chuijaieating's Profile

🔅Caligari嘅香港店真係一個好有驚喜嘅地方！佢哋嘅咖喱味道獨特，完全唔同一般日本咖喱。試過佢哋嘅「新宿定番」同「秋葉原定番」，真係食得好滿足！🔅特級香料咖喱濃厚到爆，配上日本米飯，每一口都好味到停唔到口。而且，椰汁咖喱經過低溫慢煮，豬肉同雞肉嘅鮮味都釋放得好好，口感順滑，好食到想再添飯呀😆😆😆🔅而且喺中環呢個地段，Caligari嘅性價都幾高（免收加一服務費！@@），裝修又有東京文青風格，真係好有氣氛：）…Read More

今晚收工後去咗Sogo行街放鬆，無意中發現呢間新開嘅日式餐廳，見佢環境都幾寧靜舒服就決定今晚晚餐喺呢度解決：）見到餐牌入面有幅好靚嘅蛋包意粉圖🍝，所以就決定叫呢個食：）比佢幅圖呃咗以為有兩隻汁，點知原來步驟一揀嘅係撈咗落意粉嘅口味🤣。我哋分別揀咗香濃鮮番茄🍅同牛油大蒜🧄，兩隻口味都正常唔會太濃。至於醬汁就揀咗最日式嘅咖喱汁，日式咖喱特點就係唔辣但又會有種香味喺其中，係一個好味道嘅醬汁：）最後主菜分別揀咗和牛漢堡扒同煎雞扒，兩份肉都煎得岩岩好，調味適中：）…Read More

再次嚟食鳳雛，之前都係食炸雞，今次一於試吓佢哋嘅招牌燉雞。鳳雛燉雞份量非常大大一碗，內裡配料除咗無骨雞塊之外，仲有青瓜🥒、紅蘿蔔🥕、薯仔🥔、洋蔥🧅、同埋冬粉🥢。因為有咁多配料同埋叫咗小辣嘅關係，成碗燉雞都非常之濃味，配以冬粉咁吸收哂啲汁嚟食非常之夾。燉雞咁濃味又辣，當然要叫番杯飲品送啦，叫咗呢杯藍檸梳打，正正常常甜甜哋，打卡一流。🍹前菜有青瓜、芽菜、泡菜。店員見你食哂仲會自動幫你免費Refill架🙂👍🏻…Read More

今次觀塘工廈紅雨下尋寶之旅幾滿意，但同時相當感觸！呢種港式茶仔味道看似平凡，但要喺租金昂貴人才短缺嘅新香港下生存著實困難。而且港人消費模式轉變，喺猛踩本地小店又狂讚內地食肆有多價廉物美嘅市民會唔會諗諗，第日要食到西多奶茶紅豆冰可能愈加困難？不要等到消失了才學會珍惜，其實香港仲有好多好有特色好有價值嘅舖頭仔值得大家幫襯，其實都係貴過返大陸食少少架咋😊肉醬意粉🍝嚟講一定係焗嘅最香口好食：）下午茶份量嚟講都好大碗！新鮮出爐嘅炸魚薯角～ 炸魚粉漿唔厚，但同時又做到食落外皮鬆脆，內裡面嘅魚肉細滑好食！薯角就正常發揮脆卜卜的～係好難得遇見嘅一粒粒西多士粒🥹🥹🥹對比起平時一大塊方包咁炸嘅西多，呢款一粒粒嘅西多係可以炸得更鬆脆！因為佢會有更多邊佔到蛋漿咁炸！配埋佢嘅糖漿同朱古力漿一齊食，味道一流！😋😋😋下午茶餐牌相當經濟實惠！…Read More

🔅鮮蠔仔煎餅 $135-共有四塊-鐵板上-但唔算好熱-唔係平時大排檔食開嘅趣卜卜口感-係軟淋淋嘅麵粉漿包住蠔仔-一塊大概都有三至四粒蠔仔- 蠔仔唔乾身幾好食🔅火腿芝士香腸辣湯鍋（部隊鍋）配韓國麵$330- 部隊鍋入面有豬肉片、香腸、午餐肉、大量年糕、蘿蔔、疏菜、即食麵，etc.- 價錢偏貴但份量算多- 適合一大班朋友一齊食- 湯底正常發揮，係香濃嘅辣湯味🔅餐廳設有免費任食前菜專區-有一碗泡菜-同一碗辣蘿蔔-任添食…Read More

今晚同朋友嚟咗K-Palace食飯，試咗佢地嘅醬油蟹同無骨韓式豬手，係好食嘅！醬油蟹飯$188醬油蟹嘅蟹膏好新鮮，醬汁又唔會太鹹，啖啖都係醬汁嘅滋味。配埋個味素紫菜飯，香氣四溢，令人一試難忘。無骨韓式豬手$238無骨韓式豬手嘅豬肉好滑嫩，加埋啲韓式醬汁，味道更加豐富。最好食嘅方法係同生菜一齊包住食，健康又美味。鋪頭環境舒適，服務態度好，價錢亦相宜，好適合同朋友或家人一齊去食。下次再嚟一定會試下其他嘅菜式。…Read More

今日同朋友去咗位於尖沙咀美麗華商場入面嘅新羅寶韓國餐廳食烤肉，揀咗佢哋嘅$488烤肉二人套餐。⁡套餐內容：- 烤牛脷- 薄切牛肉- 烤豬頸肉- 豆腐雜錦煲- 炒雜菜粉絲- 石鍋飛魚子雜錦拌飯- 南瓜粥- 飲品x2⁡套餐烤肉份量唔算好多，但啲肉全部都好食嘅。重點推介炒雜菜粉絲同埋南瓜粥。本身以為個粥係飯嚟，點知成碗都係南瓜蓉！好綿好香好好飲。總括而言，如果你鍾意食烤肉，而且又鍾意韓國菜嘅話，就可以嚟新羅寶韓國餐廳試試啦！…Read More

食韓國菜必定上嘅前菜：有泡菜、芽菜同埋醃青瓜。⁡半份原味炸雞$88本身以為淨係得炸雞，點知原來仲包埋一大份薯條，同一碟開胃沙律菜中和炸嘢嘅油膩感，份量好有誠意。⁡煙肉泡菜煎餅$98呢個煎餅係今餐嘅MVP！餅皮煎得香脆，內裡有泡菜同埋煙肉，味道香口濃郁，好好食。⁡芝士雞蛋卷$88雞蛋卷好厚身，包住芝士都幾夾幾好食。⁡百香果梳打$32食咁濃味嘅韓國菜一定要叫番杯野飲，呢杯百香果梳打都不過不失，解到口渴。…Read More

今日去咗葵芳新都會廣場嘅K Chef Story嘅韓國菜外賣，叫咗一份韓式炸雞同豆腐海鮮辣湯。外賣袋係一個金色袋，浮誇得嚟都幾靚。😂⁡主菜辣椒蛋黃醬炸雞（$185）係用辣椒同蛋黃醬混合調味，炸雞嘅口感好酥脆，外賣拎到番屋企都keep到，佢全份份量都幾多，分咗兩餐食先食得哂。🤪⁡另一款樣叫咗嘅係嫩豆腐海鮮辣湯（$108），湯入面有好多豆腐，但海鮮數量就唔太多。飲落味道唔會太辣又唔會太濃，幾易入口。🙂…Read More

💭餐廳內在環境裝修走木系Muji風, 氣氛舒服休閒～ 💭今晚叫咗佢哋一個好抵食嘅$368晚市二人套餐‼️▫️頭盤- 煙三文魚沙律🥗▫️主食- 明太子蟹肉意粉- 黑松露牛肝菌意大利飯▫️飲品- 草莓番石榴乳酪酸🥤- 養生花茶- 蕎麥保健茶🍵▫️甜品- 流心芝士撻🥧⁡💭二人餐份量非常豐富！最後飽到食唔哂要打包兩舊芝士撻🤣 最鐘意食嘅係明太子蟹肉意粉！明太子同蟹肉份量都好足料味道好濃，配埋蟹籽一齊食口感好好！套餐仲跟埋兩杯飲品喺餐牌任揀 好滿足呢～…Read More

晚餐唔想食粉麵飯，嚟咗呢間專門食餃子+串燒嘅小店，位於旺角通菜街地鋪，地理位置非常方便。⁡ 今次叫咗佢地嘅二人餐，一次過食哂湯餃煎餃同串燒🍡⁡餃子：▫️雲耳椰菜豬肉餃配椰子雞湯底▫️粟米芝士豬肉煎餃湯底好重椰子味好好飲！湯餃大大粒餡料十足幾好味，煎餃配有明太子沙律醬幾開胃⁡串燒：▫️燒蠔+燒扇貝▫️燒茄子▫️串燒x6 (翠肉瓜、一口牛、明太子雞翼、雞腎,etc)二人餐嚟講份量算幾足夠，最愛係燒茄子🍆重蒜好正😋…Read More

喺旺角行街行到攰，想搵間靚仔舒服嘅Cafe食個晚餐，就搵到呢間位於T.O.P.商場地鋪嘅餐廳。餐廳位置方便、裝修企理光猛、位置寬躺，整體環境係幾舒服。⁡食物方面叫咗兩份意粉，分別係▫️乾蔥乾炒蟹膏蟹肉意大利麵（$138），同埋▫️泰式海鮮冬陰功意大利麵（$138）。兩份意大利麵上枱都好香，食落味道都好濃郁，份量方面女仔食算係岩岩好。餐廳仲有不少甜品賣相望落都幾吸引，可惜今晚想食嘅窩夫去到晚市已經冇得賣，唯有搵日再戰啦哈哈。…Read More

🔸自選車仔麵▫️有多款不同麵底選擇，平時比較少見嘅瀨粉同蕃薯粉都有👍🏻唔想食麵仲可以揀菜底添🌟配餸推介：🔝自家製韭菜餃：大大粒超多韭菜，必食！🔝滷水糖心蛋：滷水好入味，蛋黃有流心！🔝甜心蘿蔔：好鮮甜！🔸特色小食▫️滷水三寶（豬腸、瑞士雞翼、豆腐）$24又係好入味嘅滷水食物，不錯▫️麻辣金錢肚 $24醬汁同車仔麵嘅四川麻辣醬一樣，所以係幾辣，金錢肚好爽口，好食▫️玻璃辣魷魚🦑$24魷魚都好爽口，但就略嫌冇咩味✔️枱面有菜脯同辣汁添加…Read More

1️⃣ 爆脆雞髀🍗 $35超大隻嘅炸雞髀，第一啖咬落真係有脆脆聲😂 味道有好多款唔同嘅shake shake粉選擇，今次我地揀咗孜然椒鹽同海苔椒鹽，啲粉嘅分量都好適中唔會過鹹。而隻雞髀雖然香口但食完成碟都係油😂邪惡嘅代價😂⁡2️⃣ 台式紅燒牛肉麵 $40 + 手作鮮果苿香綠茶 $16下午茶嘅牛肉麵分量不多不少岩岩好，仲可以半價叫杯飲品添。雖然餐牌上呢個麵係有一粒辣椒🌶️，但個人覺得唔辣🤪 牛肉係一口size夠腍易入口，麵條軟硬適中，整體不俗。至於杯水果茶入面都落咗好多唔同款水果，口感清新，可以中和番岩岩隻雞髀嘅油膩😃⁡3️⃣ 鹽酥雞扒湯麵 $38 + 芝士奶蓋黑糖珍珠鮮奶 $17另一份下午茶叫咗鹽酥雞麵，塊雞扒一樣係好香口濃味，重口味嘅朋友應該幾鐘意～ 至於另一杯半價飲品叫咗呢個超豐富口感嘅芝士奶蓋黑糖珍珠鮮奶，牛奶係用4.3特濃鮮奶，所以飲落好香之餘仲好飽添哈哈…Read More

自從疫情以嚟，外帶店鋪比起堂食店舖開多咗好多。荃灣一帶就一向出名多小食店，今次就揀咗呢間韓式外帶店。冇堂食又有咩好怕喎，我哋去野餐！🌿🌿1️⃣18件無骨炸雞配沙律 $188小店嘅炸雞總共有九種口味選擇。對於有選擇困難症嘅朋友來講，梗係揀呢個18件套餐試晒咁多隻味最Perfect! 個人最鍾情蜜糖牛油味～～ 呢個餐仲配埋兩兜沙律比你平衡罪惡感，好周到～2️⃣烤豬肉吐司🍞+紫菜粉絲卷+藍莓梳打 $63見呢間小店好似出名吐司咁就一於試吓啦。吐司包皮好厚😅但入面嘅烤豬肉就非常香口。+$21就可跟埋個小食同梳打水～ 粉絲卷好特別！用紫菜包住厚厚嘅粉絲再拎去炸，口感味道都幾好！…Read More