雖然我為食帶一點點咀刁，但懶，要我遠行既話除非好好好食，如果唔係請都唔會去～ 而呢間係少數我會放棄'原則'既餐廳😬 唔講大廚幾有經驗，幾有型，煮野幾有heart, 服務員有幾靚女, 幾nice..呢d我都唔會理，對我黎講重點係"好食"!! 因為食過幾次，對佢既食物好信心，就咁決定好友生日飯係到慶祝。 PS.為左唔想一個個朋友咁解釋/介紹，我會一次過咁po出黎，以便唔洗講咁多，叫佢地黎呢到睇就好😬首先，我要講對唔住，因為太餓，無影個餐飽同個湯，米以為係普通野，個飽係大廚自家調配既秘方，出面食唔到，軟熟得黎好有口感，最鐘意芝士味，撕開可以見到有芝士絲連住架。 湯係蘑菇湯，入口陣蘑菇味充滿成個口腔，完全飲到落重料去煲個湯。其實好食既餐廳，唔係得主菜好食就叫好，而係由好多唔起眼處著手，要所提供每樣野都會令客人食晒去，唔剩野先叫好。🤓前菜主菜呢個燴牛尾係我至愛之一，d肉煮到好腍，輕輕一切就開，味濃，墊底既薯肉撈埋d 汁簡單一絕！黑松露大啡菇意大利飯，面頭既黑松露大pat到真係可以拌飯食的，並唔係裝飾咁表面蝦好新鮮，彈牙，仲係三隻大大隻添呀呢到既牛扒係每次黎必點的，質素係出面餐廳賣緊4,5百蚊果d ，只套餐只係兩百！腍得黎夠juicy 同牛味西班牙燒乳豬 （要包場先叫到）呢隻豬不得了，係大廚用左兩日時間黎整！因爲最後先上，大家仲諗住死啦，都飽飽地，隻豬一定食唔晒，點知...我地用行動証明自己錯晒...剩返d骨...😂😂 一d都唔油膩，皮脆，啖啖內，肉質結實，仲好Juicy添😋甜品我地叫左 心太軟，又係清晒，你地知咩事啦，唔洗我多講😆😆😆…Read More
