KaLokYeung4259's Profile

今日行開銅鑼灣諗住去試間新嘢，睇吓食物質素及服務。我哋點咗三個餸，清蒸虎杉斑一斤、生炒排骨、豆豉鯪魚油麥菜。虎杉斑話一斤，係晚市優惠。但一上枱，整條魚和鐵羹一樣長，我想問問大家，係咪有一斤重。生炒骨普通。最經典是豆豉鯪魚油麥菜，整碟菜只有一片豆豉鯪魚。我真係冇嘢好講！又貴又差！奉勸大家小心睇路！…Read More

我媽媽去大圍潮庭飲茶，門口支客話冇位，推佢去旁邊的美中鴨子，根本兩間酒樓食嘅嘢完全唔同；佢就叫你老人家，硬着要推你過去，話食物完全一樣。去到美中鴨子，係用碟嚟食嘢的，完全冇碗；我阿媽要食擔擔麵，想分一部份俾我，唯有將麵放在隻碟度食，真係不知所謂。飲茶係用玻璃杯的，你將熱茶倒在玻璃杯內，一拿起隻杯，就熱到你飛起。一個70多歲的老人家，就係俾大圍的潮庭及美中鴨子玩起。美中鴨子無生意，你就將去潮庭的客人推過去美中鴨子，這就是美心的好客之道。…Read More

今日約了客人，特登去試利苑煲仔飯，酒樓11:30開門，我們12:00去到。部長說無得落煲仔飯，佢話做唔切，所以無得落單。咁大間酒樓，連這些主食都做唔到，真係好有問題，不知所謂，有無攪錯？！香港的酒樓真係越做越差，無食物供應，請在點心紙或二維碼提示，免得客人白走一趟；最離譜係，佢連一句「對唔住」，都唔會講，只係敷衍你，「無得賣！無得賣！」我對香港食肆真係徹底失去信心。利苑係香港數一數二好貴的酒樓，但對客人的無禮及敷衍，連茶餐廳都不如，完全影衰晒香港旅遊中心的聲譽，呢啲酒樓真係完全唔要得。…Read More