cheerchloe903's Profile

呢間野可一不可在，本身排隊係隔離嘅蘇媽。蘇媽食，點知太多人，無奈唔想兩老等，佢地好餓，見呢間裝修是正就入去。點知真係好「驚喜」。d飯，凍嘅，雞翼有毛未熟，四隻雞翼食左一隻後，就冇人敢郁，碟白汁魚柳有毛，唉其實冇乜胃口再食，最後得我一個後生食唔晒d飯，兩個老人家本住食得唔好嘥嘅態度，食晒成碗飯，埋單比錢後，我以為得我一個太主觀覺得難食所以有d唔舒服，想嘔。但冇耐兩老都話想去廁所嘔🤦🏻‍♀️ 之後我地都嘔晒。。一致認為d飯有問題，唔衛生。另外入面個侍應好冇禮貌果啲唔講啦，見有好多人都講過，但衛生問題做到咁差仲有邊個敢食。。。。…Read More

呢間小店真係估唔到咁有驚喜！連我平時挑挑剔剔嘅男友都話好正。夜晚堂食勁抵，份量勁足！環境又靜，坐得舒服！侍應哥哥又貼心，入到黎比消毒紙巾俾我哋抹手走嘅時候都被消毒搓手液我哋用！嘢食超好味，焗海鮮丼飯真係好足料！食到我勁飽！仲要我哋一邊食先哥哥一邊係度不斷幫我地斟水！辛苦晒！但其實個水壺係我哋張枱到我哋可以自己斟性價比極高又好味侍應哥哥店員都好有heart，所以我一定會再黎！其實我真係好少特登過嚟寫食評但係呢間真係好有驚喜呀大家一定要試吓…Read More

平時踩完單車都會特登去大埔食亞婆豆腐花..今日經過大圍見到有間同名嘅就買番去試下啦，又硬又唔好食，又冇豆味，買嘅時候又比佢串，要求少d糖又話我冇事先講聲🤷🏻‍♀️（佢真係比超多糖）然後我話想加糖水又話我應該要一次過講🤷🏻‍♀️平時去大埔正牌果間，係會幫我落糖水唔洗我叫嘅，查看之後原來大圍呢間係抄名..大圍呢間同大埔果間係零關係嘅🤦🏻‍♀️又唔好食又貴（外賣要13蚊），真係唔會再去🤷🏻‍♀️…Read More

本身我都係係觀塘返工，今日星期六同男朋友都特登出嚟觀塘就係為咗食呢間平時離我公司好遠但又不斷有人介紹嘅百年路😂😂佢個肉骨茶同埋喇沙真係好好食！我哋仲叫咗冬瓜茶同埋奶茶，其實本身我哋係叫兩杯冬瓜茶，上左之後先想轉，老闆娘都照轉比我地，仲話本身多咗嗰杯留返比自己飲😂😂其實我真係好唔好意思㗎，我話都係唔使轉啦但老闆娘都堅持轉俾我哋，所以我哋第一次黎可以飲到兩種唔同嘅飲品真係好多謝你哋呀。老闆仲推薦我哋食佢哋嗰隻辣醬，同埋喇沙一齊食真係好正。依間一定會再嚟一次！ 好推介喇沙同埋奶茶！必試，下次黎想食埋個豬扒飯！…Read More

路過門口，見到張98蚊poster就即興同男友入左去食😂原來好似係9點半後入座先有優惠，本身因為兩個人食唔到咁多，總共叫左個咸蛋黃蜆鍋底(198hkd)，都幾難食😂然後嗌左五隻蠔($168)，娃娃菜一碟，8粒手打丸($78)，烏冬一塊($22)，汽水2支..叫左咁少野，埋單盛惠hkd545，呢個價錢，呢個質素，都幾肯定唔會有下次…Read More

食過好多次了，成日lunch都落黎食，間舖係街市入面，環境就唔可以咁多要求但入面都光猛企理乾淨！係住家菜嘅感覺lunch一星期至少都會黎一次，重點係d湯好好飲，0味精，推介推介…Read More