mayting112's Profile

Restaurant week又黎啦！今次同好友們食Vista，飽覽維港美景，終於可以休息一下！呢度嘅招呼同環境就一定無得輸啦，但係我覺得食物方面，就比前年到訪時遜色，雖然都有四道菜，但菜式無上次咁特別，做得咁細緻。Elite Dinner Menu (💰498pp)前菜(選一)🔸Burrata cheese with grilled artichoke, Parma ham and pesto sauce 布拉塔起司配烤朝鮮薊、帕瑪火腿和香蒜醬(8/10)朋友說呢個好食，但食完已經有啲飽。🔸Mushroom cream soup with porcini, black truffle and crispy bread 蘑菇奶油湯佐牛肝菌、黑松露和脆麵包(7/10)不過不失啦。麵食(選一)🔸Paccheri pasta with spicy oxtail ragu 義大利麵佐辣牛尾肉醬(8/10)好香嘅牛尾肉醬，義大利麵好大片，硬度適中。🔸Calamarata pasta with cherry tomatoes, octopus and lobster bisque 卡拉馬拉塔義大利麵佐櫻桃番茄、章魚和龍蝦濃湯(8/10) 義大利粗管麵好味過上面嗰款麵，呢個醬汁好好味，同粗管麵好夾，食完想繼續食！主菜(選一)🔸 Slow cooked wagyu beef cheek with truffle potato mash and zucchini慢煮和牛牛頰肉配松露馬鈴薯泥和櫛瓜(8/10)和牛頰肉好嫩，慢煮得入哂味，一定唔會太韌。松露薯蓉好香好滑，不過食太多會好滯。🔸 Roasted seabass filet with caponata and puttanesca sauce烤鱸魚片(8/10)👌🏻甜品🔸Table side tiramisu(7/10)好大碗，好滯😓Overall 評分：8/10…Read More

想食逸東軒好耐架啦！又趁restaurant week食下lunch🥳真係不愧為米芝蓮一星餐廳，真係好好食呀！香港餐廳週午宴(💰248pp)🔸江南美點▫️筍尖鮮蝦餃(10/10)冇食過咁好食嘅蝦餃，有筍，蝦肉鮮味爽脆juicy，皮薄韌度適中！▫️瑤柱菜苗餃(8.5/10)菜苗餃都正架其實，不過蝦餃好味啲。▫️蜂巢芋角(9/10)鬆軟，酥脆，芋香濃郁，真係出色架喎！🔸 保健老火湯(8/10)👌🏻🔸 百花煎釀帶子(10/10)帶子嫩、蝦滑爽，煎得剛好，個汁鮮味鹹度適中，帶出帶子同蝦嘅鮮香味！連棵菜都係嫩同爽脆清甜架，咬落一啲根都無。🔸 魚湯雲耳浸津白(8/10)👌🏻🔸 揚州炒飯(9/10)飯炒到粒粒分明！蝦粒、肉粒、菜粒，全部炒得好香，好好味呀！🔸 紅棗雪耳燉萬壽果(8.5/10)睇下你鐘唔鐘意木瓜，木瓜味道強，唔會太甜，我就幾鐘意啦！🔸 馬拉糕(7/10)正常嘅馬拉糕，無乜特別，不過濕咗啲。Overall評分: 9/10🥳一定會去再食呀！Yummy!!…Read More

最鐘意打邊爐！又好鐘意食牛大人😁因為牛大人湯底同配料都好多款式又好味！平時得一杯雪糕/仙草凍，今日俾我哋喺門口仲見到有得任食Dreyer’s同Movenpick雪糕🍦正呀😋呢日平日都差唔多滿座呀！🔸澳洲極上和牛套餐(💰328pp) (OpenRice仲有啲優惠可以買)食牛大人我通常都食呢個套餐，因為佢嘅牛肉都真係比前兩級嘅牛肉好味好多，澳洲和牛M5牛肩卷，肉質嫩，唔會過肥！仲有期間限定嘅SRF美國黑牛後腿肉，呢款肉都超正！仲有每位贈送 澳洲M9和牛牛丸2粒，真係好有牛味，juicy到不得了！同出面啲牛丸完全唔同架！當然仲有唔同嘅台式小食、台式漿類、海鮮、蔬菜、丸類、各款飲品。全部都好優質😋最後當然食埋Movenpick雪糕、Dreyer’s開心果雪糕批同仙草凍。超級滿足呀！…Read More

繼續帶兩個小朋友去玩🤭最適合梗係去港女打卡餐廳啦🤗小朋友黎到已經被門口嘅波波吸引到，一人拎返一個先🎈今日小朋友發辦，叫佢哋想食嘅嘢。🔸溫泉蛋忌廉汁蟹肉意粉(💰128)呢個意粉嘅忌廉芝士醬味道好濃厚，幾creamy喎，每一條意粉都充滿忌廉醬。仲有好多菇，如果可以多啲蟹肉更佳。🔸全日早餐(💰138)豐富嘅all day breakfast，一次過滿足三個願望。細佬鐘意食腸、蛋同包，家姐鐘意食bacon，我鐘意食蕃茄蔬菜同牛油果。👍🏻🔸Chocolate Banana Smoothie(+💰29）小朋友最愛😍我無得飲😞🔸法式龍蝦濃湯（+💰28）由於我無得飲smoothie，所以我飲龍蝦湯😂龍蝦湯味道還可，有幾粒細細粒蝦肉。🔸香煎慢煮雞胸百香果油醋沙律百香果醋開胃清新👍🏻呢度環境不錯，好多花草，又有靚靚嘅打卡位，小朋友拎住兩個波玩足全日🤭…Read More

本身都唔係超鍾意食椰子，今日食完呢間椰子星球之後，椰子甜品真係令我改觀呀！🔸Oreo UFO(💰52)(9/10)雖然我唔想食Oreo🫣，但兩個小朋友話要食Oreo，咁就叫兩款Oreo啦！呢個UFO真係超好味！個面鋪住滿滿嘅oreo粉。入面有小丸子，芝士奶蓋，椰奶凍，加埋個特調椰汁，超香椰奶味，椰殼入面嘅椰子肉都刮晒出嚟，多重口感，油煙韌又爽滑，非常好味🤤呢個UFO份量十足，食半個已經好飽啦🤭不過我發現佢無痴到個UFO盤俾我🫤🫤🔸米麻薯Oreo椰子奶 (💰39)(8/10)呢個椰子奶比UFO少咗椰奶凍，但就多咗麻糬同珍珠，一樣咁香，一樣咁有口感，非常煙靭！芝士奶蓋都好濃好滑！呢個嘅Oreo味比較突出。🔸嗅嗅D24 榴槤椰子凍(💰68)(7.5/10)叫咗三個甜品，但呢個榴槤椰子凍，我就留返返屋企夜晚先食。一打開個蓋，嗰陣榴槤味全屋都聞到，久久不散🤭榴槤蓉份量非常非常多！好正呀！椰子凍非常清甜，但又唔會太甜。椰子同榴槤好夾，互相輝映🤩呢間椰子星球真係唔錯！份量足，性價比極高！不過佢主打外賣，堂食只有一張枱，外賣包裝都做得好好，一定唔會倒瀉👍🏻仲有好多款甜品我都想試，下次再嚟食過！Overall評分: 8.5/10👍🏻…Read More

早幾年都好有興致成日喺屋企焗下麵包整下蛋糕，不過整蛋糕就係會搞到啲地方污糟，又要買一大堆材料，但又用唔哂🫣最麻煩嘅係要洗工具洗碗。今個周末老公忽然話想整蛋糕，我哋就黎到BYO自助烘焙。喺優惠訂購平台book有5折啊，玩足3小時😆優惠訂購平台菜單同普通菜單選擇較少，但都有大概二十款選擇俾你揀，半價後價錢大概係百幾二百蚊。我同老公一人整一個蛋糕，我整🔸裙上之神: 伯爵芒果蛋糕；老公整🔸榛子朱古力慕斯。返屋企應該有排食😅首先，員工會俾一部iPad你，入面已經有哂所有片段同步驟。客人只需要著好圍裙，拎住個托盤，去材料區、冷凍材料區、工具區、裝飾區、攪拌區、冷凍區、焗爐區、放涼區⋯⋯呢度所有整蛋糕嘅工具同材料提供到，真係超級方便。最緊要係唔洗洗碗😂不過都辛苦洗碗嘅伯伯，一路密密洗🙏🏻🙏🏻我個蛋糕要唧花，職員都會行埋黎教我點樣唧得靚啲🌸最後成功完成到個蛋糕🫶🏻開心🥳…Read More

今日去咗西環搵食😆呢間泰誇張用咗綠色嘅門口，入面環境色彩繽紛，令人好有去咗旅行嘅感覺。坐低之後老闆又會好細心咁問我哋有冇嘢係唔食得嘅🫶🏻餐牌仲有好多嘢選擇，好多都好似好好味🤤🔸冬蔭功湯(細)(💰78)(8/10)呢個冬蔭功湯都算幾好味，酸辣到適中，好香嘅香葉香草味，仲有大量嘅菇同埋蝦👍🏻🔸鹹蛋魷魚(💰108)(7.5/10)鹹蛋魷魚一上枱超級香，魷魚彈牙，鹹鹹甜甜，如果外皮更脆會更有口感。🔸椰肉絲蝦炒飯(💰108)(8/10)我未食過有椰肉條嘅炒飯，口感唔錯，成個飯好有椰香。加上肉鬆味道超夾。炒飯入面仲有好多隻蝦，份量十足。🔸炸魚青芒沙律（💰188）(8/10)呢個炸魚一上枱真係太誇張，我哋喺度嘩嘩聲，因為冇諗過咁大碟。青芒沙律酸酸甜甜，連埋炸魚食超級惹味。不過太大碟啦，我哋最後都食唔曬拎咗返屋企繼續食。😆如果喺西環附近呢間太誇張，都值得一去。👍🏻啲菜式都非常打卡able📸Overall評分: 8/10🌶️…Read More

近排成日黎呢邊游水🤭游水前搵間餐廳食個lunch。圓方環境好，裝修靚，唔洗多講，食物質素都唔錯呀！🔸 娘惹傳統斑蘭椰漿飯（巴東牛肉，脆皮雞卷）(8/10)外觀同味道都非常滿意喎！巴東牛肉炆得好淋好入味，脆皮雞皮的確皮脆肉嫩，真係用雞皮包住雞肉。另外仲有花生，脆魚仔，同醃青瓜蘿蔔撈飯。好開胃呀！係略嫌啲淺綠色嘅斑蘭椰漿飯唔夠斑蘭椰漿味。🔸桔仔話梅水(8.5/10)呢杯飲品都好驚喜，成粒桔仔，加少少柑桔密，仲有大大粒話梅。酸甜度適中，味道認真不錯。再加多啲水，再飲多杯都得！😂下午茶餐係$88，但午餐要$148呀！醒目啲當然係食下午茶啦平咁多！…Read More

我都湊熱鬧，去食下近期好hit嘅Hashtag B！星期六早上去尖沙咀店，點知多人得好緊要，所以走咗。下午去完銅鑼灣行街，發現銅鑼灣店唔洗排隊，仲可以一次過買哂兩款千層撻！🔸拿破崙焦糖千層撻(💰16)(7.5/10) 千層酥皮好酥好香牛油味！個底有一層焦糖，但呢層焦糖令個酥皮底淋咗少少。蛋漿方面，如果可以更厚更脹卜卜就好啦。🔸柚子千層撻(💰24)(7.5/10)呢個千層撻嘅酥皮好味過焦糖千層撻個酥皮喎，忌廉芝士好rich，芝士味好濃，柚子中和咗少少芝士嘅膩，不過食完都係有啲滯。…Read More

Restaurant week最後一日！把握機會去食多一間美味嘅意大利菜👻🔸Restaurant week lunch menu (💰198pp)ANTIPASTI前菜▫️ Prosciutto E Melone(8/10)Parma Ham嘅鹹香配甜甜嘅蜜瓜，火箭菜令成個菜式更fresh👍🏻如果啲蜜瓜再juicy啲就好。▫️ Burrata Classica (+💰28)(8/10)意大利嘅水牛芝士，一啲都唔會羶，配蕃茄，好fresh，餐前食很適合。MAINS主菜▫️Chicken Arrosto (7.5/10)半邊烤雞，雞脾非常嫩滑多汁。雞胸嗰邊就唔夠滑。配菜方面，就太多油了。▫️Ziti Seafood Puttanesca (8/10)海鮮八爪魚蕃茄醬pasta，佢個蕃茄醬幾入味，八爪魚好爽彈。平時唔想食嘅橄欖完全融入pasta入面，完全唔會覺得難食！DOLCI甜品▫️Tiramisu (8/10)👌🏻▫️ Lemon Sorbet (9/10)成餐最令人驚艷嘅係呢個甜品啊！佢將半個檸檬皮雪到非常硬成為一個碗。Lemon sorbet分咗三層，由少少酸到超酸，碗邊有啲糖俾你中和酸酸嘅sorbet，好味呀！呢度環境、服務同食物質素都非常好👍🏻一定會再黎食呀！Overall評分: 8.5/10…Read More

Restaurant week又黎食呢間高質嘅印度菜！質素服務同環境依然保持水準！不過佢嘅餐牌更改咗，每人比上一次平咗$50，雖然少咗嘢食，但仍然食得超飽。Restaurant week lunch menu (💰148pp)🔸Pani Puri with Jal-jeera(8/10)呢個係倒啲甜甜酸酸嘅汁落個脆脆波入面，一啖食咗佢！脆卜卜👍🏻🔸Chicken Tikka (8/10)烤雞好大塊，比上次無咁辣，都好香好惹味。🔸 Kerala Curry fish (7.5/10)咖喱魚嘅醬汁好啱撈飯食！細細碗但入面都有好多魚。🔸Old Delhi butter chicken (8/10)呢個雞嘅醬汁比較濃稠，適合點薄餅😋😋🔸Naan(buttered & garlic)、Tandoori Roti、Basmati Rice🔸Dessert (Gulab Jamun) (5/10）係一粒凍同甜味嘅波波，係一種地道嘅印度甜品，但唔係太啱我口味。總括來說，呢度環境同氣氛都唔錯，服務很好，食物都好有特色好味道。Overall評分: 8/10😋…Read More

Restaurant week又到最後幾日，同老公把握機會，食咗幾間正嘢，順便慶祝結婚週年😘今次揀咗間愉景灣嘅中菜廳，入愉景灣行下輕鬆下。一入餐廳有個西式bar枱，餐廳裡面環境光猛向海，樓底好高，有個圓形裝置，好有氣派。店員服務態度好殷勤👍🏻🔸Restaurant Week 午膳套餐 (💰198pp)▫️ 一口鮑魚酥、晶瑩鮮蝦餃、蘿蔔金腿千絲酥 (8/10)好出色嘅前菜啊。鮑魚入味，鮑魚下面有瑤柱絲同冬菇絲。蝦餃爽口結實，外皮唔會易散，煙靭程度適中。蘿蔔絲酥皮好香。▫️ 花膠瑤柱雞絲羹 (8/10)雖然花膠就一定唔係靚嘅花膠啦，因為一啲膠質都無😓不過就非常足料，成碗都係花膠、瑤柱同雞絲！味道都好清甜。▫️ 金湯白玉鮮斑球 (8.5/10)斑球好鮮味，嫩滑，而且肉質好紮實彈牙！加上蔥絲同南瓜湯，更顯魚肉的鮮甜。▫️ 薑米蘭度豚肉叉燒炒香苗(8/10)叉燒炒飯粒粒分明，唔會太油膩，薑味幾香👍🏻▫️ 生磨腰果露(9/10)非常出色嘅腰果露，腰果磨得好幼細，好幼滑呀！又香又濃，甜味適中👍🏻Overall評分: 8.5/10😍…Read More

呢間餐廳AE卡有6折呀，當然要同好友共享美食啦🤪今日就去咗Elements食美味佳餚😋餐廳位於戲院對面，夜晚見到周圍嘅餐廳都無乜人，呢間餐廳都算係elements入面比較有人氣嘅一間。🔸香脆爆谷蝦（💰108）(8.5/10)外皮真係好香脆，蝦亦好大隻，好爽口，味道好鮮！🔸西班牙風味烤八爪魚(💰158)(7.5/10)八爪魚份量比較少，不過都煮得好腍。有好多配料，最美味嘅係烤薯仔，煮得幾入味。🔸超級食物羽衣甘藍沙律伴藍莓（💰148）(8.5/10)呢個沙律味道不錯，有羽衣甘藍、無花果、mixed nuts、松子、椰菜花粒、好大粒嘅藍莓。醬汁好開胃，羽衣甘藍好fresh好爽口。🔸海鮮意大利飯（💰228）（8.5/10)大蜆大蝦帶子，非常鮮味豐富！海鮮汁燉飯好鮮味，成個飯都好鮮甜。🔸墨西哥辣雞pizza(💰182)(7/10)👌🏻🔸美國黑安格斯肉眼牛扒（💰368）(8/10)👌🏻服務同食物質素都好高！有6折真係超級抵食！如果住近啲真係可以成日去食😂Overall評分：8/10…Read More

今日同好友食北京樓，估唔到德福嘅北京樓比尖沙咀嘅北京樓裝修更豪華😆招呼亦較尖沙咀店更佳。今日食咗恒生信用卡嘅套餐，好多嘢食，好好味呀！🔸晚膳四人套餐(💰1180 另加茶位費、前菜費及加一服務費)▫️北京樓兩小碟: 芳香素腐方/香糟醉雞(7.5/10)▫️風沙黃金蝦球(8.5/10)蝦球好大隻亦好爽口🍤黃金鹹蛋味道啱啱好😋▫️雞茸燴燕窩(8/10)燕窩好濃稠，唔會好稀。▫️烤北京填鴨（半隻）（8/10）睇住佢一隻隻鴨燒出黎，就知道呢度嘅北京填鴨質素有保證！果然鴨皮脆，鴨肉又処的嫩。我最鐘意佢每一塊都切到有肉又有皮，又唔會有肥膏。加埋青瓜，大蔥，蘿蔔，甜醬，真係一塊又一塊不停食🤭▫️金銀蒜粉絲蒸元貝（4隻）(8/10)超大隻啖啖肉，好滿足！▫️椒鹽軟殼蟹（糖醋汁）(7.5/10)👌🏻▫️花膠瑤柱浸時蔬(7.5/10)👌🏻▫️灌湯小籠包(7.5/10)皮薄多汁👏🏻▫️生磨合桃露(7/10)成個套餐最普通嘅菜式😂唔夠濃。Overall評分：8/10👏🏻…Read More

好耐無食六両三，發現原來觀塘都有一間喎。店舖都幾大間，不過星期六嘅晚上人客就唔算好多，真係要留港消費一下啦！呢度都幾多嘢食喎，價錢都算經濟實惠。🔸咖喱牛筋腩便當(💰83)(8/10)牛筋腩用咖喱汁炆到超級入味，佢切得細細件，而且炆得好淋，咖喱味道唔錯。仲有好多配菜、腸同蛋。好豐富，好味道呀！套餐仲配雪糕同飲品添👍🏻🔸牛丸牛肋條麵(💰86)(8/10)主打無味精嘅紅燒牛肉湯，花時間熬製嘅湯底，的確係好飲👍🏻牛肋條夠淋。不過麵條太粗，如果可以幼少少就更好。🔸鹹酥雞(💰32)(8/10)酥脆，大大碟，啖啖肉，好香口🤗🔸滷肉燙青菜(💰28)(7.5/10)👌🏻🔸仙草奶凍(💰28)(7/10)👌🏻仲有好多嘢都想食啊，得閒可以再黎食下🤗服務都唔錯，全部食物都足料、熱辣辣、大大份，抵食👍🏻Overall評分: 8/10…Read More