leoli1127's Profile

諗住簡簡單單食個車仔麵 仲要見到康和個名仲以為係之前嗰間 點知伏到離譜叫咗個雞翼尖豬扒辛辣麵湯底冇味都算 塊豬扒硬到 又係無味仲有佢d所謂特飲 見住個廚房徒手去放d冰真係見到都唔敢飲真係唔好俾佢門面同埋個名呃到都真係好耐好耐未食過咁難食嘅嘢一碗車仔麵都可以煮到咁 究竟呢間嘢係想點？都好耐冇出食評 佢真係難食到我忍唔到手仲有如果真係去試 真係要小心地滑 個地下跣到飛起最後相都真係唔想去影 如果唔信 有興趣直接黎挑戰。。。…Read More

咁我睇到facebook有介紹話食牛專家咁 就去試一試啦 去到等左一陣有位坐低叫左幾款牛 同湯底最重要叫左幾枝青島 全部都唔凍嘅 都算啦跟手牛就黎左 湯底就無落到 都算啦 最多又等多陣原本叫牛什鍋 就黎左個清湯 轉頭就話另外幾款牛無貨 而其他枱情況一樣仲要有d得個等字 無人理 雖然員工都叫做有講唔好意思 但打開門口做生意唔係咁囉 原本都諗住佢新做可能亂小小 最好笑係我係facebook比評論 就有人死撐 話牛肉要中午先有 試問有幾多人會中午打邊爐 唔認錯 咁樣做生意 真心祝你好生意…Read More

當晚我地十行人去食啦 因為上去前都睇哂食評 知道有咩好食 咁我地準時11點去到 座位都安排唔錯 一張張枱剛剛好坐哂 咁有個四眼經理就過黎啦 掉低左兩張散叫嘅menu就行左去 咁我因爲知有套餐 就叫番佢過嚟問 個經理就立即黑起塊面話我地10個人叫套餐唔夠食 話啲套餐係for兩個人 咁我心諗兩個人就兩份10個人就10份 點會唔夠食 咁我就唔理佢照嗌套餐 好在落單嘅時候係另一位女員工態度好好多 問所有野都清晰回答 因為一開始個經理話我地10個人只得一個煲 咁我問如果兩個人呢 佢就話都係一個煲 我當堂想講粗口 好彩忍住 到個經理行開左 咁之後另一位女員工就話可以比多一個煲我地咁都好正常呀食材方面係唔錯嘅 湯底我地揀咗焱羨目光一個 另一個揀咗雪山飛龍鍋+青花麻辣鍋+火焰清酒煮蜆 牛就加每位廿蚊要焱手切封門柳 咁當時個女員工話會有三碟嘅 因為個menu寫明2-3位一碟到兩碟牛黎完 因為真係幾好食 我哋好快就食晒 咁我再問個經理話應該仲有一碟 佢又用好驚訝嘅反應話冇啦喎 話計左你哋份量比左兩碟你哋 我即時話唔好玩啦 你唔好搞咁多嘢啦你去跟啦 最後都再攞多一碟俾我哋 所以結論我地食完 無錯食材係唔差 但請個唔好嘅員工真係幫自己倒米 我哋10個人埋單計埋啤酒都3600佰幾啦 個經理嘅態度好似我哋上嚟乞食咁樣如果要我地再黎食 只好等個經理唔再係到了…Read More

話說我朋友想食沙嗲湯底 佢係open vice度見到呢間咁我哋就決定去啦 間野開左咁多年 生存到咁耐 諗住都唔差啦 事關我細個係附近讀書 所以對上一次食已經係差唔多10年前嘅事咁講番琴晚嘅經歷先 首先我係openrice到見到間野收兩點咁我諗住無死啦11點幾去到點知一入門口個阿姐未叫我地坐低 已經話我哋收1點咁都唔緊要啦 咁就快快手叫過沙爹湯底先 再叫咗碟手切牛肉 戲肉就嚟啦個阿姐係咁開大個爐火 驚死我哋打得慢咁仲係咁叫我地落單叫埋嘢食話師傅就黎收工 咁我哋就叫埋啲嘢食啦但係佢啲嘢食全部都係雪櫃雪到硬晒先攞出黎 咁我就同佢講你叫師傅收工先啦 反正你啲嘢都係喺雪櫃攞出黎嘅 最利害係佢個韭菜餃雪到個面頭結晒冰都夠膽攞出黎俾人食最終12點過少少就吹話要埋單啦 間野有啲咁嘅好員工 包個老細搵到錢…Read More