飯Wing's Profile

我覺得係跑馬地，味道穩定而又好食既茶餐廳，真係非新昌明莫屬上海排骨菜飯+凍飲 $46大大碗菜飯+一大碟排骨，女仔可以兩個人分菜飯入面唔止有菜，仲有切到細細粒既魚蛋係入面:) 排骨炸到熱辣辣上檯，脆得黎又唔油 淨魚蛋 $24淋得黎又彈牙，好味 …Read More

四點左右行街街行到又熱又攰，見太平館就腳，特登鼠入黎食個梳乎厘補一補叫左個梳乎厘2人餐 $98+1由我地落柯打到黎等左半個多鐘，好彩我地唔趕時間姐(不過個茶市唔多客，唔知點解都要等咁耐，一度懷疑焗衰左要再焗過)~~梳乎厘一黎香爆全場，一望仲大過人個頭佢個外皮好脆，入面個芯打得好起，食起上黎好輕，唔覺漏，而圍住個盆則邊D皮好濃蛋香味，食完再飲杯咖啡，一流~~ …Read More

主提「迷失」，係因為成間餐廳既所有既人比我既感覺迷失一︰吧檯D單亂到七彩，果個人分到成頭煙迷失二︰女侍應，好似遊雲咁咩都唔做，只識機械地慢慢落單 (最唔知想點係佢)迷失三︰男侍應，好過發夢女侍應，會落手做，但忙到自己都唔知自己做緊咩咁，d野都做到好亂迷失四︰出面客人唔知就裡囉左張飛等位，等左好耐推門問侍應，待應點知唔記得左佢地，張飛等於無用迷失五︰店內客人個個等到迷失左成間舖頭好亂，搞到隔離檯情侶鬧交，女仔唔知做咩勁鬧個男仔仲踢佢，最後講左句︰「我情願餓死都唔食呢度D野」，跟著坐左係度唔出聲黑面，最後個男仔食左個牛肉麵同女仔果半個餐先走...鬥氣?唔知大家睇完係唔係好想問我睇到咁多野，點解我仲等落去?原因係！我等左十分鐘左右已經有野食，我係處於同佢地唔同既世界講返野食，叫左個魯肉飯同鹽酥雞餐魯肉飯︰ok個肉個味好似食糉入面舊肉個味鹽酥雞餐︰幾好呢個餐比魯肉飯抵食，因飯面都有小量魯肉飲品︰ok甘香茶，未試過，幾清新，略甜珍珠奶茶，唔知搞咩，女侍應比我地係走冰，我地無講過，想叫住佢時已經走左提一下全場無茶水，野飲都係食到一半先有…Read More

Citiback優惠套餐(午餐)約左兩點鐘，但去到仲要係樓下果層等半個鐘先安排到上去，不過有水同書供應都好D:(餐廳D裝修幾靚，男女廁所各一格麵包籃︰ok3個人各人一個餐，不過餐包得4片，黑醋橄欖油得一細兜，三個人一人得一D:(味道都唔錯，但包再熱D好食D湯︰ok白湯，每飲一啖都有D好似洋蔥既咬口飲品︰幾好西瓜汁，一路食扒一路飲，唔係好甜，可減肥膩牛肩肉︰ok醬汁好似唔夾個肉，另有芥辣茄子好味，番茄ok，薯仔都好食但濃味，建議臨尾先食餐飲&雪糕︰ok檸茶，個糖水樽幾特別雪糕，士多啤梨口味，有人唔食，益我侍應全男班，收野落柯打都爽手，個餐盆加個石真係好重，但侍應可以單手攞得起仲無手震，勁！ …Read More

靚仔生田前夕，見未食過主食魚生既日式自助餐就黎食下 訂左八點因我地遲到唔想等位，決定用正價食(當時唔記得問點解有位都要比正價)魚生赤貝ok，其他味道"超一般"，勝在黎得快炸野等十萬年先到我地落單到黎都至少半個鐘(我地掛著食野無追單)，我諗一坐底就要叫定熱野估佢唔到有羊鞍，味道偏淡，我buy佢因小地方有羊食牛柳粒同薄燒牛肉好"ＵＮ"鴨胸鵝肝卷，乾爭爭食唔出咩味我坐吧檯，見有一個師傅整壽司有D求其，整個蟹子軍艦好小蟹子，比傳菜個人話完先識加番D蟹子；另可能要應付多單，飯都整定，撻個魚生上去就掂，除落單紙外，唔見有飲品餐牌侍應主動囉單同不斷加水，細心；另估唔到有甜品食，有餅底既綠茶慕絲，靚仔鐘意餅底，我鐘意個慕絲*總括講下次唔會再食魚生主打自助餐，主要怕唔新鮮…Read More

靚仔生日，知海洋公園生日唔洗錢就去玩！　當日個太陽熱到烚雞蛋都熟，我地熱到同玩到無咩胃口，兩點幾三點到，見要等三點半個海洋劇場，靚仔就話去金香雞買野食。黎海洋公園食野預左貴貴，，兩個一分一個餐叫有D野到肚。$45一個餐︰汽水一杯，大家樂Size外型粗粗，外皮脆脆內裡淋淋薯條一隻皮脆脆雞膇一件皮脆脆，又雞滑滑滑雞下肶*有手套同茄汁自取總括講整體好好食，雞皮脆脆又"一DD都唔肥"，我都未食過炸雞係渣住熱到辣手指既:)，唯一想再好D既係汽水再凍D，冰多多多D滿足我地就曬死既遊客…Read More