QueenyChoy2201's Profile

想公開表揚Caffee Milani 既Good services今日去2F Caffee Milani lunch ，叫左個粟米燒雞pizza set ，QR code 落單以為自己撳走辣，食咗一啖我同囡囡都覺得好辣食唔落，同外籍男waiter講個Pizza好似未走辣，佢馬上拎走，後來廚房出嚟同我講原來我冇撳到走辣，不過佢哋會換過俾我，叫我耐心等多一陣，而且仲馬上斟咗杯水俾我哋。實在係萬分感謝🙏🏻🙏🏻Ps * 個南瓜忌廉湯好好飲之前食過燒雞+薯條都覺得好好食入座時候亦冇同我講要限時(1個人帶住女女出街食飯，最怕去到啲餐廳未落單就同我講限時60/90分鐘)with spicy, 食咗一啖係覺得好惹味嘅，不過唔啱食唔到辣嘅我哋。Without spicy (兩歲大嘅女女覺得好好食，食咗兩件)…Read More

B-mix 頭盤主打仼食生蠔，除咗第一盤麻麻哋之外，之後上嗰幾盆都好新鮮，而且啲花螺都好鮮甜。食完第一round 之後等咗30分鐘先有第二round（有2盆），食完頭盤之後就叫主菜，分別有牛、豬、燒雞，我哋每樣都有叫。牛最先上菜，可惜唔熱的。然後過多30分鐘燒雞同豬都未嚟，我哋就叫侍應跟進下，佢話已同廚房表達左，再過多20分鐘我哋再催促多一次，侍應話整緊。由9:30pm等到11點， 雖然有live show睇我個人覺得音響太大聲，完全同隔離傾唔到計)我哋已經唔想再等啦，叫埋單。總結生蠔大隻，新鮮不過等待時間實在太長，特別係主菜…Read More