carisliu's Profile

今朝我買早餐外賣，0822落單，0837都未有，因為等得太耐，所以問個幾高既微鬈束髮女侍應幾時拎得，佢話：‘’你有炸兩，起碼都要等4個字！‘’我話咁耐？佢話‘’係咁架啦”～我即刻問其他侍應，其他侍應幫我入廚房問，其實嗰刻我已經見到我嗰碗外賣粥已經喺枱上面，係欠炸兩，咁我話炸兩我吾要喇，你淨係比碗粥我，我趕時間返工，然後廚房入面既阿姐好快咁喺某個位置拎左個炸兩出黎比我，我走嗰陣聽到個微鬈束髮侍應大大聲話，0822至落單，邊有咁快有得拎，好似怪我催單咁，我落單嗰陣又吾講聲，啲態度仲要咁衰，對熟客就好殷勤，嗰個阿姐咁既服務態度，大家要食既話就要預備受氣！！…Read More

諗住黎食生日飯，大部份食物都遠低於期望，最出名既魚子醬撻，要額外加$688，以為驚為天人，但其實一啲驚喜都無，海膽蓋過曬魚子味。服務更加係大失所望，置身米之蓮兩星既餐廳，但比我既感覺係百零蚊餐廳，出現倒酒會彈酒落枱情況，酒杯會清而無人斟酒，白酒又吾夠凍，而且吾係每道菜都清理枱上殘餘，唯一有印象係加成一千蚊既main course，但總體黎講，真係完全吾值呢個價錢！！！絕不推薦人黎呢度食，一啲都吾值呢個價。…Read More

前幾晚見無乜人排隊，所以試一試，叫左牛肉，豬腩，豬腸，點知.......啲肉完全無奄過，菜亦吾新鮮，重量比預期中輕，仲要得一款醬汁，同出面韓燒差好遠，一定吾會再黎。…Read More

今晚黎食，叫完等左20分鐘都未到，要催至黎，坐低一杯水都無，飲品又要等10分鐘，期間見到有個侍應似乎新黎，拎親餐都要問張枱喺邊，味道吾算差，但未至於好，要等咁耐，下次一定吾會再黎…Read More