Wendyll's Profile

好耐無約朋友食飯啦，甚是掛念。今日終於約到兩個老友去Café食餐飯，呢間係朋友推介嘅，佢話上次嚟過覺得幾好食。地點都算易搵，朗豪坊果邊行段路就搵到。環境幾靚，係女仔會鐘意嚟嘅Café style。我地就點咗2樣嘢，一齊 share。軟殼蟹明太子包：包幾好食，口感豐富。龍蝦鮮鮑魚茄汁天使麵：呢個麵都幾豪華下，又龍蝦又鮑魚，食落果然好鮮美。因為佢呢度啲嘢飲幾出名，所以我地每人都點咗一杯飲品。髒髒紫薯鮮奶沙冰：我就鐘意一切關於紫薯嘅味道，飲落好香滑。髒髒黑糖珍珠鮮奶：呢個係佢地嘅招牌，朋友話都幾好飲超級水果茶：水果好多，好足料。…Read More

打邊爐呢，果啲胡椒湯底，番茄湯底，沙嗲湯底真係食到厭。今次就試下啲特別嘢，進補醉雞湯，睇MENU仲係用新鮮清遠雞整嘅，聞落好香。配料方面因為都點咗幾多，好難記得所有嘢。我就覺得佢啲餃子真係幾好味，我最鐘意食泡菜牛肉餃！少少辣，又有牛肉鮮味，好食。仲有黑松露墨魚滑，黑松露味道好香濃，魚滑彈牙。朋友就比較鐘意呢度嘅海鮮，覺得款款新鮮。尤其係刺身。價錢中上，但有相應嘅質素，都算係值！環境闊落，啲枱隔得都幾疏落，坐得幾舒服。…Read More

澳門既舅父一家人之前黎左香港探外婆, 今日就同埋媽咪一齊送佢地去港澳碼頭坐船返澳門點知船飛賣爆哂, 要等到兩個鐘後既班次先有飛賣咁我地就去搵左間酒樓食住飯等啦舅父一家人就唔多鐘意食點心, 所以就叫左小菜食我地叫左炸子雞啦、鐵板安格斯牛柳粒、松子桂花魚、燉湯同埋兩碟蔬菜呢度環境幾舒服, 仲望住個海, 裝修都幾高雅員工服務態度都唔錯, 碗筷都乾乾淨淨食物方面質素都幾好, 水準以上炸子雞真正做到皮脆肉嫩安格斯牛柳粒肉質軟淋有肉味松子桂花魚完全突顯出師父既功架, 惹味非常又不失應有既甘香脆口其餘幾項菜式都唔錯, 值得一試…Read More

每逢初一十五我都會食齋中午既時候出左深水埗買野, 咁啱行過呢間新聚寶見到佢有午市套餐就入去幫襯啦佢地既午市套餐有小菜同炒粉麵揀仲免收茶芥加一添~都幾抵既我就揀左個香草崧子炒飯都幾大碟, 同埋都真係幾香除左崧子仲有菜心粒同菇粒香草同調味料都落得足, 唔會話勁淡味個種炒飯炒得夠乾身, 啲飯唔會痴埋一舊, 算係唔錯啦佢地仲有外賣既糕點同酸齋可以買返去食我就揀左馬蹄糕同咸水角馬蹄糕清甜爽口, 唔會有酸味, 幾好食早知買多兩件啦, 依家好少見到有馬蹄糕買咸水角都唔錯, 雖然凍左, 但仍然保持鬆脆, 著實不錯…Read More

今日去左EMAX個邊做野, 做完就係呢度食埋LUNCH去左呢間Chill inn食係因為知佢係寵物友善餐廳食飯之餘可以睇下狗仔都幾開心relax我就叫左個牛肉煎蛋芝士漢堡配薯條牛肉juicy唔乾身, 仲幾厚身, 無筋, 都算有驚喜!蛋黃一咬即破, 豐富美味既蛋汁就流出黎~同牛肉好夾好正, 豐郁既口感, 啖啖都係滋味薯條係即叫即炸, 新鮮熱辣脆口, 無唔好食既道理啦呱?食完都算飽, 但又口痕痕想食甜品....就加左$28叫多個迷你芒果糯米飯啦份量啱啱好~芒果夠哂甜~~~甜到入心入肺,仲好多汁糯米飯軟硬程度剛剛好椰多如果可以再落多少少就更加very good啦!…Read More

呢間janjan串揚一直都係我想試既餐廳之一今日收早就趁早少少入去食啦一個人食唔到太多野, 叫左四款炸串同三款串燒炸串我叫左天使蝦、牛肉、雞肉紫蘇卷、黑松露芝士串燒就叫左雞肉丸、牛舌、雞腿佢地既炸串真係幾唔錯, 炸漿薄得黎又不失香脆口感天使蝦大大隻, 蝦肉口感豐富, 值得一試雞肉紫蘇卷都幾特別, 紫蘇葉既獨特香味估唔到同雞肉又幾夾, 而雞肉都好好食串燒方面都唔錯既, 雞肉丸幾特別, 好似免治雞肉棒咁, 我最鐘意牛舌爽口得黎又唔會韌, 仲有肉汁添…Read More

好耐之前黎過同一個地點食放題，估唔到已經轉手成為一間雞煲私房菜本身今晚打算WALK-IN食放題，但一場黎到，見入面都幾多客，質素應該唔差，就入去試下啦佢地既雞煲金分唔同程度既辣，我地咁食得辣，就挑戰食最勁個種辣度雞煲落左指天辣、花椒、八角等等基本香料黎炮製，仲有幾隻望落橙橙地色好似幾危險既唔知咩辣嘩....果然係有料到，我食左兩件雞件已經有少少發麻同冒汗....但食辣當然係越辣越過癮啦...同行既朋友比我更加食得辣，暫時佢未有任何不適既感覺，真係勁...食完雞煲之後，店員幫我地左雞湯轉為打邊爐。火鍋料就係自助形式出去夾，鐘意食幾多就拎幾多，千萬唔好做大嘥鬼呀!於是我就夾左好多響鈴同炸魚皮返去，呢個火鍋孖寶，有得任食就梗係夾盡佢啦另外仲有豬頸肉、魚皮餃、唔同既丸類都好多選擇除左食物多選擇之外，飲品都勁多選擇，佢有十幾款台式飲品任飲之餘仲有好多韓國罐裝飲品真係飲野都飲到飽....仲有一樣唔可以錯過既野就係佢地既任食串燒啦多達3x款任你食，真係好少有...推介串燒雞皮、多春魚、台灣腸同埋燒賣...估唔到燒賣拎去燒又真係幾好食架!!煙煙unun咁!!hahaha!!…Read More

因為前排有半個月時間都唔係香港，所以就遲左同屋企人食中秋飯返到黎老媽子話要懲罰我，補食返餐中秋飯要我負責埋單~餐廳就由佢揀老媽子開到聲，梗係無得SAY NO啦!!原來老媽子之前同佢班絲打食過尚八既A4和牛放題，食過一次之後就念念不忘，一早就想帶我地黎試下老媽子仲勁快手咁BOOK定位，睇黎佢真係勁想翻啅喎...荃灣分店原來係新開既，空間幾大，坐得好舒服，一啲都唔會覺得逼感覺抽風同冷氣都好足夠，食完唔會有好勁油煙味係身咁我地就Book左星期六既7點鐘，屬於黃金時段，收費$438~星期五六日同紅日就加多$30，另外再有加一服務費可能有人覺得呢個價錢有點貴，但諗真d有得食A4和牛放題喎~任食喎~去日本餐廳一客和牛定食都收你幾百蚊啦....呢個價錢可以俾你放任咁食，我就覺得幾抵佢地任食和牛有咩揀呢?包括有和牛三角、和牛前肩、和牛外腿、和牛胸腹、和牛冧、一口牛等等...怕食太多會好快膩既話都唔洗怕，佢地有赤身揀，相對無咁膩除左和牛佢地仲有好多唔同既食物，比起牛X放題，尚八多款好多我地頭一轉Order梗係急不及待叫哂咁多款和牛啦老媽子話最鐘意就係食佢地個A4和牛三角，話入口即溶，啱佢呢d無乜牙力既人食老豆就話鐘意牛胸腹同赤身，因為有咬口啲至於家姐就同我一樣鐘意和牛冧，佢同和牛三角一樣都係入口即溶~勁正!!仲加單叫左三次!!另外仲叫左香草牛油帆立貝、鹽燒虎蝦、黑豚肉同埋雞腿肉等等....仲有原來佢其他非和牛既牛肉都好正老媽子見到D虎蝦咁大隻都係咁話抵食，仲加左兩次單成餐飯我地食到勁開心，老豆都係咁話物超所值臨走時見到佢地既雪櫃原來有和牛散買，可以買返屋企自己煮但阿媽即刻話洗乜自己煮咁辛苦啫~擺低錢黎呢度任食咪得囉之後仲決定左下個月再黎過...睇黎我銀包又凍過水啦.... T^T…Read More

最近生活壓力大，收工想搵個地方hea下放鬆下個腦搵左個巴打同我飲下酒吹下水講到飲酒一定會搵最近我地公司既諾士佛臺今日係平日，諾士佛臺如我所料唔算太逼爆，可以慢慢揀酒吧最後就揀左「寢宮」叫左一杯Cocktail，一杯啤酒同兩份小食杯cocktail已經唔記得係咩名 (老人家記性差...ORZ)，淨係記得佢係酸酸地，飲落幾醒神，唔錯小食就叫左香蒜辣椒炒牛柳粒同埋辣椒檸檬汁炒蝦寢宮個氣氛同環境都幾舒服，唔會有一種好嘈好局促既感覺，我地揀左梳化位坐，可以舒舒服服咁放鬆成個人呢度所播放既音樂唔會悶到你訓著但又唔會轟到你耳嗚~確實係幾好小食方面唔錯，牛柳粒SIZE都幾大粒，一啖咬唔哂個種肉質偏淋但又唔會完全無咬口，加埋香蒜同辣椒既加持，真係勁惹味，送酒一流!辣椒檸檬炒蝦個調味基本上同牛柳粒一樣~唔小心點左兩碟同口味既小食但呢碟炒蝦都係好好食既，蝦肉爽口彈牙~但價錢略嫌貴左啲...價錢$128得5隻蝦...…Read More

話說呢餐飯係8月28日食既，不過開左學之後比較忙所以都拖左好耐先寫呢餐飯純粹係為左迎接開學而食~因為一開學就忙到爆炸呢間餐廳就係我返暑期工既公司附近，之前同事帶過我黎食lunch，都覺得質素唔錯於是我地就叫左3碟野食同1碟甜品(5星為滿分)牛油野菌焗帶子 ★★★★★評語: 帶子比預期中大粒，都幾鮮甜。牛油味好香，配角野菌都幾出色，好入味。忌廉野菌波菜★★★★★評語: 分量幾大，忌廉汁煮波菜從來都係無得輸。波菜好嫩口，配合忌廉汁簡直係天作之合。胡麻汁鮮茄茸意粉配虎蝦★★★評語: 講明先，我個人口味唔鐘意食酸野，係有少少酸都唔太鐘意個種😂 但朋友覺得好好食，而我就認為個茄茸部份酸左少少~虎蝦同意粉係做得好食既~虎蝦大隻而爽口，意粉軟硬程度適中。玉桂蘋果卷伴雪糕球★★★★評語: 蘋果卷既玉桂味好重好香，個卷既外層係酥皮，內餡既蘋果用焦糖煮過，好甜美❤️…Read More

最近幾次同朋友食飯都係打邊爐或者雞煲，真係有少少厭今次終於可以食返日本菜呢間炎鳥羽係厚福街個邊，都幾易搵餐廳環境唔算太大，但都算坐得舒服既餐廳似乎以串燒做主打，都見到每一枱食客都會叫幾串，我地梗係都要試下啦我地叫左牛舌芯厚切申燒、黑松露帶子串燒、荔枝豚肉卷、雞皮串燒、牛肉稻庭烏冬、味噌雞肉釀番茄，另外仲叫左清酒每一款串燒都好好味，火喉控制得幾好。特別係牛舌芯，厚切得黎唔會韌，肉質爽口而多汁，好食到我地再Order多一串添!!而其他串燒都勁正，雞皮燒到好脆口，不過一定要趁熱食，凍左就會無咁正。牛肉稻庭烏冬都幾大碗，兩個人分黎食夠哂飽肚。肥牛有好多塊，好淋好好食，烏冬彈牙好味。味噌釀蕃茄係原隻蕃茄炸，入面釀左啲免治雞肉。我就真係未試過原隻蕃茄炸，又幾特別，同埋好大隻。估唔到又幾好食，蕃茄好多汁，配合免治雞肉又夾。…Read More

一人一鍋蒸海鮮好似得呢間船渦先有，個人口味黎講其實幾喜歡食蒸海鮮。但自己買返屋企整又難預算份量之餘又食唔到太多，如果去餐廳食又唔接受一個人食。皇天不負有心人，終於俾我搵到主打一人一鍋嘅船渦啦雖然話店家主打一人一鍋，但都明白如果晚市或者假日黎食通常都好少會有人單獨黎食。實在唔想顯得自己太獨突...我揀咗某個平日中午黎試下上到餐廳都發現原來午市時間都有好幾枱係單獨黎食午飯，即刻放心哂嗱嗱聲坐低睇下餐牌先午市除咗海鮮蒸鍋之外仲有湯粉麵食，又幾多元化喎係午市嘅套餐有兩種，一個叫水師提督套餐，另一個係八府巡按套餐價錢分別係$118同埋$328咁我就揀咗水師提督套餐啦~呢個套餐包括有帶子、蝦、新鮮魚片、白蜆、大蜆、蔬菜，另外仲有特選海鮮四選一 (蟹 / 鮑魚 / 元貝 / 蟶子皇)肉食就有雞腿肉 / 肥牛同埋豚肉片三揀一仲唔止架~仲有得揀要粥底定粉麵飯都幾包羅萬有喎餐廳環境都坐得幾舒適，唔會逼逼狹狹咁，冷氣都足夠，唔洗驚會食到成身汗咁睇黎我可以好好咁享受我嘅悠閒午餐啦唔洗等好耐啲海鮮就送到上枱啦海鮮非常有光澤，一望就知係新鮮貨。餐枱仲有張紙溫馨提示每種食物要蒸幾耐，幾細心周到。特選海鮮我就揀咗蟹，蟹肉非常鮮甜，多肉之餘仲有少少膏，個一下真係由心笑咗出黎。貝類雖然分量唔算多，但都同樣好鮮味，吐沙處理得好好，一粒沙都無食到。特別一提元貝都幾大粒，食落好滿足嘅感覺。啲蝦就用竹簽一隻隻咁串好，上枱時啲腳仲係度掙扎緊，證明真係幾新鮮。肉質食落爽口彈牙，蝦頭仲有少少膏。當你食哂海鮮同肉食就可以加湯煮麵啦，我就揀咗魚湯配拉麵。魚湯好鮮甜，調味適中，飲唔出有味精。配上拉麵真係明智之選！今日呢餐真係食得好滿意，有時自私食好嘢都幾開心…Read More