ChopperLM's Profile

Bookmark 左呢間小店一段時間，之前亦見到許多人介紹，因為什少過港島區食飯，所以一直都未幫襯；終於尋晚可以一嚐晚餐，朋友們和我都覺得值得推薦😌知道小店的坐位不多，兩日前訂座都竟然訂到夜晚7:00，起初擔心會不會名過其實，所以少左人幫襯🫣 抱著試伏的心態，慶幸喜出望外。個人最推薦明太子玉子燒、月見雞肉棒、泡菜牡蠣鍋、鐵盒燒生蠔。 蠔的size都唔細，味道鮮甜，亦唔會縮水😆整體食物質素不錯，服務也挺好的，服務生都很忙碌，但也有求必應（斟水、影相、跟單、提醒鍋物的火力等等）。最重要是當晚食客不多，沒有限時收檯（本來網上訂座寫用餐時間2小時）大讚👍🏻👍🏻👍🏻 離開時，隔離檯比我地早入座嘅日本人仲繼續叫啤酒同甜品😆我地一行3個女仔食左$1400左右（叫左兩杯飲品）。大家都食得好飽，又可以傾餐飽。價錢話平唔平，又唔算太貴。難得食物有質素，服務又不錯，會推薦一下，亦會再幫襯😁P.S.若果人均消費閒閒地$400 （唔飲野）至$600（叫下酒類飲品）仲要限時，都真係幾趕客🥲 難怪而家香港嘅餐廳晚市咁小人，希望好似牡蠣小屋呢啲小店可以守得住💪🏻…Read More

探舊同事之前，約左朋友去yoho mall搵食，在openrice預訂左11:45（本身想訂12:00，可惜無呢個時間，再下一個時段係12:30）大約11:50 到達，當時有兩張2人檯，一張6人檯，接待的職員忙著送餐（當時只有一個服務員），等左一陣獲安排入座，被告知用餐時間只有60分鐘🫠…網上訂位時冇通知，否則唔會揀…當時朋友仍未到，但唔想再搵另一間餐廳，最後都選擇坐底兩個人，叫左一碟明太子蟹肉意粉，一客梳乎厘pancake，一杯flat white，一杯梳打。整體而言，食物飲品都還可以，最滿意的是意粉，味道不錯，用料充足，份量比預期大碟。雖然呢間cafe以pancake作主打，可是不覺得特別出色😅 因為食完意粉先上pancake，所以最後用餐時間都超出左15分鐘左右。整段用餐時間都冇坐滿（或者因為咁，所以冇特別趕我地還檯），留意到有啲客人想入座，但又離開左（唔知係咪因為被告知得60分鐘用餐時間）明白餐廳想翻多幾次生意，亦明白有最低消費，然而60分鐘真心少同令客人卻步：坐底睇menu到落單都大約8-10分鐘，等齊main的食物飲品又要15-20分鐘，淨返30分鐘倒落個肚？若果想食埋pancake / 窩夫，要趁熱食，又話要預時間整，90分鐘比較合理。俾緊每人大約$200，周末放假想悠閒一下，可唔可以多返啲啲時間？…Read More

想幫襯好耐，因為被其景觀吸引，又想試食盒子吐司，終於今日有機會😀星期日的中午，店舖竟然只有三四檯客人；唔知係咪因為太陽太猛烈，窗邊望海的位置全部無人坐😛 雖然係有啲熱，但唔好浪費左咁靚嘅景，暖住咁嘆我嘅悠閑午餐😂餐單比較簡單，一向選擇困難症嘅我好快決定左要「牛油果雞胸溫泉蛋吐司」和海苔薯條，飲品加$6配凍嘅桂花烏龍可以網上下單兼俾錢，非常快捷方便。店員好快先送上薯條同瓶裝飲品。飲品喺雪櫃拎出黎，可以為曬慶左嘅我降一降溫😆有完整茶包喺樽茶入面，真材實料，個樽食客可以拎走飲亦可以環保重用👍🏻 海苔薯條新鮮炸起，比M記的薯條粗身啲，唔乾身👍🏻食住薯條等左10分鐘左右，主角吐司登場😬 用料好足，牛油果、雞胸肉片、生菜…仲有大大隻嘅溫泉蛋. 開頭有啲擔心食隻溫泉蛋時啲蛋汁會流曬出嚟好論盡🤦🏻‍♀️ 隻蛋係流心，但流得好緩慢，亦可以吐司連餡料連蛋汁一齊食到👍🏻👍🏻 麵包好香甜，塗左牛油煎香，好味道整體來講，環境、食物質素都很好. 女店員嘅服務都很好（中途都有食客調位，因為開頭想睇景有陽光，最後太曬而坐返入面，佢都好快執返張檯）可能有人覺得$84食吐司唔抵，但我會再幫襯😊…Read More

和友人行完河背水塘坐返小巴落元朗食下午茶，本身想去二悅，但去到個地址發現變左另一間鋪（唔知係咪搬左/執左），想去另一間台式餐廳又排長龍；結果喺附近搵左呢間cafe 試下.有兩個下午茶menu，選擇困難症嘅我最後揀左推介嘅芝士豬扒包配忌廉紅豆冰😍 只係$38 （另收加一）本身重點只放在紅豆冰，因為好耐冇飲，侍應小姐送上黎嘅時候，見到都幾大杯，上面有滿滿嘅忌廉，好邪惡🤤對於只需$38而配紅豆冰嘅豬扒包，老實講，我唔會抱太大期望，只要咬得開就得😅估唔到送到上黎，不但外表得體，塊豬扒煎到金黃色，幾厚身，食落幾juicy，肉嫩，香口，唔鞋，亦唔會有鬆肉粉醃到過淋嘅口感😋😋😋麵包亦好鬆軟，微溫。 旁邊配埋幾粒生果，成個餐即刻健康左🤣另外，要讚賞一下兩位員工，態度好親切友善，會回應客人要求。本身朋友想坐室外，坐左一陣有煙味，於是想調入室內，員工好欣然安排；見到我地有背包，又主動俾個籃俾我地放好；朋友因為電話冇電，問男侍應有冇充電線，佢俾左一個充電器我哋。真心要讚賞佢哋嘅服務👍🏻👍🏻👍🏻今次嘅下午茶，絕對有驚喜😌😊💯…Read More

前一日打電話去餐廳諗住財下有冇得訂位，接電話的小姐話只接受walk-in...唯有到時先去排隊預左星期六的晚飯時間要多一些等候時間，上到餐廳拎飛，reception的姐姐話要預等1.5-2個鐘，明白的...然而佢接住嗰句「不過最好喺度等，如果前面有人走，就好容易過飛」...於是出現40-50人逼喺一條勁窄的走廊，送菜的人完全不能經過，空氣勁不流通，萬一有火警就真係大件事...reception姐姐有好心地問排隊的人要不要水或糖，亦明白餐廳想把握每一個做生意的機會，但店主應該顧及安全... :( :( …Read More