for KAFY's Profile

星期日晚上，叫了蕃薯糖水同湯丸，$26@，前者薑味濃，蕃薯又夠粉，同伴說比總店佳，人手就少d同無咁快手，但同樣地無咁趕住食完feel，空間會細d。而且不用排隊喎，不過湯丸就普通，八小粒，芝麻味ok，但個皮有少少實，唔知係咪因為煮得未夠耐還是材料原因，個薑汁糖水底係一樣的。如果再開拓一些新選擇會更好，無理由每次叫同一樣嘛～…Read More

第一次晚飯去食叫了兩個小菜，叔叔侍應推介吊桶，真係好正。黑椒蝦粉絲就一般，可能休魚期？比較細隻而且黑椒太多。但兩味菜也顯出廚師功架，雖然係貴少少，好似二百幾一個，收茶錢加一，但空間夠，坐得舒服d，下次再試下其他。…Read More

去過兩次，白灼鮮魷同椒鹽鮮魷都好好味，新鮮又唔貴（百零蚊），無味精，不是千年油，係位置稍為無咁方便，而且空間狹窄d，以味道取勝。記得要訂枱，walk in要平日好彩先有枱。…Read More

假日中午排咗15分鐘，兩個人叫咗四款食物:酥皮菠蘿包，餃子上海麵，灌湯餃，松皮芝麻包，連每位$5茶錢，共$98。價錢可接受，但等候食物需時(因其自稱即叫即蒸)，最重要的是味道很差，見圖就明。灌湯餃係我食過有史以來最難食的，肉唔新鮮，口感係一pat粉，仲要食完勁口乾！無下次了，還是去附近的點點心或者酒樓穩陣d。另外可能新開，人手不夠，叫咗幾次d姐姐根本無時間加水！…Read More

Kafy爸在灣仔返工，以前也試過呢間點點心，覺得食物質素普通，營業時間好似只到十一點，所以沒有keep住去。佢早兩個星期收工時經過再試此店，發現食物水準大大提高，尤其係蒸飯套餐，新鮮熱辣，飯粒分明，軟硬味道恰到好處，似乎係即叫即蒸。Kafy爸又發覺此店嘅營業時間延長了，老闆似乎留意到灣仔區的市場需要，有一班夜收工嘅朋友而呢d時間附近未必有太多食點心方面嘅選擇，呢點係抵讚嘅。另外，店內客源甚廣，有上班族、內地及外籍遊客(佢地有提供附圖嘅英文餐單，所以喺細節上可看出其心思)，似乎佢地喺市場推廣方面下了不少功夫，最近甚至拓展至台灣市場，似有大展拳腳之意。所以星期六就特意帶埋喜歡點心嘅Kafy媽再食一餐。當晚去到已差不多九點半，但呢個時間竟然座無虛席，所以我地被安排左上閣樓坐。我地叫左四個點心同一個鳳爪排骨蒸飯(好似係$28，另+$10有菜/豆漿)。點心分別係豬仔流沙包、蝦餃、煎蘿蔔糕同小籠包，可惜呢餐嘅整體感覺令人失望。最主要嘅問題係點心唔夠熱，而小籠包內竟然係一大舊肉餡無乜湯。奇怪嘅係我地睇到旁邊嗰枱外籍客，佢地嘅點心係有煙嘅，所以我地決定俾多個機會佢，就後加了馬拉糕和燒賣，今趟好左少少，可能d客開始少了，但仍未算好好。另一方面，雖然沒有收加一服務費，但樓上只有一位服務員係難以應付六至八枱客嘅需要(有時甚至無人在上面，有人走時就會多一人上來執枱)，基本至加水及後加餐具有些客人也要自己動手，由於樓上環境逼狹其實唔係咁方便走動，所以呢點可留意一下。最後，我地食到差不多十一點幾，只剩下兩三枱客，但職員喺仍有客嘅情況下居然開始用有強烈味道嘅漂白水洗地，咁樣做似乎唔係太妥當(我地只好埋單走人，但樓下仲有不少客人，距離收舖亦有一段時間)。整體來說，此店嘅食物份量足夠，價錢合理，但食物水準不穩定，尤其係人手可能未足以應付客量，大家喺週末/繁忙時間或坐閣樓時就要有心理準備會遇上需要自助式服務同埋食物未必夠熱嘅問題。希望佢地花多d心思保持點心嘅質量，注意及改善人手安排同工序流程先可以兼顧遊客及長期幫襯嘅本地客人嘅需求。…Read More