justwantoeat's Profile

食物一流！大份味道又好！清潔滿分！餐具乾淨到發光！價錢超值！地點如果唔係有dd遠，一定排晒長龍！難得搵到間100分小店，冇乜人知，好驚佢會消失，希望大家多啲幫襯啦！Amazing food and  place! Unbelivable! Everyone should visit! …Read More

大家小心！‼️$70餐7折（酸辣粉加大碟d既蒜泥白肉）平過$38酸辣粉（7折）加「抗疫」蒜泥白肉$31（無7折）。足足差$9！😡😡😡😡😡😡 等拎外賣期間俾我發現到，想問清楚，個拎外賣出嚟嘅喺店員竟然鬧人「都怪你自己貪小便宜」。之後，佢自己又衝番出嚟用計數機計，話「邊有差$10啫！$9咋嘛！」，俾返$9我。跟住我話，「但係你話我碟肉係細碟啲嘅？咁係咪...」我未講完，佢大大力打開收銀枱個櫃，拎出自己個背囊，喺銀包攞張$20出來掟落枱面話俾我，然後衝返入店。我根本唔貪嗰啲小錢，係佢自己大發脾氣。因我懷疑佢精神出現問題，加上我可憐佢啦，塞返啲錢俾佢，同佢講幾次「傻瓜，唔關你事，你攞返啦」，之後佢收返，佢就離開了。言語間，佢講自己好多嘢做，好多單未處理，我掂住佢安撫佢時feel到佢個人好熱。（注意⚠️： 佢一個大男人，我一個小女子）其實我只係想食餐飯，鍾意食酸辣粉，正常跟住個餐牌買，估唔到會發生啲咁嘅事。 其實大家都明白疫情期間飲食界受挫，員工好辛苦。但餐牌蠱惑，食客當然會有疑惑，計完數發現唔妥，都會要求你俾返。 今次發現員工精神壓力大到要喺店度同無辜嘅客人發脾氣！依家食完抗疫套餐一個鐘，另一半竟然作嘔，究竟係唔係$25嘅抗疫套餐就係會食到人哋肚痛作嘔呢？最衰都係客人貪小便宜囉，係唔係我哋自己攞嚟？🤮🤮🤮🤮🤮🤮(銅鑼灣傷心酸辣粉 ）…Read More

第一次去天后呢間祥興記生煎包，點知一食，對筷子竟然有喇叭牌正露丸味！即刻同相中收銀呢個呀嬸講，佢竟然話要多對筷子收$1，唔肯俾番對！再話我食咗咁耐依家先出聲，單單打打態度惡劣！大佬！我啱啱開始食，對筷子篤落個湯度，散發出一陣臭到嘔既喇叭牌正露丸味，搵嚟搵去最後揾到發臭既係對筷子都用咗一陣啦！嬲到我死仲要收我一蚊？最後我兩個人要鬧佢先俾返對新既人，但佢仲要繼續同個廚師大大聲單打：「筷子臭呀，你聞下有無漂白水味？」大佬，不單止無道歉, 重全程單單打打態度惡劣! 我下次一定叫食環！大家認住圖中呢個衰員工呀！喇叭牌正露丸味…Read More

滿心歡喜諗住食，一直喺銅鑼灣食都很滿意，可惜食到一肚氣！非常懷疑煮嘢食嘅人有冇受過訓練！先講飲品，買咗買一送一，每杯平均$24，啲珍珠竟然係一堆癡晒落個杯底度，淨係飲到一兩粒，用飲管都分唔開佢哋！另一杯黑糖鮮奶重衰，淨係飲到黑糖，明明用鮮奶但一啲奶味都冇，溝咗超多水好嘔心！根本飲唔落！跟住到嘢食，我只係嗌一個撈濛粉，竟然啲粉都未浸就上菜！一路食每一啖都係硬嘅膠條！從來冇食過咁樣嘅飯！質素非常惡劣！服務態度極度惡劣，個經理一句對唔住/唔好意思都冇！隔離枱個女人叫個餸都要俾侍應鬧，個女人都好可憐。一個落單嘅侍應就叫我地一定要講Number俾佢哋聽，叫嘢飲個侍應就話一定要嗌名比佢聽，痴痴地線！未溫熟書就唔好做侍應啦！清潔方面，所有碗碟都有污跡未洗好，隔離枱叫咗三隻碗仔，竟然全部都要換過。地下仲要成舊人哋上一手留落嚟嘅排骨肉都冇人清潔！超級污糟！食完都好驚自己會肚痛！嘢飲個餐牌一路唔知中間可以打開，因為全部都係俾糖漿污糟嘢癡住咗！點解可以咁差！我都係想食一餐正常嘅飯姐！點解又要食垃圾又要受氣？我自己返屋企煮算啦！我過咗個幾星期都仲落唔到啖氣！ 非常不建議大家去嘗試！…Read More