Tissuetissue的個人專頁

食過好幾次荃灣嘅千海水產，第一次食感覺唔錯，海鮮感覺都好新鮮，之後再食過三次，每次感覺都唔太好，餐具有污漬，榴槤會有異味，燒蠔會有蠔殼，海鮮清潔唔乾淨，鮑魚都係黑黑的，今日再食，可能因為星期六，食海鮮比較多唔新鮮，尤其是死蟹，通常細的會比較活躍，如果三百幾蚊要食唔新鮮嘅海鮮，唔太值得。…查看更多

知道今日係週末，已經早左黎打算排下隊，5點半到元氣等位，早十五分鐘係app拎位，排70張枱先到但我又唔想食其他野，壽司朗又未開，所以決定繼續等，最後等左兩個鐘先到好肚餓！入座後即刻叫壽司🍣三文魚，三文魚腩，帶子，北寄貝，海螺，蟹肉蟹膏軍艦，甜蝦，八爪魚，海膽，辣味牛油果，魷魚，海膽魷魚，拖羅，芥末八爪魚，軟殼蟹，最後叫個小泡芙大滿足。特別推介炸軟殼蟹，新鮮熱辣辣，好食！live a genki life!…查看更多

好耐冇約個朋友食飯兩條友揀間環境唔錯嘅餐廳食吓之前見過好多人推介呢間韓國餐廳今次經過就試吓先一坐低店員就擺上呢幾種韓國泡菜一共六款，泡菜偏辣，啱我口味仲有唔係度度有嘅蓮藕片同埋魷魚味道都唔錯同朋友一齊食咗呢個牛肋骨要$400左右，大概有$10 ，味道非常唔錯兩個女仔啱啱好之後叫咗呢個安東燉雞味道比較難韓國年糕，煙煙韌韌非常好食雞髀唔算太多可惜醬汁比較潔身 容易黐底整體味道唔錯本身仲食咗個海鮮煎餅太肚餓，唔記得影相期待下次一大班人可以再嚟食其他嘢…查看更多

咁啱經過南昌站，壽司郎10:30就開門即刻做第一個嘅食客，有30分鐘嘅時間快食見到沙甸魚同赤烏賊做緊promotion$10有兩件個人覺得沙甸魚好腥，唔敢叫烏賊味道幾好，煙煙韌韌，鮮甜，叫咗兩轉熟蝦配生拌赤蝦壽司，比較濃味，呢個配搭都唔錯 蔥花吞拿魚軍艦 ，味道就一般般，正常發揮，紫菜都比較腍身松葉蟹軍艦，呢個有驚喜，味道鮮甜，係用真蟹柳海螺壽司，爽口鮮甜芥末章魚軍艦 ，芥末味唔夠甜蝦軍艦 ，唔夠鮮甜，紫菜比較腍身軟殼蟹壽司，新鮮炸起，超級好食蟹肉蟹膏軍艦，正正常常一共食咗$166 ，好食😋下次會再嚟食…查看更多

以前細個冇錢成日食爭鮮大學嘅時候就食元氣出嚟做嘢開始就食千両自從發現到呢間立食之後，就一直食佢已經好幾年，由一開始疫情之前企喺度食都而家有得坐喺度食每次嚟都要食芥末八爪魚手卷仲有甜蝦他他，三文魚，辣汁三文魚軍艦，左口魚，炙燒三文魚，甜蛋非常之好味今日係普通Walk in入嚟食，如果節日慶祝，強烈推介海膽壽司，佢嘅北海道海膽入口即溶，非常鮮甜，完全沒有苦澀味，而且配上三文魚子，非常爽口鮮甜，而且價錢好抵，係一間性價比非常之高嘅餐廳…查看更多

期待咗好耐，終於嚟到一年一度嘅慶祝今次選擇咗銅鑼灣好出名嘅板神嚟到梗係要食和牛啦揀咗個和牛薄切套餐首先出場嘅係龍蝦，非常新鮮，再配上龍蝦蝦膏嘅醬汁，成件龍蝦真係昇華到一個極點，非常之鮮甜可口套餐仲包括一塊魚柳，味道就比較普普通通，正常發揮啦，應該係龍蝦實在太好食其實食完龍蝦都飽咗七成，你都壓軸嘅和牛師傅將炸蒜片同埋葱擺入和牛入面燒非常之香口，超級惹味，非常之多蒜片和牛入口即溶成件事配合得好好不過食兩件之後就覺得好飽最後仲有一碗炒飯本身我都好大食，但係去到呢個位都已經食唔落，個飯比較淡味，食咗半碗實在太飽，所以冇食到留返個肚俾壓軸嘅甜品，就係呢個焦糖麵包，師傅話就算幾飽都要食埋佢，好啦，就等我試吓啦本身見到師傅落好多糖都唔想食，驚會好甜但係食落又OK喎，香香口口好似食蝴蝶酥咁最後埋單$660一個人銅鑼灣區食到呢個質素真係性價比非常高期待下次可以再食…查看更多

開咗咁耐，一直見到佢排隊終於都有機會試叫咗個焗豬扒飯加熱咖啡焗豬扒飯味道唔錯，肉質鬆軟蕃茄汁偏甜一個男人都夠飽嘅份量咖啡正常發揮，有少少杏仁香見到好多人食佢個常餐，下次都食吓先！…查看更多

買左Openrice $20既優惠，滿心歡喜咁打算試下，已經做左功課，打算試下餐廳既燒西瓜。一入坐，我問洗唔洗再收手續費，waiter無答我，但同我講，”你OpenRice 買左，另外你地要再俾$200 per head before service charge，先可以享有優惠。”我之前買既OpenRice $20優惠都無呢個條款既，所以我就無叫到，waiter走左，叫左個經理黎，話可以唔收個minimum charge 既。我以為佢地準備梗食物，但中途無人serve我地，連一杯水都無俾我地。我一共等左20分鐘，都未有任何服務，所以就走啦。走既時候，經理行過嚟，問我哋做乜嘢走，我就答佢”我哋等咗20分鐘都冇人理我哋”，經理先話而家去準備食物。最後，我都無食到。好令我有hard feeling既餐廳。如果買左OpenRice $20既朋友要留意佢有minimum charge 架！…查看更多

見到OpenRice 甘多好評，朋友早兩年係旺角試過，就一齊試下葵芳個間啦！黑松露薯條:因為朋友對芝士敏感，所以問可唔可以走芝士，佢地就話唔得wo，盡量啦！態度麻麻但最後都少芝士既，但薯條比較油，麻麻地伯爵茶梳乎厘pancake：口感似蛋糕，無伯爵茶味，有奶香味同甜味，麻麻雜莓pancake: 正正常常，係全餐最好食既！熱辣辣食左大半，店員走過黎叫我地轉位。我地夾埋食左50mins左右，我地見都就食完，而且一入黎店員話食個半鐘，所以我地決定直接埋單走，有少少唔盡興…查看更多

去完果欄，隔兩條街就到呢間餐廳。呢間餐廳係酒店入面，酒店既格局麻麻，但入到餐廳就係意想不到既舒服。枱同枱之間既距離足夠，令人係呢個疫情下都食得好安心！侍應服務仲好好tim!首先叫左個拼盤，168 for 2 or 248 for 4! 因為只有兩條友食所以叫左細既算啦！全部野食都好香口，好新鮮同好好食！特別推介左下角既黑松露沙律醬，好香好濃，食得好舒服之後食個明太子蟹肉意粉，好驚喜！佢上高有一球蟹籽又有一球蟹肉！好重本好好食，每啖都有蟹肉！ 飲品就叫左飲翻支凍啤，其實係蘋果汁，加左啲泡甘，幾過癮既本身仲想食甜品，但食完已經飽飽了！唯有下次再食…查看更多

雖然回暖，但邊爐都係要食既所以求其揀左間近公司既可以收工就食既邊爐一入去，空間感好夠，無愈打愈熱既問題，叫左個花膠雞湯底，個湯底好甜好足料，有成隻烏雞同兩舊花膠，啲食材跟過花膠湯煮完全部都好鮮味食材全部都好新鮮好食！我覺得除左刺身之外，全部都可以試下叫，應該無伏既，最印象深刻既係響拎，粟米，流心粟米丸，而刺身我就覺得麻麻地，所以都係專心食邊爐啦埋單每人三百蚊都唔洗，但我地已經咩都叫，無就住就住叫！抵食！…查看更多

每次黎到海洋公園，行完南極館同北極館，就會去呢間餐廳食。佢既味道未必最好，價錢都係主題樂園既價錢，但一邊食飯，一邊可以睇住企鵝行行企企，都幾特別:)。今次叫左一個招牌沙律，企鵝薄餅，豬肋骨同小食拼盤。個沙律幾好食，不過$168得個少少，食得唔夠下次要叫個兩人份量既，都係$228！個企鵝薄餅都唔錯，但比起早兩年食，份量變細左無左好多芝士，得個樣無話好好食！個豬骨好好食！好入味同軟身！小食拼盤有雞翼，吉列豬扒同芝士薯條，吉列豬扒有驚喜，好juicy…查看更多

年三十晚同屋企人出黎食餐好既！見呢度好似都有好評（雖然劣評都好多），主要都話服務差同劣食。但係，人地點寫我都唔信，除非我親身試過啦。同屋企人點左五個餐，有明太子意粉，手造肉腸粒意大利麵，軟殻蟹燴飯，新澳以良意粉同蘋果木烤豬。一開始食個前菜，有任食沙律，薯條，菠蘿，楓糖南瓜都好好食但餐湯係好似飲水加湯甘蘑菇湯同雜菜湯都唔好飲。主菜既味道都係麻麻，最好食既係明太子意粉同蘋果木烤豬，其他都唔係太好食:(而令我印象最深刻既係俾錢個時，佢話唔收銀聯，但我得張銀聯，而佢餐廳又好似無寫唔收，當我問有無邊個地方有話到唔收，我可能睇唔清楚，個服務員話：無邊個地方寫過，唔收就係唔收，我地只收visa同master，佢既語氣令到本身傾梗計既屋企人都望過黎，最後要佢地埋單。有心黎呢度試既朋友，記得唔好帶銀聯…查看更多

晚餐唔係好餓，但唔食晚上訓訓下又會餓醒！就食下蛋糕啦！佢既蛋糕好吸睛，每次經過都會引唔住望下今日就同屋企人叫左三個餐同四款蛋糕。麵包好味，雖然唔係新鮮出爐，但皮脆內軟，而且可以任食，加埋又香又滑既牛油，好味每次黎飲個湯都係一樣，都係南瓜湯，甜甜香香充滿南瓜味我地叫左個黑松露既risotto ，無話好香黑松露味，同埋cream 太多，如果一個人食會好漏！燒雞好味，熱辣辣，雞皮香滑，不過配菜既南瓜同薯仔就麻麻個雞肉蘑菇burger 完全唔好食雞好乾身，個包又太黑甜品方面，我強烈推薦呢個焦糖布丁雲呢拿蛋糕，好香蛋香味之餘，個餅底又好有口感，如果中意creme brûlée 係必食！我地仲叫左開心果紅茶蛋糕碧根果咖啡蛋糕紅桑子朱古力蛋糕Overall 覺得呢間餐廳，主食麻麻，要睇下好無彩叫埋好味既主食蛋糕賣相好得，雖然唔係件件好超好食，但以每件30幾蚊既價錢，性價比算高…查看更多

每次經過荃灣，都會諗起呢間粥鋪！貪佢平又好食，老闆又會定期派免費既粥俾有需要人士 今次同屋企人食！當然要試多幾樣野首先食個牛利酥，唔夠熱，有少少失望，不過都夠脆身既，甜甜地，都好食！之後就黎食個炒麵，麵身夠彈牙，雖然好似無咩材料甘，但熱辣辣又夠味，都唔錯我叫左個及第粥，三十幾蚊，有豬潤、豬丸、豬腸、豬肚，各有兩件，熱辣辣，足料好味！有個炸両內脆外軟！加埋甜醬同花生醬！超級正！媽媽仲叫左糭，不過我就麻麻地，好似無咩味甘，唔係甘中意食…查看更多