rithue's Profile

員工服務態度超差，雖然黎過都幾次，每次都唔會點理會，但每次食同台既人都唔滿意佢地既態度，味道又唔係話講到咁好食，食左個芒果西米水咁，再食過合桃露，都係水咁，根本1d味都無，態度長期都你又你我有我咁，真係頂佢地唔順！仲要講到自己無野咁，排隊買野係錯嫁，你地排隊唔叫關我咩事，o晒咀，我諗唔會再有人去了！去既人都無見廣告去，真心個句唔夠得好食，價錢又唔係平，最重要你去間野係受佢地氣囉！比錢受氣，大家要諗清楚啦！…Read More

一家大細黎食野，坐落去已經好迫，每次打電話都無人聽，咁岩今日再打竟然會聽，就去左食啦，去到book左四人台，無位要我地去bar台咁都算啦，迫迫地快快翠食完走，點知比碟前菜我地，bb食到台上都有，個侍應就叫我地抺乾淨張台，我話一陣我會抺，因為佢點食都會周圍都係，點知佢就講啦，小朋友食到周圍都係我地呢到係食市，你整到周圍都係我地唔係好鐘意，食市最緊要乾淨，搞到我以為book到枱好開心變到燥燥地，我黎食野，你一尾叫我抹台，我都唔知黎清潔定黎食野！食物到啦，係幾熱，但味道就唔係話好味，但個侍應一尾就睇住我地有冇跌野食，到最後我都頂唔順同👶🏻走左出去等，雖然價錢唔係貴，但明白到咩叫貼錢買難受！重有，大家小心啲，千萬唔好要水飲，我地冇要求過佢俾水，佢私自放落張枱俾我地，到簽卡睇數個時見到每杯收廿蚊！…Read More

完全唔得，坐低左先發現九點後有折，店員就叫我地照坐等到九點落單，到左九點落左單，等左好耐都無肉黎就問下佢地啦，點知佢地話我地無落過單，點會有肉黎呢，我地就下，無落單點會黎個湯底，佢就話你地話要坐到九點有折麻，咪比左個湯底你先囉，大姐牙，我地九點先落單，點會無落呢？之後又搵第二個部長再黎講，煩到嘔，明明佢地唔做野就話我地問題，母親節都搞到咁，唔建議黎食，等佢執算！九點後咩都無，又唔會加！$88都比多佢！…Read More

見新開就去試下啦，買個陣服務都幾好咁，買完等得太耐啦，平均都要等成五至八分鐘，仲要係叫左後兩個數碼先叫返前面，問題係同一樣都飲品，唔係應該順住叫嫁咩，仲要出聲問先話到啦，咁我即刻話唔應該比左人先比我囉，到左飲啦d芒果汁溝得太多水，咩都飲唔到只飲左少少芝士未，整體黎講差！希望慢慢咁改進一下:(…Read More