myfoodmateshk's Profile

食過超過10次嘅老店海鮮火鍋真係冇得頂 。每人埋單唔使$300有龍蝦有好多海鮮仲可以打邊爐食埋粥 。而家喺香港出面真係好難搵到。雖然係老店，但係店員服務非常之優秀又會搞氣氛，又會播音樂又會幫你慶祝生日仲會玩埋好似海鮮拍賣咁樣 。不過最主要講返啲嘢食，嘢食方面雖然比起以前嚟講龍蝦細咗少少，但係質素仍然冇變價錢仲要都冇乜加過價 。海鮮方面超級新鮮，鮑魚蝦龍蝦全部都係仲識郁！ 無論要嚟打卡啦，食嘢啦，方面都真係超級推介，不過建議方面就係嘢飲如果可以有埋特色飲品啊即沖啊呢啲咁會更加好 。…Read More

食物水準只可以話係cafe中平水評，但價錢就係餐廳價錢 。整體係食物味道方面係失望 。兩人叫左一人一份burger 同一份小食。飲品方面，個杯係超細，係用超細去形容。叫左一杯可樂，同兩杯特食飲 。個杯用一個200ml -250ml 左右既杯放，大半杯都係冰。飲品去冰後…都唔知有無100ml..最後埋單$700左右。但環境裝飾佈置呢，呢一個可以話係好加分。每次有新event 都會再佈置一下。服務方面都加分既，店員有禮同會好快手收走台上既空碟。…Read More

地方不算大，但環境設計簡約又溫馨，燈光暖和，氛圍令人感覺舒適放鬆，非常適合下班後與朋友小聚。這裡最大特色係 清酒選擇多樣化，店員好nice，會耐心解釋每一款的風味，例如偏甜或偏dry，令唔太熟悉清酒嘅人都可以容易揀到心水口味。配合餐廳供應嘅小食（是日選了隱藏菜式-原來是炸魚仔，以及串燒，串燒款式都比較多，有冬陰功還有沙嗲）。相比一般嘈雜的酒吧，這裡更適合想靜靜地享受飲酒。以及可以慢慢選擇不同酒來品嚐 。…Read More

路過旺角見到呢一間舖頭，店裏面有好多打卡位，好有香港舊歷史嘅設計，一啲舊風扇啊郵箱咁樣。另外舖頭裏面有好多曲奇可以試食，曲奇方面都幾特別又有XO醬又有鹹蛋黃，但係我覺得最好食係嗰個朱古果仁脆片，真係啖啖果仁。同埋佢個快樂果醬曲奇根本就係細個會食嗰個曲奇中間有個果醬咁樣，出邊而家好多地方都冇啦，好開心喺呢度見到。忍唔住手即刻買返兩盒，另外見到啲曲奇上面有好多裝飾品，問返店員，佢話原來買多幾盒嘅話其實可以訂製特別款式。每盒平均百零蚊，今次買咗三盒。…Read More

環境超有泰國特色，坐低已經有啲「去咗曼谷」嘅錯覺午市套餐大概HK$100鬆啲，抵食又夠份量！我揀咗：🥩 泰式香草炒牛肉。來到原來是有飯 。呢一個飯係我最推介嘅，味道就稍為有少少濃味，但係如果鍾意食濃味嘅就啱晒啦。🦐 相反，海鮮炒飯就相對上冇咁濃味，但係海鮮嘅配料10分充足，如果同時之間都叫牛肉嘅話建議食咗海鮮炒飯先再食牛肉 。另外仲叫咗冬陰功湯、青木瓜沙律，再配埋一個椰青，成個感覺refreshing又滿足。…Read More

舖頭開到2:00 嘢食方面我覺得中辣有啲辣，如果唔食得辣，最好叫本身嘅小辣 。價錢都食咗幾多嘢兩個人先食咗四百幾蚊都算叫做抵食，略嫌飲品選擇比較少，只有紙包嘢飲同埋樽裝。但係嘢食方面味道都叫做唔錯，非常之係港式嗰種串燒嘅味道，會落咗孜然粉同埋辣粉 。錯嘅就係佢嘅蜆粉，蜆粉都算幾足料，味道亦都唔會話好辣呀，都算叫做係鮮味嘅，啲嘢食都真係即叫即整。所有嘅嘢食呢都似係外賣嗰種style，全部都用錫紙兜送上。整體嚟講都算係合乎價值嘅。…Read More

環境餐廳唔算大，但地方勝在乾淨整潔，感覺舒服。店員好有禮貌，而且好細心，知道我哋第一次嚟，主動俾咗個 QR code 我哋睇電子版餐牌，每道菜都有圖片，對第一次黎食嘅人嚟講好貼心。食左幾個菜式。1. Tandoori Prawns。蝦香料醃得入味，蝦烤到啱啱好，外層微焦但唔乾，蝦肉仲好嫩滑，啖啖肉，重口味朋友應該會好鍾意。2.Butter Chicken。呢個咖喱醬好香濃，有少少微甜，雞肉好滑，最正係配埋 Garlic Naan 一齊食，超滿足。3.Garlic Naan。熱辣辣上枱，外脆內軟，蒜香十足，配咖喱真係必選。4.Mango Lassi。好滑好香，芒果味濃，唔會過甜，店員提及過仲有可選鹹味。5.Lime Soda 。酸酸甜甜，食完濃味嘢飲返口清新，解膩一流。…Read More

當日我試咗幾款印象深刻嘅香煎魷魚鬚呢個真係我最鍾意嘅一道！魷魚鬚又大條又厚，最怕整到韌，但呢度煎得啱啱好，口感彈牙，好香。同特色卡邦尼意粉 。個意粉不得了！好fusion. 將意粉配埋金華火腿同臘肉，完全係中西合璧，個咸香味同creamy sauce超match～再試左21天熟成厚切豬扒 。厚切咬落去多汁，21天個肉味好濃郁。最後最後！一定要提開心果奶凍 Panna Cotta 。甜品大驚喜！menu冇寫味道，以為係普通奶味，點知係開心果！味道濃郁得嚟唔甜膩，開心果控必食。…Read More

呢間嘢真係價錢同埋份量性價比好高。份量嚟講淨係講緊飯卷啊，一個人都真係食唔晒呀成盒。裏面仲要有好多料，仲有個咁好嘅獨立包裝，方便可以外賣帶走唔使搞到好混亂。另外好好味嘅就係要提佢嘅蛋捲啊，蛋捲都真係份量好多，而且味道好夠味。但係又勝在唔會話係好重味精喎，所以啱晒啲唔鍾意好重口味，但係又鍾意食韓國嘢嘅朋友仔。地點方面就喺個鵝頸橋附近，位置都算幾方便好times Square,睇真啲原來除咗呢間仲有另外一間分店。附近嘅朋友仔可以試吓。…Read More

店員全部都係泰國人🇹🇭入到去就好似飛咗去曼谷，連音樂同燈光都充滿泰國feel。餐廳裏面有分室內室外 。同朋友坐喺窗口位，望住外面，邊飲邊傾偈，環境幾chill。試咗木瓜絲蝦沙律同椰汁雞湯，呢兩樣係最推薦 。另外就係飲品方面，平時泰國菜剩係得三色冰同埋椰青，但係呢一度叫做好多唔同飲品嘅選擇 。除咗特色飲品裏面仲有啲係有酒精飲品，原來可以同朋友一齊嚟飲下野傾下計 。仲叫咗幾款泰式小菜同特色飲品，份量啱啱好，一定會返嚟再食 。…Read More

環境餐廳唔算大，座位不多，但地方乾淨整潔，燈光柔和，感覺幾舒服。店員好有禮貌，而且好細心，知道我哋第一次嚟，主動俾咗個 QR code 我哋睇電子版餐牌，每道菜都有圖片，對第一次食印度菜嘅人嚟講好貼心。食左菜式幾個菜式 。Tandoori Prawns 。蝦香料醃得入味，蝦烤到啱啱好，外層微焦但唔乾，蝦肉仲好嫩滑，啖啖肉，重口味朋友應該會好鍾意。Butter Chicken 。咖喱醬好香濃，有少少微甜，雞肉好滑，最正係配埋 Garlic Naan 一齊食，超滿足。Garlic Naan 。熱辣辣上枱，外脆內軟，蒜香十足，配咖喱真係一流。Mango Lassi 。好滑好香，芒果味濃，唔會過甜，店員提及過仲有可選鹹味 。Lime Soda酸酸甜甜，食完濃味嘢飲返口清新，解膩一流。…Read More

本身就係為咗佢哋嘅蟹皇生煎包而去，點知老闆話：「你試埋我哋招牌生煎啦！」一咬落去真係明白點解叫招牌 — 底部煎到超脆！肉汁多到可以滴出嚟，咬嘅時候記得用碗兜住，唔係真係會噴到隔離！除咗生煎包，值得推介就麻醬手撕雞絲粉皮 。我分咗俾同事試吓，個個都話：「下次一定要叫！」如果想食得清啲健康啲，又唔想太heavy上海排骨菜飯！😌 店舖就比較細，主打外賣～依家咁熱，如果真係唔想街邊等位，買返屋企涼冷氣慢慢歎最啱！…Read More

整體嚟講係銅鑼灣食嘅話，呢個價錢呢間餐廳都算係咁。唔會太貴都叫做中位價錢。嘢食方面都算多選擇，食物水準我可以叫做中間啦，但係令人嘆為觀止或者叫做有驚喜嘅話就真係個甜品。當日我哋叫晒所有嘢食嘅時候，店員好友善咁同我哋講話可以like佢哋個社交平台，如果like完個社交平台再post埋story嘅話就會送抹茶雪糕。我哋當日叫咗個甜品啦，本身自己都叫咗一個朱古力雪糕，相比之下呢一個抹茶雪糕真係超級出色。我哋食落去嘅時候覺得好似食緊真係喺日本食嘅抹茶雪糕咁樣超級濃味 。一嚟到嘅時候好好食都唔記得影相。另外當日都試咗黑松露雞翼，同埋黑松露薯條，我覺得黑松露雞翼同埋黑松露薯條都好好食。另外個奄列飯我覺得就爭少少啦，可能因為個飯太重味道…Read More

店舖門外有幾張凳可以坐狗仔，入面餐廳分咗兩個部份，其中一個部份會有狗仔另外一個部份就冇狗嘅。餐廳嘢食都叫做中上，價位就係叫做將軍澳海邊嘅Cafe嚟講都叫做OK啦，但係嘢飲就偏貴。成日都會過嚟呢邊食嘢，個人最推介就係佢嘅burger，同埋佢嘅特色飲品，有時夏天仲會有埋西瓜汁 。Menu嚟講嘅話都算係幾豐富 。由佢本身係另外一邊一路食食到搬過嚟都跟住呢間嘢，間嘢又有好有人情味，難得有嘅小店 。希望可以繼續加油啦。…Read More

環境擺設好似泰國當地大排檔咁樣，個人覺得值得推介嘅係牛肉炒河粉，豬頸肉，同埋鹽燒魚。見佢Menu寫住呢個係人氣之選，所以就叫咗個炒河粉 。個牛肉炒河粉真係食落去真係有驚喜。特別係個牛肉好滑啦，同埋唔係嗰啲平時嘅肥牛 。豬頸肉份量size都好足夠。而且仲要配埋個醬汁一流，個人特別鍾意佢個醬汁 。再加埋個鹽燒魚諗住會鞋霎霎，點知又好滑 。份量嚟講，兩個人食好足夠。再叫埋個芒果糯米飯，簡直係完美 。建議如果想食嘅話真係早啲嚟排隊，或者夜啲先嚟。當日排咗差唔多成個鐘。…Read More