OpenRice 見到呢間omakase 598 有20道菜諗住留港消費支持下 點知就中大伏😓😓而家都簡短個係有咩問題出現：1. 食物同餐牌顯示嘅唔一樣 而且冇事先通知😡叫得廚師發辦 我都知道自己食嘅嘢未必同其他人食評嘅野一樣 但如果你真係寫到明係個餐牌上邊會有嘅料理而你要轉走嘅話 你應該係事先話俾個客知咁餐牌上邊呢就寫到明有一款龍蝦料理 係598套餐先有嘅食到中段嘅時候呢，就見到個店員上咗半隻龍蝦俾坐最左手邊嘅伯伯 但差唔多時間其他人食嘅係一隻熟蠔 （omakase竟然比熟蠔而唔係生蠔 你可以想像個quality🥶)咁我嗰陣以為呢隻蠔係餐牌上邊嘅烤物就照食而且佢出食物順序都係唔跟餐牌 所以我就冇即時問點知差唔多食到尾 個女侍應連我哋嘅筷子都收埋我就即刻講：我嗰碟龍蝦未上架wo🤯個女士望住我有少少疑惑，然後：我地轉左蠔比你 我真係當堂10萬個為什麼？ ⁉️⁉️⁉️⁉️你幾時有同我講話要轉？ 龍蝦料理嘅價值同一隻東門燒生蠔係咪一樣？ 最搞笑嘅係佢唔係賣晒龍蝦所以比生蠔 明明個個伯伯係有 甚至去到我哋埋單嘅時候有另一位客人都係有龍蝦食咁請問點解要換蠔比我？ 🫨🫨🫨當然呢個女侍應係冇解釋啦 純粹係答咗上面嗰句就繼續做自己嘅嘢啦😐2. 壽司有毛 師傅成日壽司飯圖都影埋俾大家睇啦 食生嘢，最緊要就係乾淨 但係omakase 師傅 整嘅壽司 竟然可以成條毛黐住喺度🙄🫠因為食嗰陣算係中前段 未去到我好嬲嘅時候當下我係拎個筷子整走佢 算數我諗我嘅動作師傅應該可以見到不過呢個席前料理 師傅係完全冇反應嘅而且席前料理 部份價錢都係俾錢睇師傅表演但呢個師傅好明顯係未出得班而家睇返OpenRice另一comment 都睇到同樣問題就係未見過壽司師傅可以搓壽司飯搓到成手都係飯粒 （呢個無影低） 🫣🫣🫣🫣整個感覺好似小朋友玩泥膠咁隻手污糟晒 勁影響食慾3. 食材差598嘅omakase 絕對稱唔上係好貴但我諗冇人會期望食到爭鮮嘅質素無論佢俾嘅甜蝦定係帶子只係你平時去嗰啲凍肉舖水準 解凍之後嘅貨我可以話係壽司郎同埋元氣都俾佢好好多🥱🥱而且佢嘅刀工非常唔錯每粒壽司同魚料都非常精緻 （你明啦）咁嘅價錢我會寧願去食元氣或者壽司郎佢嘅卷物都令人相當難忘 將唔同邊角料放埋一齊就可以整一舊俾你食 所有味道都打晒交 隱隱約約有腥味🫢炙燒安格斯拌無菌蛋唔知邊個諗出嚟㗎啦 但算係好慳功夫一樣嘢但嗰嚿牛肉睇落成嚿煙肉咁嘅樣而且生到不得了 想嚼爛佢都有問題最後都係lur😬4. 0 service食過咁多間Omakase 呢間算最特別 落單 一個餐398 一個598 講埋俾侍應知 邊個人食咩餐 可以上錯😓同佢講想要個籃 放袋仔 唔使攬住嚟食（講真通常呢個價位嘅餐廳啲人都會醒水 比個籃你放凳底）講完一次佢話ok 見佢行嚟行去，都係無拎再叫佢 ，先拎到一個勁污糟嘅籃比我裝野如果全場咁少客 咁簡單嘅服務都俾唔到 不如就唔好做omakase la😥侍應只負責收碟 茶都係要自己斟 😥奉勸各位入去前 真係要三思🤗…Read More
