豕者豆頁's Profile

今晚難得同朋友聚舊，一班人去到旺角從溫逝去日子，天氣悶悶熱熱，大家最後決定食D重口味既韓燒開心下。一行人上到去Bbq7080，睇個名就知係為我地70，80後而開。出𨋢一望，地方雖然唔大，但座位尚算寬敞，燈光光猛，非常岩班人出黎gathering聚腳，吹下水食下野行到熱晒，未叫野食就先點左罐桃汁，味道okay唔會太甜痴喉，順帶一提，任飲既玄米茶夠凍夠濃味，不俗！前菜係滑豆腐，酸酸甜甜既汁開胃，為之後做好準備！順帶一提，所有服務員都係正宗韓國人，服務非常貼心，仲問我地係咪第一次黎，解釋俾我地聽要先開爐一段時間，等Pan熱左先放食物，燒好一面，待肉汁一出就反轉，之後再稍燒就食得。我地點左豬皮，帶子，豬頸肉牛舌豬皮（必須配黃豆粉!）先燒背面，待變硬再燒反面，等佢變金黃起卜就可以剪碎分黎食！口感有別平時既豬皮，煙煙軔軔反而似係燒年糕，配店員姐姐介紹既黃豆粉確係一絕（小心豬片過沒度活躍會跳起身）帶子+wasabi oyster 醬帶子同醬汁一必用錫紙包好，未燒賣相已經好吸引，幾乎成為朋友既刺身。一路燒醬汁香味邊飄出黎，由於係店員姐姐親自幫我地燒，所以火喉控制得相當好，無煮到熟到爛晒，大約係7，8成熟。建議叫呢個既朋友都叫店員幫手燒一下！可以乘機同店員姐姐交流交流，come沙密打！濟洲黑毛豬後豬頸肉比起泰式豬頸肉更彈牙，但唔會咬唔開，每件都肥瘦均衡，任君選擇！因為肉質唔會太吸汁，建議點濃味既面鼓亦唔會太咸！牛舌薄經典牛肉燒必點。有水準，爽口，唔軔，一口一件，佐酒配海鹽一流！整體服務同食物質素都良好！有機會絕對會再戰！…Read More

是日晚餐由於被臨時甩底, 所以唯有孤軍作戰, 但係九龍城人生路不熟, 唔知食咩, 行行下見到商場有間裝潢幾"試正"既日本餐廳, 就膽粗粗一個人貢入去試下坐低無耐, 就有個好好笑容既姐姐埋黎招呼我, 原來一入座就會有刺身拼盤送, 入面有海膽, 有螺, 有蝦雖然係送既, 但絕不敷衍, 唔錯唔錯一個人的晚餐, 又係任食, 點菜無咩難度, 所以一口氣我就點晒要既野食溫泉玉子無用過咸既豉油浸住, 淡淡既醬油伴送滑溜玉子滑入口既感覺果然係"賣飛佛"冷烏冬冷烏冬只以紫菜伴住上, 夠寡, 非常好! 叫得冷烏冬就係想清清地, 最驚出面有D鋪頭, 整多舊魚蟹粥綿綿既粥底, 無潮州粥既硬, 但又未去到廣東粥既幼滑, "不"起身時稍微黏住匙羹, 唔錯!加上足料蟹底同栗米粒, 有驚喜個人刺身特盛餐牌無架....個人嘛~噓! 點左三文魚, 希靈魚, 油甘魚....三文魚不過不失, 反而係油甘魚同希靈魚比較特出, 魚油味好重, 食落口有種食肉類脂肪既感覺之後仲ENCORE左多一次TIM串燒日本蕃薯外觀好趣緻, 細細粒, 一粒一啖, 熱辣辣甜甜地, 幾得意台灣荔枝味特飲一如其名, 就係荔枝味特飲!!…Read More

是日收工經過尖沙咀, 想食D香口既做晚餐, 但礙於係港島人, 對尖沙咀地理一竅不通, 所以就打開OPENRICE諗住搵下附近有咩食串燒既餐廳咁岩見到呢間餐廳名幾得意, 但CLICK入黎發現D食評仲得意. 負評相又無, 全部都係新帳戶, 相都無張. 我心諗唔係真係難食到特登開個新戶黎寫嘛? 所以我決定上樓見識下呢間餐廳既盧山真面目剛入門口, 感覺裝修擺設還好, 係就係有DD迫, 不過未至於話轉唔到身. 侍應生既反應亦都好快, 由於係單槍匹馬, 所以只點左4個野食: 鹽燒厚切牛舌, 牛柳粒, 汁燒翠玉瓜同海鮮焗飯食物大約10分鐘左右就到: 鹽燒厚切牛舌厚切合格, 表面燒得稍硬, 但內裡肉質依然夠彈牙, 配簡單鹽燒, 唔洗點醬汁都好夠味牛柳粒一口牛柳粒, 細細, 感覺有D似食緊牛舌, 不同之處係一個彈牙, 一個嫩滑, 不錯汁燒翠玉瓜燒得好好, 保持到瓜既原味唔會DRY海鮮焗飯非常足料既原隻青口, 賣相不俗. 稍嫌飯太乾身食完感覺可以, 雖然唔可以話係頂級水平, 但亦未至於有某類食評食得咁差. 特別係話串燒上檯時係凍既...如果係小弟, 一定會要求店方換過一碟. 試問即叫即燒既食物, 又點可以凍住就奉客呢…Read More

是日於旺角區工作，途經見到呢間拉麵店，即刻唔洗愁食咩做晚飯！一入店就立即點左個雷拉麵，試下D基本野。店內裝修唔算華麗，但簡約既檯凳感覺都唔錯，特別鐘意牆身同地板raw既質感，營造左舊日式市場既感覺，後尾發現，連洗手間都貫徹呢個風格，值得一讚！拉麵送上，賣相非常好麵入口第一刻有少少唐突，問過師傅，原來麵並唔係外來貨，而係特地訂制一部拉麵機每日新鮮製造，所以味道同質感絕對全港獨有。之後係湯，相較起現時有名氣既拉麵店既湯底，呢碗麵可以話係清泉。無多餘既調味，師傅，而係實實在在飲到豚骨湯既味。加上薄切片，肥瘦均衡既叉燒同原片紫菜，呢餐我非常滿意。特別滿意在於，出門口後既半個鐘，我都唔需要灌水解渴，淨係呢點，已經非常難得！題外話：食麵既時候仲偷睇到隔離檯個麵有好大隻帶子刺身，翻看餐牌應該係青麟拉麵。咁特別既配搭下次一定要試下！…Read More

是日晚上女友同友人聚餐，唯有一個人食自己。一個人既時候最適合就係尋幽探秘，試D未食過既餐廳！最後決定搵間排長龍既入去試試！坐低拎起張Menu，圖片張張都咁吸引，由於好肚餓，所以就一共揀左紐西蘭A級香草羊扒同埋黑魚子蟹肉燴闊條麵兩個紐西蘭A級香草羊扒一向鐘意少少蘇味既羊腿扒，今次個羊扒幾令，配簡單香草汁唔會蓋過羊本身既味道，而且嫩口無筋，火候岩岩好！蟹肉闊條麵麵條略嫌少少硬，但蟹肉比想像多同埋有口感，仲有少有既黑魚子，味道夠晒特別整體黎講非常滿意，希望下次黎可以試埋個燒羊架同鴨胸啦。備註：睇得出店內裝潢店主落過好多心機，淨係呢份執著就已經加晒分！…Read More

是晚球隊係北角練完波，做完運動寧舍肚餓，所以走左入潤記醫肚，一共點左3個餸！京醬雞中翼京醬幾香，雞中翼size合理，但係雞中翼本身唔夠味，有d醬還醬，翼還翼既感覺豆豉鯪魚油墨菜家常菜式，豆豉鯪魚都係果d，油脈菜幾新鮮，而且碟頭夠份量,送飯食一流海鮮豆腐煲份量十足，海鮮其實係獅子狗蟹柳加蝦仔，不過整體味道都唔錯同場加映菠蘿冰少冰！不得了！好.....甜！佢係凍檸水既base加罐頭菠蘿！總結：抵食夾大件，就宵夜而言係個非常好既地方！…Read More

是日去接女友收工, 難得黎到灣仔, 夾硬拉左女友陪我再食土耳其捲 xdd上次食既係牛捲, 所以今次決定食雞捲, 而女友則點左個雞飯雞捲可能由於始終係雞, 食落味道無上次牛捲咁強烈, 但仍然同一般家家雞, 密乜勞既雞味大相逕庭. 加上檯面可以任意挑選的醬汁別有一番風味雞飯香噴噴既飯味撲面而黎, 飯用既唔同平時食開既米, 係比較尖身既米粒, 無咁而因索水而濕身變軟, 令入口時保持到每粒米飯既質感, 而且份量唔係一般既大, 算係值回票價我一向比較抗拒連鎖餐店, 因為一式一樣的餐牌, 標準化的食物實在乏味有時寧願周圍去試一D特色小店, 佢地既好處就係, 你永遠唔會估到佢既食品質素, 雖然有時驚有時喜, 但咁至係人生嘛! …Read More

今日難得一日中午經開銅鑼灣, 終於可以同女朋友食LUNCH. 及後路過見到嵐喬, 描一描入面好似幾精緻, 決定入去一試我點左個蔥伴油甘魚飯跟細烏冬, 女朋友則點左個壽司定食雖然好旺場好忙, 但係侍應姐姐都好有禮貌, 而且食物都好快就送到蔥伴油甘魚飯魚生非常新鮮, 唔同一般平價午市既質感, 而且切功不俗易入口, 配上珍珠米飯超出我預期.細烏冬至於細烏冬用既係清清地既醬油湯, 幼身既烏冬加清湯正好解左魚生飯既黏口感整體黎講不俗, 亮點主要係魚生, 我見其他檯既刺身魚生定食都好精緻, 有機會晚飯再黎一試佢既刺身先!…Read More

今日放工本來要去打波, 但因為太攰, 所以決定運動留番俾個胃做就算輾轉一輪決定去魂搏一搏. 點解講搏一搏?因為之前黎過兩次都摸門釘, 一次係下午落場, 一次係公眾假日休息....所以雖然第一次食, 但已經拜訪三次了!!排隊既時間店員已經俾左點餐紙我地, 以便入去時可以更快落餐. 我地決定叫一個魂, 一個太極試試等左大約10分鐘, 終於入店了!!店面比較細, 坐得密麻麻, 還好天氣稍涼, 唔係食熱騰騰既拉麵都肯定一身濕晒...坐低大約1分鐘, 拉麵就送上了!!魂食材係碗入面既配置賣相一流, 未開始食已經加晒分!豚骨湯底香濃, 夠鮮又唔會太甜, 叉燒肥瘦相間分明, 賣相吸引! 而我至愛的溫泉蛋亦夠甜, 讚!太極賣相比魂更特別, 因為中間多左一"督"金萡蟹膏, 賣相滿分!墨魚汁湯底比一般湯底多左一份膠質, 同拉麵配起黎又令一種口感, 好特別!蟹膏味道好掛口, 最好配拉麵同時食, 唔係會搶晒其他食物既味喔食物真係非常好, 色香味俱存, 唯獨係實在有d熱....夏天前必須加強空調啊....…Read More

是晚收工同女友二人, 想食D湯湯水水既, 但又唔想成日食拉麵, 最後決定左黎鳴門魚湯麵亭食番碗烏冬今次已經係第三次黎啦! 雖然店面唔算大, 裝潢亦一般, 但係由於佢煮烏冬既魚湯非常鮮味, 所以一再吸引我地黎 (而且服務員既態度亦好親切!)一坐落黎, 就我叫左個招牌石鍋鮟鱇魚湯讚歧烏冬, 女友則點左豚肉片烏冬招牌石鍋鮟鱇魚湯讚歧烏冬用石鍋上檯, 等魚湯上檯時依然保持一定溫度, 香味. 鮟鱇魚湯係遠洋自日本搵番黎既, 鮮魚味特濃但又唔會腥, 配上彈牙既讚歧烏冬簡直PERFECT, 配菜什麼都已經係其次了!! 食完個麵記得要將魚湯一乾而盡, 因為魚湯先係主打, 唔好浪費啊!!豚肉片烏冬魚湯一樣係鮟鱇魚, 但用一般碗上檯, 端上黎時溫度剛好唔會太熱, 而鮮甜既魚湯配上肥美既豚肉片亦不俗, 但都係果句, 魚湯先係重點, 哈哈!第三次黎了, 只可以講.....一切只為了魚湯!…Read More

今日午餐由於要見重要客戶兼老朋友既關係, 要搵一間好坐, 有質素又有私人空間的餐廳, 經朋友介紹下終於揀左雪舟我地一行三人. 我自己就要左份商務午餐, 朋友就分別點左兩份鐵板燒午餐茶碗蒸，日式蒸蛋。蛋彈滑唔在講，特別在配料有蟹柳，白果，橙皮，後兩者帶的少少甘，反而令蛋食落更甜刺身拼盤呑拿魚非常肥美，無一般刺身店的韌身，令一向唔好吞拿的朋友都讚不絕口。法國鵝肝配以黑醋醬汁，料理時已經好香，成間房都充斥住佢既香味，（抽氣系統絕對值得一讚！）食落口香而不膩。過往小弟食鵝肝都配以多士以防太滯，今次師傅配以新鮮蜜桃感覺都唔錯！南非鮑魚上台時仲同我say緊hello! 已經唔可以用新鮮黎形容，應該叫生猛！古人曰君子遠庖廚……可惜，民以食為天！面對如此食物，又點忍口呢…今次師傅用昆布襯托鮑魚好特別，因為昆布本身無味，所以雖然白酒牛油味道頗濃，但都唔會over。師傅控制火侯剛好，鮑魚肉質唔會太實或太林和牛胸內膜非常重牛味，第一次食好特別。師傅話係肋骨內膜既位置，所以位置會比較血紅，牛既味道會更濃，個人認為配以鹽作調味就最好，因為更加原汁原味！炒飯選用日本雪菜，並有鍋花米紙，上台好靚。日本珍珠米本身比較圓潤，吸水力強，所以炒出黎既飯唔會太過乾身又有彈性，不錯！面豉湯當中食到一粒粒既面豉，師傅話因為全部堅持自家磨制，並唔係粉開。睇見朋友個鐵板餐都幾吸引, 希望下次有機會再試試啦! XDD …Read More

是晚收工夜了, 9點左右先有時間食飯, 於是同女朋友行左出去東大街搵野食由於東大街成日都幫襯, 我地決定由未食過既開始試下, 最後入左仍然有唔少客人既多寶車仔麵一開始好失望.....因為無論係點....脆皮腸鹵水豆腐 魚皮餃韮菜餃抑或墨魚頭通通都.... 無!最後只能點蘿蔔豬紅菜底同椒鹽魷魚鬚+炸雞中翼蘿蔔豬紅菜底蘿蔔夠稔, 而且入味. 豬紅夠味亦彈牙, 非常好!椒鹽魷魚鬚味道夠濃, 唯獨係上檯時唔夠熱, 所以香味唔夠吸引, 但食落都係唔錯的炸雞中翼被女朋友極速殲滅了, 無機會試, 但以被殲滅速度估計應該唔錯…Read More

是晚同女朋友睇完影畫戲, 由於早飯飯既關係有D肚餓, 但街上的選擇已經唔多,  所以走左黎渣甸街既上海香港麵家食宵夜!雖然大部份食店都已經關門, 但呢度仍然客似雲來, 有堂食既, 有外賣栥飯既, 更有開車黎開宵夜既, 認真熱鬧.我地倆小口最後點左一個鱔糊麵, 拍青瓜, 菜肉雲吞同埋一杯凍豆漿鱔糊麵係用上海麵, 麵質彈牙, 唔錯. 鱔糊既味道亦可以, 但鱔的份量實在太少....幾乎都係食緊芽菜....大概是因為價錢問題吧??拍青瓜由於太心急食, 影唔晒全碟 =P醋落得好勁, LIKE酸朋友可以一試, 不過遺憾青瓜係用切的, 並唔係期待中拍出黎既口感菜肉雲吞大大隻, 雲吞餡料新鮮, 配埋熱辣辣既湯非常好, 為今晚最滿意既環節凍豆漿豆味一般, 骨碌骨碌的喝光, 沒法附圖抱歉!!…Read More

今日約左朋友去旺角睇影話戲，由於朋友遲到，所以唯有自己食自己，行下行下，就俾呢間磁磚，吊燈，海報，充斥懷舊氣氛既皇后冰室吸引左入去。為左等佢！我點左一個煎大蝦香辣野菌墨魚麵，外加瑞士雞翼同焗田螺補償自己！煎大蝦香辣野菌墨魚麵大蝦果然好大無呃人！開邊煎香既大蝦，燒得好香，因為已經開邊關係唔會食得好麻煩，墨魚麵帶少少辣感覺唔錯，自己一向小食啲多忌廉嘅嘢，呢個墨魚麵配番茄，洋蔥嘅配料一齊煮，幾啱我口味。由於小弟一向唔食辣，所以鐘意辣既朋友可能會覺得唔夠辣…瑞士雞翼一共三隻，係＄２９加配組合實在超值！雖然無太大驚喜，但甜汁OKAY入味，算合格！田螺焗薯蓉上台時熱辣辣，好香薯味，焗過嘅薯蓉外面小小脆，裡面就軟綿綿薯蓉，輕點隨上既茄汁已經非常美味。田螺幾肥大，一個人食哂五隻都真係幾飽肚，但略嫌鮮味不足，但整體都還可以啦！以晚市黎講，一個主餐配兩個質量小食再加凍飲，係旺區算中等價錢吧！想醫肚又想食好Ｄ既不失為一個好選擇！…Read More

天氣凍特別想食香口惹味既，咁啱朋友之前介紹個間食串燒燒烤既係附近，於是就收工就走左去山林道既Kebab BBQ Shop由於只係一個人，等左幾分鐘就有位啦！（算係一個人食飯既優點…？）店面唔算大，但係睇得出布置上花過心思，黑白簡約風簡單利落！我至愛!由於好肚餓，所以一共點左4款食品：香濃黃金蒜蓉燒扇貝燒日本鰻魚醬燒宮崎黑豚肉燒魷魚筒糯米飯香濃黃金蒜蓉燒扇貝扇貝比我想像中大隻（好多串燒店都用迷你版…）。個名亦無改錯，的確係香濃蒜蓉味，而且燒出黎個賣相好靚，如果唔係太飽會encore!燒日本鰻魚燒鰻魚好多串燒店都會有，欣賞呢度既燒鰻魚唔會燒至太乾身，外脆內嫩鎖住鰻魚既鮮味醬燒宮崎黑豚肉肥瘦均勻，燒的火侯恰好，面層一點的焦突顯燒汁同豚肉自身既鮮味燒魷魚筒糯米飯煙韌既糯米飯吸收左魷魚既香味，配合彈牙既魷魚筒。一口彈一口軟作為是晚最後一道菜非常完滿 …Read More