jennes's Profile

話說今日去Tony Wong攞訂好左嘅蛋糕，不過攞左又要等媽媽揸車過黎接我🚗，由於廢事喺街行下行下Fing到/撞到個蛋糕⚡️，所以就坐低叫左一件cake試下。成個Display櫃嘅蛋糕對於作為甜品控🍩嘅我當然每件都好吸引，不過得一個胃，一間又仲要食飯，只好揀左外表夠哂少女👸🏻，又係最新出嘅Ruby Diamond💎。唔講味道，剩係賣相已經完勝✨，粉紅色💓嘅朱古力外殼，再加上有金箔裝飾💰嘅榛子做點綴，影相呃like一流。朱古力係濃度唔高嘅牛奶朱古力🍼，甜而不膩，裡面係榛子同朱古力慕絲，好似食緊高級版kinder繽紛樂🍫，當然質感會幼滑得多。至於生日蛋糕，今次揀嘅係Mango Napoleon，用芒果砌花當然唔係咩新鮮事，但我特別中意佢用半圓嘅芒果粒喺側邊襯托中間嘅四朵花🌼，成件事grand得啱啱好，唔會太累贅。切蛋糕嘅時候，用隨盒嘅膠刀會比較難切，建議用金屬刀🍴就唔會切到散收收。切嘅時候感覺餅身好硬，但係食落竟然非常鬆脆🎉，果然我嘅擔心係多餘嘅。屋企人每食一啖，就講一句好好味😋，連本身唔食拿破崙嘅我，都對呢樣甜品改觀。Tony Wong果然係名不虛傳嘅甜品大師！🎂…Read More

見到times開左主打waffles/eggettes/gelato嘅新甜品店，裝潢以淡色為主，感覺輕鬆舒服，加上有可愛北極熊做吉祥物，就決定同bestie試試佢。兩個人叫左兩份甜品同兩杯飲品，分別係Strawberry waffle🍓，Chocolate and peanut hot cookie，Hibiscus and Yuzu Frappe同BBQ Marshmallow Matcha Frappe。最先到嘅係strawberry waffle，賣相十分inviting。窩夫即叫即做，所以上枱熱辣辣，食落外面香脆入面鬆軟，中間夾住厚厚一層香滑鮮忌廉同酸酸甜甜嘅草莓，仲附送一個scoop嘅vanilla gelato，一啖食哂所有材料有一定難度，非常考驗你點切件waffle。之後係Chocolate and peanut hot cookie。呢個口味本身唔跟雪糕，不過收銀哥哥比我地加$10配返自選雪糕，咁我地就揀左抹茶味。呢個hot cookie其實類似英國傳統crumble嘅質感，不過再加上香濃朱古力同花生醬味，其實有少許膩，不過好彩有雪糕中和一下，成功挑戰食哂全個！雖然個waffle已經好出色，不過同hot cookie相比之下就略嫌普通。然後係兩杯飲品，Hibiscus and Yuzu Frappe 嘅顏色同menu上一樣鮮豔，只係兩朵洛神花賣相比較古怪，有少少似八爪魚漬(誤?)，柚子味比洛神花搶左，不過成杯野好開胃，可以解膩。至於BBQ Marshmallow Matcha Frappe，賣相同menu差比較遠，因為轉左用細粒嘅綿花糖。而味道方面奶香較重，相對抹茶味較淡，但總體有一種夢幻嘅感覺(飲果時好似有d飄下飄下咁)。…Read More

早一日book枱同母親大人食生日飯，原先諗住一家四口，之後表妹想join，打去加一個位，之後auntie都想join咁就又打去加多個。雖然我隔5分鐘打一個電話係咁改人數，接電話嘅姐姐態度始終好好，完全無嫌我煩，要比like 因為係閒日同有book枱，所以完全唔使等就有位坐。野食keep住水準，不過好似比以前細份左，不過明嘅，通漲，可以理解。推薦一個beef cheek with smashed potatoes，牛肉好淋好入味，除左咸味重有少少果甜，係有層次嘅一樣餸。 另外pizza with ham都好好食，有松子仁加添crunchiness同香味，我表妹中意到一個人食左3塊。 啤酒方面推薦Schneider Alkoholfrei，其實係alcohol free咁解姐係無酒精嘅。除左大麥嘅微苦澀仲有好香嘅焦糖同香蕉味，要揸車嘅媽媽表示好鍾意因為食到好飽，就無切埋蛋糕，因為切餅費係$150，或者叫兩份甜品wave左條數(甜品最低消費$68所以同比切餅費差不多)，店員都無因為個蛋糕淨雪唔切而比面色我地睇。由於beef cheeks個樣太吸引所以未影相就食左…Read More

1330落單，等到1400都未有野食，餐廳坐滿人，但係得10%嘅枱面係有野食。無咁大個頭就唔好戴咁大頂帽，明知廚房整唔切，就唔好放咁多張枱，一係你就請多個人/買多部機。等左超過半個鐘，終於黎左兩份餐。一份係English All Day Breakfast, 另一份係Salty Waffles (Sausage Dijon)。先講All day breakfast, 其實我理解唔到係點樣整到半個鐘。牛角包未焗熱，腸係微暖，沙律菜個汁雖然清新開胃但略嫌酸，太陽蛋煎得幾靚不過都係唔熱，茄汁豆係唯一一樣夠熱兼無可能難食。 然後salty waffles, 救命塊waffles係凍過室溫，上面d沙律菜似係求其灑上去，不過煙肉腸卷包得有心機同係熱嘅(finally!)。雖然我知到喺甜品店叫正餐係有一定風險，不過我係估唔到我等左咁耐佢都比d凍野我食啫...…Read More

真心非常喜歡bake的cheese tart🧀細心附上的小卡片清楚列出不同溫度下吃到的不同感覺。💕平日總會立即吃或是回家加熱再吃，這次嘗試放了一整夜在雪櫃❄️，真的能夠吃到像雪糕🍨的口感，在炎炎夏日是最合適不過了😋…Read More

男朋友想食海南雞飯, 行過food court見到呢間1983南洋風味就買左黎試。先講效率，其實所有野已經煮好，只需要斬同裝落碗就得，不過斬雞大哥🐔👦🏻好似唔係太handle到。男朋友買完飛排隊等野食嘅時候，前面有個叔叔👴🏻都等緊，而叔叔👴🏻手上張飛係買左3碟飯嘅。話說收錢姐姐👩🏻已經提醒左斬雞大哥🐔👦🏻要斬3份，但係大哥🐔👦🏻斬左一份就算，叔叔👴🏻攞左第一份餐返埋位擺低之後返到埋counter發現自己被完美忽略。好啦咁斬返兩份比叔叔👴🏻，就到我男朋友啦。男朋友點餐嘅時間同姐姐👩🏻講左要走翼，咁姐姐👩🏻喺大哥🐔👦🏻開始斬嘅時候都提多佢一聲要走翼，不過唔知大哥🐔👦🏻係聽唔明定聽唔到，比男朋友碟飯係有大大隻雞中翼嘅。咁男朋友就同返姐姐👩🏻講，姐姐👩🏻又好象徴式咁同大哥🐔👦🏻講，喂走翼呀。大哥🐔👦🏻今次斬左碟有雞翼尖嘅。姐姐👩🏻都醒左架啦，自己睇一次先，然後又講，都話走翼囉，之後叫大哥🐔👦🏻再斬過。咁呢次呢，大哥🐔👦🏻就斬左碟又有雞中翼，又有雞翼尖嘅。擾攘左幾分鐘，正當我男朋友餓到想爆seed之際，比姐姐👩🏻搶先一步，向大哥🐔👦🏻大叫，人地講左走翼，唔要雞翼呀！大哥🐔👦🏻今次就經典啦，只係拎走左隻雞中翼同雞翼尖就算，完全無意慾要斬返其他野落去。由於男朋友太肚餓唔想再等，咁就算啦拎返埋位食。一睇下斬左果堆野，大哥🐔👦🏻明顯刀工有極大改善空間，斬到一岩一忽甩皮甩骨，有半份都係皮同骨。加上號稱海南雞嘅其實只係無果版白切雞，呢餐飯只可用伏黎形容。…Read More

野食出得極慢，我係015號，買完坐返埋位見到個mon啱啱先出001號，以food court嘅速度根本唔合理。仲有，我未食過無供應蜜糖汁/蒜蓉豉油嘅pepper lunch，問staff有無，佢地完全唔知咩黎，問完廚房態度勁差就咁揚手一句"無呀"就算。講返個飯，我叫嘅係不嬲叫開嘅咖哩黑椒芝士牛肉飯，廚房可能入咖哩粉唔使錢，飯面d咖哩粉太重手，成個飯無左汁再加勁多咖哩粉，根本痴埋一舊舊，乾爭爭之餘淨係得咖哩粉味，總之就係難食。唯一抵讚嘅係佢係巴黎人food court裡面都無坐地起價，keep到同其他分店一樣價錢。…Read More