本來見倒個個都咁推介，舖頭好多人排隊又叫外賣，諗住實冇走雞啦，點知都係中大伏。我去到已經賣晒本來想食嘅肉卷，所以只係買左醉雞例牌、一碗蠔仔粥同一碗胡椒豬肚湯嘅外賣。（30/4/2022 7點54分比錢）見佢舖頭多人，比錢果陣都問左要等幾耐，佢話15分鐘，我足足等左30分鐘都算。啲野食唔好食先係重點。（我前面個女仔應該係一早打電話落單，都同我一齊等左咁耐，佢問仲有幾耐先有，果個呀姐仲要話有咪叫你囉，態度勁差）拎到返屋都係30分鐘左右，蠔仔粥已經發脹晒，啲蠔仲要有沙。不過都唔係重點，重點係果碗豬肚湯，我飲左一半先發現入邊舊豬肚繞住左條頭髮。平時見到都覺得嘔心，加上而家疫情嚴重都有啲咁嘅嘢發生，真心你請我食我都唔會再食。成餐得醉雞可以放到入口，但都唔係特別出色，只可以話係不過不失。如果我個食評有假話就天打雷劈😤😤…Read More
