MFH Faye's Profile

銅鑼灣京都廣場4樓 - 滿天星⭐，不但食物賣相味道非常好，而且價錢唔貴，我哋一家三口👨‍👩‍👧點咗美國牛肉及芝士漢堡配煎蛋薯條🍔、香煎三文魚柳配黑松露飯、香煎加拿大豬鞍扒🥩配焦糖蘋果、流心朱古力蛋糕配雪糕，小朋友最鍾意食牛肉芝士漢堡同朱古力流心蛋糕，老公話個豬鞍扒好淋好入味❤，個三文魚柳用嘅飯好香，另外佢仲有 live band🎤，今現場氣氛好好，設有vip房和戶外用餐區，可以約三五知己聚會、開praty都好適合，最後我哋仲叫多兩杯啤酒啤啤佢🍻。…Read More

今日同屋企人去試下呢間性價比高嘅 維の味居酒屋 喺長沙灣順寧道98號美寧中心地下A8號舖，地點好就腳，地鐵站A2出口，步行約5分鐘就到，鋪頭雖然細細地，但環境唔錯，好企理、乾淨、幽靜，適合三五知已聚會傾計。居酒屋當然唔少得串燒，我哋點咗牛舌心、蒜蓉燒扇貝、雞軟骨、明太子雞翼、阿波美雞尾、燒汁雞肉、雞潤、魷魚鬚、燒秋葵、小甜蕃薯……串燒好野味、香口，一邊傾計一邊食，成件事好開心😄，不得不提就係每枱都會贈送一碟雪魚條，入口好香脆，食晒成碟仲想要😆。因為係晚飯時間，所以我哋索性叫埋主食，牛肉稻庭烏冬同埋什菌蜆肉烏冬，奶白色湯底好鮮甜，我哋一家食到舐舐脷。…Read More

屯馬線🚅通車後，去九龍城食飯真係方便好多，想食酸菜魚好耐🤤，就試下呢間"見見面"🤣…點了酸菜烤海鱸魚，跟住好多配料揀呀…首先要揀 麻辣、酸菜、泡椒，再到大小中辣，跟住多蔥少蔥、少油、少咸……好多好多選擇，有選擇困難症嘅人，最好要同多d朋友一齊去食，多D人好商量丫嘛🤣，條鱸魚烤完再做酸菜真係好好味，啖啖肉、唔多骨，唔單止條魚吸收晒D湯汁，連D配料都非常入味🤤，另外，蔥爆牛肉🐮好惹味👍，四季豆好香口，個碟底沒有多餘油份。下次我要試埋佢個桂花魚先………Read More

東京街喺土瓜灣開咗分店啦！🥳今日去試試佢先🤤，見到份餐牌真係花多眼亂，淨係魚生丼都幾十款😵，仲有即叫即做刺身/壽司🍣。今次試咗 壽司九宮格、三文魚＆甜蝦🦐刺身、海鹽鯖魚唐揚雞便當，同埋人氣之選鰻魚飯。壽司九宮格分別有9件不同口味壽司，包括加拿大壽司、吞拿魚壽司、芒果花之戀、蟹籽花之戀、怪獸三文魚腩、蟹膏蟹柳壽司、有頭甜蝦、怪獸鰻魚壽司、帶子拖羅戀，三文魚和鰻魚好厚切，三文魚甘香肥美，甜蝦非常鮮甜，海膽口感細嫩🤤，令人回味無窮。…Read More

在疫情下好耐都冇去飲茶🍵，上次去飲茶都唔記得係幾時😔，今日去了雅蘭稻香，增設了每枱都有一台自動煲水/加水櫃，5公升水樽擺係櫃入面，一鍵煲水/加水，減少接觸及傳播風險👍，掃QR code落單，唔駛點心紙，酒樓仲提供免費wifi，不過服務員的服務和態度仍然依舊😅，食物水平都還可以，屬正常類別，冇乜驚喜，亦冇乜失準，想講下個豬腳薑份量比較少😔，2隻蛋🥚🥚，豬腳3小件🐷🦶，薑3粒……🙃。…Read More

入到餐廳坐低仲係5:50分🕕，仍是餐廳的下午茶時間☕，在下午茶餐牌裏見到有個70048鮮野菌忌廉意粉，雖然寫明是迷你份量，但實物一D都唔迷你😅，仲包1杯餐飲，點了玫瑰花🌹茶。另外還點了主餐牌的70041香草忌廉煮鮮蜆，忌廉意粉同忌廉解蜆好明顯用同一個汁😣，好(稀)同埋好多芫茜🥴，我並不是一個芫茜控，所以真係唔識欣賞，但我就鍾意佢個70056野菜🥬豚肉🐷炒粉絲👍，好香好惹味，還有70178至尊香草海鮮薄餅🍕，意見餅底可以做薄D脆D😅。…Read More

雖然已經開咗幾星期，但仍然好多人，於是決定外賣返屋企🏠慢慢嘆😝，外賣係每個外賣盒計錢，覺得唔係好划算💰……一直想試下佢個生煎包，果然不負眾望，好好食，熱辣辣，爆汁，咬落去嘅時候一定要留意，小心燙親咀👄，上海粗炒好足料，唔會太油，不過味道淡咗D(可能我本身個人又比較重口味😅)，至於個酸辣湯🥣味道幾好，酸辣比例唔錯，如果可以多d配料就完美👍，下次仲想試下個黃魚麵，因為即叫即製，等候時間比較耐，就唔等了，下次再試😋…Read More

嚟食過幾次食晚飯，覺得個客飯套餐都幾啱胃口，1餸🍚1飯+1碗我最愛的🥣酸辣湯😋，仲可以加優惠價💰叫點品。點咗個回鍋肉客飯餐，肥肉唔算多，但今次味道略咸😅，酸辣湯我覺得好好飲👍，酸同🌶辣都適中，D湯又唔會話好杰身，另外仲叫咗韮菜煎餅同小籠包，一咬落個韮菜煎餅好多汁，大家要小心D食😆，唔係就會爆晒D汁出嚟🤣🤣，外皮脆脆地，入面熱辣辣，好正呀！而小籠包都保持一向的水準，不過不失咁啦…😁…Read More

叫咗香草🦐大蝦意粉🍝、菠菜🥬忌廉🐔雞肉意粉、三文魚🐟pizza🍕。最先嚟係香草大蝦意粉，好好味……又香又好食👍，之後個菠菜忌廉雞肉意粉就比較普通，如果D雞球煎香D會香口好味D😅，食完2個意粉，再等咗10分鐘都未見三文魚pizza ，以為焗pizza要花多D時間，點知再等咗10分鐘都未到，就問下店員，原來漏單🤦‍♀️，立刻落order ，之後5分鐘就到(原來可以咁快)🥴，pizza 好足料，好多三文魚，個批又薄又脆👍…Read More

已經光顧這間好多次了，因為服務周到🤵‍♂️👍，經理非常有禮貌，食物🍜🍱質素亦唔錯，價錢合理💰。今晚我哋2大1小👨‍👩‍👦，叫咗個2人套餐，已經好夠食，前菜: 松露🥚蛋/沙律🥗、主食: 鹽味🍜拉麵/🐮🍚牛肉丼、小食: 炸魷魚鬚🐙/🧄蒜片牛柳粒，個餐仲包2杯無酒精飲品🧋🥤。半熟松露蛋真係好香好正…拉麵同牛肉丼都屬正常水準，最鍾意個蒜片牛柳🤤，好惹味，而且仲鐵板上吱吱聲、熱辣辣。…Read More

每年父親節都會買個蛋糕🎂切下、開心下😄，今年見到Mon Cher廣告個父親節蛋糕又幾靚，又係我鍾意嘅朱古力🍫🤤，所以決定買個同家人一齊試下……訂蛋糕最小要早2日前，我去攞蛋糕時，店員巡例拎個蛋糕出嚟比我check下🧐，點知被我見到有一忽好似凸起咗咁😱……就即時同店員反映，佢地都好迅速幫我換過個，跟住見佢地同個有問題嘅蛋糕影相📸(可能send返去office)，拎完蛋糕後，店員不忘祝我父親節快樂😄講返蛋糕味道，朱古力係我最愛，所以冇得輸😆，忌廉好細滑，入面仲有水果🤤，在重要的節日食到呢個蛋糕，真係滿滿的幸福感❤…Read More

假期中午等位有D耐，其實眼見入面好多張枱，但全部留晒比熟客，我哋等了大概30分鐘⏱，被安排入座了，在洗手間門口前面🤦‍♀️照坐啦……唔想再企喺個細細窄窄又大風的門口等位了……點了鮑汁鳳爪(例牌)、蝦餃、豬仔🐷造型豆沙包(好可愛呀😍)、XO醬炒腸粉、咸雞粥……鮑汁鳳爪炆到夠晒淋而且非常入味👍，有分例牌和細份量，例牌有6-7隻，蝦餃遂粒叫，一籠一粒，邊位要食先叫😉，我覺得咁樣幾好👍，🐷仔豆沙包一定係小朋友最愛👧🧒❤，XO醬腸粉夠辣好味。…Read More

兒童👧🧒餐賣相非常吸引😍，小朋友睇到都開胃🤤，而且用了地瓜🍠條，而唔係薯條🍟，我覺得好食過薯條，魚丸入面好多汁好正，另外仲叫咗個燉牛🐮筋腩，牛筋腩又淋又入味👍，送白飯真係冇得頂，仲加埋我最愛的地瓜🍠入去，真係要比十隻手指功👍x10，去食茶木點會唔叫甜品?😅 叫咗呢個朱古力🍫香蕉🍌窩夫配曲奇雪糕🍦，個朱古力窩夫係心形❤❤好靚架😍，由於窩夫即叫即製，如果唔想等太耐，見意預早15分鐘落單。…Read More

忽然想食片皮鴨，經過這間古琴雅苑，就走上去想walk in，點知full晒，冇辦法啦…唯有忍一忍口，book咗位先再食啦… 所以大家想食一定要記住book位先😉侍應安排我哋坐個角落位置(好安靜啊~)❤，還預備了口罩袋比客人放口罩(好貼心啊!)，我哋點咗玫瑰荔枝茶，好香玫瑰🌹和淡淡荔枝清香(我飲咗好多杯)😅，餐前小食有花生同埋酸蘿蔔…主菜點了片皮鴨、鱔糊、鴨肉炒飯，個片皮鴨擺盆相當精緻，鱔糊又唔會太杰身，鴨肉炒飯夠晒乾身又夠味。…Read More

6點就到場搵食，睇咗幾間都唔啱心水，行行下望到呢間食拉麵……門口D食物模型又幾吸引😂，於是就入去一試究竟……🤨最後都冇失望呀～👍店舖唔算大，但服務幾好，侍應將筷子浸落熱水杯比我哋，至少感覺上衞生😄拉麵🍜/定食🍱都有分大、中、細三個份量，好適合不同食量嘅朋友或者小朋友……👩‍👧‍👦我哋叫咗西班牙伊比利亞豬🐖頸肉鹽味拉麵(細)，豬頸肉夠晒淋，好好味。仲叫咗個鰻魚定食(大)，份量足夠2個人食😁…Read More