Ah Be 6726's Profile

今晚初三赤口有乜好做?今天先開張大吉位於The L Place的PappaRich。我就點了海鮮叻沙，海南雞飯，印度飛餅，紅豆沙，凍同熱檸蜜。海鮮叻沙: 湯底微辣有好香椰香味，海鮮係冰鮮貨式，蝦無蝦味，在港食算是一碗不錯的叻沙。海南雞飯: 油飯係不是一般雞油飯。飯是香茅雞油飯，香茅味令雞油飯減少油膩口味。此種味道香港找不到，在曼谷文華東方酒店就找到。雞不肥，醬油令雞劃龍點睛。至於海南雞飯碗湯對我們來說略咸，但飲得出不是味精湯。印度飛餅: 英文名為Roti Tissue老實說幾特別大大，薄脆塔型餅，入口脆加微甜不油膩，不用配任何汁食。香港不是咁多地方食到此脆餅，一試無妨。飲品: 原本叫凍同熱薏米水和豆漿珍多冰，點知一落單就話無薏米水，咁轉凍同熱檸蜜。一直無同我講無珍多冰，直至飲品送上來時話紅豆冰，我話我無叫紅豆冰先同我講無珍多冰。我本著赤口廢事嘈就話飲紅豆冰，紅豆冰味道超正，其實係紅豆沙底加冰打，不是市面一般hea爆勁多花奶加紅豆加冰個款。…Read More

我未幫襯元朗小店都唔知咁平，証明大財團吞左我幾多血汗錢?今日我幫襯元朗小店之一，真香蛋卷專家。店在一條小巷內，冇華麗裝修，鋪面有不同七，八十年代的零食，馬仔，炒米餅，米通，當然有佢地出名的蛋卷，鳳凰卷。我見到佢地蛋卷，鳳凰卷真係在舖面整，保証新鮮，保証香港製造。我就買左椰蓉鳳凰卷和馬仔，椰蓉卷($27/盒，有12件)，味道非常好味，椰蓉甜味不會搶左蛋香味，濃濃蛋香味，新鮮鬆脆，個人覺得好味過澳門貨。最特別佢地有莞荽味蛋卷同鳳凰卷。原味馬仔($10/4件)，非常鬆口，每件有手掌咁多抵食，一定好味過恒乜、榮乜、美乜個出產的馬仔。…Read More

話說一入店坐下未點菜已經叫我轉枱。我冇所謂，轉枱後發現鄰枱都併剛剛坐底，點解唔叫佢地！？算！忍！廢事影響食飯心情。咁我們叫左碗香茅豬扒河，生牛肉牛丸河，椰菜雞絲沙律同原個西瓜沙冰。話說我食緊一碗生牛肉嚡到冇朋友，牛味加粉丸狀物體之際，店長走出來問我們介不介意轉枱?(你冇睇錯又叫轉枱)，我一邊咬著嚡牛肉，一邊答好介意。店長來不切反應，鄰桌男女望住來。我好大聲已經第二次轉枱，我個樣太善良定太樣衰?全店八，九成枱有人，為何只叫我?因我個樣唔係元朗人定我唔知乜叫"面書"同"開飯喇"?…Read More

今晚一人晚餐，在以前傳媒煲得好勁的東京食堂。今次已經不是我第一次幫襯，今次真心有些失望加未必有第二次。我落單時已強調要多飯素，來到得極少，圖中係我要再次問後的結果。最嚇係個碗崩到找不到條邊，隔離桌隻碗亦係有崩，我心想中國製日系碗好貴？我點有心支持小店都冇可能接受一個崩碗飯。中國人有說崩口人忌崩口碗，非崩口人亦忌崩口碗。另外在餐牌上說明加錢定食，包括有飯，湯同茶。我杯茶冇上過。 真心希望小店接受意見改善下。…Read More

朋友約食下午茶又指明掛住泰燒遙的冬陰公。好自然就去泰燒遙，泰燒遙亦稱得上泰菜飯堂。 我坐底就叫冬陰公金邊粉跟珍多冰。冬陰公金邊粉來到，我同朋友都大叫點解係紅色？點解落茄羔？點解係港式？我同朋友都記得之前佢地整的冬陰公好正宗泰國口味冇放茄羔，上菜時如清湯。 珍多冰我入口第一啖已經覺得椰奶變酸可能天氣熱有關，我叫他們轉凍香茅茶，最後都肯轉俾我。真心希望泰燒遙保持之前水準煮到正宗泰味。…Read More

藕餅煎得香口，蓮藕切得细粒。紫菜雙丸河有驚喜，出奇地好味，河粉不太油，湯中竟有脆柴魚，份量大。九菜粿很難食，九菜少，皮厚，偏油。糯米卷花生不夠，味道一般。粉果皮薄，要小心易穿，足料好味。春卷味道平平，不太油。…Read More