POPONGAN's Profile

第二次來光顧了, 今次是母親節晚上, 約6時半左右, 無咩人, 我們四人選了梳化椅, 非常舒適,  我們Order 了四個套餐, 包主菜, 飲品及湯or 包 or 沙律,  我的熱帶菠蘿烤雞沙律很突別的檸檬汁配合燒菠蘿, 酸酸甜甜, 很好味,  不過我覺得餐牌上有另一個萍果烤雞沙律, 是我第一次光顧時食的, 比這個菠蘿烤雞沙律更好味,  囝order 的紅酒燴牛肋條長通粉,  他大讚牛肋條極美味,  盡管不是跟飯, (他必須吃飯的), 因為牛肋條很美味, 很易咬, 他吃得很快。老公的一口和牛拼菠蘿烤肉串, 跟一些紅白米上, 感覺美味又健康, 和牛又軟又滑, 配合甜甜酸酸的燒菠蘿, 好夾。囡 order 煙三文魚菠菜忌廉芝士意粉,  菠菜和忌廉汁都好滑口,  需屬輕食, 但囡話, 份量好足, 一點都不算輕食咁簡單。另外飲品, 我們選草莓紅桑子及菠蘿血橙水果茶,  要吃沙律前先飲一口, 試真茶的味, 因為沙律中的檸檬汁會使我飲唔到草莓紅桑子的甜味。最開心是, 店主送給每位母親的一份茶葉禮物, 對我說:母親節快樂, 很窩心。…Read More

位置在後巷入口, 只有一部舊 Lift 上到去, 18/F的小黃店,  主菜套餐選擇唔多, 不過有飯, 有意粉, 有魚及牛排, 都算唔錯。 我們三人Order 兩份套餐 + 一個獨立主菜, Red Shrimp Pasta 非常好味, 紅菜頭汁新鮮不澀口,  又有三隻蝦, 我們夠分,  一人一隻。 而Crabs cream risotto 不會太過黏口, 不會使人感到飽滯, 都很好味。 魚是石班魚, 有點油膩, 而且比較薄身, 吃不到魚的鮮味, 難怪之前我order 石班時, 服務員建議我吃鱸魚......,  最後甜品Apple Crumble 賣相很出色, 熱騰騰在鐵pan 上,  Crumble上有桑子, 一切開, 萍果味便撲鼻而來,  甜品及水果愛好者一定不會失望。店內座位不多, 其中一位女服務員, 非常親切。她好鼓勵大家用黃店 apps.…Read More

和好姊妹路經此地, 見 buy one get one free, 嘩 ! 唔敢相信咁底食,  首先沙律吧很有質素, 絕不將貨就價, 蝦夠大隻, 還有蜆及青口, carrot soup 很creamy,  服務及清潔很好, 湯煲邊常保清潔,  好有高級餐廳的服務準質。主菜中, 我們選羊排及牛排, 真心好味的羊排, 有三件, 超 juicy,  又無"騷" 味, 而且食到肉嫩的口感, 生熟程度剛剛好, 邊緣位些微又香又脆口, 中心位些微程粉肉色, 入口有層次感,  肯定廚師是煮羊高手,  我真心評級"一流",  可能因為比較下, 牛排便沒什麼特別了, 但都有肉味, 份量同樣十足。 …Read More

星期日, 黃昏, 天未黑, 我們一家四口來到17/F Espuma , 因為囝囝生日, 所以食好一點的Early Dinner, 我們三人的下午茶餐都未落格, 主要由囝獨擔大棋, 兩款主食都由他選擇, 我們三人只試食一兩口,  Cheesy Kimchi Fried Rice 好 juicy, 好惹味, 已經order 少辣了,  依然感到那辣味在喉頭沁出, 而囝囝卻大讚非常好味, 有芝士的口感, 又不失Kimchi 的辣味, 喜歡辣的他, 實在吃得很開心。而Salt-roasted Grain-fed Angus Rib Eye (12oz) 同樣好味, 牛味夠, 低讚。服務員很nice, 經常主動 refill 水,  加上餐廳的淡黃燈光,  無論日與夜, 同樣有著溫馨的氣氛。…Read More

我們一家人, 共吃了8 款點心及飯, 每款都好美味 :鳳爪排骨飯 :         老公話份量唔少, 而且好味過某出名點心店, 又有菜, 又有荷葉托底, 很好。鹹魚肉餅飯 :         同樣有荷葉托底, 又有菜, 鹹魚雖然不多, 但正體是好味的。紅豆蓉銀絲餅 :    唔係好食出紅豆味, 但都好好味, 囡囡很喜歡。瑤柱鮮蝦雲吞麵 :  雲吞皮夠薄, 有五隻, 而且麵質唔太重鹼水味,  好!紫金流沙包 :            很流沙,  加上金色在包面, 賣相唔錯。小龍包 :                       皮夠薄,  餡夠靚, 真係一流。銀絲蘿蔔腸粉 :        即是炸兩加上蘿蔔絲, 相當特別, 我很喜歡。發財麻雀椰汁糕 :   和其他點心比較, 是最普通的, 不過都有椰汁味。總體來說, 我們一家人都讚好味, 都會再光顧。唯獨覺得他們可以考慮茗茶費用不要收HK$8, e.g. HK$4 - 5 會恰當一點。…Read More

平時無咩自己在家煲湯, 所以都幾喜歡此間"湯加" 店, 首先, 價錢非常合理, 份量又足, 我order 陳皮鴨腿跟飯, 只需hk$49, 鴨腿多肉, 冬瓜都有四大片, 片片大大片, 又入晒湯味, 還有幾隻大冬菇。老公的淮山花膠雞腳排骨湯, hk$65  足料到呢 ! 成大片花膠好似手掌咁大, 他比了我, 入口好滑, 質料不似是平價花膠的口感, 而且同樣有幾隻大冬菇, 真係好豐富,  而且見餐牌上話堂食可以加飯,  真係低啊!…Read More

大年初一, 中午, 由於食完午餐趕著入大澳, 所以order 了和牛炒河上來時都忘記影相, 只影了這兩張相, 這個北菇滑雞飯是囝囝叫的, 他很失望, 我沒吃, 不知是怎樣不好, 可能只因份量太少, 但和牛炒河很不錯, 和牛很有牛味, 真的好味過一般的炒牛河。流沙奶皇包都很流沙, 而且包身很軟滑。珍珠雞亦是份量的的色色的, 始終此間六小館行商檔路線, 不要期望份量大,  而且我們趕時間, 沒法好好享受,  這裡亦不應帶喜歡食西餐及大食量的囝囝來光顧。…Read More

初二下午, 我和囡囡都不肚餓, 但又想搵間食肆坐吓, 傾吓計, 在大圍, 當然有間很多人排隊的cafe shop , 但我們又唔想等, 便來到此間"一本" , 感覺好"台灣", 有種好hea, 好不為做生意的迫逼感, 可能因為下午時段, 小店內只得幾位食客,  可能店主播放著周杰倫的音樂, 可能因為有個大玻璃窗望街, 實在很寫意, 積福街又無咩人, 無咩車, 對面是大圍村, 真不太似在香港。我們只吃了兩個烏冬, 味道及賣相都有點似台灣風味, 因為碗子少少, 味道淡淡的, 我喜歡的是環境, 此次真的是食environment 了。…Read More

情人節又是初三, 更加是我們的結婚周年, 囝囡有補習課, 便留他們在家。我們便想平淡過, 卻想吃一間我們未吃過的餐廳,  沒有刻意安排, 只見家樓下有車直達九龍城, 便上車, 下車見多數餐廳都未開市, 見黃珍珍泰國菜館很熱鬧, 此刻才知老公都未光顧過, 見有位, 所以進了去試下, 可惜人手不足, 都要等了五分鐘才安排到入坐, 我們吃了芋頭焗飯及海鮮濕炒河, 都很美味,  芋頭是炒過的, 很香口, 份量都好足, 海鮮濕炒河中有青口, 但有一片青口外殼碎片, 一不小心, 都易咬崩牙 !  anyway,  希望沒人出事啦。 我們喜歡少食多餐的, 感覺已經容不下再多一碟了。…Read More

有禮服務的小店, 選擇雖然不多, 但食出有誠意, Wild Mushrooms Risotto 的濃黏度剛剛好, 很香口, 有芝士拉斯入口,  我們四人share,  感覺即使一人獨食, 也不會膩的。Fettuccine Bolognese 亦相當出色,  麵質很彈口, 而且不會有很"粉"及"dry" 的感覺, 可能因為麵不算太闊, 所以很易入味,  又感到獨食一碟也會好味的。BBQ Beef Burger 的Beef好厚, 份量好足, 囝囝讚不絕口。Pizza Hawaiian 要熱食,  比起其他三碟, 是給比了下去。加hk$ 20 upgrade 了變套餐, 包湯, 沙律及 juice,  值得upgrade.  沒有加一服務費, 不知是否新開張期內, 才有的優惠 ?  最可惜是餐廳內無洗手間。…Read More

最平的午餐HK$46 便有肉吃了, 而且包餐湯, 脆麵包棒及餐飲, 份量又適中(可能男士會覺得太少,  我囝囝都覺少, 不過可以要求多飯) ,  我覺得性價比超高,  香蒜雜菌天使麵的天使麵很入味, 香蒜不會太重蒜蓉味, 所以吃完也不會成口蒜味,  有清清淡淡的感覺。而焗芝士肉醬意粉, 的肉醬份量適中, 很適合不愛太多肉的囡囡吃。囝囝卻覺得意式雞皇飯太少份量,  我叫他可以吃肉眼, 見其他客人的肉眼很大份量似的。下次我們會再光顧, 女店長很nice, 讓我囡囡同一家三口的貓店長影相,  她說晚肆堂食時段,  三口貓店長會出店幫手的…Read More

和囡囡在旺角吃午餐, 上嚟見大把位,  而且環境舒適, 午餐價錢更是非常親民, 由HK$48 - HK$98, 包餐湯及飲品, 仲要無加一服務費,  囡選HK$48 的Linguine Spinach & Bacon in Garlic Butter 扁意粉,   菠菜和扁意粉完美混合,  使到扁意粉充滿菠菜味, 由於扁意粉很入味, 感覺Juicy.  煙肉和菌絲都很多, 用料十足, 性價比高。而我的 Grilled Red Seabream Fillet with Razor Clam Cream Gravy 飯,  HK$68 ,  中規中矩,  魚份量很大, 雖然不算太有魚味, 但魚肉都很滑, 無骨刺, 唔錯。這個價錢, 這個寧靜的環境, 真是超級性價比高。…Read More

在香港的酒店吃自助早餐,  是我的第二次,  上次是因為在五星級酒店Staycation, 所以食了一個貴價自助早餐, 當時都覺得唔錯, 雖然食物種類唔多, 但今次普慶餐廳的食物種類真係好多,  比起五星級酒店的貴價自助早餐多上好多,  質素仲要唔錯, 最值得讚是蛋都有三款選擇, 其中蛋奄列是即煮的, 加了芝士在內, 吃起上嚟是拉絲芝士, 麵包及蛋糕放在最入的部份, 好多種類, 又有雞蛋仔, 雖然不是外脆內軟熱騰騰的雞蛋仔, 但放置成企立式, 很有心思, 另外仲要有芝士吃, 有熱班cake, 沙律, 乳酪, 奶都有分全脂及脫脂, 果汁都有三款, 生果同樣有三款, 粉麵部有四款粉麵及菜, 好多醬料任加, 真心滿足, 環境又舒服, 兩人連加一都是hk$171.6, 超超值啊 不過10:00 a.m. 便 last call , 太遲去便食唔到太多種類了。…Read More

真係未試過咁平民價, 咁有質素, 咁舒適空間感, 咁家庭式經營的西式快餐, 仲要餐湯任飲, 又有冷熱水讓我們隨意飲, 下午時段,  order over hk$38 的主食便免費享用飲品, 真係超級低食。兩位收銀員和服務員姐姐很似自己經營似的, 好家庭式Feel , 而牆上又有足球衣服, 男孩都喜歡的,  似足球主題的快餐。囝話安格斯牛肉芝士漢堡好好味, 好過好多地方的漢堡, 薯角又多又脆, 好滿足。 我的白松露忌廉炒惹菌, 出奇地大份量, 因為我以謂是得幾片放在包上,  反而包很細, 剛剛好下午茶份量。卡邦尼溫泉蛋意大利飯,  囡真心喜歡。…Read More

9/1/2021 囡話帶我去 LUNCH, 2:00 P.M.之後才到旺角Hachiko, full house, 只剩bar 台, 剛好四個位, 我們當然沒所謂, 雖然服務員會在bar 台前洗野, 都有點介意洗野水會否噴到我們的食物, 但另一方面又看到他們工作, 覺得都幾有趣, 女服務員在我們面前續步完成了抺茶白玉芭菲, 再遞上給我們, 好似藝術品一樣,  依個抺茶雪糕好重茶味, 基本上完全無奶味, 這正是我最喜歡的無奶味雪糕, 感覺不會壓到很飽肚, 食大量都得,  marginal utility 不會下降, 紅豆又很大粒,  聽男服務員講是日本十勝紅豆, 非常好味, 但我囝囝卻不喜歡無奶味, 又不喜歡紅豆, 男服務員解釋可以選擇和奶味雪糕混合的, 餐牌上無混合味, 可要自己開口了, 但order 時, 服務員無解釋, 男的似知客, 很客氣的周圍去跟食客打交道,  似老闆, 而女服務員卻埋頭苦幹, 感覺她有點嬲嬲男服務員, 不過都依然服務到食客好好的,  接近一腳踢, 坐bar 台, 便睇到這小插曲。講回主食, 全部都有水準, 我的蟹肉蟹膏撈烏冬, 很西化的白汁, 但一點都不滯口, 烏冬很彈口,  牛肉壽喜燒很有份量, 牛肉很軟身, 食物用正價都合理, 這天更是半價, 節省了hk$289, 真是超級驚喜。…Read More