wongmelody282的个人专页

有時候想吃得清淡一點或者想有湯伴的時候，就會想吃一碗湯粉麵。第一次來到魚蛋樂園，沒有點魚蛋，而點了牛筋和墨丸米線，而朋友則點了牛雜河。墨丸十分爽口彈牙，而這裡的牛筋咬下去是真的有種粗筋的感覺，中間有少許嚼頭，外圍是微軟的膠質感，不錯。湯底清清的也是我想要的。唯一美中不足的是，也許他們有一點趕，米線生熟程度不一，有一些米線的中心不太夠熟，硬了一點點，但整體來說還可以。朋友的河粉則沒多大問題，配料他也是十分滿意，而河粉他也說若多煮一會兒會更好。原本還想試試他們的牛丸和牛腩，留待下次吧😆反正這裡要過來也方便，也很近地鐵站，總有機會會再吃。…查看更多

一直以來也不常吃潮州菜，尤其住家附近的潮州菜館關了後，都很久沒吃了。今天經過黃埔，無意中看見這間餐廳，心血來潮便想回味一下。我尤其想念方魚肉碎粥。這間餐廳貼心的提供了口罩套。忙於選擇吃甚麼就忘記了把menu拍下。我們叫了一個二人中午套餐，有一份石榴雞和一鍋海鮮潮州粥。😍☺️兩個菜式也十分美味啊。先說石榴雞，外面是用蛋白作的皮，包著免治雞肉和有些不知道是荀還是菇的配料，為其增添了多一層口感，實在不錯。皮有蛋白香，內包肉汁，加上有蟹子添色，是有賣相也有內涵的菜式。再說海鮮潮州粥。以前都只是吃方魚肉碎粥的，這次加了海鮮，把其鮮味更是走到另一種境界。整鍋是真材實料，所以真的把海上的感覺帶到你的味蕾。有蝦，魷魚，蠔仔，方魚，雜菇，帶子，肉碎，加上薑絲去鯹味，吃得人津津有味。…查看更多

也許看見好評如潮，便滿心期待，但試過以後，覺得並沒有太大的驚喜。室內環境還可以，座位之間距離好像太近，感覺有一點狹窄。再者，因為疫情而在枱邊加上的紙板，更減低了空間感。小食我們點了一個玉子燒和一款甜食試試。這個甜食居然是第一道出的食品。它就是名副其實的一塊燒年糕上塗抹一勺花生醬，再灑上滿滿的白砂糖。我本以為是如燒餅的模樣，然後以花生醬作餡料，可惜不似預期。年糕口感其實不錯，但花生醬已很甜，再加上白砂糖實在是有一點太過了，配搭方面可能可以再構思。之後等了許久，也未有其他食品送上，連隔離枱比我們晚點點菜的客人，也有釜飯送到了🤷🏻‍♀️我們的呢？我點了銀魂。我很喜歡吃鰻魚的，這個釜飯的賣相不錯，平日大多是吃蒲燒鰻魚，很少地方會提供乾燒鰻魚，所以我便決定一試。味道是不錯的，飯的口感和濕度都做得剛剛好，鰻魚也算normal size, 不過飯的比例有點太多了，配菜不太夠，吃到後來有很多都是只吃飯。朋友叫了汁燒牛肉釜。我試了一件牛肉，味道挺好的，微香微甜。不過，朋友略嫌汁太夠。後來，看見另外的客人可以要求額外醬汁，我們才知道原來可以要求另加的。如果那些員工可以細心一點，在送上釜飯時提上一句「如不夠汁可再加的！」定會更好。玉子燒是正常可想像得到的味道。在枱上看見這張貼紙，不知是否因為疫情的關係，他們並沒有送上蓋子讓我們自己打開。又或者，其實一直也是沒有的嗎？總的來說，這次吃飯的經驗不算是十分好，但食物質素也沒有太差，所以，只能說還好吧。然而，也沒有一種令我期待再回頭的感覺。與這店的關係也就順其自然吧😉…查看更多

每個週末的早晨，我也喜歡到將軍澳海濱公園跑步，沿著海岸線，眼前一片藍洋，迎面吹來颯颯微風，煞是暢快。這間是海濱公園附近的一所cafe. 起初我以為他們只有售咖啡和cake, 所以一直打算找一天悠閑的下午來坐坐的。原本只是想來吃蛋糕和喝咖啡的我，看到旁邊的食物時又被它的賣相吸引了，忍不住也叫了一份。這是whisky-cured木筒煙燻salmon on sourdough 😍, which is one of my favourite combination. 我覺得它的份量很充足，價錢是合理的。整個配搭也很match, sourdough, green salad mix, olive oil, whisky-cured smoked salmon, and also a runny egg on top, 吃起來十分滿足。友人叫了一個all day breakfast. 她說就是一個正常可想像得到的味道。或者是她不太喜歡太多煎炸的，所以那塊有粟米的粟米餅？她沒有把其吃完。但食材都算新鮮的。吃完主食當然要試我期待已久的蛋糕了，就是這個earl grey tea chiffon cake 🍰😚 earl grey tea is always one of my prioritized flavour. 這個蛋糕我是十分推薦的。它的茶香雖然未算是我吃過最好的，但也尚算滿足到要有的茶香的感覺。chiffon cake texture 做得很好，which is soft and moist, 配搭上light cream 😌😌若再有機會，我會再來，靜靜品嘗多次這個蛋糕，配上一杯咖啡，看看書，又望望海。友人叫的是apple crumble. 蘋果和cinnamon 的味道也突出亦融洽。個pastry (crumble) 也有牛油香，口感剛好，不會太過香脆，而是保持一定的曲奇厚度的鬆化。價錢不算便宜，但食物質素真的不錯，而且置於海傍又為它添幾分閑情。鬧市中，我們又有多少可以悠悠然在柔光輝影裡享受的機會？唯有美中不足的，就是人太多了。如此願意花時間等候排隊的，大概是香港人其中一個特色吧。餐廳不算大，人聲聚起來，還差那半點寧靜罷了。…查看更多

看到朋友都在西九文化區渡過了一個又一個的閒日，我也一直很想來看看。這天天氣很好，藍天白雲，陽光普照，來跟朋友一起散散步，看到大草地上一個又一個的家庭在耍玩，樂也融融。海傍這幾間餐廳人也挺多的，我們選了這間日式西餐廳。餐廳環境很愜意，自助型式點單盛水。雖然也排了很久才能入坐，但坐下後就是一番悠然。他們沒有時限，我們便吃著吃著，聊著聊著，就一個下午了。我點了自己最愛的鰻魚。一般都是鰻魚飯的，而這裡則是配意粉，正合我意，因我本來就是較喜歡吃意粉的。份量和味道均讓人感到很滿足。原條鰻魚淋上惹味的鰻魚汁，這裡沒拍到，但意粉實在也是滿佈鰻魚汁的🍝😋，最後蓋上日式炒滑蛋，吃得我津津有味。近來在省錢的我，就沒有點咖啡來試了，因為價錢也不算便宜。…查看更多

還記得當年在Brisbane 讀書，不時也會到鮮芋仙跟朋友吃個甜品，獎勵一下自己有努力學習😆想不到近年香港也開了，一直都很想過來試一下香港分店的水準。不過，去過幾次人也太多了。今天我們七點多到😎終於不用等，直接入座。本來心中是想吃燒仙草的，可惜沒有😟難道夏天就不製作了嗎？唯有退而求其次，點了招牌仙草芋圓。質素不錯的😃份量很滿足，仙草微爽滑溜，沙冰是仙草味，加了奶球很香甜，芋圓大部分質感也做得可以，只是有幾顆硬了一點，應該是粉的比例多了。整體來說，我覺得他們的芋圓不是我吃過之中最好吃的，可是其他的也算不錯吧。想吃仙草的甜品時就去去吧😄…查看更多

 ( by my phone)(by my friend's phone) <-- 怎麼她拍的漂亮這麼多這是一間位於金百利廣場樓上鋪的餐廳，這個廣場有很多不同國家的菜式，吃過越南的，這次就來到日本的。看見這間的食物照片也頗吸引的，是時候自己來試試。下班過到來大概6:45, 這時還未有很多人，所以我們不用等就可以坐下了。我們叫了些壽司，手卷和我最愛的玉子燒😍我非常推薦這個芝士玉子燒，不知道是否因為我本來就好喜歡，所以好像怎樣都好好吃似的。端上來時它還是暖暖的，上層的芝士微微熔化，質感軟軟，配合內層嫩滑的玉子😌絕配。現在提起又很想買一個來吃了。壽司手卷方面，先說手卷，軟殼蟹和牛油果的份量都很足夠，尤其喜歡它是在飯中心依然有牛油果的蓉，不過，紫菜看來很容易被軟殻蟹的溫度弄"淋"了，不夠脆。另一方面，壽司的水準則不錯！我們叫了三文魚三食，芝士鰻魚卷，帶子海膽花之戀和黑松露油甘魚。感覺食材也新鮮，飯的質感細軟，把珍珠米煮得剛好 吃完以後，感覺還差一點東西，所以我們又點了一個鹽燒三文魚頭。燒得很香剛剛好！三文魚也很大件，魚頭肉很滑，魚鰭也很滋味。額外補充，我覺得這個餐廳的環境和裝潢都挺別緻的，牆上用的是日本餐廳的漫畫風，頗有味道。…查看更多

星期日最適合搵個地方跟朋友出來消磨下時光，傾下計，輕鬆休息一下。這次就搵左這間樓上cafe. 內部裝潢以白色為主，所以清清的，雅緻的，加上我地12:30就上到去，可能剛開門沒多久，這個時候人還不多，寧靜的。(離開時就當然不一樣😛)lunch set 價錢中規中矩，可以再加錢叫starter and dessert. 佢地也有提供少少board games，不過我覺得不算多選擇。食物方面，我地叫左兩個set和兩個小食。1)芝士煙肉薯角佢個汁個味好似carbonara，幾好食，薯角都好粗好多薯仔蓉在裡面，唯一美中不足是個汁稀左少少，令到部分薯角淋左少少。 2) 朋友叫左個蒜香火腿絲燴長通粉一上菜我們是驚訝了，因為腦海中以為是西式一點，但食落去是中式的感覺 haha。其實都幾香的，蒜味都不錯，就是中式的感覺好奇妙。3) 燒牛肉沙律諗住多濃味就叫返個沙律清清地。沙律菜新鮮，個汁係日式芝麻醬加左少少harbs ，燒牛肉也是正正常常的。4) 蜜糖雞翼😍😍好好食！好夠蜜糖味，焗得又香。小食的好選擇！朋友叫的特濃朱古力，然而感覺不是很濃。 紅苺果茶！平時坐cafe都幾喜歡叫果茶感花茶，因為可以慢慢享受慢慢飲，又可以加水。第二輪當然會淡一點但係佢係真係果茶，無添加糖。總的來說，餐廳食物唔係話好出色，但材料新鮮，味道也不過不失，環境亦絕對適合三五知己來坐下傾下計。…查看更多

這次已經是第三次來，有時候我覺得餐廳俾到你一種舒適滿意的感覺，就會令你再選擇去。第一次係下午茶時段黎，食左個嘉義雞肉飯👍🏻👍🏻很地道的感覺，價錢又不貴。而另外兩次就係晚飯來的。之前都無影相，今次影返😛第二次黎食過個醉雞卷😍😍😍我太愛醉雞，佢亦都整得十分好，非常入味，花雕酒味香醇，雞肉嫩滑有口感，一份分量也不少，那個價錢絕對抵吃。不過今次黎有幾件個雞肉質感無上次咁好，實左少許，但味道依然保持水準😋另外叫左個家常小炒。這個比較惹味，適合喜歡濃味的朋友。佢炒得好香，特調醬汁再帶點小香辣，有些海鮮，豆干，椒等等。朋友第一次來話去台灣餐廳一定要試牛肉麵喎。我都未叫過，但一食又真的不錯呢！麵條像刀削麵，好有嚼勁💁🏻‍♀️個牛肉都非常好😁肥瘦適中，夠淋也有牛味，湯濃厚剛好不會太咸。朋友也叫了一杯黑糖珍珠奶茶。奶茶可以，不過黑糖味不夠，珍珠也可以再煮淋一點會更好。總的來說，食物是真的不錯的，走過銅鑼灣又想不到吃甚麼，或者突然想食台灣菜，也可來一試。噢，上一次還試過他們的粉絲鍋！那個也很值得推薦，粉絲乾爽入味😋…查看更多

中午同朋友諗住慢慢食個火鍋，再去睇戲。我地12:30左右黎到，應該剛剛開沒多久所以人唔多，而且我見大部分人都係食小菜飯，只有我地這個時間就來食雞煲。其實我見佢地的中午餐都好像不錯，下次都可以再黎試下。佢地都有好幾款雞煲的，個辣酒花螺都好吸引，不過今次就先試個花雕藥膳雞煲。不吃雞煲也可以直接叫火鍋湯底打邊爐。一去到佢地就俾個九格醬料你們任君選擇，基本火鍋配料齊全的。我見他們還有些小食供應。我地叫左半隻雞，之後我後悔了，好想叫一隻haha 是我太大食？佢花雕味都出，真的不錯，反而藥膳無花雕咁重。雞件肉質都好嫩滑，仲好有雞肉味。而且仲有啲秀珍菇，粟米仔等配料，湯味好香。除左雞煲之外，我們還叫了一份魚和菜。材料都很新鮮👍🏻兩個人三百幾，差不多了。😆然後唔知點解個膳片和菜有5折，更抵了。整體來說中午來人不會太多，所以坐得好舒服，可以慢慢食。食物又真係新鮮又幾好吃，員工也friendly. …查看更多

這裡其實不一定要食韓燒，想食韓式鍋，都可以來。因為同朋友都係住將軍澳，今日想搵啲都近大家的，又想食暖暖地既鍋，就黎左炑八。這裡都是有最基本既韓式小炒，湯鍋，或鍋飯，選擇已經好夠我地今晚既心情。在我等緊朋友到達既時候，小碟前菜已經先送黎，佢本來仲有個麻油芽菜，但好快俾我食曬，😭點知當晚無曬無得添...其他前菜都有，係芽菜無，這個有點失望，入座時話任添，至少都俾我添一次也好吧🙈不過算吧，除此之外，其他都不錯既。朋友叫左個石鍋飯，佢好喜歡熱辣辣既飯，最特別既係，這個bibimbab居然有飯焦😛平時食開既都好少會咁，突然佢多了一絲香港風味。我自己就考慮要人參雞湯定牛骨清湯好，兩個都好想食，這晚就是想要一點湯。😬最後還是算了人參雞，好開心，成隻雞都俾我吃光了。下次應該把我清得乾乾淨淨既結果影下先得lol 你話佢特別出眾又不是，但絕對是可以接受的。啲肉夠淋但唔會”hai” or “靭”, 裡面亦有啲小條既人參，當然我覺得佢人參味可以再重點，如果唔係就變左普通雞鍋。…查看更多

深水埗區一直都有好多隱世餐廳，不但味道好，服務也好，也好有人情味，這才能留得住客人吧。同朋友行左一段路就見到對面這間食雲呑的，店內不算大，但好企理，cozy的感覺，老闆娘(我猜她應該是)好friendly, 所以一入去感覺已不錯。我地都揀左一陣先決定到😛 誰叫我們都一點選擇困難。來這邊當然要試雲吞，我們叫左一個薑汁椰菜豬肉雲吞，加左木耳同雞絲。😍佢個雲吞整得幾好啊，豬肉加埋椰菜好香好juicy，皮的厚度也剛剛好，可以hold住餡料得來又不會太厚粉，木耳雞絲既量都幾多，好開心。唯一美中不足是我覺得佢薑汁味不算強，如果多返點薑汁味應該會使其更特別。另一個主菜朋友叫了麻醬青瓜雞絲撈麵，好傳統的一個菜式。濃淡適中，涼涼的好適合食左其他辣野之後食，好舒服。小食方面叫了一個涼拌青瓜和川辣腸粉。老闆娘好窩心，佢上個腸粉時同我講特意少辣左俾我地。😳佢好細心，因為見我地無咩叫辣野，估到我地食唔到好辣，所以幫我地減輕左。減輕左之後對我來說是just perfect, 佢惹味得來又不會過份強烈，有微微煎香左既口感，帶住一陣陣輕輕麻麻既感覺！這份腸粉成為左我地成餐最惹味的食物。飲品方面我叫左一杯海鹽青檸飲品，食住麻辣時飲啲清香的係頗享受的。整體來說這餐食到的都真係值得推薦，尤其對我們不太能吃好辣的但又想食少少的人，叫左兩個清，一個適中，一個濃，真是配合得很好😎食得辣的朋友真的可以來一試，因為我都有試左佢地自家制既菜脯，個麻辣真係整得好純，佢不是一味的辣，是帶香的，只不過我只能食到少少🙊 要留返俾愛辣之人囉…查看更多

好耐無食過鐵板排，這次朋友話想試下，咁即管懷緬一下。一間歷史悠久既餐廳，都要經得起時間時代既變遷，佢地要保留自己既特色之餘，又要創新。我想，這就是歷史價值和公信力吧。符合一般茶餐廳的羅宋湯，好既係佢既餸都不少。我同朋友一個叫左大蝦拼羊，一個叫魚柳拼羊。鐵板上起來的滋滋聲都頗有回憶，蔬菜夠淋但不會太燶，薯角好食！大蝦都開左邊好易切，也煎得好香，有彈性。反而係個主角令我有點失望，因為我係叫medium rare但黎到似well done 🙈 朋友那個就好小小，medium well. 其實我有時真係唔知medium rare即是幾多成，5成？4成？不過，整體來說都是幾有肉味既，肉質也不錯。我見佢個牛都好吸引，可以再去！…查看更多

香港依加越來越多cafe，今次又俾我搵到多一間選擇。我覺得這裡最好既地方就係平日人流唔多，地方好寬敞，夠寧靜仲可以坐幾耐都得，絕對適合想搵個地方休息下傾下計既朋友。佢有日式榻榻米坐，都有普通餐枱坐，真係任你揀。上次黎我食過沙律，朋友食過黑松露意粉，我地都覺得不過不失。今次我地兩個都叫左龍蝦意粉，都叫有驚喜呢，龍蝦比想像中的多。真係有好大件既龍蝦肉😳飲品方面，我個fd encore 左佢最愛既bailey chocolate，又真係幾香bailey味既。不過我今日食個意粉已經覺得有點飽，所以想飲下茶無咁heavy。今次試左個blueberry tea.  嗅到一股藍苺既飄香，飲落都不錯。我上次黎見到佢有好多唔同既名信片賣的，但唔知點解今日無開，可能佢今日有活動，我見啲staff好似拍緊片。佢啲名信片都幾靚架，買完坐低慢慢寫好仲可以直接在此寄出。我諗起我去韓國時都去過類似既cafe, 估唔到香港都有 悠悠閒閒，都朋友傾完計仲可以四圍行下，樓上仲有夾公仔機同啲小鋪仔。黎開尖沙咀又想搵個地方坐，這𥚃的確是一個選擇。…查看更多

我真係幾喜歡這間bar.  以前成日好想搵到一間可以周不時就黎坐下，一個人黎又好，同埋朋友黎又好，根據唔同既心情，享受唔同既酒。我諗最主要係我本身最鐘意cocktails，而這𥚃真係有好多唔同既特調酒，個調酒師又好，所以令到我好想再返黎吧。我唔係一個late person, 所以好早就去到了，haha around 7pm.  一入到去坐低，個調酒師就過黎同我介紹一下有咩酒。其實我唔係成日飲所以都唔係好識，不過佢好有耐性咁問我鐘意啲咩味既，咩感覺的，就推薦左幾款俾我。佢話London to Tokyo 同埋 Silk Road 都好popular 好多人會喜歡，我第一次黎又唔識揀就他說甚麼就甚麼吧。我同我朋友一人叫左一款。一上枱就覺得佢擺杯擺得好靚，有好多生果在上面，個杯都好有民宿特色，令我諗起澳洲aboriginal，而我個fd話佢諗起韓國濟州。這兩杯果味同甜品balance, 酒唔會太濃，都幾啱哩個時間飲。放工想飲返幾杯，我地其實未食野就過黎了，所以佢話好肚餓，咁我地就叫左少少小食，有Grilled chicken, beef and potato wedges.   全部都燒得唔錯，唔會太乾，個薯角都好粗好多薯肉，皮亦夠香脆。間bar唔算太大，但坐得好舒服，時間尚早所以唔會逼，但都keep住有人。到九點幾十點就滿場 (即係我地走既時候)，氣氛就完全不一樣。而我地就幾享受兩個人坐得舒舒服服，靜靜咁傾計既時光，啲bartender又唔會趕你，得閒埋黎傾幾句，都好開心，人又好nice.  飲完第一杯都未傾完計，就諗住飲多杯好了當然繼續叫bartender介紹啦，今次佢介紹既兩杯相對頭先的係feel到更強既酒味，循逐漸進haha, 選得不錯。左邊那杯我見佢有加到奶，口感較creamy。而右邊那杯就係我叫的，比起頭先的佢係屬sour一點，都好有果香。不過我忘了叫咩名><唔記得左影嗰頁既menu.  但同樣地，佢杯杯都好靚，又飲得，又睇得！小食食曬後，依然想搵啲野咬一下，就問下個靚仔bartender有無nuts, 問佢要不要收費，佢話一時時啦，見我地女仔就今次唔駛喎~ hm...所以我都唔知平日要不要收費架。其實佢俾我地既時候係好滿的，不過我地食左一半先記得要影相。整體來說我地都好enjoy這一晚，由餐廳環境，到食物，cocktails, staff, music, 全部都好滿意。尤其是cocktails, 平日好容易揀中啲好藥水味的，但今次我地兩個人叫左4杯，4杯都好好😳對此我地都好有驚喜。值得再來！感覺佢其實cocktails都好值得一試！…查看更多