d1112001's Profile

好日都唔去太子，難得今日過開黎梗係上OpenRice search下有乜好食啦。見Paradise 都幾多😊又有得係OpenRice book枱，就決定會一會佢。未夠12月Cafe門口已經佈置得好有聖誕氣氛門口岀面已經佈置左🎄🎄⛄️⛄️仲有個好靚既旋轉木馬🎠🎠入到去仲見到🎅🎅同好多公仔🥰煙三文魚蜆肉天使麵 $73•天使麵軟硬適中味道唔錯，係蜆肉比較少。熱情果沙冰 +$15 [香脆豬手set+$15轉]•淡淡熱情果味幾清新唔會死甜辣辣芝麻雞翼 $48/4隻•依個真係超好食，即炸即上熱辣辣夠晒香脆香脆豬手配燒汁 •個脆豬手又係好好味皮脆肉嫩，一刀切落去即刻骨肉分離•伴碟d瓜好有兒時食西餐既味道•個燒汁麻麻，本身豬手都夠味唔點汁仲好食黑松露薯條 $43•個薯條都係即叫即炸，上到枱熱辣辣•但略嫌黑松露味唔夠重雜莓定藍莓雪榚 [跟set送]•好味食到入面好多果肉…Read More

用OpenRice apps訂左1點鐘，去到已經好多人所以都要等一陣先入得去。坐底睇完menu想叫野食啦，但d人好忙叫左好耐先有人幫我地落單。其實入到去見地方都幾大有好多枱，但侍應就得幾個好明顯唔夠人手啦。等左25分鐘，我地叫既龍脷柳同軟殻蟹南瓜意大利飯終於都到。龍脷柳勁難食個質感同個味都食唔岀佢係魚。。成舊野覺得好淋同好大陣拿野個d味，勁難食！對比龍脷柳，軟殻蟹南瓜意大利飯就變得好正常唔難食。軟殻蟹我尋日先食左隻腥既，所以今日依隻冇腥我都已經好知足。不過個意大利飯好淋好軟身，好似食緊軟飯咁好怪。反而係個餐未黎時食左杯jelly 好好味呀，唔會似放題個d溝稀晒。仲有個蒜蓉包拎岀黎熱辣辣，個包好脆好香。佢個到仲有個磨菇湯任飲，但飲晒隔左成半個鐘先有人refill。個湯普通啦，稀左少少唔夠濃味。其實間野真係唔好食，唔知點解仲有咁多人食。唔通係因為佢有買6送1？？…Read More

好後悔呀，觀塘咁多好野食，偏偏比我揀左間咁難食😭😭7點去到APM見同層另外兩間都企滿晒人等緊位。而御泰坊就唔洗等位有得即刻入座，開頭都驚伏架但入到去又見坐滿晒人。芒果軟殼蟹米紙卷依個真係好難食！一上枱已經覺得賣相麻麻，個皮好濕同隔離個舊痴埋一齊。放入口先恐怖，個軟殼蟹又淋又腥。腥既軟殼蟹真係第一次食，真係勁難食。點解可以拎d腥既軟殼蟹比人食。青木瓜豬頸肉沙律可能係食完腥既軟殼蟹，我覺得個青木瓜絲好好食，青木瓜又酸又辣又夠爽。不過豬頸肉麻麻，煎得過左火好硬。炸蝦餅蝦餅熱辣辣，好明顯係即炸即上。但個蝦餅口感麻麻，好死實實咁唔夠彈牙。好彩醒目叫左三樣野食咋，就算未飽都唔再叫。間野真係好難食冇下次！腥既軟殼蟹真係好有陰影。。…Read More

成年幾兩年冇食過IFC間翡翠喇，今日約左舊同事食lunch。本來都唔係食佢係食拉麵但拉麵要等成十幾張枱，唯由行去睇下有乜其他野食啦。轉左一個圈係得翡翠等兩張枱就有位🤣🤣之前記得用The Gulu apps可以拎翡翠飛，但頭先搵左好耐都搵唔到。係行到去門口襟飛先見到佢下面寫要成為CJ Club會員先可以拎飛。諗住dl個apps睇下係咩啦，點知係Android 先有 ios未有👋🏼👋🏼好彩都好快，等左15分鐘就有位。一座低乜都唔洗諗就叫小籠包啦，叫完冇耐就上。小籠包係好食既，皮薄餡靚又多汁。不過今次唔多熱，唔知係咪lunch hour 蒸定晒。另外我地仲叫左雞絲粉皮，醉雞，上海粗炒，豆沙鍋餅。雞絲粉皮普通啦，自己加d醋會好味d。醉雞正呀，又滑又嫩又夠酒味。上海粗炒普通啦，我嫌油左d但個味ok既。豆沙鍋餅就完全唔得，個皮勁硬好似翻煎咁。P.S. 我地大家睇menu係到搵高力豆沙，搵左好耐點解冇既?? 原來我地記錯左金滿庭🤣🤣🤣…Read More

早餐想食腿蛋治點知大家樂又賣哂，食麥當勞諗又唔想等咁耐，諗左陣都係行左落永樂冰室。可能成十點幾間野都冇乜人，叫左個腿蛋治走牛油加杯凍🍋茶外賣30幾蚊。好快手等左幾分鐘就有得拎。返到公司即刻打開黎食啦，一打開已經見到個包好濕，可能係岩岩著完放落盒焗住有倒汗水啦，又可能係塊麵包吸晒隻🍳d油。不過好肯定個三文治係即叫即整，因為拎上手仲熱辣辣見到隻蛋仲岀緊煙。整體黎講個味ok啦正常野，不過食食下咬到蛋殼。所以下次都係幫襯返大家樂三文治，仲平仲快仲好味，係個蛋唔夠佢熱姐。…Read More

今日星期日都預左元氣會多人食，所以都預早用元氣apps拎定飛。諗住6,30拎定飛8點都有得食啦，點知一開apps拎飛真係呆一呆。剛才叫號372你已取得的號碼573。。。拎完飛冇野做咪走去瞓一陣啦，到8點再望下個apps先叫到400幾仲有成150張真係好誇張。好彩係元氣會員有得用apps拎飛係屋企等。如果要我企係個到等我實轉食其他野。到8,30後d飛就叫得勁快，應該係中間走左勁多人。我落樓個時明明仲有30幾張先到我，5分鐘唔夠就已叫到我個張。好彩元氣等位有樣好，唔係過幾張飛就要重新登記而係逾時10分鐘先要再排喎。我地岩岩好10分鐘內到到。三文魚刺身未解凍夠囉，咬落去中間仲有冰既。炸雞翼超好食，一黎到熱辣辣好明顯係即叫即炸即上，咁我當然係即刻食啦。炸得超香咬落仲好juicy唔會太乾身。不過一客得3隻，好快就食晒。…Read More

岀去食晏既時候經過茶狼，已經諗定一陣要買黎飲。食完晏行返去3點幾，冇乜人得兩三個就到我地落order。埋到去一睇先知冇左好好飲既鮮桃茶😭😭依家轉左係日本岡山巨峰提子。唉！見佢係seasonal限定發售就買黎試下啦。等左十分鐘終於有得飲。朋友杯柚子普通啦，喜茶好似柚味重d好飲d。我杯微糖巨峰飲落幾有提子味，間唔中仲會吸到d提子肉。不過放耐左飲好似會有少少喼。整體黎講杯巨峰都ok既，但同桃茶就爭好遠。可惜丫，桃茶已經冇得賣。…Read More

星期日洗係健康院洗完傷口，就即刻去對面漢和麵包睇下有乜好食。一行入去已經聞到好香麵包味，但我一入去就係咁搵睇下有冇豆沙糯米燒餅賣。眼大睇過龍差d睇唔到，好彩二家姐睇到唔係就冇得食。一見到諗都唔諗就買左三件豆沙。睇落雖然好厚但用夾一夾起已經知好軟。比完錢一岀門口就即刻放落口食。嘩！真係好好味呀！已經好耐冇食過，依家好多地方都冇行賣呀，有得賣既又整得唔好食。漢和整得好好味呀，咬落好軟熟又夠糯米香，紅豆又唔算太甜。幾啖就比我食晒一個，食完又食左二家姐個半個，真係好食到停唔到口🤣🤣…Read More

星期五11點幾蛇左岀去上環唱錢，由中環行到去上環，大大個太陽最好就係買杯冰凍既野飲下。本來想買茶狼架但又唔順路，唯有買一芳啦，好彩去到仲早得1個人唔洗點等。見到佢有個溪口甘蔗系列係期間肯定，睇落好似好清涼解渴咁。於是就叫左杯溪口甘蔗青茶黎飲。一啖飲落去有淡淡既甘蔗汁味又夾雜d茶味。可能叫左無糖所以落少左蔗汁，個茶味蓋過左甘蔗個味。下次再試既話會試下微糖，可能會好飲d。但杯野放耐左，個茶飲落去有d喼。同事杯粉圓綠茶都係一樣，又係越飲越喼。…Read More

又係星期六，經過茶狼又忍唔住入去買返杯飲下。今次試下新野叫左杯紅柚白露茉莉茶微糖正常冰。一望落去已經覺得好靚，粉粉橙橙咁。飲落去好香有柚子又有茶味，不過d生果好阻位，好似飲幾飲就飲晒。而鮮桃四季春，今次叫左7分糖同3分糖。7分糖實左太甜，搞到個味假假地唔好飲。都係半糖同3分糖最好飲。因爲一個人拎唔到三杯就問有冇袋，但原來d袋只係可以一杯杯裝。店員就拎左依個紙盒比我裝，但個紙盒真係麻麻，放左上去杯野好似隨時會跌岀黎咁，搞到我邊行邊禁住個三杯野。…Read More

星期六BBQ就入大埔街市買野，順便係大埔街市食埋tea。入到大埔街市都成3點鐘，一上扶手電梯就見到金泰泰式美食。可能已經過左食lunch時間所以唔洗等位。叫左四個凍檬一個湯河同五杯野飲。炸雞翼凍檬一上已經聞到好香炸雞翼味。一放入口個皮仲脆架，隻雞翼中間仲岀緊煙，醃得好入味。之後到既豬頸肉就普普通通冇乜特別，炸豬扒就乾身左d又有d鞋。而個牛肉湯河就麻麻，肥牛太肥碗湯又油都係凍檬好食d。碗雜錦凍檬都幾抵食，大大碗又多餸。…Read More

上年已經好想試依個榴槤x宇治焙茶千層蛋糕，可惜係其間限定所以錯過左。今年終於夾岩時間可以訂黎同媽媽慶祝生日。個蛋糕係由十層榴槤千層，中間再夾住金枕頭果蓉，然後再加十層焙茶千層。未食之前都驚個蛋糕會好甜好多cream好膩，但食落又唔會喎。榴槤既香甜同焙茶既茶味好夾，岩岩好中和返味道唔會太濃。不過千層略微硬左少少。整體黎講個蛋糕都ok，係要係地鐵交收麻煩左少少。仲有成個蛋糕最敗筆既地方係 ...個生日牌d字寫得好肉酸🤦‍♀️…Read More

新舖開張個個聽到係蔡瀾開，雜誌又狂介紹，咪個個都仆到黎試囉。所以勁多人由7點排到8點先入得，仲要門口個侍應安排得勁混亂。生牛肉湯河$88碗，牛肉普通啦，有d幾好但又有一兩塊un。湯底唔錯幾清又唔會話好咸，個河粉幾滑幾幼。越南三文治$28份，冇乜餡唔好食。香茅烤豬頸肉$58碟，點埋個辣汁好野味好好食。泰國金柚沙律$38，普通好細碟。蝦醬炒通菜$38碟，係就係炒得好入味又夠辣，但就真係好咸。仲有杯話梅青檸梳打$28杯，沖得好難飲。真係完全冇一生難忘既感覺囉，除左門口侍應安排既混亂同埋要排一個鐘。。。…Read More

唔係我fd帶我黎我都唔知開左間新加坡海南雞飯。估唔到差唔夠9點去到仲要等位，等左幾個字先入得。天天海南雞飯(例)$148，d雞肉好滑好嫩不是就唔夠香要點d醬汁先夠味。天天石窩雞飯(1/2人)，一上已經聞到好香，個飯夠乾身好好食。梅情茄意$58，睇個名以為佢係酸酸甜甜好開胃，點知一飯落口乜咁甜既，甜到食晒依碗野會覺得有糖尿。凍檸檬茶$34，又係叫左少甜都好甜。鹽磚和牛$148，又係一上已經聞到好香，鹽磚同個和牛夾到不得了，真係好好食。用佢黎送石窩飯真係一流。隻海南雞完全比下去。…Read More

星期五即興打邊邊，四周圍都冇位。唯有打去養心殿問下，得佢8點有位期他間間都要9:30後。可能養心殿9,.30後有7折所以正價時段仲有位。不過去到都要等一陣先有得入座。一坐底就即刻叫左酸菜白肉鍋拼麻辣鍋(中辣)。再加碟手切肥牛(細)，鮮滑鴨片，豬粉腸，韭菜餃，水蓮餃，墨魚滑同埋打卡送既咸檸七。湯底真係好好味，酸菜夠酸，中辣又夠晒辣。手切肥牛都好食，好新鮮又唔un $238(細)。鴨片就完全唔得囉，好鞋勁難食成$88碟就咁浪費左。豬粉腸$68碟，洗得好乾淨冇怪味。韭菜拼水蓮餃各$42半份冇乜特別。咸檸七冇乜氣唔好飲。…Read More