sylviatsui_letseat's Profile

一直都有留意呢間裝潢幾靚嘅cafe，豆沙色為主，每次見入面都坐滿人。但入到去，發現餐廳坐位與坐位之間勁近🫂中庭就放張流線型設計嘅圓枱，岩打卡，好睇唔仲用，將梳化位嘅客人迫到難以自由出入，佈局嘅舒適度好差。坐低睇完menus之後要出返去counter order意粉+賣單，相對有啲麻煩，唔會稱為restaurant🫢 今次order左個Spaghetti Carbonara with Pancetta Affumicata Bacon + Hot Latte (Regular size)。先講意粉，意粉煮得過軟，相中亦可以睇到意粉過熱導致汁油分離、好稀、唔掛汁，啲煙肉好似分開放，完全無味，無煙肉油香、無蛋香、無芝士味，覺得自己食緊白灼意粉，口感有啲軟爛🤔至於杯Hot Latte，比連鎖店cafe遜色，偏向重奶，飲唔出咖啡香，奶泡同espresso比例有待改善。食完仲肚痛，真係唔會再光顧了😓…Read More

前身mamaday嘅ZipZip cafe，上到大廈1/F搵餐廳門口都撞板2次，係幾有趣嘅但走廊好窄好侷，無心情搵門口。入到餐廳，店面比想像中細小，裝飾品五顏六色變得壓迫感重，店內空氣好侷促又悶熱，好似無冷氣咁🥵另外，唔知點解要掃QRcode做咗會員先可以用餐。餐廳員工親切友善，有活力🫶🏻意外發現係pet friendly restaurant？用餐期間都聽到有狗吠、走咗過嚟呢邊。點餐環節，打開menu眼花凌亂，菜名奇怪又長氣，見住啲名真係完全唔覺得吸引，揀唔落手。最後主食都叫咗「黃金龍蝦汁魷魚薄片掛晒啲汁意粉」+「以為食緊片皮鴨比薩」，見線上好多人都推薦過，而飲品就叫咗「提拉米蘇聽過米」+「法式焦糖咖啡」，提拉米蘇都見有人推薦就trytry。每道菜式嘅份量都偏小。先講講碟pasta，魷魚幾fresh又彈牙，調汁味道十分好，食落有咸香，意粉彈牙，但唯一瑕疵就係掛汁唔夠，稍微偏乾，不過都真心推薦大家order呢款意粉👍食食吓就唔經唔覺清晒！😋pizza味道都唔錯，餅皮簿而香脆，2-3個人分享剛剛好，但餡料過分簡單又少，每塊pizza得1條青瓜、1小舊鴨肉、數條洋蔥絲，鴨肉肉質偏乾難咬，成日攝牙🥲飲品就比較推薦法式焦糖咖啡，有驚喜✨本身自己飲開咖啡少揀糖漿類，呢杯似係飲品又似係甜品，一啖飲落去有3層口感，caramel 焦香味、cream cheese 、latte，口感豐富，必推！👍對於杯提拉米蘇就真係好失望，cheese味勁淡，零咖啡酒味，但上蓋就有一層好厚嘅coco powder，你會發現佢只係一杯可可粉浮面嘅普通牛奶。…Read More

記得要提早預約，長期都好full！Weekday食都早咗成個月去book位，因為店面細小，所以容納人數有限。想walk-in嘅朋友仔會有排等㗎🥺雖然店小，但餐廳所有staffs都勁nice，笑容滿面💕今次試食set lunch，我同朋友兩個人喺Small plates揀咗Autumnal Leaf Salad (V) + Wagyu Beef Tartare，Pasta就Festonati + Reginette，Dessert必食Odette's Tiramisu！Small plates正常發揮就唔特別提啦😏Fresh pasta個人特別推薦Reginette，辣辣地刺激味蕾，食完一啖就會覺得Festonati相對淡而無味。而Tiramisu的確比其他餐廳偏重酒味，鐘意飲酒嘅朋友仔一定要揀佢🥰少飲酒嘅朋友仔記得唔好食晒成碟dessert，會返唔到屋企㗎～🤣…Read More