foodtasterhk's Profile

早前已食過一次，第二次幫襯，水準依舊良好，性價比高。兩個人，叫咗韭菜餃、雞絲冷麵、辣酒煮東風螺、豉椒炒蟶子及椒鹽魷魚鬚。韭菜餃$10有4隻，十分抵食，煎得香脆。雞絲冷麵配胡麻醬好清新，食完濃味嘅海鮮可以調劑一下。辣酒煮東風螺非常惹味，酒及蒜香十足。蟶子是短身的，沒有沙，味道不錯。魷魚鬚新鮮炸起，好趣，係略嫌鹹咗啲。總括嚟講，呢間性價比極高，超級抵食，海鮮樣樣都係幾十蚊，味道唔錯，材料幾新鮮，但係位比較少，同埋地點唔係太方便，都值得一試。…Read More

今次去咗泰金國食晚飯，喺九龍城都算好出名，歷史悠久，好多人都介紹個燒牛肉，一於去試吓。啱啱好6:00去到，坐咗最尾一張枱，走嗰陣出邊已經排長龍。兩個人，叫咗燒牛肉、蝦膏炒飯、生菜包、飛天通菜、百香果沙冰同埋泰式奶茶。燒牛肉好大碟，基本上枱枱都有叫，燒出嚟隻色好靚，大概五成熟，好多人都讚個汁，但係我覺得就咁食好食啲。蝦膏炒飯新鮮炒起好香，大大碟幾抵食。生菜包同通菜都唔錯，冇乜特別。至於兩杯嘢飲，個百香果沙冰應該係糖水溝出嚟，味道麻麻哋。泰式奶茶就幾好飲，茶味香，同港式奶茶相比係第二種風味。聽過人講喺嗰度加單會俾人鬧/黑面。我哋落單嗰陣已經同我哋講只可以加一次單，我哋加單之後就收咗我哋本Menu，但就冇唔友善嘅態度。兩個人最後食咗$396，食唔晒要打包。總括嚟講，食物質素幾好，性價比幾高。服務都唔錯，有求必應，係坐得迫咗少少。但係都推介嘅。…Read More

聽過呢度胡椒豬肚湯好出名，一於去試吓，點知去到發現轉左手，得返啲餃子鍋貼。但係一場嚟到，一於坐低試吓。食物叫咗白菜豬肉水餃、韭菜豬肉煎餃、凍檸茶。個餐仲包一碗蟲草花雞湯。個水餃同煎餃包得好核突，粒粒大細唔同。味道就麻麻哋，個皮好厚。個湯味道唔錯，足料嘅。杯凍檸茶好難飲，茶又苦又澀，冇叫少冰但係得一粒冰，裝得八分滿。服務餐廳有得選擇用手機QR code點餐，但係強迫人註冊wechat 先可以用。侍應唔係好熟手，落單重複咗幾次，上菜亦都有撈亂嘅情況出現。老闆娘成日行嚟行去，問你係唔係食放題。總括而言，轉左手之後情況十分惡劣，食物質素偏差，賣相核突。環境同服務都唔係幾舒服。最後，千祈唔好叫罐裝汽水以外嘅飲品！…Read More