Cupofcoffee's Profile

父親節好多人都會同老豆去飲茶，或者食飯。即使食飯都是食中餐！而我就趁父親節前夕，book左兩位，淨係同阿爸黎食日本料理，當慰勞下辛勞嘅父親！我點左D刺身、串燒，亦點左支清酒😊頭盤芒果沙律，芒果香味撲鼻，食得出係即叫即整  刺身拼盤：有6款，三文魚厚切，脂肪分布均勻，口感厚實；帶子鮮甜；吞拿魚鮮味濃郁；劍魚腩，八爪魚爽脆，仲有一款唔知叫乜魚，都鮮味十足而唔腥，各款魚生都相當新鮮  刺身拼盤配茶漬飯：這個起源於日本戰亂時期，為了給武士補充維生素C，於是將茶湯淋在飯上，這種方便又省事的食法便流傳至今！最後當然係讓阿爸來充當一回武士啦😉日本清酒玉乃光：順口清爽的口味，香味獨特，阿爸都好鍾意飲！壽司，油甘魚新鮮大件 ，飯團適中，好食  雜錦串燒: 有4款，牛肉粒大件，食落好腍，雞軟骨、雞腎爽脆，多春魚就普通D！最後食埋個甜品，紅豆粒配綠茶雪糕，粒粒紅豆增添口感，味道亦好夾！自從畢業後都很少和父親單獨食野，今次喜多郎俾到很美好的回憶，而且此店食物味道出色，環境舒適，我地食得開心，會再幫襯！…Read More

星期日放假，約左班friend去旺角行街shopping，行左大半日，又攰又餓，緊係要搵D野食下啦，但D姐妹就呢個話怕肥，果個話要返屋企食飯，結果就淨低我地兩個，我地都鍾意食日本料理，但喺旺角想搵間有水準嘅日式料理選擇就唔多，我地就上開飯網搜尋左下，發現附近新開左間“鮨心”，喜歡試新野嘅我哋，一於就上去試下啦！天氣好熱令人煩躁，入到餐廳好涼爽，心情秒速變番靚。店員熱情地遞上茶水，還因為我地係第一次黎，店員就向我地介紹一D比較多人orderr既菜式！例如大蝦天婦羅卷，蝦大隻而不失鮮甜，酥脆而不覺油膩，混合芥末醬非常惹味！特上刺身拼盤品種丰富，帶子大隻、三文魚腩厚切、吞拿魚、油甘魚等，件件都相當新鮮，口感十足  青瓜麥粒味噌，新鮮的青瓜蘸上麥粒醬，既爽脆又好吃，而且仲好有营养價值添。雞泡魚乾天婦羅，魚乾香韌而有嚼勁，風味獨特，有特色，回味無窮。厚燒玉子，玉子顏色很靚，口感軟綿，唔黏口，香甜可口，清酒煮蜆，大隻肥美，清酒味比較濃郁，而且乾淨冇沙！間餐廳整體唔錯，刺身新鮮，料理亦食得出係師傅用心之作，下次會再黎！…Read More

香港有數千間食肆，競爭激烈，要用心經營才能喺業界佔一席之地。喜來稀肉～這個在韓國超過二百間，喺香港都有五間分店的韓國餐廳。今日，我特意慕名前来，品嚐極負盛名的韓式烤肉。餐廳為客人精心準備的自助烤肉“攻略”，教你怎樣才能烤出好吃的烤肉，足見餐廳細心周到。經店員推介，點了餐廳最hit的招牌菜--護心肉，五花腩，喜來烤肉，還有烤豬皮，豬腸，牛腸等。有佳餚當然要配返杯美酒Kirin Ichiban麥芽生啤，麥香味濃郁，入口微苦，飲落卻回味無窮！前菜有泡菜、凉拌豆芽，新鮮生菜。店員将蛋浆倒入烤爐的凹糟中，利用餘溫将蛋煨熟。本人建议蛋烤至剛剛熟为佳，耐左蛋就老了。加了泡菜的蛋味道更佳，酸爽中夹带着蛋的清香。護心肉在成年猪的比例極少，物已稀为貴，可見餐廳在食材上的要求是精益求精👍，看似平平無奇的護心肉，待烤至兩面金黄，用生菜包住，再蘸上酱料，加點蒜片，口感中香味十足，肉質細膩，生菜的清甜和肉香混合一起，越嚼越香，非常好吃。五花腩，滋滋的聲音洋溢整個環境，幾分鐘後豬肉的香味也散發出來，令人垂涎欲滴！豬皮富含膠質，对女性有美容功效噢！豬皮是熟的，只需在烤爐上輕輕烤一烤即可，食落好香而且有嚼劲，撒上黄豆粉有索油的效果。豬腸在别家餐廳也吃過，牛腸就比較少見，當然唔好錯過，牛腸燒起爽脆，越嚼越香！美味的烤肉，下次還會再来！…Read More

海鮮湯鍋，必須要有一流的生猛海鮮作材料。當我食過“尚鮮”的海鮮料理後，就有呢種感覺！ 尚鮮龍皇海鮮鍋 ($398)     湯底是用大蝦蝦頭和其他材料，從中午開始用慢火细熬而成的老火湯，再放入大蝦、蜆、帶子、蟹，龍蝦等，啖湯好鮮甜，還以為海鮮會出曬味，然而海鮮的味道經過不同材料的相互輝映，反而鮮味更加突出！材料豐富份量更是十足，食極都有，服務員亦超細心，怕我哋食唔切，D海鮮過火會變韌，嗱嗱聲攞D碟幫我地撈起佢，抵讚。鮮打四寶丸 ($64)      每一款肉丸內都有不同餡料配搭，分別有：金沙牛丸，黑松露豬肉丸，甜薯墨魚丸，芥末籽鮮蝦丸。 這是師傅靠手工打出黎的，卖相精致， 食落滿口肉的香味，彈牙的感覺唔同街市買果D咁假:)。蟹皇餃（$98）內包住新鮮蟹肉和蟹膏，味道濃郁！餃子吸收了海鮮湯味，更好吃！田園盛($64), 每次打邊爐都一定會點蔬菜, 呢個係好多人的習慣和喜好，唔單止有益健康，更是因為蔬菜吸收了火鍋的精華，變得更好味，菇類、蘿蔔、白菜味道較淡就係最好的例子， 粟米本來就甜，食火鍋生菜是最受歡迎的。…Read More