chengsuki0's Profile

之前呢到係出名叉燒飯嘅茶記，近期再黎發現多左個邊爐五食，好似係同其他集團合作，200幾又唔太貴就黎試下。本身見佢個牌咁多野以為係揀，點知原來係全部都有。上雞煲前可以拎小菜，一共十一款，包括炸奶、木耳青瓜、泡菜、蝦等。然後係雞煲先，有兩款揀（圖片有），我地揀左辣雞（可再揀辣度)，叫左bb辣，好好食，上枱後即炒，店員同左我地講點炒亦會keep住黎幫手炒，十分鐘食得，好嫩口而且口味同出面雞煲唔一樣。之後就上海鮮盤，係蒸好左先上，可即食，有帶子、蜆、鮑魚、壕、蝦、烏東，好大份，都好食。佢會換走雞煲嘅煲先上湯，我地揀左花膠湯（入面仲有雞），可以飲左先，之後佢會再加湯比你打邊爐，牛豬任叫但要同佢地落先有，（鮮牛幾好食，彈牙的），其他丸、菜可直接拎。飲品櫃都好多野揀，汽水、茶etc 平時見到嘅都有，仲有雪糕、啤酒都係free的，啤酒有兩款揀～而且可以食到十一點，可以慢慢食總結真係好飽但好抵食，大胃巴絲請進場🫵🏿…Read More

見呢間新開黎試下，見佢做車仔麵為主。店內全自助QR code order，我嗌左個兩餸腩汁微辣，同行人嗌左都係兩餸腩汁唔辣，但個湯底唔知點解差好遠，佢嗰個湯好淡，而我嗰個就好濃，但我地都冇揀到要濃啲or淡啲湯的。價錢方面36起嘅兩餸車仔麵，牛丸都要加錢先有得食，野飲都偏貴環境方面個景有花心機整同裝修，感覺可打卡，入黎可以感受香港舊時情懷嘅mood。總結入黎如果想打卡係幾好選擇，價錢普普通通但冇好抵食。…Read More

/食物/Cold brew用小玻璃杯和長瓶裝，附上木托盤一同送上，感覺精美。入口好smooth，不會澀或太苦太酸，十分清爽。Iced Latte 高杯裝承，綿密泡泡和鮮奶與咖啡比例很好，其中一塊大冰是咖啡冰，放耐少少都不易淡。小鬆餅與芝麻雪糕雪糕是當天指定的，每日可能不一樣口味，食落濃郁芝麻味，上面仲撒左黑芝麻，增加口感。小鬆餅有加熱，好香好好食，配上附上的莓jam（似自家製！）和手打cream，不時再同雪糕一齊食用，味道非常和諧！/環境/裝修靚是一定的，位置同枱身偏窄，較逼少少，但不會太難耐，亦不會焗。/食器/用嘅餐具大多感覺有精心揀買，很多好靚好特別嘅碟、器皿，好中意呢樣野，食落感覺更enjoy！會再去食！…Read More

叫左招牌肉蛋$32同肉鬆蛋$35三文治各一買完話要等30分鐘，不過實際時間其實不用，比預期快咗。叫左兩個基本款，而食落個味真係好普通，真係大家係屋企自己都整到嘅味黎，但價錢30幾蚊個真係好唔抵食，如果20幾蚊會覺得合理。…Read More

/泡菜豬肉湯飯/味道冇話好差只係個湯好甜，煮到泡菜都甜曬，伴飯食都ok，啱中意食甜口嘅人。隨餐會再比一碟仔泡菜，嗰碟冇煮過好食好多，係泡菜原味。入嚟嘅豬肉唔係正宗韓國菜嘅一片片豬肉，而係斬一個個長方形的，好似平時港式燒肉形咁。豬肉冇好嫩好香，比較普通。冇叫飲品不過有比到凍茶，呢點幾好，不過menu冇見到會送，如果加錢為左飲啲野濕下口就變咗唔知本身其實會送。成餐唔算太貴，但唔正宗，只可以話不過不失。/環境/係foodcourt嗰邊先有得叫飯的，要自己出去拎餐，但冇比震/發光嗰啲機仔，所以唔太知幾時有餐出，要望住個counter 同拎住單過去對number，food court 黎講呢個比較麻煩少少。清潔上啲姐姐好快手，所以環境幾乾淨，坐落幾舒服。…Read More

叫左兩款食物同兩杯咖啡（iced latte, iced mocha）咖啡好不錯，合理價錢同味道。ard $40一杯。/辣肉腸pizza/ $178其實味道不錯，圖片原本冇煙三文魚但黎到有，以為送錯，口感幾好，餅皮不會太厚/硬/軟，啱啱好嘅薄餅皮，但整體都好鹹，如果唔好咁鹹應該更好食。/菠菜雜菌青醬扁意粉/ $158一食入口真係好吸引！味道好足好好食，份量都唔係少得可憐嗰種，158黎講好抵食，但食食下就覺得好重味，加埋個pizza全部都太重味了。…Read More

嗌了兩杯奶茶兩杯都好失望😞/黑珍珠奶茶/ 少甜、少冰 $33珍珠正常味道，但少甜都好甜，奶茶有仙草味，冇乜特別，可能係特別在貴。/伯爵歐蕾/ 走甜、少冰、加小芋圓（加$6）$39推薦項目黎，叫走甜為左飲佢茶同奶味，點知係冇味的，變左好淡嘅奶水味，小芋圓亦都唔似一般芋圓煙銀，唔太好食。39蚊黎講真係好貴，同貢茶差唔多，仲要格離就係貢茶唔明點解要比多十幾廿蚊買難受。兩杯都已經係即場開黎飲，奶茶類似乎都只係靠甜味，非常有待改善。…Read More

/環境/店內座位唔算好多，但係如果冇位嘅話可以留低電話，店員會喺有位嗰陣打俾你～位置幾舒服，布置得幾靚、日系。/栗子蛋糕/食左個栗子蛋糕，個樣有少少似蕎麥麵，入面係cream, 雪糕同埋一層比較甜嘅餅。建議多個兩個人或者鍾意甜口嘅人食，如果唔係有機會食唔晒，不過食落口感都幾特別，都唔錯。仲叫左杯Americano同dirty，味道中規中矩，坐喺嗰度同個friend聚下/拍拖幾舒服。推薦大家平日去，會少人啲就唔太洗等位。…Read More

/沙嗲牛/基本操作，跟餐送嘅奄列丹多好香好好食，蛋啱啱好，丹多好香，雖然係比較油。/醬燒牛柳/牛柳好好食！！！好好食呀好好食呀好好食呀！！！大推呀！要食要食！雖然118少貴但好味的！…Read More

/Long Black/嗌咗兩杯iced long black, 咖啡味幾香，入口smooth。/Cheese Cake/本身並唔係個好中意cheese cake嘅人，但呢個確實有驚喜。cheese cake入面有少少流心，係淡淡嘅檸檬味，唔漏之餘食完飲啖啡勁夾。件cake格離仲有啲類似有加柚子嘅sauce係到，點埋一齊食口感更有層次。/環境/店內唔算好大，但啲位唔會好逼。裝修亦十分好睇，以原木色為主，牆身裝左好幾張大嘅landscape相。燈光加埋成個環境感覺好重文藝感，而且位置唔難去，穿過石板樓梯右轉就到。…Read More

嗌左一個怪味雞髀飯同一個酸辣麵仲有兩個小菜，分別係手拍青瓜同皮蛋豆腐。一開始黎左一個飯先，怪味雞髀其實味唔怪，係幾好食的，不過原來雞係凍食，但肉質都啱啱好，唔會鞋同硬。食完等左好耐先黎小菜，原來漏單，係飯打後嘅全部漏單。味道上兩樣都幾好食，味道同其他地方有啲唔同，感覺正宗，皮蛋豆腐都幾推薦。黎左小菜先話個麵冇酸辣湯底，問我地轉得唔得🤥，我地等左好耐決定cancel個麵。成間野得兩個人但勁多單根本做唔切。但公道講句野幾好食，價錢都好親民，惟望請多一兩個幫輕廚房🙏🏿…Read More