Ccawyau's Profile

Thai feel 裝修，🌴🍀☘️🍃泰國人主理。🥕🧅🥘🍹環境十分舒適。坐低之後，服務員已經比杯熱水客人清潔餐具非常貼心.午餐價錢非常合理.叫咗呢個咖喱牛肉飯超好食, 白飯嘅量好多，其實可以兩個人share .餐飲加5蚊仲有咸檸檬雪碧，爽。👍…Read More

今日是情人節，來到土瓜灣，選擇食個日本午餐。呢𥚃午餐套餐選擇很多，我們選了這個特製魚生飯$125一位，午餐來說，也不算太平，包一個湯、沙律、魚生飯及甜品。麵豉湯很好味，麵豉好香，加埋三文魚魚肉及海帶，十分豐富，沙律是生菜及蕃茄。魚生飯上魚生有海膽、魚子、甜蝦兩隻、三文魚油甘魚及帶子，好新鮮，真係回味無窮。 …Read More

屋企人幫襯過呢一間coffee , 説這裡coffee 及咖啡豆好正。所以今日來試吓及打算買些咖啡豆。今日叫左呢杯cappuccino，表面個層奶沫打得好滑，咖啡又香濃，價錢唔貴，只係40元。食物方面，也有瑞士雞翼芝士腸午餐肉撈麵，亦都很好味。加上這兒又有WIFI及服務員亦態度，有時候可以來嘆下咖啡…Read More

呢間沾仔記,好有歷史,來到中環，雖然有許多餐廳,決定幫襯呢間老字號.餐牌價錢一啲都唔貴,佢嘅主打係至尊三寶麵，三寶包括有招牌雲吞，鮮鯪魚肉同埋鮮牛肉，我今次叫左三寶撈麵。麵條爽彈，牛肉十分滑，加埋巨型嘅綾魚球，十分豐富，份量真係好大，十分抵食，性價比非常高。最值得一讚嘅就係店內所有嘅服務員態度很好，又會同啲食客傾吓，呢餐午餐食得好開心。…Read More

日本拉麵店來香港開分店，一定有佢獨特優勝之處。避開人潮，特登平日過咗兩點先至過嚟，不用排隊，立即可入座。入店前，服務員非常好，詳細介紹各款拉麵及其湯底不同之處，更提醒不收現金，可用信用卡或其他支付平台，非常貼心。由於沾麵已經賣完，只剩下绸魚清湯或鯛白湯底，我叫了後者。及一瓶日本手工啤酒。鯛白湯底，鮮味濃郁，相信是用貝類海鮮和綢魚餚而成。麵條超級彈牙，有一片嫩滑肉片，加上勁多魚肉粒，口感極為豐富，師傅更放了胡椒榕在碗邊及紅色味粉作點綴，加埋呢咁正既湯底，十分滿足。最後，我想讚下這支手工啤酒，有麥香，非常好。雖然唔算平，但值得一試。…Read More

在上海街618呢達地方，除左有許多特色小鋪，仲有好多特色餐廳。今日去左呢間西餐廳同朋友happy hour 因為下午茶時段啤酒買一送一。飲啤酒梗係要食小食啦。我哋嗌左三款小食。當中最好味係脆炸魷魚鬚，外面炸皮又薄又脆，魷魚仲要好新鮮。粗薯條亦都好有特色,加咗芝士同埋魚子口感十足。炸雞軟骨好香口送啤酒一流。主食叫左芝士香菇Pizza，餅底做到好薄芝士又軟又香。沙律除咗沙律菜新鮮之外，加咗啲新鮮芒果粒，好清新，值得一讚。…Read More

入到來馬灣，梗係去沙灘旁邊搵間餐廳，飲杯酒chill一chill.一坐低馬上叫香檳，服務員亦細心遞上冰桶及替我們斟香檳，坐喺呢個咁靚嘅環境嘆杯香檳，好似去咗外國一様。飲酒梗係配小食，呢兩款炸物超級好食，炸雞翼外脆內多汁，炸魷魚圈亦都係鬆軟可口。雖然個Pizza就普普通通，但大大粒菠蘿火腿小朋友都爭住食,望住呢個靚景及嘆住香檳，轉眼間已經黃昏。疫情之下唔能夠去外國玩陽光與海灘，但來這間餐廳坐下，望吓靚景，都係不錯嘅選擇。…Read More

疫情關係，還未恢復晚市，唯有繼續外賣。大角咀泰嘟嘟呢間泰式餐廳，平時堂食無論午餐下午茶或晚餐時段都有不少人，估不到今晚排隊買外賣嘅人也不少。我叫咗個泰式牛腩牛筋，另外叫一盒白飯。同埋一個芒果糯米飯。咖喱汁超級濃郁，牛腩嫩滑入味，配有三色辣，分量十足，配上白飯真係食到唔停得口芒果糯米飯，芒果清香，配上粒粒分明有黏度嘅糯米飯，配埋椰漿，呢個糯米飯做得好好，讚！雖然食完牛腩飯已經好飽啦，但係呢個芒果糯米飯太好食啦，我都忍唔住全部食晒！…Read More

這店在呢一兩年喺香港開到成行成市，其實已幫襯過好幾間分店，覺得質素都唔錯，加上呢一間店裝修好特別，所以午餐都係再入呢間試吓。這間分店，服務很好，我叫咗檳城白咖喱麵，桔仔話梅水。食物好正宗，充滿馬來西亞風味。咖喱麵條夠爽，蝦肉新鮮豬紅恰到好處又唔會散開，好味。而且我喜歡食辣，服務員亦都樂意送上亞參辣醬。食檳城咖喱麵配上呢一款味道濃郁嘅桔仔話梅水，呢個午餐十分滿意。…Read More

呢間在土瓜灣嘅餐廳，樓底高環境舒適，同朋友傾下計食下午餐，都好適合我們叫咗龍蝦漢堡、龍蝦闊條麵、及甜品荔枝sorbet.龍蝦漢堡包都係第一次食，廚師超有heart , 龍蝦肉用炒過嘅洋蔥及芝士包住，配上牛油味十足嘅漢堡麵包，越好吃。粗薯條熱騰騰新鮮炸起，加埋新爽嘅green salad , 好味到唔停得口。龍蝦海鮮扁意粉亦出色，意粉掛滿龍蝦汁及混合了新鮮嘅龍蝦肉，正！午餐唔包甜品，但係我另外叫咗茘枝sorbet,清新可口，雖然$58呢個價錢唔算太平但係都值得一試！…Read More

好耐冇去過日本，想喺香港食質素好啲嘅日本菜，所以一早訂咗位嚟呢間。平時都好full book唔就冇位。我哋四個人分別叫左四個午餐set.分別有三色飯、咖喱豬扒、六件壽司烏冬天婦羅及和牛蛋飯，另外我哋再加追加左兩件飯團。總括然而所有食物質素很好，尤其是天婦羅炸物，炸蝦外脆,蝦肉多汁、炸豬扒亦都係外脆內軟、壽司亦新鮮好味，完全覺得自己係身在日本，讚！特別有驚喜嘅嘅係Cocktail drink，西柚汁加一啲紫蘇葉嘅雞尾酒，好清新，超級好飲。我哋坐在喺窗口位可以望到維港景色私隱度高確係不錯。我一定會再嚟！…Read More

疫情期間都唔知第幾次叫外賣。正斗價錢其實偏貴，試過堂食物非常出色。今次試吓外賣質素亦都保持，但係真係物有所值。首先豬手好入味，麵條同湯係分開嘅，所以麵條保持爽口彈牙。叉燒包餡料足，口感豐富比好多酒樓做得更好，蒜頭豉汁蒸排骨亦不錯，讚。…Read More

又到午餐時候,德福商場好多等位食飯嘅人。我們又想食台灣麵食，於是就入咗呢一間好多分店嘅台灣麵食。我叫左台灣紅燒牛肉麵，最重要嘅牛肉麵湯底完全唔夠熱，真係有點失望，牛筋其實都幾滑但味道一般，加上服務員態度認真麻麻。（可能太忙嘅關係吧）落咗order之後送餐很快，趕時間或者午餐時段填飽個肚可以，但不過唔好期望太高，希望遲啲會改進一下。…Read More

疫情期間，加上禁夜市，於是用咗外賣平台叫譚仔雲南米線。譚仔係好多人嘅至愛，食物質素和食物種類其實唔使多介紹。但令我意外嘅係外賣水準都維持到，真係要表揚一下。主食嗌咗過橋米線,小食叫左紅油青瓜和木耳，四川青椒皮蛋，雞翼及油菜。過橋米線嘅餸很足料，唔會因為外賣而比少咗。食物質素很好，同堂食冇分別，而米線嘅湯底仲好夠熱，由於米線同湯係分開嘅所以米線都唔會浸到太軟。疫情期間都可以在家食到熱辣辣嘅米線好開心。…Read More

食完飯總係想食啲糖水。朋友帶我來這裡，老實説，由於這餐廳門口大細，平時經開這裡也完全沒有留意。走上窄窄樓梯，別有洞天。裝修簡約有緻。無論餐廳嘅擺設掛畫同埋餐牌都有頗有心思。甜品款式好多，我們用了很多時間去選擇，除咗一般見到嘅甜品之外，更有燕窩同埋一些特色甜品，如榴槤湯圓等，好驚喜。最後我揀咗呢款楊枝甘露，朋友就揀咗芒果椰汁冰。甜品唔超甜，恰到好處，芒果新鮮,正！來到呢間店，記得做一張Almond Dessert 充值會員卡,買滿$200有優惠.除此以外,此店仲會定時送優惠,現在憑咭更可玩購一杯自製即磨咖啡，確是不錯。…Read More