CeciChu3773's Profile

之前去過旺角嗰間咁啱生日就book 左，當時係食中午，餐點非常好，基本上冇嘢可以差評，最開心嘅係生日嗰陣時職員攞咗個爆火花嘅蠟燭，感覺好窩心啦，服務態度都非常之好。咁就諗住經過銅鑼灣再試吓佢嘅dinner，點知就瀨晒嘢。其實好老實，佢咁樣價錢食和牛，其實真係唔算好貴，但係完全唔值，不過都唔緊要，食物方面係真係有啲心機，特別要稱讚嗰個廣島蠔鍋真心好食既，好食到我同男朋友都飲埋啲湯添。但係有個女職員幫我哋收碗碟嘅時候，就咁喺我哋後方同另一位類似男經理嘅同事show 我哋食完嘅碟表示「清晒」男經理就望咗我哋個枱一眼之後笑咗一下。咩事？之後個男經理呢就上其他菜上菜既時候仲要傾住個電話上菜之餘，仲要倒瀉我哋嘅豉油碟，連講聲唔好意思啊走過嚟抹乾淨啊都無❌，咁嘅服務真係好差，有啲咩經理就有啲咩員工👍🏻簡單講一句唔會再嚟。…Read More

🌼第一次嚟呢度食燒肉，佢比出邊嘅鍋都細，如果拍拖嚟呢度就最啱，大家都可以close d呀嘛😂叫咗佢哋最貴嘅和牛拼盤，肉質都尚可，脂肪比例都可以，佢哋嘅鍋比較細，可能一次淨係可以整小小食，配埋佢哋自己嘅汁，突出到和牛嘅鮮味，另外我哋都叫咗牛舌食，千祈唔好煮泰萊會比較難咬😂Total買單千幾蚊，算係比較貴，搵唔到食都可以考慮吓呢一間，佢嘅服務質素都還可以，叫咗佢好多次個服務員，都唔嫌我地煩😂讚呀…Read More

必食推介辣辣香鍋😋😋😋今次嚟呢度唔算點咗好多嘢食，叫咗兩樣嘢食包括係辣辣香鍋，同埋佢哋嘅櫻花蝦炒飯。首先真係要講下個辣辣香鍋。入面可以揀五樣配料。揀咗，小龍蝦，魷魚，秋葵，大腸，鱔佢哋比嘅份量都好足夠，唔會話太少，整體來講整得非常香，辣度可以自己揀，啲食物都唔會煮得太老，味道啱啱好。櫻花蝦炒飯，味道還可以，因為我哋今次都係主要食麻辣香鍋，香鍋配炒飯。之後又叫咗佢自己期間限定飲品，牛油果鮮奶，冇加太多嘅糖水，所以唔會太甜。味道都非常好👍🏻…Read More

第一次嚟呢度食，建議中午嘅時間嚟食，依家夜晚都排晒隊😢今次見咗兩個大size嘅辣味和牛漢堡，菠蘿煙肉和牛漢堡佢哋嘅漢堡其實幾Juice，就算係新手入門都可以整到好好食😋真係要跟足佢嘅3秒定律，如果唔係啲和牛好快就燒焦，上菜都特別快，會送埋麵豉湯，白飯泡菜等其他配料都唔算話好突出，但係佢嘅漢堡係真係幾好食。之後叫多咗個韓式酸辣炸雞，味道唔算好辣，比較普通，炸雞唔算好熱，感覺上放咗一陣。但係都每變到沾滿晒醬汁，算係平均。…Read More

聽講桔梗開咗間新嘅分店，咁啱又近我所以就約埋friend一齊去懲罰下佢，上網睇到環境又正又有outdoor就知一定勁多人，所以我都預早一個禮拜打去book，個職員話星期六冇得預約，一至五就可以，之後我問佢係咪只有Walk in，佢同我講話係，我仲同個friend講話邊個早到邊個去攞定位先，早啲去，點知去到嘅時候，企出面嗰個職員話係冇得打嚟預約，但係可以喺OpenRice預訂，我聽到之後呆咗，咁算啦可能係啱開業，公司嘅運作未暢順我都可以理解，同埋我同我個friend真心想食，點知我哋兩個人足足喺出邊等咗45分鐘，好記得由6:30等到7:20，仲要而家只可以食到10點，變咗我哋想坐耐啲都唔得，最尾我哋揀咗outdoor,當我哋出到去坐低嘅時候見到起碼有三張空枱或以上，仲要到最尾我哋食完走嘅時候嗰幾張空枱仍然都係冇人坐，真心堅嬲😡😡😡😡😡至於嘢食果方面，有個叫夜市酥炸海鮮，嗰個幾好食外脆內軟，啲粉又唔厚，最想試嗰個牛肉千層麵賣晒，最尾試左個花雕雞雞肉燉飯，麻麻地，冇乜特別，完 句號…Read More

呢一間book嘅時候揀咗indoor，入面嘅環境好舒服位置空間都好大👍🏻🌼食物推介粉絲煲👍🏻，佢嘅帶子同蝦都好新鮮，個煲出嚟嗰陣時好熱，粉絲煲一出到嚟一定要不停搞，如果唔係就有好多粉絲燶底。但整體來講都非常好食😋🌼其他食材都比較一般不過不失，有啲似大排檔都食到嘅嘢😂咁當然係高級大排檔啦😂另外我覺得佢哋嘅服務都幾好👍🏻係咁叫佢幫我哋影相都唔會話煩👍🏻值得稱讚。下次可能會嚟不過可能坐出邊感覺會好啲👍🏻…Read More

今次嚟咗呢度食咗個tea😋地方比想像細，個外觀跟圖片相似今次試左afternoon tea sat，比我想像中好食😋中間同下面多數都係鹹點，比較突出嘅係最底嗰層嘅🌼煙肉芝士鬆餅，出邊有好多tea sat都有鬆餅但係佢呢一個都幾特別，非常夾得來，好香煙肉味食起上嚟都唔會話太留，值得一試👍🏻🌼中間嗰一層有一個青瓜包住既，個一個都好好食😋唔會太流感覺好新鮮🌼最上一層係甜品類最好食嗰個係個啫喱杯，唔會好甜感覺啱啱好，好Flash，上面有幾粒紅桑子，說真的真係好酸😂不過又幾配👍🏻整體來講兩個人係可以食晒成個T，佢食完又唔會好制，感覺上都啱啱好。飲品方便我叫左個檸檬茶。熱水任添😂😂…Read More

比較其他韓國街嘅韓國店，這一間比較有家的感覺，因為佢嘅味精唔會太濃，。呢一間野已經食過兩次，兩次都係點唔同嘅菜，兩次嘅菜式都整得非常好👍🏻，不過今次叫咗個煎餃子🥟上菜嘅時候餃子皮全部爛晒，呢仲感覺唔係幾好，但係未到嗰啲都可以嘅。🌼今次叫咗牛脊骨湯，湯味清淡，清淡得來冇乜味精，湯料都好足。🌼豚肉拌飯，呢個飯真係值得推介，因為真係幾好味😋加埋佢哋自己嘅汁一流👍🏻…Read More

呢間應該新開冇幾耐，比較隱蔽要上閣樓，下面見到全單八折上去試吓😋今次叫咗個壽喜燒，同埋佢哋嗰度最靚嘅和牛，受喜燒本身個豉油比較甜，可以帶動到肉嘅鮮味，佢嘅牛肉非常新鮮，色澤紋路都非常靚，可能係因為最貴嘅原因😂今次一叫就叫咗三碟和牛，加一碟豚肉同埋生蠔🦪，佢嘅生蠔有啲似新鮮生蠔唔係罐頭生蠔，食落去非常甜美，另外我哋仲加左烏冬，整體來講食物都ok，但價錢就見仁見智啦，都值得一試嘅👍🏻呢邊燒酒嘅種類多 ，想傾吓計聚下會可以揀呢一間…Read More

呢度嘅壽司性價比高，環境都唔錯，同埋佢呢一度嘅Wasabi如果我冇估錯應該係即磨新鮮Wasabi😋不過就唔算太攻鼻。今次叫咗個三色丼，豚肉飯，枝豆。🌼三色丼分別有吞拿魚，海膽，蟹膏三個都做得好出色，感覺上都幾新鮮，同埋佢啲食材都好足料，如果唔怕食生嘅可以食呢一個。🌼豚肉飯唔知係咪食嗰陣特別肚餓😂佢嗰個豚肉飯真係好好食，又抵食又飽肚，豚肉爽口唔會太老，同埋份量都幾多一個人食晒都好飽。另外仲叫咗個灼燒拼盤，呢個要即刻嚟即刻食😂熱熱地咁樣口感唔錯🌼同埋呢一間佢嘅壽司飯撈埋豉油喺入面，齋食唔點豉油都可以，呢個好讚👍🏻整體來講感覺唔錯，可以再嚟不過性價比係真係有啲高。…Read More

係九龍灣少見嘅川菜館，食物方面較為普通，今次點左個酸菜魚同埋片皮鴨，大致上都係平平無奇，記得第一次食嗰陣時覺得幾好食，所以就再嚟第二次，點知疫情之後開返，好似差好遠咁，變得平平無奇。可以去試吓嘅，佢啲茶都幾有心思，比較多選擇，我揀咗薰衣草茶，夜晚瞓得好林😂…Read More

呢度嘅裝修真係真係幾好嘅，但係......呢度啲菜式講真我去食茶記唔好😂10分普通，份量又小👉🏻陳浩南乳雞翼，一啲南乳味都冇，普通炸雞翼買你$80👉🏻菠蘿冰，真係千祈唔好嗌，糖水加菠蘿，杯野又細🙄等咗差唔多20分鐘先至到齊左啲餸要咗嗰兩個白飯都要等成6分鐘。餐具又冇，Menu又冇。基本上入到去係全自動控制，我唔知道係小員工定係點，定係新開張。但係真係估唔到新開張會係咁樣😂😂食呢三樣餸加兩個白飯都要$300只可以講好失望🤷🏻‍♀️都係果句啦沒有下次😂…Read More

以我所知係觀塘只有3間拉麵店，好老實咁講㗎呢一間算係最好。叫咗兩碗拉麵，佢嘅拉麵嘅硬度適中，濃度嗰啲都可以自己揀，湯底都可以自己揀，雖然感覺上佢嘅肉有啲薄，但其實食一碗已經好飽，佢嘅拉麵真係不過不失，反而佢啲餃子幾好食，咬落去有啲湯汁流出黎，餃子係一個唔錯嘅選擇👍🏻店面細店員少，可能去到要等一陣。所以都係比較推介中午去食噢。…Read More

當我諗緊揀間泰國菜都差唔多嘅時候，食完呢一間之後就覺得原來有好大分別。🌼必食推介香炸蟹肉粟米餅冬陰功湯泰式雞肉肉碎包🌼首先講吓個粟米餅先，非常之酥脆可口，咬落去粟米係會爆汁，蟹肉嘅份量都可以，係真係估佢唔到🌼冬陰功湯好耐都冇試過咁好味嘅冬陰功湯，係真係食飲到少少泰國風味，佢唔會太講辣，適合返我哋香港人嘅口味。🌼肉碎包，呢一個雖然冇乜特別，同出邊嗰啲差唔多，但佢真係好香，佢加咗啲香葉落去，真係啖啖肉，仲可以叫佢加l菜。其餘嗰啲都可以試吓，但就唔係首要推介，一定要試前面嗰三個啊🤯🤯🤯🤯…Read More

如果要食台灣野，我只可以講唔會選擇喺呢度食。比普通更普通，沒平凡更平凡。其實佢舖頭擺得冇錯，出邊就係買嘢飲。佢呢間野嘅嘢飲確實係唔錯，行過錯過可以試吓佢嘅珍珠奶茶🧋但當我入到去食裏面嘅嘢，真係一啲驚喜都冇。所以我都唔多作評論，呢度啲嘢唔算貴，但真係一般般。試過就知㗎啦。…Read More