waterysam's Profile

又到Dining city舉辦既Restaurant week，可以用超抵價就餐於米芝蓮🌟同不同餐廳。平時去LKF Tower飲野就多，今次同朋友就決定去試Cassio為Restaurant Week特別推出既$298任食pinchos menu — Pinch Me!。Menu都好有誠意，總共有14種pincho（西班牙既餐前小食），冷熱各7種，包含咗平時A la carte入面既招牌菜式。本身我地兩個女仔都好含蓄咁落咗四件，點知過咗陣個waitress主動過黎提我地咁樣可能會試唔切成個menu，直接建議幫我地點曬14款每樣兩件，之後再encore自己鍾意既。😝（我都建議大家咁做👍🏻，一黎pincho本身細細件，一啖食完，二黎影相靚好多）今次嗌曬所有pinchos，不一一作介紹喇，主要揀自己鍾意同有特色既推薦。🔸Beef TartareBlonde d’Aquitaine, Dijon Mustard, Brioche法國阿基塔牛 配 法式芥末醬，布里歐麵包這個真係要大讚！法國Blonde d’Aquitaine牛肉纖維幼細肉質鮮嫩，香港餐廳多用美國澳洲或者日本牛烹飪，今次食到法國牛認真驚喜！用黎製成塔塔生牛，配返法式芥末醬同法包，好食到不斷encore。Brioche連同Baguette&Croissant都係法國主要嘅麵包，但係喺香港就好少見。如果你鍾意食lobster roll就一定唔會對Brioche陌生，呢種麵包出名高牛油量同多雞蛋製成，外層鬆香鬆化，內裏軟熟彈口，夾上嫩滑生牛肉同清新酸甜芥末醬，相得益彰，味道口感都極為豐富。真係講完都流曬口水。🔸Beef Cheek & Rosemary16 hours slow cooked beef cheek, Sweet potato puree & Rosemary Sauce16小時慢煮牛面頰，蕃薯泥 配 迷迭香醬經過16個小時既慢煮，牛面頰肉質軟滑，入口即化，搭配上味道稍甜既蕃薯泥，能平衡牛面頰醬本身既鹹味，下面佐以香脆麵包，層次更為豐富。🔸Octopus with Smoked Paprika (相片中間）Spanish octopus, Creamy portobello mushroom Béchamel sphere & chill sauce西班牙八爪魚，香滑大啡菇意式白汁 配 辣汁八爪魚口感軟糯，富有彈性，搭配的辣椒汁中和了意式白汁的膩感，充分融合咗八爪魚的鮮味，呈現出來恰到好處。🔸Ham Croqueta （相片左上）Crispy Iberico Bechamel Sphere酥脆西班牙風乾火腿可樂餅Croquetas係最常見既西班牙tapas之一，同我地認識既可樂餅名異同源，將濃稠的義式白醬加上餡料，最常見為風乾火腿，最後油炸烹調。咬落既有油炸完的酥脆又有火腿既鹹香。朋友好鍾意，不過個人覺得腬得濟，各人口味不同。🔸Iberico Ham （相片中間）40 months cured Iberico Ham, tomato & EVOO40個月黑毛豬風乾火腿 配 番茄，初榨橄欖油西班牙餐廳點可以冇風乾火腿，40個月既黑毛豬，滿口既堅果香氣，油光鋥亮。麵包上擦咗一層薄薄既蕃茄蓉， 清爽解膩，恰到好處。🔸Garlic Prawns （相片左下）Sauteed prawns with garlic and Espelette sauce拌炒蒜蓉大蝦 配 愛沛雷辣椒醬🔸Mushroom & Egg （相片從下到上第一）Mixed mushroom scramble egg & chive香蔥雜菇炒蛋🔸Chistorra （相片從下到上第二）Fresh Chorizo with white wine & confit onion西班牙紅椒腸 配 白酒，油封洋蔥油封過既洋蔥入口即化搭配上香鹹微辣既西班牙香腸。🔸Mushroom Croqueta （相片從上到下左二）Crispy portobello mushroom béchamel sphere & chili sauce 酥脆大啡菇可樂餅 配 辣醬相片從下到上依序：🔸Spanish Omelette Organic Egg, confit onion & Confit potato with Alioli sauce西班牙蛋餅，油封洋蔥馬鈴薯 配 蒜泥蛋黃醬🔸Eggplant Pesto Roasted eggplant, rocket salad & pesto sauce 烤茄子， 火箭菜沙律 配 羅勒青醬🔸Smoked Salmon & CheeseSmoked salmon with cream cheese, herbs & lime煙三文魚 配 奶油芝士，香草，青檸🔸Avocado potato saladAvocado, roasted potato & carrot, spicy Mayo & micro greens牛油果，烤薯仔甘筍，辣蛋黃醬，微菜苗🔸Manchego & Idiazabal6 months cured Manchego, Idiazabal Cheese & EVOO發酵6個月Machego芝士，Idiazabal 芝士，初榨橄欖油 🍽Overall整體來講以呢個價錢有得兩小時任食，喺蘭桂坊算係幾抵。放工時間餐廳唔算多人，我哋兩個女仔食到八點連晚飯都skip埋。平日可以過嚟同朋友吹吓水飲吓嘢，推薦！唯一缺點係Cassio既檯燈距離令人坐得好唔舒服，尤其如果女仔著裙，要坐得斯文，全程要側著個身，都幾唔方便，可能Cassio始終係酒吧為主。食物：4/5環境：4/5性價比4/5…Read More

係朗豪坊做完Gym，打算近近地係隔離Cordis同朋友食個飯，見到呢間米芝蓮一星既粵菜，我地都好少食有🌟既中菜，決定行去試下。星期五晚即興walkin任何一間稍有名氣既餐廳都唔係甘易，好好彩有一張近門口既吉檯，我地坐低之後即刻full house。餐廳整體環境唔錯，座位寬敞，主要用仿製文物做裝飾擺設，頗有特色。🔸自家製XO醬，豆乾豆豉醬，琥珀合桃Homemade XO Sauce, Black bean sauce, Honey roasted walnut一坐低，侍應就送上一套醬料/小食，當中既XO醬真係一試愛上，追問下得知係用咗瑤柱，蝦米，蝦籽同金華火腿製成，食落香濃惹味，餘韻仲有一絲絲辣味縈繞，直情忍唔住問餐廳有無出售。（特別一提，可能自己比較少食中菜，一開始見到呢碟“醬料+小食”既時候真係𢲷晒頭，又唔似開胃冷盤，但又無侍應解釋過個用途食法，介紹佢既特別之處，呢點需要改進）🔸拍青瓜花雕凍鮑魚 $328Chilled Abalone in Chinese guardian rice wine (twelve head), pickled cucumber Menu寫花雕，食落更似清酒，酒味過重，略掩蓋鮑魚本身既味道。 普通罐頭鮑魚，整體不過不失。🔸酥炸釀鮮蟹蓋 $218Deep fried stuffed crab shell fresh crab meat, breaded 明閣招牌菜式，賣相的確吸引，用料十足，切開可以見到滿滿既蟹肉。但表面炸得唔夠酥脆，再配上芝士洋蔥白汁，覆蓋咗蟹肉本身既味道，完全食唔出蟹肉既鮮甜，個人唔識得欣賞。🔸金耳榆耳扒菠菜苗 $248Braised Baby spinach, Elm fungus, Yellow fungus 菠菜本身帶草酸，一般都會用川燙降低澀味，但係食落菠菜苗依然略帶苦澀。金耳 （既係黃耳 ）同榆耳，本身亦帶有菌類既酸腥味，食落比較黏稠，無期待中既爽中帶滑，甚至沾到菠菜苗既澀味，整體十分一般，個人認為可能用豆苗代替效果更好。🔸遠年陳皮和牛面頰 $488Braised Wagyu beef cheek, 15 year aged dried tangerine peel in a clay pot牛面頰炆煮得十分軟腍入味，配上乾陳皮絲解膩，口感有層次，咬落第一啖係牛面頰既肉香，之後陳皮既香味慢慢係口中散發出來，帶有一絲絲甘味，食完之後齒頰留香！🔸楊枝甘露 $58Mango, Pomelo, Coconut, Sago cream用了兩種唔同既西米，一是平日吃的較為軟腍，另一款是脆口的，令口感更加豐富。🔸燕窩葛仙燉雪梨 $108Birds nest, Pogostemon, Whole pear,Double-boiled等咗好耐既養生糖水，後來追單先知原來即叫即燉。食到雪梨本身既清甜，用料方面亦唔吝嗇，燕窩份量相當多。加埋葛仙米，一種高蛋白質既藻類植物，食落幾爽口，整體成個糖水好refreshing。🍽Overall侍應態度親切有禮，但係專業一般，上菜速度既掌控有待加強，另外建議每次上菜後對菜餚稍作介紹，例如係用料，煮法，食法，其實對客人整體用餐體驗都會有畫龍點睛之效。食物同服務都不過不失，不過配上甘樣既價錢，顯得性價比低，出面有太多更好既選擇。如果餐廳各處都不斷強調自己榮獲米芝蓮一星，不免會令人有高期望，然而上至食物整體水準，下至服務細節都有待改進，略有名不副實，“德不配位”之感。食物：3.5/5環境：3.5/5性價比：3/5…Read More

▪️Black Sheep▪️系列彷如置身中東既黎巴嫩餐廳🇱🇧約咗朋友食飯，佢帶我黎咗呢間Black Sheep旗下既黎巴嫩餐廳，我地去得比較早，所以仲有得坐Rooftop，環境超級Chill，由於唔記得影相，呢到放張網上搵既圖俾大家感受下，夜晚更加有feel，猶如置身中東！唯一係7月既氣溫，要坐係戶外食飯，可能唔係個個都頂得住，唔鍾意就最好揀坐返樓下。🔸Roasted CauliflowerHarissa-roasted cauliflower, Zhoug, tahini, sumac, dried lime哈里薩辣醬烤椰菜花 配 中東香菜醬，芝麻醬，Sumac香料，乾青檸中東香菜醬係一種主要由辣椒+香菜+香蒜製成嘅醬料，配埋辣椒醬烤製既椰菜花味道一流，本身自己唔太鍾意食椰菜花，但係呢種烹飪方法完全遮蓋咗椰菜花本身嘅嗰種草青味，但係保留咗爽脆嘅口感，食到停唔到口。🔸Shish Taouk Chargrilled chicken skewers, sumac-grilled tomato, toum炭烤雞肉串，Sumac蕃茄，大蒜蘸醬Toum係黎巴嫩一種大蒜製成既蘸醬，個人好鍾意食蒜，所以呢個醬有將道菜畫龍點睛，不過略嫌雞肉串既肉質乾身咗少少，朋友話上次嫩滑好多，唔知係唔係一時失準。🔸Pan-fried Halloumi Honey-glazed halloumi, figs, Byzantine dressing蜜汁Halloumi 芝士，無花果，拜占庭醬哈羅咪芝士個味道同口感都好似煎香咗嘅雞肉，對於冇食過嘅人來講，可以想像下個口感似好有彈性嘅豆腐乾。個人覺得道菜幾新奇，芝士配上蜜糖汁，符合一貫西方人食芝士嘅鹹甜配搭，不過本人比較好重味嘅芝士，所以略嫌呢道菜嘅芝士味唔夠濃厚。但係都推薦未食過嘅人點嚟試吓。（至於個拜占庭醬料，我估主要係由橄欖油同埋鹽調製而成）🔸Arak值得一提嘅係當晚我哋試咗一款叫Arak既烈酒，我同朋友都未聽過，個服務員好有心機咁樣解釋俾我哋聽點樣飲，話係黎巴嫩嘅國酒。Arak本身係透明無色，酒精濃度有成50%咁高，要加冰同埋水黎飲，加完就會變成奶白色。叫完我試咗一啖，好大浸八角味，差啲想嘔，如果鍾意八角味既人絕對值得一試。🍽 Overall整體來講貫徹Black Sheep既風格同水準，環境又舒服，無論係想情侶撐枱腳定係一班朋友聚會，都值得嚟Maison Libanaise感受下中東風情。食物：4/5環境：4/5性價比4/5…Read More