wenpashui123's Profile

今日同事請食飯，首先環景寬落，坐得舒服又有海景，望落都心曠神怡。😍我地有人叫壽喜燒，甜甜地，同事加左少少辣粉都惹味，份量多，男同事岩曬啦，食極都話仲有食唔曬🤣另外有人叫魚生飯，相對上比較精緻，份量少，食完可能快餓🤭每個set都有送沙律🥗，漬物，茶碗蒸，飲品一杯，基本上味道不錯哦😛每人都係100-200，視乎叫咩set，咁嘅環境服務質素，值得嘅。🤭下次夜晚黎，同三五知己飲下酒吹下水應該都幾chill。…Read More

呢間餐廳橙色磚牆加上一啲翠綠草葉裝飾，似田園風格，比到人一種輕鬆嘅感覺。龍蝦湯跟餐會有碗龍蝦湯，香濃龍蝦味，又夠滑，無論點包定就咁飲都超超超級好味。WM威寧頓牛柳牛柳半生熟，肉質軟硬度適中，食到一啲西式香料味，好惹味😍酥皮都夠牛油香，外皮夠脆。唯一美中不足係切開之後牛肉同酥皮容易散開。烤紙包西京比目魚柳配焗雜菜呢個魚相對上比較健康，蔬菜多，味道偏淡，檸檬上面有啲好似味噌醬嘅醬，配搭起黎都算帶比我少少新鮮感，不過我個人都係比較鍾意食濃味啲嘅菜式。朱古力心太軟其實有啲失望，雖然夠朱古力味，但裡面唔夠流心。藍莓芝士蛋糕芝士味濃厚，口感軟滑，餅底夠薄脆唔會硬。忌廉黑牛梳打忌廉唔會好甜，配搭可樂甜味就岩岩好，雪糕好香朱古力味😋兩個人食左三百幾，西餐黎講有呢個質素唔算貴👍🏻👍🏻👍🏻…Read More

鴛鴦麻辣鍋 （午市湯底免費）😍麻辣果邊我地揀左小辣，夠麻夠嗆夠辣，令人熱血沸騰、口水狂飆！鍾意再辣啲嘅朋友可以揀大辣😍另外一邊，皮蛋芫荽湯，相對比較清新，好多皮蛋夠足料，用黎烚菜或者唔食得辣嘅人可以一試。鮮活蟶子（半份39）👍🏻👍🏻👍🏻👍🏻季節限定，聽職員講每日新鮮入貨，果然不負所望，肥嫩嘅蟶子經過麻辣湯一浸，鮮味十足又帶有麻辣香，勁惹味！🤤曉宇薯粉（半份32）👍🏻👍🏻👍🏻即係酸辣粉嘅寬粉，夠煙韌，不過比較貴。現炸豆皮（半份32）👍🏻👍🏻👍🏻👍🏻似大家平時食開嘅響鈴，不過變成一片片，有豆香味又夠脆🤤留意都幾吸湯，點辣湯要小心啲。黑豚腩肉（一份82）👍🏻👍🏻👍🏻👍🏻👍🏻邊位夾住一條脂肪，入口油香四溢，特別甘香，性價比高，極度推薦。手打蝦滑（半份46）👍🏻👍🏻👍🏻👍🏻彈呀鮮味，不過比較貴。鮮竹笙👍🏻👍🏻👍🏻新鮮爽口，不過不失。曉宇嫩牛肉（半份42）👍🏻👍🏻👍🏻👍🏻👍🏻肉質鬆軟滑嫩，又夠牛味，令人喜出望外，必點菜式。安格斯肥牛🐂 （半份119）👍🏻👍🏻👍🏻👍🏻表面亮澤，紋路清晰，牛味濃郁🤤牛魔王不能錯過。鮮蝦雲吞（半份32）👍🏻👍🏻👍🏻👍🏻👍🏻原隻鮮蝦包落去，一啲都唔hea，彈呀好味。打邊爐會擔心啲湯或者醬汁彈到件衫，呢度有一次性圍裙提供，亦有位擺袋，另外望出去景觀好開揚，坐得好舒服，係一個同三五知己，朋友同事食飯相聚嘅好地方。…Read More

今日有幸經過呢間小店，意外地食到令人難忘嘅燒味，不得不分享一下。酒仙醉雞卷，賣相吸引，酒香四溢，入口清涼啖啖肉，齒頰留香，夏天吃最適合不過😍梅子脆燒鴨飯，色澤紅潤，肉質肥而不膩，品質屬於中上但唔算好驚喜。皇牌鴛鴦飯，即係雙拼飯，今次揀左油雞拼叉燒。油雞香氣撲鼻，雞肉細膩嫩滑。叉燒肥瘦適中，外脆里嫩而且有汁，入口充滿燒烤香氣🤤無論是食飯抑或是飲酒，都係上上之選。每個飯餐仲送一杯飲品或者一碗足料靚湯。呢間小店好用心好出色👍🏻有呢個美味程度黎講係好便宜，食到咁滿足都只係160蚊，極度推薦叉燒同醉雞卷。餐廳地點相對上少少隔涉，元朗人就應該唔難搵，如果其他區人士過黎可能就要花多少少時間搵一搵，但絕對值得。…Read More

簡單的裝修加上木色的檯凳，很有親切感。主食方面，滷肉飯，豬肉肥瘦適中，香味俱全，唯一不足係飯太多肉太少。眷村紅燒牛三寶麵正宗口味，同係台灣食嘅味道一樣，牛筋軟腍，牛腱厚肉又唔硬，牛肚爽口😋大腸麵線麵線質感綿滑，可惜味道比較遜色。塔香鹹酥雞，外皮酥脆，椒鹽鹹香，雞肉嫩滑多汁，一啖一件岩岩好。😍 起司肉鬆蛋餅係今餐最有驚喜嘅食品，帶有少少焦脆嘅蛋皮，夾著濃郁奶香芝士，肉鬆脆脆，齒頰留香😭最欣賞呢個小食，下次來必定再叫。…Read More

好難得屯門呢啲鄉下地方有間特色咖啡店☕️簡單精緻嘅淺色裝修風格，比到人有種relax嘅感覺。一入去聞到香濃嘅咖啡味🤩好正正！咖啡機望落去都好專業，唔覺得會比大型連鎖咖啡店嘅機遜色。整體佈置上都睇得出店主好有心機。好可惜位置唔多，我地黎果陣已經full左，唯有叫外賣，叫左杯green tea latte同mocha。濃濃嘅日式抹茶味，而呢度嘅抹茶似乎係走少甜路線，岩曬我呢啲怕甜人士。至於朋友嘅mocha，亦咖啡味十足😋😋下次會再過黎，希望有位可以坐底慢慢嘆！😚…Read More

星期六日嫌市區太多人，而家開始尋覓啲少人清靜又舒服，最緊要有好野食嘅地方。第一次去新田購物城，呢個餐廳個名好吸引🤤其實呢間就係蒸氣鍋蒸海鮮食，醬汁自己調，可辣可不辣，其中有個蒜蓉辣椒醬味道不錯。老火湯今日呢個湯似乎係椰子雞湯，淡淡椰子香，不會蓋過雞味，恰到好處。溫泉蛋🥚加少少醬油提起鮮味，口感軟滑綿綿😋肉蟹隻蟹個size比較細，但勝在夠鮮甜😏紅棗杞子蟲草花蒸雞🐔藥材味好夾，蟲草花爽脆，雞肉嫩滑惹味。海中蝦🦐蝦肉爽口，不過不失。花甲每一粒花甲都裝住好多汁，無限鮮味！生蠔🦪鮮甜多汁，回味無窮🤤元貝，肉質細嫩👍🏻，香味四溢。粥底雖說所有海鮮嘅精華都匯聚係粥底，可惜粥底份量太大，令到鮮味有限，只能用黎填飽肚。整體黎講，食材夠新鮮，地方又大又舒適，又唔貴，值得一試。👍🏻…Read More

下午係旺角同朋友行街行到又攰又餓，求其搵間cafe坐下食下野，去到門口望到古典嘅裝修風格，流線形嘅銅色支掛滿波波燈，吸引左我地入去☺️我地叫左二人餐，包一個小食，兩個主食，兩個甜品同兩杯飲品。食物未到之前我地仲攞左兩本旅行書黎睇睇😈真係岩曬🤤小食揀左芝士煙肉黑松露焗大蘑菇🍄。煙肉嘅咸香加上黑松露同芝士味夠濃郁夠香，肥厚菇菇咬落去好juicy🤤🤤令人垂涎三尺😍主餐叫左特濃龍蝦汁帶子蟹肉意大利粉。龍蝦汁鮮味十足配多粒小帶子，都算足料，值得推介👍🏻黑松露軟殼蟹意大利粉，相比之下呢個主菜比較遜色，係食到黑松露味但我期望再濃啲就好，不過佢個芝士白汁味道唔錯挽回左唔少分數。兩碟意大利粉嘅份量十足，絕對唔洗驚唔夠飽。甜品方面揀左紐約芝士餅，芝士餅無論味道定口感都一般，不過不失。而另外一款甜品，榛子朱古力比利時窩夫🧇相比之下好食好多，朱古力香甜可口，加上窩夫蛋香，甜而不膩。飲品方面一杯金桔檸檬綠茶同荔枝紅茶，兩杯都係茶味清新，甜度適中，食飽飲埋杯茶，兩個人慢慢繼續吹水，真係好舒服。…Read More

元朗新開一間食🐂🐂，作為牛魔王梗係唔會放過佢😈餐前沙律菜自己夾，鍾意食幾多就攞幾多，仲有沙律汁自己加😁 沙律隔離就係湯同飯，都係任飲任食，我仲落左好多紫菜碎撈飯拌飯😜 主菜牛牛要去門口隔離部機買飛，我同朋友一個叫左牛肩排（80蚊180克）一個叫左牛柳（110蚊200克）。牛肉放係超級熱嘅石板上面，會有好多油彈出黎，我同朋友傻下傻下冇留意到，好在職員提我地，幫我地攞左圍裙✌🏻煎嘅時候可以加啲鹽同黑胡椒，會更加好食。醬汁方面都係自由配搭，不過就得幾款，我就溝左個蒜蓉加燒肉汁，點牛肉好惹味👍🏻👍🏻🐂牛肉方面，其實兩款牛肉都算嫩，都好juicy，就算自己煎到七八成熟都唔會覺得肉硬，如果真係要2揀1，我比較鍾意就肩排，肉質會比牛柳更加嫩腍。整體黎講都不錯，反正唔貴，可以一試再試，下次品嚐唔同部位嘅牛肉😋😋…Read More

西餐自己煮比較麻煩，倒不如出去食，早排食過呢間lunch set既好味又抵食。燒汁牛肉粒意大利飯飯粒軟硬度適中，牛肉粒口感有些少硬但夠香牛味🐂，鹹鹹甜甜嘅燒汁配搭得宜。中午食呢個番份量亦岩岩好。奧斯芝士牛肉漢堡薯條麵包皮脆內裡鬆軟，加上嫩滑漢堡，惹味肉醬，香濃芝士，多汁蘑菇，焦脆煙肉，清新蔬菜番茄，口感層次豐富，係超級好食😋薯條都好香薯仔味，🍔漢堡包加🍟薯條嘅組合係超級飽肚。✌🏻我發現餐牌仲有軟殼蟹漢堡同炸魚漢堡，雖然唔係lunch set，但我下次黎一定要試下🤩另加小食，奧斯水牛城雞翼🐔雞翼係香港人最愛嘅食物之一，唔可以錯過，酸辣汁包裹住雞翼，十分惹味，雞翼肉質嫩滑👍🏻可以享受到咁高質量嘅西餐，又包埋一碗餐湯同飲品，環境又舒服，兩個人都係200蚊左右，值得一試🥰…Read More

我同朋友經過見到免費送午市鍋底，即刻心動入去食😜講下個湯底先，係免費但唔hea架，叫普通辣大紅鍋同皮蛋香菜鍋，前者正宗重慶口味夠麻辣惹味，後者足料，皮蛋多到食極都好似仲有咁🤣🐟鮮龍躉片，皮滑厚肉冇骨，口感鮮味十足，仲要唔腥，連平時唔太鍾意食魚嘅朋友都讚不絕口。👏🏻🦐鮮蝦雲吞，足料原隻鮮蝦，餡料夠彈牙。肉類叫左三款，不得不承認呢間嘅肉類質素都非常優秀。🐂安格斯優質肥牛，睇到啲花紋已經眼前一亮☺️涮兩三下就可以食，好香牛味好juicy🤤曉宇嫩牛肉，對於怕肥嘅人士黎講呢款牛肉絕對係首選，肉質瘦得黎又嫩滑😍🐖黑豚豬腩肉，雖薄薄一片，咬落油潤甘香，人間美味啊！太好食好後悔只叫左半份😭丸類同其他手打三寶丸，口感確實彈牙，味道不過不失。至於包心魚丸，特別在外皮軟綿綿口感似糯米糰，裡面餡料就大同小異。現炸豆皮，就係片裝嘅響鈴🔔。窩筍片切到好薄好快入味👍🏻👍🏻鍾意打邊爐又追求食物質素嘅朋友不妨一試，環境又夠乾淨舒服😸 服務員好有禮貌又好細心，會主動加茶。…Read More

今日同朋友黎荃灣覓食，周圍行，呢間幾平又幾好食，呢度搭巴士會方便啲，有興趣的朋友都可以黎試下。月見牛肉味噌鍋配白飯鍾意食味噌湯嘅朋友不能錯過哦，材料都好豐盛，有冬菇，雞蛋，菜，肥牛，魚丸，肥牛放係湯度慢慢變熟，肉質岩岩好夠嫩滑。初見特上漢堡飽跟薯條漢堡的牛味，加上煙肉嘅鹹香，番茄蔬菜的清新，非常美味👍🏻相對薯條就比較遜色，但整體黎講呢個漢堡超級抵食，肉質好，量多夠飽，性價比高。泡菜牛肉卷配番茄沙沙皮好似印度薄餅皮，裡面包左幾款菇類，菜和泡菜，調味幾香，不過少少鹹，但絕對係驚喜，比我預期香好多好食好多。…Read More

同媽咪行愉景新城，行到攰只想搵個地方坐下食個嘢。呢間餐廳坐得幾舒服，牆上嘅圖畫有啲懷舊感覺。我地入黎果陣聞到雞蛋仔嘅香味，忍唔住叫左個鮮果雞蛋仔配雪糕。雞蛋仔好脆好香，係一種令人懷念的味道。香濃芝士焗薯條，份量幾多，芝士夠香，記得要趁熱食，凍左芝士沒咁好食。石鍋日式雞扒湯烏冬石鍋燒得夠熱，上台果陣滾燙滾燙的，令人期待啊，湯底味道不錯哦，烏冬都好彈牙。仲有個心太軟，香濃嘅朱古力帶有少少酒味，配埋雪糕食，真係人間美味🤩🤩我黎嘅時候係下午茶時段，大商場來講係超級抵食，連飲品兩個人飽到傻都只係食左161👍🏻…Read More

雖然呢間餐廳同地鐵站有啲距離，搭巴士的話會方便啲，不過唔怕位置隔涉的話絕對會為你帶黎意外嘅驚喜。餐湯係粟米湯🌽好香濃，飲落有少少粟米微粒，口感豐富。三文魚子，食落好新鮮，帶有少少天然鹹味，點埋芥末醬同餐包一齊食，十分相宜👍🏻方形吞拿魚🐟，經過燒烤嘅邊緣變得更加香口，中間部分亦鮮味十足。黑松露薄片意大利飯配美國大啡菇牛肝菌泡沫,意大利飯creamy嘅口感，帶有香濃嘅黑松露味道，連表面嘅泡泡都有菇菌味，香氣十足，令人一試難忘，鍾意食菇菇嘅朋友絕對唔可以錯過🤤🤤🤤傳統西班牙烤乳豬一刀落手，清脆嘅聲音，軟腍嘅肉質，乳豬外脆內嫩，加上甜甜地嘅醬汁，拌酒一流，一邊食，一邊同知己飲酒吹水，不失為一件樂事。飲品方面，我地叫左兩杯Cocktail,Gin & Pear,飲落首先係清新檸檬同香橙之類柑橘香同乾果味，吞左之後會開始感覺酒精味，含有gin同vodka呢兩種烈酒黎講算容易入口。Gin& Pear係走果味路線，而Ice Lavender Tea呢杯就係走花香路線，品嚐到濃郁嘅薰衣草幽香，背後係濃烈嘅酒味。整體黎講，餐廳設計風格帶有西方古典色彩又不失浪漫優雅，環境令人感到舒適宜人，無論係情侶約會，朋友聚餐，知己飲酒談心，都十分合適。…Read More

其實屯門好大，收收埋埋唔少好野食，要發掘都唔容易，最近竟然被我見到呢間經過都唔覺眼嘅隱世中菜館。生炸鹹魚肉餅，咬落去個口感好實在，唔會有好多粉嘅感覺，好足料，夠鹹魚香，配飯一流👍🏻👍🏻👍🏻椒鹽鮮魷，令我最驚喜係啲辣炸蒜，粒粒都係紅色架🤭🤩真係好香辣好惹味，每一舊魷魚我都hi左好多炸蒜黎食，點埋喼汁酸酸甜甜就更加開胃。水煮牛肉，小辣我地已經岩岩好☺️感到少少麻又唔會覺得好唔舒服。裡面除左有嫩口牛肉，仲有好多配料，例如豆仆，芽菜，芹菜，木耳，啲配菜吸左麻辣味好正😈食落都覺過癮😈😈😈呢間中菜館地理位置係偏僻左少少，主要係唔太起眼，其實距離鳴琴輕鐵站只係兩分鐘嘅路程，但抵食又好食，選擇又多，員工服務態度又好，值得帶屋企人一試👍🏻👍🏻👍🏻…Read More