angel.lovefood's Profile

今日係30號，聽日就係倒數日，為咗慶祝自己今年努力左咁耐，決定食一間最鍾意嘅餐廳黎獎勵自己。😎呢個係焗松露布旺倫芝士，熱辣辣，好香。正當我地唔知點樣食嘅時候，就問咗一問經理，Gordon就提議我哋將芝士同麵包一齊食，因為如果齋食芝士嘅話就會好鹹。點知！！！！效果真係超好食！！下次再嚟都一定會食。睇相係咪有啲似鵝肝呢！食意大利菜一定要食佢哋嘅雲吞，呢個就係野菌意大利雲吞。佢上邊有啲香草，菇，咬落去中間軟林林，但側邊有少少硬硬地，一開始以為係煮唔熟，問咗經理話其實係佢哋嘅特色，因為如果煮到熟曬嘅話，就會冇口感。點知食落真係越食越好食呢個係黑松露細扁麵🍝，佢有啲似中式嘅麵條，但係重點係啲黑松露，全部好入味，齋食都超香口！嚟到呢度，就係女仔嘅天堂啦，因為佢哋有我認為香港最好食嘅Tiramisu咖啡味好濃郁，Cream打到好soft。必食之選！！！你都記住一人一個，因為如果兩個人一個嘅話就唔係一定唔夠食，因為太好食😋最後，嘢食簡直係超水準，我等一陣要講吓佢哋啲服務態度，員工都好友善，特別係陳經理Gordon好耐心咁回答我地問題，仲提供唔同食法俾我哋參考，絕對係我會再幫襯嘅原因！…Read More

今日趁早收工就黎左呢間我食過好幾次而且超正嘅韓國餐廳。天氣開始凍，所以我地就叫左醬油魚介湯鍋，佢有四格，入面各有魚糕，素菜仲有辛辣麵或者烏冬，二揀一。首先，佢個魚糕好易入口，冇冰鮮味，個湯好濃郁，份量比我預期多，預3-4人到。而且gas爐係長開，所以唔怕話凍左一定要食哂先可以食其他餸！之後我地叫左必叫嘅芝士蟹子蛋卷，佢有茄汁同芥末醬俾我哋點，一個辣一個甜，大家可以根據自己口味點。佢呢個蛋卷好足料，入面仲有拉絲添！炸雞必叫蜂蜜芝士無骨雞！我同朋友都係cheese lover，所以呢個就岩哂我地！雞肉咬落去都係嫩口，但我略嫌炸嘅顏色唔夠金黃，搞到個皮有啲硬，但整體都好好！提一提大家，有啲人以為呢間餐廳得炸雞食，其實佢仲有好多冷盤，我地就叫左檸檬雞沙律，佢啲雞肉好好食！！非常新鮮，然後檸檬汁令人好開胃。最後，我地叫多左個炒野菜，份量好多，有椰菜，細粟米等等，重點係冇乜油，感覺唔會太油膩。野飲方面，雖然佢都有好多選擇，有沙冰，咖啡等等。但我同朋友就叫左西柚生啤同生啤。西柚生啤有啲酸酸甜甜嘅味道，但都幾易上頭！總括嚟講，呢到性格比幾高，份量大，地點都幾方便，重點係成日播Big Bang啲歌！氣氛好好👍！…Read More

好耐冇嚟過太子站啦，今日嚟到呢間豐信餃子店，遲咗嚟，好多人排隊，不過店員安排得超好，所以好快就有位。呢間餃子店出名係佢有好多種類嘅水餃，有好幾種都係招牌嘅，所以我哋就叫咗，韭菜鮮肉，椰菜鮮肉，芝士粟米鮮肉！如果大家想試多唔同幾款嘅話，就可以嗌雙拼，即係每樣三，四隻咁。我哋都有叫雙拼，因為可以試多幾隻味呀嘛🤪啲餃子一嚟到，全部都勁大隻，重點係熱辣辣！一咬開，佢哋啲餡料勁充足，皮薄餡靚。值得一提嘅係，佢哋唔係用滾水去煮水餃，而係用鮮雞椰子湯底！所以係好入味。因為咁熱所以我唔想食辣，如果大家鍾意食辣嘅話，都可以加$10，轉一個辣嘅湯底！係咁多種餃子入邊，我最鍾意係芝士粟米鮮肉餃，因為佢啲芝士係有拉絲嘅效果，自問真係未食過🤣。除咗餃子之外，佢哋仲有好多唔同嘅風味小食，但因為我哋唔知道啲餃子咁鬼大粒，所以就冇留肚叫！不過最想食嘅都係佢哋嘅煎豆腐，隱約聽到好早就賣晒。所以我建議大家如果嚟呢間舖頭食嘅話，就各樣一半啦，因為佢有好多涼拌小食，都係好開胃。例如海蜇皮蛋。另外，值得一提嘅係，佢有好多唔同飲品嘅種類，除咗汽水之外，仲有豆漿，同埋自家煲嘅羅漢果茶，菊花蜜，金橘蜜等等。好啱呢啲天氣飲，清熱潤喉。最後，如果大家鍾意食餃子，同埋試一啲特別啲嘅餃子嘅話，就一定要黎呢間餃子店，不過建議大家要早啲嚟，如果唔係好多人排隊㗎！P.S 老細同埋員工都超好人，好有禮貌，簡直係好好嘅體驗，重點係價錢真係好平好抵食。…Read More

今日我突然之間好想食雞煲，就嚟咗旺角嘅東哥點心雞煲專門店。佢就係兩個鐘頭放題任食嘅，成人就$188一位，我一嚟到，佢哋有五個湯底俾我哋選擇，包括係雞煲湯底，澳門豬骨煲，胡椒豬肚，醉雞同埋芫荽皮蛋。咁我哋就揀咗半隻雞嘅雞煲。佢個雞煲，芫荽超級多，肉質都好鮮嫩，好入味，有好多唔同嘅配料，例如辣椒，洋蔥等等。由於呢個雞煲任食套餐，係包括埋點心任食嘅。所以我哋等緊雞煲上嚟嘅時候，我哋已經預先叫咗一啲點心。我強烈推薦大家試吓呢間嘅灌湯餃，好大舊，好濃郁。咁我哋都叫咗啲燒賣，蝦餃，同埋沙律春卷。呢啲全部就同出邊冇乜分別，大家等嘢食嘅時候都可以叫㗎。食完雞煲之後，店員就會幫我哋加清湯，所以我哋亦都一早叫定啲火鍋配料，佢哋嘅火鍋配料都包羅萬有，用唔同嘅菜類啦，包括油麥菜，津白，唔同嘅菇類。好驚喜嘅係，佢哋仲有海鮮，有新鮮嘅扇背，廣島蠔等等。咁當然仲有啲基本野啦，就係芝士腸呀，墨魚丸等等。不過值得睇嘅係，喺張紙上邊嘅嘢食，有啲只係可以叫一次㗎咋，例如喺手打墨魚滑，佢嘅墨魚滑係新鮮做嘅，所以好彈牙。大家記住叫呀！仲有美國肥牛，澳洲牛柳粒而且佢哋嘅嘢飲都係任攞架，除咗汽水之外，仲有其他飲料，例如烏龍茶等等。當然，仲有啤酒啦！總括來講，呢間雞煲店食足兩個鐘，非常之抵同埋平，但唯一嘅缺點就係太多人！所以建議大家一定要早啲去攞位，如果唔係就要喺門口等一陣㗎啦！…Read More

今日雖然好熱，但突然之間好想食辣野，所以就黎左呢間～其中一個原因係貪佢夠高層，應該會好靚景～一坐低我哋就叫咗兩杯幻彩荔枝養生花茶，都幾易入口，有洛神花打卡一流食川菜一定要食冷盤，所以我哋就叫咗涼拌麻醬生菜。佢食落去都好爽，但係麻醬有啲多，所以會有少少膩。同時我哋叫多咗一個魚皮冷盤，因為佢食落去都好爽口，所以問咗店員，原來佢哋用用桂花魚嘅魚皮，所以都值得一試，用嚟開胃一流魷魚見到好多人都推介麻辣小龍蝦，一開始我都覺得佢價錢可能有啲貴，點知佢一上到嚟，份量都好多，仲要啖啖肉，佢個醬汁有啲似咖喱魷魚超好食好鮮甜嚟到點可以唔叫酸菜魚呀最令我驚喜嘅地方係佢竟然唔太辣，仲有好多薯粉，我地都飲晒啲湯本身我個人唔食內臟，但朋友好鍾意，所以唯有叫啦～佢炸得好鬆脆，嚟到嗰陣仲係熱辣辣，重點係完全冇任何異味啊，根本就打破咗我對內臟嘅偏見食完咁多辣野，都要叫番啲菜食。我哋就叫咗個萵苣。最後梗係要叫甜品啦，就叫叫咗我最鍾意嘅糍粑佢炸得啱啱好，軟林林，超好食價錢都唔算好貴，份量都夠兩個人食有餘最後，如果大家鍾意食辣野，不放來銅鑼灣呢間餐廳試下夜晚夜景好靚，而且仲有叉電器租借，重點，門口有好多櫈俾客人坐，咁就唔使怕等位嘅時候企到攰啦…Read More

好耐冇你過去荃灣，今晚食日本嘢！叫xolo！先來做一個前菜，中華沙律配螺肉。好fresh，容易入口！啲沙律好脆，辣辣地，好正。之後我哋叫咗兩種肥牛卷，分別係燒韭菜同埋燒蘆筍，我就覺得韭菜比蘆筍更加香口，同埋有口感！我哋仲叫咗蒜香炒一口牛，佢啲一口牛好大粒，大約七成熟到，好大浸蒜蓉味，啱晒重口味嘅你！之後嘅就係燒日本特級刺身帶子，有三粒，可以叫佢小辣，都好新鮮。之後重頭戲嚟啦，就係豬骨湯拉麵，首先我想講係佢嘅湯底，唔似出邊其他舖頭咁，好鹹，佢哋好清甜，但豬骨味都好濃郁。我哋叫咗黑豚肉豬骨湯拉麵，燒豬頸肉同埋大蝦鮮蜆。豬肉同豬頸肉好多塊，全部都好易咬！最後要講吓佢嘅清酒煮蜆，完全冇沙，清酒味濃郁，有粟米添！搞到食完都想飲埋個湯。大家經過荃灣真係要試吓！…Read More

今日經過大圍，是一間新嘅茶餐廳！叫做金凱小廚！因為好耐冇食過雞煲，咁啱呢間茶餐廳有。雞煲串燒套餐加放題就198，因為我哋見到嘢食種類都幾多，同埋都幾多人食，所以就叫咗呢個餐。咁佢首先就會上咗個雞煲先，味道好濃郁，有啲馬鄉味，你亦都可以叫佢小辣，我就覺得個辣到啱啱好。而且啲雞都好鮮嫩多汁。食完雞煲，我哋就開始叫串燒，同埋其他火鍋配料。串燒方面，佢種類有好多，有牛肉羊肉，娃娃菜，菠蘿等等。我哋叫咗扇貝，佢肉汁好多，味道好濃郁。而佢啲羊扒都好大塊，膻味好濃，啱晒啲鍾意食羊肉嘅朋友。我哋仲叫咗燒墨魚丸，龍蝦丸，番薯，仲有秋葵同冬菇等等。全部都好香，佢應該係加咗一啲調味料，笑得好香，好易入口。而火鍋方面，我哋都係叫做安格斯肩胛牛肉，西班牙梅頭豬，牛板腱。全部肉汁都好多，雖然切到有少少薄，但味道都唔錯！特別想講吓佢啲丸，我認為墨魚丸同公園係必叫，肉汁超多，我哋叫咗好多次🤣！例如芝士丸，芝士味都好濃，真係會爆汁。總括來講，佢哋啲火鍋配料同埋串燒種類其實都OK多，味道亦尚算可以。如果住喺沙田大圍或者馬鞍山嘅朋友有機會就可以去試吓，因為都見到幾多人去食！…Read More

今日經過旺角，就同朋友嚟咗呢一間佢話超級好食嘅炸雞店，佢位於兆萬中心11樓！一坐低，由於朋友係一個超級鍾意食牛扒嘅人，所以我哋就叫咗天國的榮耀。一嚟到，店員都好貼心咁樣提醒我哋小心熱，亦都叫我哋定時要反下啲牛肉。我哋梗係跟足指示做啦，一入口真係入口即溶！佢仲要配埋燒烤醬嘅，點完之後個味更加出。除此之外，佢仲有配一啲配菜，入邊有，椰菜，蘆筍，小粟米等等。我覺得呢道菜有啲似鐵板燒，好有樂趣㗎！之後我哋叫咗麥牙啤酒蝦。啤酒蝦就有大約五六舊，下邊配有好多薯角，全部都脆卜卜。一咬一啖，啲啤酒味好濃郁，同埋佢個皮都係超級脆。順帶一提，佢啲薯角真係超級多，差啲食唔晒！之後就係呢間店我認為必食嘅菜，就係紫菜手抓飯。經過上次嘅經驗，我哋決定叫員工幫我哋整，因為自己整嘅話就整到好核突。佢大約有9舊到，每一舊分布都好平均，有晒紫菜，蟹子等等！真係必食啊！！！由於我好鍾意食炸雞，所以就叫咗蜂蜜芝士炸雞🍗佢最好嘅地方係一啲骨頭都冇。而且佢係經過高溫油炸，所以每一舊都鎖住咗肉汁，佢仲有好多其他唔同味，但我本人鍾意食芝士，梗係要芝士啦！炸雞一定要配啤酒，但今次我哋叫咗燒酒！雖然話係真露Fresh，但其實酒精濃度都幾高架，有17%！女仔一定要食啲甜品先過癮，所以我哋就叫咗一個韓式黏糕雪冰。佢有我哋兩個都超鍾意嘅黃豆粉，仲有好多舊Mochi！然後佢嗰啲冰都係軟綿綿，超好入口。食完甜品之後，我哋仲係覺得唔夠喉，所以叫咗一個芝士蛋捲。佢嘅份量都比較多，入邊有可以拉斯嘅芝士，同埋超級多嘅蟹子，都好飽肚㗎！我都覺得係必食之一！最後，我哋仲叫咗兩杯拿鐵咖啡一杯係香芋拿鐵，另外一杯係鮮椰奶拿鐵。我就認為香芋嗰杯味道冇咁出，不過佢哋有好靚嘅拉花，一個係嘴唇印，另外一個係心心，打卡都一流㗎。總括來講，呢間炸雞店真係打卡一流，味道一流。重點係環境都好乾淨，佢會有手套俾埋你，方便你食炸雞，而且餐具都好乾淨，環境闊落，風景都好靚㗎，因為位於11樓最高點。所以大家如果有機會經過旺角，都一定要食，包保你食過返尋味！🤣…Read More

大家都知近排疫情好嚴重，要出去食嘢都要揀一間又好味又衛生嘅食店！所以今次我就嚟咗尖沙咀嘅牛魔一入到去，梗係即刻揀嘢食！個餐牌都好易睇，價錢清晰我哋今次就叫咗一個牛魔鐵板牛肉同埋宮崎和牛咖喱漢堡佢哋全部都係定食嚟嘅，有一碗白飯，麵豉湯，仲有前菜沙律，好開胃。呢個牛肉，一開始我都擔心會唔會唔好食，但點知佢出到嚟，好有鑊氣，啲洋蔥喺底下好新鮮。仲要係熱辣辣，jaja聲架！！食到我舔舔脷最衰得一碗白飯，如果唔係我可以食多幾碗添啊，哈哈之後宮崎和牛漢堡就嚟咗啦，佢都係一個定食嚟嘅，上邊有芝士同埋咖喱，入邊仲有蘿蔔，同埋薯仔🥔。重點佢真係超大份量啊，果然係店舖推介，完全冇令我失望佢啲芝士一啲都唔會吝嗇，係落超多呀！大家黎到一定要食，啲芝士仲有拉斯效果臨近聖誕節，間店舖都好有心機，舖頭佈置都好有聖誕氣氛最後，疫情期間大家如果想搵一間又好食衛生程度有超高嘅舖頭，不妨試吓呢間，同埋佢哋嘅服務都非常好！店員會問你啲嘢啱唔啱食，如果有唔滿意，佢哋會立刻幫你作出改善！…Read More

由於疫情關係，好少出去食嘢，就算想出去食嘢，都想食清淡少少。所以今次就嚟咗呢間西式嘅素食店。我同朋友就叫咗呢個晚餐set，首先嚟咗嘅係香芒牛油果手卷，佢個味道好清新，牛油味好濃郁，好適合開胃。之後佢哋就嚟咗一個湯，係鹿茸菌冬瓜黃耳竹笙百合雪梨蓮子燉湯，佢呢個湯好足料，真係有以上所講嘅材料，飲落去都會覺得好補，好適合而家疫情！飲完呢個湯之後，心理上都覺得自己預防左少少疫情啊！由於呢間係素食嘅店舖，所以我哋專登叫咗一個牛油果南瓜紫薯藜麥焗千層闊麵，佢千層麵做得非常之好，清晰分明好多層。而且藜麥都係近年來最受歡迎嘅健康素食物品之一，所以呢兩個組合真係令我覺得好清新，加上我本身其實自己偏向鍾意食西式野嘅，所以今次呢個菜呢就令我覺得原來素食都可以做到咁好食！之後由於我哋兩個人，所以都叫咗一個牛肝菌松子菠菜忌廉意大利飯配三色黑醋車厘茄，首先佢嘅車厘茄因為有黑醋嘅配搭，所以其實都好開胃，出邊有好多意大利粉都整得好油膩，但佢呢個就啱啱好，加上有牛肝菌嘅襯托仲有菠菜又健康又好食呀！最後，呢個餐都包括左一個甜品，而且呢張圖入邊嘅甜品就係古法芝麻糕同埋柚子蘆薈乳酪蛋糕，我覺得簡直係今餐我最鍾意食嘅嘢呀，因為黑芝麻又可以令我哋頭髮烏黑啦，乳酪蛋糕又有柚子嘅配搭，真係好清新！總括來講，今次唔打唔撞嚟咗呢間西式素食店，其實真係一個好新嘅嘗試。環境方面都可以令客人坐得好闊落，唔會好逼夾。衛生問題我就覺得都初步滿意，但係可以做得更好，大家如果想食一啲比較西式嘅素食店嘅話就即管嚟啦！…Read More

由於疫情嘅關係，好多食肆都變咗做外賣。今日就嚟到樓下嘅富臨皇宮叫外賣食，因為有朋友介紹話好抵食，同埋好大份。巧製粟米魚柳我哋叫咗粟米魚柳，粟米魚柳好多汁，魚柳冇雪櫃味，炸得都好甘香，撈白飯一流！除此之外，佢哋仲有原粒嘅粟米粒，唔似得有啲餐廳或者酒樓淨係求其打一個汁就算。瑤柱金菇炆伊麵因為有屋企人唔食白飯嘅關係，所以，我哋額外叫咗一個瑤柱金菇炆伊麵，平時伊麵都係好多油，但係佢今次呢個伊麵好少油，仲有好多配菜，例如係蔥，唐芹，香味俱全！重點佢哋真係有真嘅瑤柱呀，咬落去都好新鮮。西蘭花炒蚌片蝦球最後，我哋叫咗多一個西蘭花炒蚌片蝦球，打開嘅時候我哋都好意外，因為佢哋除咗有西蘭花之外，仲有好健康嘅三色椒，而且佢哋應該用咗桂花蚌，爽口彈牙，蝦球鮮甜,每块都好大粒，超抵食！ 真係好推介大家嚟叫外賣，我哋今次叫咗三個餸都係145蚊，除翻四個人每人都係$36，仲要每份都咁大份，仲有蔬菜配埋！建議大家都可以好似我哋咁，一係叫個炒飯一係叫個伊麵！順帶一提，今次嘅份量多到我哋要留返聽日食！…Read More

今年冬天不太冷，可還是樂享打火鍋的我，應邀到了此朝江居潮州菜館滾一翻呵！餐前有时令炖汤每人1盅及開胃凉菜2小碟有鸡脚头虫草花元肉，各肉质軟香，湯甜又香的！火鍋🔥是米水鍋底正冒烟開了的，原來米水到最後才會放福米煮成清淡的米粥！蔬菜🥬極之給人的感覺是健康無比的，我首嚐到的是皇帝菜，清香味扑鼻，吃上口菜嫩嫩的呵！脆魚骨腩片，魚肉是脆脆的，牛肉片，肉香肉嫩，同是鲜甜可口的！墨魚丸，牛柏葉，蘿蔔，都是不錯的選擇呀！香，爽，也清甜的，棒！安格斯牛肩肉肥瘦参伴啊！烟烟韌韌滑在嘴裏，吃到口中香嫩留齒香呵！😜龍蝦🦞海鮮拼盤我們點了這個龍蝦🦞海鮮拼盤，品種都算繁多的，有帶子及蜆殼類，龍蝦肉厚，貭新鮮，同樣帶子都是厚肉兼肥美鮮甜的呀！😀還有那鮑魚極之新鮮得令人不敢相信的竟然還在碟中搖動著的啊！那大家想想那嚐到的又是哪種滋味的呢？魚肉釀冬菇及魚皮餃鮮美魚肉菇肉也甜，魚皮餃肉貭飽滿，也夠有汁香味俱全！不錯呵！…Read More

今日趁住係工作休息嘅日子，就嚟到中環呢一間京香閣同屋企人食飯。之前都聽講過佢哋有好多唔同類型嘅點心放題，今日，我就食呢一個晚市放題。一嚟到已經有一隻超大鮑魚，同埋冬菇，仲有鮑魚汁，食落去真係好煙韌，多汁，但留意番，鮑魚一定要趁熱食，千祈唔好掛住出去攞嘢食先食啊，同埋鮑魚冇得任食㗎！之後仲嚟咗一碗雞湯花膠湯，我認為佢有啲偏鹹少少，但係花膠都尚算有膠質，清甜，開胃。因為由於有太多類型嘅嘢食啦，所以我哋都攞咗好多唔同嘅，片皮鴨如果大家想食，就一定要排隊啦，真係要趁熱食，佢鮮甜，肉質唔會話好硬，真係好好食。仲有一啲用酒類葉制主城嘅食物，當中有，醉蝦，雖然係一個冷盤，但係佢肉質變得好爽。由於屋企人想試吓控油炒手，我本身唔食得辣，都可以入到口，不過我就比較鍾意自己寫紙落order嘅蒸水餃多啲啦！真係仲有好多其他上海嘢食，例如係考夫，木耳，仲有東坡肉，但係呢啲都比較搶手，好快俾人搶一空。所以除咗中國嘢食，佢嗰度都有好多唔同嘅嘢飲，例如豆漿，同埋西式嘅沙律，全部都係好新鮮，爽口，仲可以自己要想要嘅配料添！最後，如果大家鍾意食中式上海野，北方少少嘅類型食物呢，你哋就可以嚟一試啦，一定要食返夠本！😻😻😻😻…Read More

櫻花蝦避風塘茄子，金黃色帶粉紅櫻花蝦。櫻花蝦帶蝦鮮，茄子炸過外脆多汁。燈影紅曲米牛腱，依個係非常好既小食。黎麥好好味，爽口粒粒，健康！牛腱都夠牛味，好抵！花膠螺頭片波士頓龍蝦湯依個有花膠夠貴氣，新年有螺頭片滋養！龍蝦肉配咸咸地既湯。牛油果川味辣子雞，小辣到中辣位。辣子雞炸得乾身少油，牛油果添肉味。秘製蜜汁素叉燒，勁似肉！蜜汁烤肉咁，甜得嚟配上麵根豆香。黑松露海皇包汁燴米形粉，幾特別既長米粉，爽口。黑松露香純，不錯。三文魚籽鳳眼餃，一口入口三文魚籽汁滿，蝦豬肉配合。竹碳甘筍汁黑毛豬咸水角香炸口，豬肉粒都咬勁。飲品Wild awakeGinger, Honey, Whisky酒薑汁帶甜。Wildberry dreamBlueberry, Raspberry, Cranberry, soda就重莓味，甜中帶酸。Cranberry juice Pineapple juice 最健康既果汁，揸車人飲啦，小冰凍正！望住風景少少海景一流。…Read More

許久無吃曰式料理放題了，在本港，確實放題食肆多不勝數的，此回我邀密友還是再到此位於旺角西洋菜南街兆萬中心食放題。本身我也是一個日本料理愛好者，所以我比較傾向食刺身， 所以一開始我哋就叫咗一個挪威三文魚，同埋其他魚類嘅刺身。全部都好新鮮，好彈！大大舊！今日口痕好想食海鮮，所以我哋叫咗一個清酒煮蜆，肉質鮮美多汁。由於我朋友好鍾意食魚，所以我哋叫咗一個鹽燒鯖魚，肉質都鮮甜，但係比較硬身，同埋有啲窿。之後我哋就叫咗啲小食，當中包括置酒，天婦羅，普通嗰啲千島卷等等，佢哋全部都算係中上嘅品質，全部都係新鮮即叫即整，而壽司嘅飯唔會好硬，值得一試㗎！佢哋啲嘢飲都同平時嗰啲放題店一樣，係任飲，但係佢哋選擇比較多，有好多蘆薈汁，同埋茶等等！最後，我建議大家都可以值得去呢間大本營嗰度食，因為佢環境優美，而且員工服務好快，嘢食都好高水準！…Read More