓一絕 😍😍🤤…Read More

由於朋友飯局大家一致決定想食火鍋，比我無意中搵到小漁港⋯ 地點確實有點難搵必須花小小時間😅但一入店內便發覺裝修有點漁村感覺,樓低高感覺不錯👍🏻 座位與座位之間有點距離⋯食物方面我們點咗10 種⋯ 蒸聖子王，馬刀貝，馬友全部都好新鮮😃 特別一讚馬友超滑👍🏻👍🏻而肉類就楝咗安格斯肥牛粒，肥牛卷，蟲草花蒸雞（烏冬底），當中蒸雞好有驚喜但個人認為有點咸，韮菜餃子就一般，另一推介梅菜翠肉瓜！老闆強烈推薦是日膏蟹勁正，於是再追加2隻膏蟹二食，爆膏蟹蓋配紫薯瑶桂肉碎粥，其他陪份就清蒸⋯大家一致食後感得三個字（冇得輸）😬真心推介⋯掂！…Read More

屋企人一向鍾意食粥，但奈何要揾到一間好味但食完唔會勁口渴嘅就已經買少見少。昨日無意中於佐敦竟然搵到一這間名字有趣＂石仔記＂於是一行三人就膽粗粗入去試，誰不知竟然有意外驚喜..＂咸豬骨芥菜粥＂- 佢用咗新鮮大大棵芥菜同味道啱啱好嘅咸豬骨再加上綿綿粥底.. 好味道！"爽脆豬潤粥＂- 上枱時見到碗粥面仍然自己滾緊不停有小氣泡從下以上出現，撲鼻而黎充滿豬潤本身同粥底混合味道再加上片片爽脆同 size 絕不欺場.. 超好味!!＂鮮鯇魚腩粥＂- 材料豐富味道一流！＂油條＂- 好驚喜去食時已經八點幾有多都竟然食到好似即叫即炸嘅咁..勁正呀！＂布拉腸＂-入口好滑好好味，但美中不足是只是醬料不夠點 ＞＜＂炸雲吞＂- 賣相美觀味道唔錯，但個人認為如果將甜酸汁代替沙律醬的話會更好。另一樣我比高分..檸樂係以罐裝再加檸底另上..讚已經約咗下次一定會再去試其他食物.. ＂炸鯪魚球＂＂鳳城水餃＂等等…Read More

難得約埋舊同事一齊食午餐, 當然要搵好野食啦.我地一行 8 人 下午12:35分到達賓城小屋後便馬上拿 menu 睇吓食乜 ..負責幫我地點菜個阿姐已經寸寸地咁同我地講 " 你地要快落單,唔係一陣人多左冇得追 ! "最初都以為落單個阿姐只係出於善意提醒我地, 點不知跟住佢真係越來越過火 ... :(以下 4 段令我地 " 冇名火起 " 對答 ...1) 我地落單已經講明要雞同牛串燒各半打, 阿姐好 "友善" 咁回答 即唔係雙拼啦, 你地自己唸啦 相拼每款得3件咋 ..佢又真係得意喎 , 我地都已經清楚講明要雞同牛串燒各6件, 咁可來要求雙拼 ??? 2) 薄餅有特別優惠 3 客送 一 .. 我地由於擔心會因為食唔晒浪費所以只 order 左 2 客, 而 " 友善" 阿姐 居然同我地講你地唔好後悔呀, 一陣唔好要我幫你地加 … :(電視都買緊廣告要節約, 唔通要我地明知食唔晒都要照叫 ?? 3) 食到中途我地再加單叫其他食物, 這位 " 友善" 阿姐已經唔係好耐煩 ＞＜”我同事拎住份 menu 問其中某食物可唔可以跟餐, 佢竟然咁答 " 份 menu 已經寫晒, 個個都係咁睇, 係得你睇唔明囉 .. 簡直離晒譜 .. 我地真係冇唸過佢可以咁 .... 超激氣 !!!4) 我地係12:50分 落單叫左碟炒通菜 , 但去到接近 1:30 分都未到.. 我地都冇去追單, 反而" 友善" 阿姐 竟然係我同事身邊同佢地自己人講 " 快手出埋碟菜比 果 8個人,等佢地快趣情食完快手埋單唔好阻住 .. 我相信你開得食店都唔會限制你午餐時間唔可以超過6 人以上進入咁有趣 ... 最好笑係佢地係食店重貼左一份聲明 " 由於我們是用心為大家做出美食, 所以客人請不要隨便滋擾,以免影響做菜者心情 .. 如貴客等候時間不許可的話就請移玉步 … 這是我們食客的聲明 " 我們都是開開心心出嚟食飯, 希望貴店員工可以態度正確地接待, 以免影響客人用餐時的心情 .. 要知道我們食客也可以隨時選擇其他 .. :)當日我地 order 左以下食物 ..炸墨魚卷 --- 味道都唔錯同好彈牙:)喇沙海鮮摻摻 --- 摻摻就是麵+米粉,配料有蝦,青口, 豆卜, 魚片, 十分普通，味精極濃海南雞飯 --- 雞肉尚算不錯, 可惜味飯一般 :(炒貴刁--- 炒到好碎濕濕無特別.配料只有三四隻小蝦, 芽菜和蔥及之外, 便無其他餸 海鮮炒大碌麵 -- 其實只係將小量蝦, 肉, 魷魚再加芽菜和蔥炒烏冬, 味道平凡沒什麼騖喜 :(雞亦飯 --- 雞亦炸得都 ok ..馬拉盞炒通菜 --- 炒得有獲氣同帶少少辣, 可惜太老雞肉沙爹串燒 --- 雞肉燒得有點乾, 沙爹醬味道都 ok ..牛肉沙爹串燒 --- 燒燶咗 重以為食緊午牛肉乾 薄餅配有咖哩醬 --- 好手抓餅感覺, 如果淡番啲都唔錯 惹米水--- 不願置評，比清水還要清 希望貴店明白必須依靠店內食物和人都有好嘅質素先可以成為 一間成功嘅食店, 而不是但靠20多分電視宣傳同雜誌幾幅相片就得 .... ><…Read More