lhl2452010's Profile

呢間坐落於西營盤高街的餐廳，門面都好有外國餐廳的風情，枱與枱之間位置偏窄，加上星期日比較多人，坐位上都幾逼，不過勝在野食搭究，Pizza同意粉都好熱辣辣，餅皮夠薄，上面的料都非常豐富。千層麵都好好食，唯一不足係個千層麵相對比較油，好易食滯。…Read More

朋友呢排唔想食放題，打邊爐，於是就試左一間食西餐的The Grill House。呢間舖頭裝修都好有情調，侍應服務態度都非常良好。當晚有個兩人套餐，侍應見我地有三個人，都主動告知可以按比例轉三人餐，個餐有燒豬，慢煮牛柳及熟成雞，整體都好好食。唯二要注意的地方是，餐廳樓底比較矮，所以會比較嘈，另外要留意，用餐時間為90分鐘，時間到侍應會直接告知下枱客人已在外等待。不過出去時都都發現有不少人等待入座，證明餐廳質素都不錯👍🏻…Read More

今日約左朋友食飯，因為朋友要快食，所以特登揀左間出菜快的餐廳。叫左三個小菜，其實一個轉左餐，加18蚊有個飯、湯同飲品。蒜蓉西蘭花味道唔錯，無草青味，不過西蘭花就比較硬。鹹蛋肉餅就好大碟，雖然唔厚但好飽肚，至於沙嗲牛肉粉絲煲，就正常水平。至於羅宋湯，都係正常港式西餐的水平。整體而言，都係一個唔錯的體驗。…Read More

同朋友食完晚飯，行下行下發現有間糖水舖，就入左去試下，餐牌到搵到個幾特別的糖水，名叫阿華田中草，其實即係阿華田粉加珍珠奶茶底，配個香草雪糕加仙草底，食落去無想像中咁濃，但口味的確幾夾，如果路過可以一試😁…Read More