Big碧's Profile

很少用腳經過摩頓台一帶，偶然夢遊行過又肚餓，就即管入去試吓，點知不斷有驚喜！午餐餐湯忌廉薯仔湯，入口忌廉細滑，有淡淡打溶咗嘅煙肉味，再加幾滴有香草香嘅橄欖油，正！餐包灑咗少少鹽同好少好少嘅橄欖油，再配咗一小匙橘子果醬，嘩，$88 set lunch 咋，洗唔洗咁細心呀👍🏼跟住就抱住期待嘅心情等個主菜嘞！忌廉蕃茄意大利飯，香濃茄味，仲灑咗d炸過嘅小米添，我望咗好耐先知原來係d小米令啖飯有好輕巧嘅脆脆感覺😋唯一美中不足嘅係甜品，凍燉奶。其實味道好好，但質地就唔夠滑，係實咗同鞋咗少少咁。不過整體都正！正！正！…Read More

食海鮮、燒肉放題嘅店實在唔少，但呢間新開、仲係試業嘅呢，就揀咗提供埋大閘蟹任食添嘞！$288一位包飲品(有啤酒)唔加一，已經係合理價錢，再加上大閘蟹任食喎，咁就梗係試吓啦！先講燒烤嘅食物，d海鮮係急凍食品，包括帶子、蠔、魚，全部都係連冰上，要烤熟呢就要多少少時間，同埋要自己調味。醃咗嘅呢有豬、牛、雞，款式唔算多，但都叫樣樣有d，而且調味可口。但對我嚟講，主角係大閘蟹！餐廳大約每15分鐘出一次，由專人行埋枱，每人分一隻。當然，你食得快可以自行問佢再攞。每隻上枱嘅都係剛剛蒸好，熱辣辣！呢期係公蟹，d膏香噴噴、痴立立，好味！再加上老闆自己砲製咗加料蟹醋，相得益彰！餐廳都幾細心，仲有一大煲薑茶俾大家自己匹嚟飲。環境乾淨企理，仲有幾張卡位。…Read More

開張冇耐嘅地方串燒店，咁就同朋友一齊去試下啦！喺錦上路近大欖隧道落嚟嘅路口，都算易揾。有地方泊車，環境都算闊落。一坐低，二話不說，因為天氣太熱，梗係叫飲品先。可能未有酒牌，所以要先俾酒水錢，俾佢出去幫手買啤酒。試咗差不多20款食品:炸春卷 脆燒雞中翼、大魷魚 可以再香口d燒牛舌、白磨菇、五花腩、韮菜、一口豚 絶對可以再濃味d燒金菇、豬軟骨、羊架 合格以上雞泡魚乾、炸薯角 例牌嘢服務員態度良好，加咗唔少分下次會再講清楚口味要求…Read More

如果唔係有朋友介紹，又真係唔會去開深水埗區，仲話去嗰區打邊爐。不過朋友試過話正，就要去體會一下喇！一入去，見到地方唔算大，但座位幾寛趟。坐低未叫嘢食，侍應就先奉上每人一小杯酸梅汁，開胃提神！正餐前先嚟前菜！本身唔喜歡食醃製嘢，怕咸。幸好個宮庭醬蘿蔔又唔算濃味，質感亦非常脆口。至於杏香金沙豆腐就更出色外脆內軟！再食埋條金鼓刺身，其實好似已經冇乜空間再打邊爐不過老闆叫我哋試吓個冬蔭公湯底火鍋，咁就梗係試埋啦！個湯包好有心思咁用腐皮包住，等湯底滾起約8、9分鐘先溶化，咁就可以連腐皮都食埋！火鍋料我哋點咗:細龍蝦🦞黑豚肉片羊肉片黑松露水餃一路話飽，但又一路係咁食！因為實在好食喎！仲要食食吓又上頭先條金鼓魚骨、魚頭嘅椒鹽版添！！好香口，佐酒一流！…Read More

行入西菁街，本來冇乜心食乜嘢，點知見到呢間幾好人氣，就行入去試吓啦！樣樣都試吓辣酒煮花螺，夠香、微辣。花螺肉夠新鮮、甜脆。豉椒炒聖子王，正！聖子來料鮮味，豉椒汁香口！小炒王味道好，但略為濕身，唔夠香口。…Read More

喺八鄉要食泰菜，都有好幾個地方可供選擇。但若論性價比，首選就一定係123。餐廳內地方唔大，係家庭式嘅運作。一般午餐、晚市都有套餐可選擇，只不過係幾十蚊嘅消費。人多嘅話，就可以揀多好多菜色。今晚個泰式炒蜆，濃香九層塔味，正！可惜我哋一行7人，每人只食到2、3粒😂無骨鳳爪差少少酸味泰式生蝦刺身，雖然話係海鮮價，但唔會劏客，必食！咖哩軟殻蟹，個咖哩汁偏甜，唔啱我口味，但席中朋友話好食肉碎煎蛋有驚喜，記得要攞辣椒醬配撘！留意餐廳只得廿幾個位，如果人多去，就記得訂定位！…Read More

三五知己聚會，梗係揾個坐得舒服、食得稱心嘅地方啦！之前嚟過好幾次，午餐、晚飯、喜宴等埸合都有，但都係翻新工程以前的事。趁機再來試試最新的環境、食物質素及服務水準。枱訂咗係6點鐘嘅，朋友們早到了丁點兒，喺5:59時要求入座，但被接待處的拒絕，佢話未夠鐘。我明，又真係未夠鐘嘅，兼且佢哋晚市嘅時間係由6點開始，明白的！但奇怪嘅係，旁邊十位左右嘅日本客人，可以先入座到我哋入座後，不同的侍應生過嚟問我哋飲乜嘢茶，前後3次、用咗15分鐘，終於將精心準備嘅水仙同滾水送到。期間上錯菜、送錯外賣盒等低級錯誤不斷出現！究竟發生咗乜嘢事？點解會咁？！至於食物質數，同價格完全不符！短期內唔會有第二次！…Read More

港式西餐，質素合格以上。推介豬手，香、脆、味道濃淡得宜。小食炸雞翼甜甜辣辣，亦惹味可口。比薩出色，批底薄脆！甜品合格。服務水平良好，特別係對狗狗非常友善。呢個要重點推介👍🏼…Read More

一圍11人，想食海鮮，就浩浩蕩蕩咁去咗海天。但周末去嘅話，一定要訂位！萬一揸車去想泊佢哋嘅停車場，就更加要6點就到！否則6點15分可能已經爆滿！喺海鮮街好似同D有殻嘅海鮮有仇咁，揀呀買呀。除咗要買新鮮、更加要買時令！一邊買，又可以同檔主問吓意見，用乜嘢方法烹調，正！11人買咗$3,400料。海天煮8個海鮮嘅加工費，再加叉燒、燒腩仔、另3個小菜，埋單$2,900。個個都食飽飽！好滿足！如果俾5、6百蚊去食自助餐，其實用呢個價錢食海鮮，可能更精彩！…Read More

由香辣煙韌嘅咖哩魚旦、真材實料嘅碗仔翅、魚肉湯、脆炸鮮蝦雲吞、到各款撈麵，都有水準表現。最難係要做選擇，唔知食得邊樣。我個人就一定食碗仔翅！因為材料足、味道好。…Read More