美孚好去處噚晚同老婆及家人一行六個大人去左饒宗頤文化館入面既西餐廳House of Joy食晚飯， 餐廳內梳化櫈藍白配搭得幾靚, 環境唔錯。坐低後我地叫左好野食, 法國泥蟹湯, 燒牛肉沙律, 意大利托托蜆配昆布湯, 燒日本鮑魚配墨魚汁燴意大利飯, 烤西班牙乳豬配白蘭地蜜糖牛油汁, 澳洲M5和牛斧頭扒, 烤原條比目魚, 朱古力心太軟及梳孚厘. 各人飲左個泥蟹湯先, 個湯好重味, 唔算漏. 之後個燒牛肉沙律都唔少牛肉, 但有少少多油左. 個意大行托托蜆就好厚肉, 個昆布湯都好正飲埋. 鮑魚墨魚汁燴意大利飯好正, 鮑魚燒得好好味, 不過食完一定要抺咀. 個乳豬皮脆肉嫩, D唔使配菜都好味. 斧頭扒5成剛剛好, 好重牛味, 抵食. 條比目魚都好抵食好大條. 梳孚厘唔算太甜剛剛好, 心太軟就唔算出色.…Read More
