tammywong614's Profile

勁好食🤤唔訂位真係冇得食！銅鑼灣登龍街呢間「燒烤堂」真係長期爆場！我哋成日去食，次次都滿座，所以千祈要預早book位呀！今次叫咗幾款心水，款款都好正😍🌟鹽燒鮮三黃雞腿肉雞肉超滑！燒得啱啱好，唔會乾，簡單加鹽已經好香～🌟鹽燒原塊雞皮必食！脆到好似食緊薯片咁，但係又唔油，食完想encore！🌟鹽燒和牛牛小排和牛超軟熟！油脂好香，入口即化，牛魔王必點！🌟厚切鹽燒牛舌拖羅厚切好有口感！彈牙又juicy，鹽燒味道簡單又好食～🌟雞皮墨魚滑好得意嘅配搭！墨魚滑彈牙，外面包住脆雞皮，雙重口感！🌟焦糖青蘋果鵝肝多士超驚喜！鵝肝超濃味，配酸甜蘋果同脆多士，夾到爆！一點都唔膩～…Read More

一直都好鍾意食牛大人😍全新「炎夏椰樂祭」以椰子為主題，打造沉浸式椰香火鍋體驗，由湯底、小食到飲品，都充滿住夏日風情～🌴🌟 椰香主題限定美味🌟 🥘 特色湯底✨喇沙椰爺仲夏鍋——濃郁喇沙遇上清甜椰香，層次豐富！ ✨木瓜椰皇嫩雞鍋——木瓜清甜＋椰皇香氣，滋潤又開胃～ 🍤 椰子小食 ✨外酥內嫩嘅「椰酥跳跳豬」 ✨黃金香脆嘅「椰絲蝦丸」 ✨創意滿分嘅「椰林火山脆薯條」 🍧 甜品飲品：必試「香芋椰漿脆脆」及人氣「椰奶蓋芒芒爽」，仲有特調雞尾酒「粉桃椰香」「冰檸伴椰」「藍調微風」任你選！🍹…Read More

好鍾意食麻辣雞煲🥳今次嚟咗喺旺角嘅吞Pot雞煲火鍋.住家菜🙌今次點咗一隻重慶麻辣雞煲（小辣）🌶️一嚟到已經聞到好香嘅麻辣味，醬汁濃郁，雞肉嫩滑入味，麻辣又帶有少少甜香，辣度適中，超開胃呀😍食完雞煲之後，仲可以用雞嘅醬汁加湯打邊爐，超級正！我哋另外點咗極品手切封門牛柳🐄肉質細嫩，油脂分布均勻，涮煮後口感柔軟多汁，搭配雞煲嘅麻辣湯底更加好味🔥餐廳仲提供多種醬料選擇，好似沙茶醬、蒜蓉辣椒醬、芝麻醬等，可以自由配搭，增添層次感😚我哋仲點咗Asahi!🍻一路打邊爐一路飲酒，簡直係人生一大樂事！cheerssss🥳🥳…Read More

媽媽上星期同閨蜜終於可以有me time約到食飯😍梗係要去坐得舒服又性價比高嘅泰式餐廳Cambo！每碟餸都份量適中，兩個媽媽都可以叫到多幾款可以試吓😌🦀泰式青咖喱軟殼蟹鍋（配法包）青咖喱香氣濃郁，椰奶嘅甜味同香料嘅辛辣完美融合，軟殼蟹炸得酥脆，點咗青咖喱醬汁後更加鮮甜好味😚搭配外脆內軟的法包，蘸埋青咖喱食非常過癮，絕對是必點菜色！ 🍍菠蘿炒飯炒飯粒粒分明，鑊氣十足，配料豐富，包括蝦仁、腰果、肉鬆同埋提子乾，加上酸甜嘅菠蘿果肉，口感層次豐富，唔會過於油膩，我哋每次去食泰國餐廳必點😇🦐活蝦刺身新鮮度滿分！活蝦肉質緊實彈牙，搭配泰式酸辣醬汁，清爽開胃，帶點微辣，夏天食真係好正😗🍸蘆薈柑桔檸檬呢杯飲品清新解膩，蘆薈果肉Q彈，柑桔同檸檬嘅酸甜比例啱啱好，搭配泰國菜簡直絕配！ 兩個媽媽一邊食一邊傾偈勁enjoy🥳餐廳又坐得好舒服，下次dating要再嚟過先😌📍Cambo ขุนทอง (The ONE) (尖沙咀)尖沙咀彌敦道100號The ONE 4樓L403號舖…Read More

前幾日終於可以放低兩姊妹俾婆婆湊，兩公婆去上環度搵好嘢食🥳鍾情日本菜嘅我今次試咗位於上環嘅鮨政，主打正宗嘅日本壽司🍣梗係要嚟試吓啦🤭🍱壽司拼盤呢個拼盤有三文魚、油甘魚、吞拿魚、甜蝦、鯛魚、帶子、蔥吞拿魚腩同埋三文魚腩細卷！賣相超吸引🥰每一款都好新鮮，我特別鍾意食油甘魚，魚油超香，食完想再encore🤭🎏鰻魚飯每一次去日本餐廳都鍾情要食鰻魚飯！佢哋嘅鰻魚份量都好適中，鰻魚表面燒得好香脆，肉質好肥美仲保留住香甜嘅鰻魚汁，真係相當唔錯！😎🐟燒三文魚魚皮焦香酥脆，魚肉鮮嫩多汁，入口即化，再加入檸檬汁，更加帶出魚嘅鮮味！🤩#鮨政 (上環)上環蘇杭街105號地舖…Read More

超滿足！今次試咗一間幾正嘅中菜廳，就係喺旺角希爾頓酒店嘅鷹巢🤗每樣都好好味，絕對係同朋友屋企人開心share嘅好選擇！ 💯✨北京填鴨（二食）片皮鴨正到爆燈！皮脆肉嫩，再加埋薄薄嘅皮加埋青瓜條京蔥片皮鴨醬一齊食，經典組合永遠唔會令人失望～😎二食嘅生菜包鴨崧仲驚喜！鴨肉碎炒得香口，用生菜包住食，清新得嚟又惹味，食多幾件都唔會膩！ 🥰✨金牌叉燒皇 配 秘製蜜餞豆叉燒真係無得頂！肥瘦均勻，蜜汁香甜，入口即溶，絕對對得住"金牌"個名～旁邊嘅蜜餞豆都仲正，同叉燒一齊食，鹹甜交織，味道層次即刻豐富晒！ ✨脆皮金粟墨魚餅墨魚餅彈牙到不得了！咬落去仲有粟米粒爆汁，外皮炸得金黃香脆，食到停唔到口～ 🤤✨日本南瓜賽螃蟹呢個好有驚喜！南瓜整到好似蟹黃咁滑溜，蟹肉好新鮮好清甜，再加埋啲蛋白健康又美味，絕對係女士們嘅最愛！ ✨北京大滷麵** 粗麵夠哂咬口，滷汁濃郁得嚟唔會太鹹，配料又多，食落好滿足呀😇真係每道菜都有特色～價錢發合理，份量足料，絕對值得再encore！下次一定要帶多幾個friend一齊嚟試多啲款式！ 🩵溫馨提示：記得預早book位，因為真係幾多人幫襯㗎！…Read More

呢間中菜真係好唔錯喎😍前幾日帶埋Keira 去翠玉軒試咗「青海珍味・家宴」系列菜式 🥰係青海直送嘅養生食材🙌 青海位處高海拔地帶，保存到原始無污染嘅生態環境，加上獨特嘅氣候☀️所以可以生產出唔少稀有食材，包括：氂牛、藏羊、三文魚(虹鱒)、藜麥、枸杞、冬蟲夏草等，今次首度直送香港✈️ 唔使去青海都可以品嚐到，實在太幸福啦😍今次我哋試咗五道菜，款款都值得推介😋🐟 避風塘青海三文魚(虹鱒)扒 從來冇諗過三文魚可以用避風塘嘅方式去整，第一次食非常有驚喜😎！龍羊峽虹鱒魚係青海著名水產，肉質細膩有嚼勁、脂肪含量較高，用「避風塘」烹調法將三文魚煎香，真係超級香脆，個個都爭住食😝🐄 蘿蔔清湯氂牛腱青海氂牛遊走終年積雪嘅高山崇嶺，高蛋白，低脂肪，好有咬口，味道非常鮮甜，仲用咗充滿香港地道風味嘅清湯腩方法烹調，融入蘿蔔嘅清甜，兩者非常配合😇🥬 枸杞魚湯水耕生菜 呢度菜真係非常養生！係媽媽嘅最愛😎青海枸杞種植地集中喺高海拔、乾氣候嘅柴達木盆地，枸杞好大粒色澤紅潤，清甜嘅魚湯同生菜好夾，食完之後感覺好滋潤呀😌🍝香菇氂牛肉拌麵呢個拌麵有少少辣好惹味！🤩特別採用有「植物皇后」美譽嘅青海香菇入饌，混和氂牛肉以牛肉醬烹煮，入口非常濃郁，配合聞名天下嘅青海麵，實在太令人回味！🥳🥧高原枸杞桂圓糕用糖水先浸青海枸杞，然後加入以雪棗、桂圓及黃糖熬水做成嘅凍糕上，晶瑩剔透，入口好清新！😋📆推廣日期 : 即日起至 2025年3月31日📍推廣分店：全線 #美心皇宮 (沙田分店除外 )、全線 #翠園 (旺角分店及廣場飯店除外 )、全線 #八月花、#映月樓 及 #翠玉軒📣而家仲有著數！Eatizen 會員專享惠顧「青海珍味．家宴」，即送$100 美心中菜電子優惠券，仲可以自動參加大抽獎，有機會贏取「青海雙人來回機票」一套兩張 (共30套)！#青海珍味 #味遊中國 #天賜食材 #高原禮物 #青海氂牛 #藏羊 #青海三文魚 #全新粵式菜單 #美心中菜 #Qinghai #Maxims @maximschinese…Read More

終於都可以放低兩個囡，同老公兩個人去撐枱腳😍嚟到尖沙咀嘅蠔埕食黃金蟹粉大閘蟹宴🦀可以無限追加日本牡蠣🦪仲可以任飲Sapporo Draft Beer🍻、House Sake🍺黑糖薑茶🫖同埋各式汽水🥤🥂每道菜都用高質食材，真係每一款都好好味！不過我都揀咗以下三款特別推介🥳🔸花雕熟醉大閘蟹海鮮拼盤拼盤有生蠔🦪、海螺、大閘蟹🦀同埋大海蝦，用花雕酒醃製煮成，同海鮮真係好夾！🔸大閘蟹腳甲羅燒配多士甲羅燒充滿大閘蟹嘅蟹膏、蟹肉同蟹籽😚鹹香濃郁，搭配脆身多士超級正！🤩🔸鹿兒島A5黑毛和牛🐮A5黑毛和牛非常驚喜，和牛充滿油花，入口即溶，仲好重牛味🥩好想encore!!!另外其他菜都有好高水準🥰🔸廚師發辦炭燒串燒拼盤🔸蟹瀑布紅酒鵝肝迷你丼🔸清蒸大閘蟹🦀🔸炭燒大閘蟹🦀🔸凍盤生蠔🦪黃金蟹粉大閘蟹宴-120分鐘Free Flow任飲半放題🥳$868/位🎄24-26 Dec 聖誕節期間將分成兩節，入座時段以及收費如下：20:45前入座 👉🏻 9折優惠價後$781.221:00後入座 👉🏻 8折優惠價後$694.4（設原價加一服務費）凡WhatsApp訂座每位奉送「鮮制黃金蟹粉蟹肉釀雞翼」（價值$148）提提大家因為餐廳座位有限，所以都好難book位😙所以記住早啲預約喇😎…Read More

經過見到 「たまご園 Tamago-EN」以雞蛋為主題嘅日本洋食屋就決定喺度食晚飯喇🍽️店員介紹佢哋最新推出咗一系列嘅日式拉麵🍜集結咗不同地方嘅日式拉麵，包括函館、橫濱及北海道❄️我哋order咗橫濱醤油拉麵同埋北海道蝦麵豉湯拉麵🙌 湯底好濃郁呀，仲搭配及沖繩琉香豚，肉質嫩滑又多汁，好好味呀！仲有仲有必試溏心蛋🥚佢哋選用日本雞蛋，蛋香味濃、色澤鮮艷，以醬油調味之後，提升咗蛋黃嘅鮮味🤗我哋幫小朋友 order 咗扭蛋童樂餐，配有新鮮時令水果，加上美味肉醬意粉🍝，玉子燒🥚、吉列蝦🍤同炸雞及配菜🥦，小朋友營養達至💯。仲可以即場玩扭蛋機，呀囡扭到長髮公主嘅行李箱，佢超開心呀😆我哋仲order咗一款經典小食Tamago-EN特製5款玉子串燒！玉子燒好香蛋味再配埋五款醬汁同配料，賣相同味道都滿分😇佢哋仲有一個俾小朋友玩嘅地方，每一節30分鐘等緊嘢食嗰陣都可以瘋狂放電正呀…Read More

帶兩個小朋友去試新餐廳等位都等咗30分鐘但我見裏面有一張吉枱所以問職員可唔可以俾我哋坐佢話因為做唔切所以俾唔到我哋入去😅等食物都唔算耐嘢食味道都可以但唔算好吸引…Read More

我哋係西環嗰間fish & chick 常客！次次都去食炸魚🐟超鍾意食！今次咁啱去開將軍澳就帶埋呀囡去澳南海岸嗰間fish & chick食dinner!😍今次我哋order咗兩個set dinner，每一碟都好好食😋🦀🥗秘製炸蟹肉球配沙律秘製嘅醬汁配埋好新鮮嘅蟹肉，口感外脆內嫩滑，沙律非常新鮮冇苦澀味，好開胃！🐓🥖鐵板雞肉丸配蒜蓉包雞肉丸好Juicy, 鐵板上更加keep到佢嘅溫度熱辣辣！新鮮嘅雞肉味再加上佢嘅醬汁，一啲都唔膩！蒜蓉包好脆口但唔硬身，Keira 好鍾意食！🐠🍟傳統英式炸魚配薯條魚有好多種類可以揀，我哋揀咗最經典銀鱈魚🐠即叫即炸，一上枱已經感受到佢非常新鮮！炸粉皮非常之薄，基本上唔使用刀就食到！魚肉好嫩滑，完全唔會有好乾柴嘅感覺，魚味唔算太濃，加咗少少海鹽落去帶咗啲魚嘅鮮味出嚟！再加上我哋好鍾意食嘅粗薯條，完美！🍝卡邦尼意粉卡邦尼意粉好有驚喜，每一條意粉都掛滿醬汁，煙肉份量好多，本身碟意粉嘅份量都比較大碟！醬汁好Creamy，唔會太膩，值得推介！🍰檸檬罌粟籽蛋糕呢個檸檬蛋糕都超好味！🍋酸酸甜甜嘅味道同埋有好濕潤嘅感覺，食完絕對想再encore！下次要試埋紅蘿蔔蛋糕先🤗今次嚟到澳南海岸食呢間fish and chick勾起咗我哋以前成日去西環食炸魚嘅回憶🥹呢間餐廳環境都好舒服，再加上員工服務態度相當好！大家嚟將軍澳記得要試吓呢間餐廳喇😍…Read More

自從黃竹坑Southside開咗之後，我就成日都去搵好嘢食😋今次帶咗妹妹去N+ Burger 嘆個下午茶🥰 N+ Burger貫徹「Farm to Burger」嘅品牌理念，係全港第一家真正擁有自家牧場嘅漢堡店🐄由澳洲Hunter beef 嘅5個自家牧場直送Premium Angus頂級安格斯牛🐂，製成100%全天然HGP free無添加荷爾蒙頂級安格斯牛肉及牛腩肉酸種漢堡🍔，肉質柔嫩多汁，油脂分佈平均🙌大廚嚴選嘅新鮮食材每日備製🍅🥬N+ Burger自家製醬汁都好好味，當中N+ Classics的原味醬汁是由自家和牛牛骨熬製🐂，充分帶出牛肉鮮味今次order咗兩個餐，一個係特級松露醬牛前腩漢堡combo🐄一個mini classic burger tea set 🍔🍟🍄‍🟫🥩特級松露醬牛前腩漢堡combo 呢個牛前腩漢堡牛味濃郁，嫩滑多汁，麵包非常鬆軟，松露醬超突出但都唔會掩蓋牛嘅味道！另外粗薯條好香脆但唔會太油膩！飲品我哋試咗雙莓有氣檸檬水，好清新又唔會太甜，配burger一流！🍔🍟 mini classic burger tea set呢個啱晒妹妹食，細細個burger啱晒小朋友！漢堡扒肉質鮮嫩，再配上芝士蕃茄生菜同埋酸瓜洋蔥！絕對係輕盈之選！呢個質素嘅burger再加上好舒服嘅餐廳環境，下次一定要再嚟🤭…Read More

又係一年一度幫媽媽慶祝生日嘅日子🤭🎂當然要揀間又好食又好坐嘅餐廳同親戚朋友們食餐好啦🙌我哋今次去咗位於尖沙咀星光行嘅翠園食中菜🥢#美心中菜 全新推出 「適時識食」系列菜式🍤🥬🥒，主打當造新鮮嘅本地食材，由農場直送，菜式清甜養生，係夏日消暑之選🙌 佢哋強調將食材嘅營養價值最大化，採用香港農場嘅夏日盛產瓜果，有營養生，清熱解暑💦夏天食多啲綠色蔬菜仲可以幫助身體排毒添😉今次我哋叫咗5款新菜式，包括：豉蒜涼瓜炆鱔球🐟醬撈手撕土家雞🐓珍珠蠔浸銀蘿🦪鮮准山勝瓜鳳尾蝦🦐及鹿茸菇炆乳香肉🐖✨豉蒜涼瓜炆鱔球🐟呢個菜係爸爸最愛！選用由 #本地農場 種植嘅涼瓜，可以清熱解毒，配合肥美嘅鰻魚爆炒真係好滋味！✨醬撈手撕土家雞🐓清甜爽口嘅青瓜絲同甘筍絲配合手拆走地雞絲，清爽開胃，大人細路都啱食✨珍珠蠔浸銀蘿🦪潮州珍珠蠔可以滋陰養血，同手切白蘿蔔條、豬肉末一齊浸煮至入味，最後以魚露點綴提升鮮味🦐鮮准山勝瓜鳳尾蝦三款清鮮爽脆的食材，包括具補脾養胃嘅鐵棍淮山、勝瓜及鳳尾蝦嘅滋味清炒，清熱解毒，口感一流！✨鹿茸菇炆乳香肉🐖鹿茸菇含豐富蛋白質，可增強免疫力，同豬五花腩、南乳醬一齊炆煮，味道濃郁又不太膩，正呀！除咗食之外，只要享用含本地食材之菜式，美心中菜將贊助HK$10予菜聯社，以支持本地農業發展，呢個活動真係好有意義呀，可以藉此教育下小朋友，真係一舉兩得🙌 …Read More

今次我哋約埋朋友仔去咗位於沙田帝都酒店嘅珀麗廳The Palate食自助餐！今次嘅重點就係可以試到佢哋新鮮空運到港嘅藍鰭吞拿魚🐟✨原來由6月4開始，逢星期二及三就可以見到藍鰭吞拿魚原條魚即席解體，我都係第一次咁近距離睇到咁大條魚😍好震撼呀🤩即切即食嘅赤身、大拖羅同中拖羅勁肥美！充滿油脂又好新鮮，真係好有去咗日本嘅感覺呀~~除咗刺身之外，當然仲有好多海鮮啦！冰鎮海鮮包括即開鮮活⽣蠔🦪⿓蝦🦞雪場蟹腳🦀多款沙律、芝士、養生燉湯等等！熱食方面都好多選擇㗎，所以都好啱小朋友！而我就最鍾意鮑⿂海參花膠煲，鮑魚勁大隻，而花膠就好腍好入味，我真係自己食晒一煲！😝爸爸就最愛食牛🐄 即煮美食站真係啱晒佢呀！超推介佐賀和牛壽喜燒，估唔到自助餐都可以任食高質和牛😋另外呢個自助餐好impress 我哋嘅地方就係有超多飲品選擇🍹🥂首先有四款特飲係超級吸引，有黑牛、紅豆冰、涼粉冰同埋雜果冰！加埋雪糕喺上面真係非一般嘅享受🤤另外仲有其他自助餐好少見嘅cocktail station,🍸有即製嘅Cocktail同mocktail任飲！仲有紅白酒、日本清酒、氣泡酒、果汁、冷泡茶、咖啡等等都係無限量供應㗎！🍷🥃🍻最後點少得甜品呀🤩有勁多款精緻甜品同埋雪糕🍨款款都食得又睇得！有咁多好嘢食，仲有日本直送原條藍鰭吞拿魚可以食到，本身以為自助餐價錢都比較貴！但原來性價比極高😍 星期一至四晚市，價錢連加一都只須係：$419起！真係超級抵！所以我哋已經諗好父親節要再去食過🤗🙌…Read More

去睇戲之前去翡翠明珠睇吓有咩食，星期日晚唔使等位，我哋叫咗一個鰻魚飯套餐同埋一個燒豚肉飯套餐，兩個套餐三個人食都好夠飽，因為份量都幾大！鰻魚飯都好香，配咗炸蝦天婦羅，上枱熱辣辣好脆口嘅好食！燒豚肉都幾肥美，有入口溶化嘅感覺！除咗飯之外仲可以配烏冬或者蕎麥麵，今次揀咗烏冬都幾好食！環境唔錯，銅鑼灣區日本菜嚟講算係價錢合理！另外叫咗兩杯飲品，無酒精飲品可以買一送一一送，叫咗一杯荔枝梳打同埋香桃梳打都幾好飲！…Read More