annie1980's Profile

第二次嚟是因為它是黃店，想支持一下我和朋友各點了一款食物，如下圖：炸三寶伴麵？（名字已忘記）三寶有台灣腸、墨魚丸和魚蛋，因為是現成食物，沒有什麼需要評價的地方，而伴麵呢，味道真是淡而無味，不知道自己在吃什麼朋友點的鹽酥雞扒肉燥飯，都是一樣，沒有什麼味道， 說好的鹽酥在哪裡？可以還給我嗎？———-雖是黃店餐廳，但可以給客人享用正常的食物嗎？我買的是食物啊！！我相信不能有下次了，第一次和第二次的食物水準都未能達標準…Read More

一行四人來到駱駝漆大廈搵食，因為同長輩一齊食，所以諗住搵返岩佢地食既口味，結果揀左呢間店。我地分別點左四個餐，包括：試管鹽酥雞：我老公見佢餐牌寫住推介，咁就揀左，點知..是一款普通的炸雞球，份量有五件，味道十分淡口，就算落埋試管粉都是沒有味道招牌紅燒牛肉麵：牛肉用的是牛𦟌肉，都大件，食落無渣，麵質一般宜蘭蔥油雞：味道還可以寶島口水雞：最好味呢個，麻、辣兼備前菜揀左-貴妃醉豬手、涼拌茄子、蒜泥白肉、白灼時蔬*魯肉飯或白飯可免費添加*服務友善…Read More

一行四人來到呢間咖啡店，入門前問問店員只飲咖啡會否招待，因為餐牌有寫住2:30前有低消。入到去最入的四人位，地方都幾迫，坐低都唔覺得舒服，因為木枱腳設計好闊，經常會撞到，去點餐出入更加唔方便美式咖啡口味偏酸不是我杯茶…Read More

極少踏足港島的我，竟然會來鰂魚涌這個商業區，因為知道今天來這邊有要事辦，一早同老公和兩位老友上網搵定好嘢食，結果搵到呢間叫「隨心」的星馬餐。我地早早大約未夠中午12點就入去，侍應帶左我地去另一邊舖， 就好似搭出嚟嘅感覺一樣，我地唔係嚟食環境，所以都無所謂啦最後我地叫左四個餐首先我吃的是海南雞喇沙$78俾我既係雞胸，好在口感唔太硬但個喇沙湯就真係不以置評香味：無辣味：無只食到椰奶味既油淋淋湯底麵有兩種：米粉和油麵兩種口感就唔好食，好嚡口老公點既娘惹咖哩海南雞飯$68咖哩：無味海南雞竟敢俾三隻雞翼同三隻雞膇，唔係呀嘛！再者雞翼都係無味，好似用水烚完放入去，過份朋友點既海南雞飯（油飯）$70我朋友話啲雞肥得好緊要，好多舊都無咩肉都係朋友點既魚蛋魚片喇沙$65佢話啲魚蛋好彈牙，不過唔香餐飲送一杯檸檬冰茶我地都叫左走冰，味道都幾甜，飲左兩啖就算衛生環境好差，經常有蚊滋周圍行員工好多，所以經常喺身邊，每食完一樣就即刻執走，服務好到呢！我未放低筷子都問我前面碗麵係咪唔食...又一直喺我地後面講：食完就出黎呢邊埋單啦（一共講左4、5次）真係唔好意思啦，「霸」左你地張枱咁耐呢間真係差到...唔知點解有好評，被騙了…Read More

一個人最好的節目，就是找一間咖啡店坐坐看看書。今次是第二次來，因為想買書，所以又來到誠品內的這間店。我最喜歡坐窗口位，天然光線充足，看書看得累時，可以望望海，放空一下。今次點了大杯美式咖啡，口味不錯不過水吧女員工態度有少許問題，希望店家能留意一下。…Read More

今次黎到屋村探朋友，順便落商場搵下有咩好食，搭扶手電梯黎到一樓，馬會隔離有間裝修得幾四正既餐廳，見唔洗等位，就入去食啦。我同朋友都揀左下午茶餐既生牛肉湯金邊粉$38連飲品食物5分鐘就到，牛肉頗大片，金邊粉亦都好大碗，下午茶份量黎講非常足夠飽肚面頭有金不換葉和蔥，聞落去幾香唯一要彈既係...金邊粉食落有陣怪味，不過肚仔無事食完後點埋杯即磨咖啡啡味唔錯，唔洗加奶亦都岩飲開飯指數服務指數（侍應姐姐們都好勤快和友善）…Read More

其實我已經聽過呢間餐廳好耐，但一直未有機會試。今日行開呢頭，所以諗都唔諗，就入左去啦！我同朋友分別點左佢地嘅皇牌海南雞飯，同埋肉骨茶，以依家嘅市道嚟講，佢嘅價錢都算平㗎啦，不過都係要睇埋個份量同質素，先再下定論。佢哋嘅座位係好迫，地方小，經常被侍應同客人撞背脊，真係一個唔小心分分鐘倒啲嘢落嚟都好容易。等左10分鐘左右，我同朋友嘅客飯都到左海南雞飯肉骨茶客飯先講海南雞，我點左油飯油飯味道正正常常，唔太油，口感唔差。但啲雞就...一放低我就見到好多雞毛無清乾淨，望見真係好核突另外雞雖然滑，但係極多肥油，可以食落口嘅肉真係好少...而肉骨茶，第一啖梗係要飲個湯頭啦，嗯，無味嘅，第二啖，真係無味個喎。再睇下入面有咩餸：三粒新擺入去煮嘅豆卜+兩粒浸到黑曬嘅舊豆卜+幾粒龍眼肉+三件排骨+好多湯渣（包括好多碎濕濕嘅瘦肉粒）真係為左填飽肚先食埋佢，....P.S. 最後臨走前真係俾個侍應阿姐淋水喺我對腳...今次真係好既唔靈，醜既靈…Read More

從火炭火車站走過來，大概10分鐘的時間，在工廈大堂一直找，直至上到12樓也找不到15室結果終於找到好心路人，一問之下，原來要在地下大堂走U型到另一邊大堂...好吧，終於找到這店 out of cafe進門後，店員詢問我們是來看傢俬還是喝咖啡，我們當然是來喝咖啡啦 自己找個位置坐，點餐則到收銀位置下單我和朋友點了二人小食套餐$98，包括兩杯咖啡和一份甜品，我們分別點了美式和latte，甜品選了朱古力窩夫美式咖啡朱古力窩夫口感不是我杯茶太脆口，吃起來像沒有餡的雞蛋仔*藍莓醬即時加分環境：***（沒有其他客人時確實很舒服，之後來了一大班人來開會就.....）食物：**飲品：***服務：****…Read More

今日特登上網搵「有食物供應」既咖啡店，因為訓晏左又未食午餐，一場黎到海濱公園，行埋過去偉業街其實真係好近，一街之隔～嚟到呢間新開的店，門面又靚靚地，就入去試下啦:)入到去望落幾舒服咁，因為第一次嚟所以拎左餐牌先再坐低睇下食咩好，唔知係咪因爲新開，餐牌同咖啡店嘅感覺係格格不入，餐牌似茶記用，裡面嘅相又影得唔靚，不過算啦.. 男友點左一份afternoon tea既熱狗伴焗薯角🌭️，點知店員話午餐薯角賣曬，轉薯片俾我地，男友梗係say no啦，攪笑咩⋯⋯ 之後店員主動話賣星期日既熱狗包俾我地，無跟任何野既，咁是但啦，我點左一份雞肉蘑菇三文治賣相就無乜架啦，食左先講重點黎啦，我男友一咬個熱狗包，嘩....點解咁硬架 好明顯擺左好耐....即刻同店員反映，佢哋話啲包只係存放喺冰箱...之後話唔好意思，再整過一份新既俾我地......而我果份雞肉三文治不過不失，但伴菜既沙律明顯變黃都俾客食最後熱狗焗返好俾我地...個afternoon tea無包飲品...但一場黎到，散叫左兩杯咖啡Americano(L) + rainbow latte(L)男友話試新野，飲彩虹拉花咖啡，但其實望落唔靚，飲落咖啡味都唔出～美式是正常的。總結今次試新野確係失望的…Read More

我和兩位朋友一齊黎，分別點左屋子叉燒烏冬、溫泉蛋牛肉定食、明太子飯團定食叉燒烏冬湯頭淡至無味，叉燒又乾又硬，太過份溫泉蛋牛肉定食牛肉都係煮到好乾，係隻蛋叫做可以吊下味明太子飯團定食推介菜式？有兩款飯團口味：明太子&櫻花蝦我食完呢兩個飯團都唔知可以俾咩食評，因為係無味架定食內既沙律、青瓜同豆腐應該係最好食，因為唔駛煮結論係，呢個價錢係用黎食環境既你想食好野？唔駛諗呢度:(*服務也不見得好，侍應成日企埋一邊傾計，差啲要自己落單自己針水…Read More

第一次嚟呢間分店食，原來呢間環境都唔錯呀，有個大玻璃窗，雖然落住雨，但望住出面食個感覺都好自在兩口子唔想諗，點左一個二人餐沙律份量可以，配料也足夠，但沙律醬太少，吃起來較乾身南瓜茸松子麵包球如果南瓜是熱的會更好味辣腸薄餅薄脆，好香口，比較喜歡這種口感多於pixxxhxx的麵包餅底飲品是汽水，選了ginger ale 服務生有笑容，要求加熱食物也不會黑面不過上菜實在太快啦，食沙律時，其他食物都上枱了，被迫先食pizza …Read More

放假係要去抖抖，今日好早出發但去唔成大澳，係少少失望，上網搵下屯門有咩cafe坐下，見呢間喺google search既第一位，就專登由屯門碼頭行過黎 講返正題，終於搵到呢間小店，好在到既時候人唔多坐低望下餐牌，因為第一次黎，問店員有無套餐，店員話啱啱過左兩點就無餐（果時2:08pm)...咁...唔緊要啦，我最後點左一份芝士熱狗同latte第一眼見到個熱狗都幾心心眼，因為份量望落幾足，但一切開...依？點解條熱狗腸變左兩條迷你腸既？有點奇怪呢，同埋醬太多，食完超級鹹飲過兩大杯水清清口腔後，熱latte就到了Latte味道不俗，很快被我喝光服務：自助取餐具，店員會送餐過來一名店員工作煮食+沖咖啡+收銀+執枱+招呼客人真係算唔錯香港人唔好太多要求啦！…Read More

無數次經過這家店門口，都不發覺有這咖啡店存在~今次來的原因是朋友在網上找到，然後就來了。我跟朋友進門後，看到的就是好簡單，純白色，沒什麼裝飾。我們點了兩杯拿鐵，咖啡香濃，但奶泡打得很粗，影響口感。但不會再來了感覺很不舒服…Read More

Waiting list第一位-平昌我已經好耐無食韓燒，因為搵唔到一間會令我想回頭食既韓燒店，今次真係有！呢間係兆萬13樓既平昌，任食兩小時，每位$188，另加一，價錢可接受啊一坐低，即刻有侍應過來，倒蛋汁在爐邊燒，超快手先點左豬頸肉，牛肋骨，同牛舌牛舌最快熟，好食，又有口感牛肋骨同豬頸肉都好食，完全唔洗點汁醬好驚喜有生蠔同帆立貝不過好多沙仲有燒鰻魚都好好食P.S.出餐好快，收碟又快，食物質素中上絕對有下次…Read More

一直想黎呢間貓cafe好耐啦，對上一次去係先施大廈不過果次無開門.....今次終於吱到少少時間過黎～～夜晚7點左右上到黎，嘩....超多人好嘈（未到暑假都咁多學生...）店員安排我同朋友坐sofa位，幾舒服好坐打開餐牌睇，好多野食，不過我地今次主要想睇貓咪同坐下hea時間，所以只點左一杯藍莓乳酸沙冰同一個心太軟～等待期間，我去搵下啲貓咪先～原來貓咪入左房呢位叫祥仔一啲都唔好奇，唔係貓既貓😼食物：心太軟$68士多啤梨冰硬左心太軟味道正常，有流心藍莓乳酸沙冰$68（因每位有低消，最少$68:(）味道....難飲，無藍莓味，雖然我都知係用藍莓糖水，但係.....真係...*我喺房望貓咪時，已經有2位staff走入黎，可能驚我抱貓？或是什麼？不知道，佢地分別喺我面前對住祥仔講說話想表現出好了解祥仔，不過對我黎講感覺不太友善。我同朋友逗留左一個鐘左右，下次唔黎了…Read More