昨天趁著母親節一家人諗住食點心放題慶祝，老公就係優惠訂購平台 book咗銅鑼灣呢間智選假日酒店萬鎔少館，可惜食完真係掃興。食物方面：首先食物質素認真麻麻；（1）翡翠蝦餃皇、鮮蝦蟹籽燒賣嘅蝦🦐我個人就覺得係有陣漂白水味嘅，奶奶就話應該係俾硼砂嚴重清洗過的味道，我食咗一啖就放低咗。（2）灌湯餃d皮好厚，而且𥚃面d蝦又係果陣濃烈硼砂味。（3）胡椒味菜豬肚味道係正常嘅，不過全碗嘢都係凍冰冰嘅。（4）叉燒包一籠有四件，不過啲餡就比較咸嘅。（5）鹽酥雞翼好咸。（6）紅棗糕完全冇紅棗味，只得甜味，質感就似硬嘅啫喱糖。（7）上湯生菜🥬、上湯菜芯係最正常嘅。（8）椰汁流心球係好味嘅。（9）芋頭金絲卷係ok嘅。（10）麻辣手拍青瓜係ok嘅。（11）山竹牛肉球，味道還可以。環境方面：地下D地顫好舊又好污漕。男廁只得一格用得，女廁就完全封咗，樓面阿姐話清潔姐姐唔得閒洗廁所，叫我哋唔好去。小插曲： 有一個廚房出嚟樓面嘅傳菜姐姐出嚟傳菜時不停爆粗鬧佢d同事，話唔夠人做嘢又要佢周圍去幫手。另外，後來有個似高級d嘅四眼經理又同另一個傳菜員爭執，成間野都係佢哋d吵鬧聲，好影響個氣氛。因為menu有寫到話食剩每100 gram罰款$100，所以幾難食都唯有食埋…Read More
