petpetbetterthenme's Profile

今日要到上環做野，就係附近食個午餐，見到呢間日本拉麵店有北海道祭，我竟然無係拉麵店食拉麵🤣因為我見到佢推出左個北海道定食系列，就叫左個北海道豚肉炒野菜定食。一上餐就覺得好靚，餐具同擺盤都係滿滿日式感，有2款完全唔係hea既前菜，好味。個豚肉炒野菜清淡得黎有麻油香，炒得剛剛好。我再追加左$18有小食+飲品，連加一埋單$128。呢個水準都值呢個價錢。下次有機會會再試拉麵，係可以再食既餐廳。今日享受左個滿足既午餐🤣…Read More

之前黎食已經覺得佢地吉列好好味，今次做完野自己食返個late lunch，叫左個午餐-吉列特色拼盤定食$168。有豬柳，免治豚，帶子，蠔各1粒。 一個定食可以享受到4款唔同吉列，實在太開心。佢地醬汁配搭都好窩心，海鮮類配蘋果他他醬，肉類配炸豬扒醬，2款醬汁都非常好味同非常夾。總之今日既lunch覺得非常滿足，係太古區呢個價錢食到呢個質素真係無挑剔啦～係會再食既餐廳。…Read More

午餐同同事黎，都幾多人，外面壁畫好搶眼。入到去氛圍幾好，有旅行感覺，裝飾好靚，好有異國風情味道。我食左個馬拉盞豬頸肉炒飯($78)，份量ok，味道都唔錯，但如果豬頸肉唔係淨切粒連飯一齊炒，有幾片伴碟上會開心d囉😂同事叫左個新加坡海鮮喇沙($88)，好味，椰味香濃，仲有2種麵條係入面，可以Encore。不過油左dd，同左店員講，佢地好Nice咁聽意見，值得讚。午餐選擇唔算太多，包飲品，都可以加錢配特飲 ，價格係呢區算合理。東南亞菜黎講ok la，會再試。…Read More

之前同同事成日去，因為有日本人主理，所以間唔中都會去。但早排見裝修，話改成洋食+居酒屋。今日見到終於都開返，就去試一試。佢地話主打二段低溫吉列豬排，當然試下佢啦～我地3個人去食lunch，試左3款唔同既吉列，水準很不錯，價錢都唔算貴，見到日本人師傅企係open kitchen 做炸物，感覺非常靠得住🤣午市定食送埋飲品，價錢ok。下次夜晚再試其他野，店員推介新既44小時慢煮厚切北海道豚肉好似好勁咁，仲有好掛住佢地既果實醋飲品，日本人店長之前話係佢地自家製架...值得再去❤️…Read More

收工經過見到新開咗間壽司居酒屋，本身鍾情刺身壽司，所以同老公試試佢。見佢出面有開放式sushi bar，睇到佢地整sushi整齊企理。我哋叫咗個7款嘅＜任性自選刺身盛合＞$248。自選好好刺身好新鮮，又夠厚，正！跟住再叫咗12件＜Omakase壽司拼盤＞$198，用特長碟一字排開咁裝12件壽司，好靚 ～叫埋佢個名物＜花畑海鮮卷＞$228，有8件唔同既食材，顏色好靚，亦都好好味。叫咗3樣已經好飽，今日主要想食刺身壽司，下次再黎試其他。總括黎講：可以再戰…Read More