Andrewcheung1's Profile

第一次同老婆同細仔來呢間舖試雞煲，見前人d食評都唔差，價錢又唔算貴，就入去試下。。。。。。。未入門口，老闆娘已經係好好招呼，係門口叫我地入去試下。可能時間尚早，所以唔算太多人。舖頭唔算大間，但出奇地可以放到成架BB車係門口張枱旁邊。餐廳主打四川菜式，雞煲為招牌菜。有「蟹雞煲」同「花甲雞煲」幾特別我地兩公婆叫左半隻雞，小辣一個「正」雞肉好滑，好入味，可額外加48元加三拼腸入雞煲中⋯⋯豬腸、豬肚、豬粉腸安格斯手切牛肉片，值得推介加左4隻韮菜餃16元。。。。。。我覺得最抵係如果你叫外賣雞煲，半隻98元，一隻都係168…Read More

新年同一家大細去食，由於太多人book, 本身一個月前book, 佢都可以冇預留BB凳比我，唉！首先，講環境，雖然交通十分不便，要特登係荃灣西鐵站轉坐234B巴士先到，不過呢到環境清幽，遠離繁華鬧市。跟住講食物，呢間野食物款式不多，大部分都係好普通煮法，例如咖哩雞、忌廉意粉、清炒時菜、黃金蝦、燒汁三文魚、泰式豬頸肉、欖菜肉鬆炒飯等等。。。不過其中有幾款幾好食，好似咖哩雞、豬頸肉。。。魚生都幾新鮮，最貴價算係長腳蟹，狂食可以回本。另外，甜品都還可以。至於其他食物，咩Pizza, 喇沙湯麵，肉眼扒，焗生蠔，真係好一般。最後2個大人1個BB, 大人一位398, 買一送一連原價加一，埋單477. 平均一個人238到。呢個價有長腳蟹仲想點。。。不過好老實，如果正價398, 仲要去咁偏僻去食，應該冇人會來。…Read More

第一次同一家大小一行5人來光顧這家餐廳, 餐廳位置不算十分便利, 通過地圖亦比較難搵, 後來問路人先來到目的地。總括而言, 餐廳坐得舒服, 位置又大, 張枱又夠大, 環境真係唔錯。價錢方面, 算中高價, 平均每人消費約$170至$200, 可以食到飽, 適合一大班人食.…Read More

第一次來呢間三文治餐廳到食晚飯, 自從旺角新世紀大裝修之後, 全部格局都唔同哂, 行到邊都仲整緊, 好多都未開門開左舖果D, 真係間間舖都拍哂烏蠅.........求其行左一陣, 來左呢間三文治餐廳.....(裡面D野其實一D都唔平)款款套餐閒閒地都70幾-80蚊, (快餐喎).....叫左個G17, 酥波紅酒汁繪牛肉螺絲粉+焗薯+千島汁蕃茄女友叫左個C7, 雞肉忌廉汁扁意粉再另加多$15有個炸雞鎚, 呢個幾好味埋單兩個人$140, 不算很貴.....但對於食快餐來講, 貴左少少, 好在個樣都唔差…Read More

今次係第三次來金船長餐廳了, 品嘗過佢最出名的「黑松露三文治」之後, 今晚我又再次試另一款令人鼓舞的菜式︰蜜糖黑椒焗豬手...個汁好濃好好味, 豬手好淋, 即使唔用刀都可以用匙刮D肉出來食層皮係精華所在, 啖啖香噴噴, 果種香味就連隔離枱都可以聞到女友今次叫了招牌車仔意粉, 卡邦汁, 配料可任供選擇....雖然賣相冇乜咁特別, 但勝在味道夠正.........個「豬手」$14X,.....兩個人埋單都係$22X到, 抵食..…Read More

呢間一休以往都係我同女友的必到飯堂，食左成年幾因為呢到以往都係價廉物美........可惜的事尋晚的經歷令我呢世人都唔會再上呢間餐應尋晚(2013年3月1日)夜晚7點45分左右，本來想去朗豪坊睇戲，無奈大多大陸人排隊，搞到場場爆哂，唯有搵餐廳醫肚。來到以往都喜歡來食的「一休日本料理」相比起其他食店，呢間居然等都唔需要等，(唔知係唔係中伏前的先兆)入左去，明明有卡位，但偏偏個侍應唔比卡位我地倆個坐，問佢可唔可以轉位，佢又話冇卡位....服務態度真係差到呢.......坐低左，見到個餐牌同以前果個唔同到，靚左，大本左，高貴左，其實都估到咩事，實係加哂價一翻開，即刻「嘩！」左一聲，真係離哂大譜，個價錢比以前貴左超過50%,,,,,,聽住,,,,係50%以前一碟半磅三文魚刺身正價$25, 如果食夠$100可以用$15價惠價錢叫一碟, 依家正價要$60，食夠$100，特價果碟都要$25重點係D三文魚好差, 用特價買返來果D, 全部係肥到冇人會食果D腩位禮貌地問佢，「唔該，可唔可以換過碟三文魚」佢侍應回應係，「唔好意思呀，因為你呢碟係特價野，所以冇得換呀」.......我....!!!!!!! O 左嘴........等左一陣，我地又叫左碟「鹽燒三文魚頭」呢碟野，斷估都好難整到難食.......(價錢加幅相對比較少)唯不知，個魚頭縮左水，以前有一隻手掌大，依家得返半隻手掌大........最後叫左一碟「雙龍卷」壽司，承惠98元呢碟算係比較好食少少BUT, D飯真係多到呢....:(:(........準備離開之際，坐係我地左手邊有對情侶等左好耐都送到D野食，打算Cut 咁幾樣，誰不知個侍應行理來話「唔好意思，今日人客比較多，所以要等耐少少」跟住個客人話，「咁我想取消果碟野」侍應即刻講，「唔好意思，你碟野我地已經燒野」.........................真係吹脹........坐係我地右手邊有兩個中年男人，叫左幾款野食之後都發覺唔飽，之前見佢地叫左個「肥牛鍋」可惜，唔送「飯」，飯要自己另購..........後來，佢地見到我地叫個「雙龍卷」都食得飽，就跟我地一樣叫左......真係好無奈......…Read More

每年聖誕過後，都會同女友食一次法國大餐去慶祝佢生日 今年，就選擇左呢間LE BLANC (要預先訂枱)一入門，已經覺得好有一種法國家庭式的溫暖門口有一排座椅，我估係方便等位的食客可以坐一坐。一推開門，見面一個書架，旁邊有一座古式鋼琴，到處都可以見到點點燈光和蠟燭頭頂有不同的花圈佈置，成間餐廳充滿著一種懷舊的法式溫暖........最特別的地方就係每張椅都用白色布圍起，即使地方不大，也可以擁有自己的私人空間不過，唯一比較失望係果晚環境比較嘈吵，可能係剛過聖誕又臨近除夕，好多公司或者團體都係到開聚餐和派對！.....講完環境就講食物和服務啦！餐應侍應十分有禮，照顧到每位客人的需要。由於係法國餐廳，所以餐牌都用英文同法文去編寫。如果你唔識睇唔緊要，彬彬有禮的服務員會為你逐一講解每一道菜的名字和特色一張A4大的餐紙，旁邊有正方格，好似點心紙咁，上面分別有前菜, 湯, SALAD, 主菜, 甜品,等等數十樣為免花太多時間，我直接問侍應有咩可以推介接著就叫左前菜︰1. 法式焗田螺 (焗得好香, 但我食過比呢個更好食的)2. 法式煙三文魚 (比較Heavy)湯︰1. 南瓜湯 (鮮甜)2. 蟹湯 (鮮甜帶咸味)主菜︰1. 法式燒春雞伴紅椰菜 (隻燒春雞好嫩好香, 肉質好鮮甜, 皮又燒得好脆)2. 法國傳統燒鴨肶 (味道咸少少, 但都係皮脆肉嫩)P.S. 一上枱的法國面包和牛油是免費的，不過我另加$64配三色醬(鵝肝, 牛油, 煙三文魚)沒有叫到甜品，因為自己帶左蛋糕不過就自己帶左支香檳來飲 (呢到唔收切餅費同開瓶費):) ----- 呢個係最好食…Read More

第一次特登出沙田食M3 和牛 (打邊爐)可惜，呢間食店除M3 和牛 同埋 自己手打的丸外，其他的選擇好少M3 和牛都要成88蚊而且，價錢唔平，兩個人食，仲要其中一個係女仔，都要三百幾埋單。:(每樣野都係一碟碟計，個豬骨湯底要成108元一個。兩個字，「唔抵」！不過如果你未食過M3和牛，但試無妨最後，服務方面，都只係一般。…Read More