Jess_Cottage的个人专页

今日黎左呢間凱施打算買幾個麵包番歸食, 見到雪櫃D蛋糕好似換左一批新款, D款好似靚左好多咁. 所以後尾就決定唔買麵包, 留肚揀個蛋糕番去試下. 揀左起碼五分鐘.....最後都係揀番我鍾意食既忌廉蛋糕! 因為呢個忌廉蛋糕上面唧果D cream望落勁白滑咁, 好吸引! 番歸之後馬上試試, 一食D cream 真係不得了, 除左質地好正 好輕滑之外, 原來係有D蜂蜜味架! 蜂蜜味既cream好香好好食, 雖然會比冇蜂蜜味既cream甜DD, 但我覺得個甜度仍然係OK, 而且蛋糕入面有D熱情果酸酸地, D cream既甜甜地就剛剛好balance到. 而蛋糕底就用左朱古力味蛋糕, 朱古力味幾香濃, 而且質地軟熟, 以$112黎講呢個蛋糕都相當唔錯, 有surprise! …查看更多

之前有日晏晝過左TST買野, 仲順便買埋呢隻半熟之卷番屋企. 呢隻卷都好似出左一排, 望落比平時美心果D卷蛋細條, 所以一條要$98感覺好似唔算平, 但原來返去切開都切到七八件倒 (切薄D應該有十件), 而且真係幾高質, 唔係普通卷蛋果D level! 佢總共有五隻味, 冇記錯應該有原味, 芝士味, 朱古力味, 抹茶味同埋士多啤梨味. 我揀左芝士味試下先, 陣芝士味道夠晒香, 仲帶D煉奶既香味, 而且切開發覺卷埋既芝士餡都唔少, 口感好幼滑. 而外層蛋糕果隻口感平時冇乜食過, 又唔係一般海棉蛋糕質感, 而係好綿密濕潤咁樣. 整體好香滑又唔會太甜膩, 都幾OK! …查看更多

之前黎左呢度食午餐, 餐牌選擇都唔少, 我覺得似係茶餐廳同西餐Cafe既混合. 我就試左個菠菜汁煙鴨胸燴飯, $46包熱飲價錢都唔貴, 質素亦都相當唔差呀! 碟燴飯份量好大碟, 上面放有大大塊五件煙鴨胸, 中間有3粒車厘茄, 下面係綠油油既燴飯, 望落好有色彩, 賣相擺盤都有D誠意咁. 成個飯都好綠, 入面有D洋蔥碎, 每匙飯"不"起都有D芝士絲, 口感唔錯, 而菠菜味都食到少少既, 可能因為有芝士食落就更加香! 唯一唔係太好就係D煙鴨胸都煎得頗油膩, 成塊都係令立立既....但整體都滿意啦!…查看更多

之前有次黎左銀行中心呢間凱施買D麵包食, 順便買多個流心奶皇月餅走. 我上年第一次食凱施既奶皇月餅,  上年就未係流心, 只係普通奶皇餡, 但比我既印象都唔差, 奶皇餡幾香既不過就有DD碎散.今次知道佢地出左流心版本, 就比次機會試下啦! 番歸後唔食D麵包住, KO個月餅先. 呢個流心版本比上年果個正好多, 切開之後側邊D奶皇餡都完全冇碎散, 質地亦唔會黏+唔會漿住個口. 中間既流心奶皇真係一切開就有漿慢慢流出黎, D奶皇味流心漿好好味,  味道自然又唔會好甜, 同時都夠鹹蛋黃香+夾雜D蛋黃粒粒, 口感滑身之餘又有D咬口咁. 整體都幾好, 手掌心大細, 過到口癮又唔會膩, 會考慮買盒裝送比屋企人.…查看更多

之前黎左呢度食DINNER, 第一次黎食咋, 點左個星洲叻沙套餐 (套餐跟杯南洋咖啡)..56蚊有DD貴不過都還可以既. 碗星洲叻沙味道都OK唔錯, 湯底幾香濃, 少少辣, 有D椰汁香味. 配菜都係蝦..魚片..豆卜..芽菜之類, 用米線做麵底, 份量都OK. 而最令我驚喜既係佢杯南洋咖啡 (+煉奶果隻) 係相當好飲! 杯咖啡肉眼望落去已經覺得色澤特別烏黑, 飲落去有香濃既啡香味, 但就冇乜苦澀味,  仲飲得出呢種係炭燒咖啡既味道! 下次再黎食既話必定會encore杯咖啡!…查看更多

有次行黎大圍呢條巷仔, 見到單車舖隔離原來有間細細地既家庭式小店, 就行埋去睇下個餐牌有咩食...跟住好快就有個應該係老闆娘既女仔就行出黎好有禮貌咁介紹下佢地既食物, 見佢咁友善而且價錢都唔算貴, 我就入去試下啦! 入到去發覺地方真係幾細, 只有四張2人圓枱, 隔離已經係煮食物既地方, 但環境感覺都唔錯, 好乾淨亦都佈置得幾光鮮. 我叫左碟“惹味辣腸黑椒雞絲炒意粉”, $58跟熱飲, 價錢算合理. 碟意粉都炒得幾好食, 一來炒得唔會好油膩, 就算食到最尾都唔會油淋淋...二來意粉煮得好煙韌彈牙, 口感唔錯..裡面除左有惹味辣腸同埋雞絲, 仲有好多椰菜同埋洋蔥絲, 配料份量幾充足呀. 另外D腸仔味道辣得黎幾特別又好惹味 (不過真係幾辣下)!整體幾好, 會繼續支持.…查看更多

之前有個朝早試左麥記呢份扭扭粉煙肉芝味多士做早餐, 仲加杯凍濃黑咖啡long black. 份芝味多士唔錯喎, 熱烘烘既麥包, 烤焗到好香脆, 每塊多士薄薄地一塊, 中間夾住左唔少芝士, 煙肉同埋扭扭粉, 份量相當之足料, 食落去味道亦都豐富香濃, 帶D鹹香, 好味! 芝士仲要唔少添, 一打開包裝紙就聞到芝士香好濃郁, 岩晒我呢個芝士控. 仲有可能入面既餡料用左扭扭粉..所以食完好飽肚呀. 另外, 杯凍濃黑咖啡味道都唔錯, 聞落幾香, 亦都唔覺得苦澀. 不過埋單要4X蚊, 老實講有D貴, 間唔中食一次半次都OK既.…查看更多

6月尾黎左翠河餐廳食個TEA, 呢個下午茶餐幾抵食喎, 31定係32蚊有一大個豬扒包 (切開兩邊上), 兩隻瑞士雞翼全翼, 仲有杯飲品. 味道亦都幾好. 豬扒包個麵包係豬仔包黎既, 望落好似好硬身, 但拎起咬佢一啖原來又幾軟熟, 入面夾住D豬扒, 蕃茄塊, 生菜絲, 同埋有D沙律醬所以入口都唔覺得乾身. 豬扒個味都OK, 質地軟淋唔會嚡口, 兩邊豬扒包加埋咁大份..淨係食個包已經飽飽地....另外都估唔到有兩隻瑞士雞翼全翼, 以為得一隻全翼或者兩隻雞中翼架咋. 雞翼都煮得入味, 又唔會好鹹, 成個餐性價比好高, 我覺得抵食過大X樂D快餐店.…查看更多

6月頭有一日黎左呢間婆婆家餃子館食左個TEA..下午茶餐32蚊送豆漿一杯, 全部都係湯粉麵.. 我就揀左碗酸辣粉試下, 都算幾好味, 酸辣粉個湯底煮得唔錯, 味道幾濃香, 少少辣, 食得出應該落左唔少材料去煮既..而唔係求其用酸菜+醋+辣油就算數. 目測碗酸辣粉入面既配料係有肉碎..酸菜..乾蔥..蔥粒..蒜頭粒..芫茜..紅椒粒..花生..芽菜, 配料好多款式, 所以食落口味道同口感都顯得幾豐富. 而薯粉既質地都煮得好煙韌彈牙, 入口滑劣劣, 大大碗咁都好飽, 32蚊性價比都算高呀, 我覺得可以一試! 唯一唔好就係湯底幾油膩下,  同埋食完有少少口渴, 唔知係咪落左D味精 . …查看更多